ཀཊི་མཱན་ཌུ

ཀཱཊ་མཱན་ཌུ།

ཀཱཊ་མཱན་ཌུ་(ཀཱཊ་མཱན་ཌུ་ཁྲོམ་ཆེན) འདི་ནེ་པཱལ་རྒྱལ་ཁབ་ཀྱི་རྒྱལ་ས་ལྟེ་བ་ཨིན། ས་གནས་འདི་ལྷ་ཁང་ཡོད་པའི་ཁྲོམ་ཚོགས་ཟེར་སླབ་དོ་ཡོདཔ་དང་ ཆུ་མོ་བག་མ་ཏི་དང་ཝིཤ་ནུ་གཉིས་ཀྱི་ཆུ་འཛོམས་ལུ་ ཆགས་ཏེ་ཡོདཔ་ཨིན། རྒྱལ་ས་འདི་ རྒྱལ་ཁབ་ཀྱི་ཁྲོམ་ཚོགས་སྦོམ་ཤོས་དང་ཡོངས་གྲགས་ཅན་ཅིག་ཨིན། ས་གནས་འདི་ འབྱུང་རབས་དང་ ལམ་སྲོལ་ དཔལ་འབྱོར་གྱི་ལྟེ་བ་ཅིག་སྦེ་རྩིཝ་ཨིན་མས། ས་གནས་འདི་འཛམ་གླིང་སབ་ཁྲ་ནང་ལུ་ སྦྲལ་ཚག་ ༢༧ ༤༣ བྱང་ཁ་ཐུག་དང་ ༨༥ ༡༩ རྒྱལ་ཁབ་ཀྱི་ཤར་ཕྱོགས་ཁ་ཐུག་ལུ་ཆགས་ཏེ་ཡོད། སྤྱི་ལོ་ ༢༠༢༡ གི་རྩིས་ཐོ་ནང་ ས་གནས་དེ་ཁར་གྱི་མི་རློབས་ ༨༤༥༧༦༧ དང་ ཁྱིམ་གུང་ ༡༠༥༦༤༩ ཡོདཔ་སྦེ་བཀོད་དེ་འདུག། རྒྱ་མཚོའི་མཐོ་ཚད་ལས་ཕིཊ་ ༤༣༤༤ (མི་ཊར་ ༡༣༢༤) ལུ་ཆགས་ཡོདཔ་དང་ དེ་ལས་བརྟེན་གནམ་གཤིས་འགྱུར་བའི་རྐྱུ་རྐྱེན་འབད་དོ་ཡོདཔ་ཨིན།

ས་གོ་འདི་ སྤྱི་ལོ་ ༧༢༣ ལུ་ར་ཇ་གུ་ན་ཀ་མ་དེ་བ་གིས་གཞི་བཅགས་ཡོདཔ་ཨིན་པས། ས་གནས་ཀྱི་མིང་ལུ་ ཧེ་མ་ མཱན་ཇུ་པ་ཊཱན་ཟེར་སླབ་དོ་ཡོདཔ་མས། ས་གནས་ཀྱི་མིང་འདི་ ད་རེས་ཌུར་བར་ཨིསི་ཀོཝེར་ལུ་ཡོད་པའི་ ཀསི་ཐ་མཱན་ཌབ་ལྷ་ཁང་ལས་ རྟ་འདྲངས་ཏེ་བཏགས་བཏགས་ཨིན་པས། ལེགས་སྦྱར་གྱི་སྐད་ལས་ ཀསི་ཐ་ཟེར་མི་འདི་ ཤིང་ལུ་གོ་ནི་དང་ མཱན་ཌ་པ་ ཟེར་མི་འདི་ ཚོགས་གུར་ལུ་གོ་ནི་ཨིན་པས། ལྷ་ཁང་འདི་གི་ཐོག་གསུམ་འདི་ ཤིང་གིས་བཟོ་ཡོདཔ་དང་ ལྕགས་གཟེར་དང་རྒྱབ་རྟེན་ག་ནི་ཡང་མེད་པར་རྐྱབ་སྟེ་ཡོདཔ་ཨིན། ཤིང་ལས་གྲུབ་པའི་ལྷ་ཁང་འདི སྤྱི་ལོ་ ༡༥༩༦ ལུ་ ར་ཇ་ལཆ་མཱན་གྱིས་བཟོ་ཡོདཔ་སྦེ་བཤདཔ་ཨིན་པས། ལྷ་ཁང་འདི་ ༢༠༡༥ ལུ་ ས་ཡོམ་རྐྱབ་པའི་སྐབས་ བྱེམ་གྱིས་སྦེ་མེདཔ་བཏང་ཡོདཔ་ཨིན། ས་གནས་འདི་ཁར་ སྤྱི་ལོ་ ༡༧༦༨ ལས་ ༢༠༠༨ ཚུན་ཚོད་ གུར་ཁ་གི་ཤཱ་བརྒྱུད་འཛིན་གྱི་སྡོད་གནས་ཅིག་སྦེ་སྡོད་ཡོདཔ་ཨིན་པས།

ཀཱཊ་མཱན་ཌུ་གི་གནམ་གཤིས་འདི་ ཚ་དྲོད་རན་པའི་ལ་ཁ་མཐོ་སའི་གནམ་གཤིས་ཡོདཔ་ཨིན། དེ་ཡང་ གནམ་དགུན་ལུ་ བསིལ་ཏོག་ཏ་དང་སྐམ་ཀྲག་ཀྲ་ཡོད་པའི་ཁར་ གྱངས་ཤུགས་འདི་དམའ་ས་ར་ལྷོད་དོ་ཡོདཔ་ཨིན། གནམ་སོ་ཁ་མཛེས་ཉམས་ལྡན་པའི་ཁར་ ཚ་དྲོད་རནམ་མ་ཚད་ མེ་ཏོག་སྣ་ཚོགས་ཚུ་ཤར་ཏེ་ དགའ་ཏོག་ཏོ་སྦེ་འོངམ་ཨིན། གནམ་བྱཱར་ལུ་ཚ་ཏོག་ཏོ་ཡོད་པའི་ཁར་ ཆརཔ་འབོལ་དྲགས་སྦེ་རྐྱབ་སྲོལ་ཡོདཔ་ཨིན། དེ་ལས་ གནམ་སེར་ཁ་ལུ་ གནམ་དྭངས་འཕྲོས་འཕྲོས་སྦེ་གནས་ནི་ཡོད་པའི་ཁར་ ཚ་དྲོད་ཡང་ རན་ཏོག་ཏོ་སྦེ་འོངམ་ཨིན་མས། ས་གནས་འདི་གི་གནམ་གཤིས་འདི་ དུས་དང་དུས་སུ་འགྱུར་ནི་ཡོདཔ་ལས་ གནམ་གཤིས་ཀྱི་སྐོར་ལས་ ཧ་གོ་དགོཔ་ཁག་ཆེ་དྲགས་ཨིན་མི་དེ་ཡང་ གནམ་གཤིས་དང་བསྟུན་ཏེ་ ལམ་སྲོལ་དང་འབྲེལ་བའི་ལས་རིམ་བརྩམ་ནིའི་དོན་ལུ་ཨིན་པས།

ས་གནས་འདི་ ནང་པ་དང་ཧིན་དུ་གི་གནས་རྩ་ཅན་ཡོད་སའི་ས་གོ་ཅིག་ཨིནམ་དང་ ལྟ་བཤལ་པའི་དོན་ལུ་ལྟ་སྐོར་རྐྱབ་སའི་ས་གོ་འོས་འབབ་ཅན་ཅིག་ཨིན། དེ་ཡང་ ས་གནས་དེ་ཁར་ སྔར་སྲོལ་སྲོལ་ཁྱུན་ཀྱི་ས་ཁོངས་བདུན་ཡོད་པའི་ཁར་ ས་གནས་འདི་ ནེ་པཱལ་ཧི་མ་ལ་ཡ་གི་རྒྱལ་སྒོ་སྦེ་རྩིཝ་ཨིན། རྒྱལ་ས་དེ་ཁར་ ཆོས་དང་འབྲེལ་བའི་ལས་རིམ་དང་དུས་སྟོན་རྩི་དང་རྩི་བཞིན་ཡོདཔ་ཨིན། གནམ་སོ་ཁ་ལུ་ ཤི་ཝ་ར་ཏི་དང་མ་ཆེན་ཌ་ཇ་ཊ་ཟེར་མའི་དུས་སྟོན་བརྩི་སྲུང་ཞུ་དོ་ཡོདཔ་མས། གནམ་བྱཱར་ལུ་ གའེ་ཇ་ཊརཱ་ཟེར་ནོར་གྱི་དུས་སྟོན་ཅིག་བརྩི་སྲུང་ཞུ་སྲོལ་ཡོད་པའི་ཁར་ སེར་ཁའི་དུས་ལུ་ ཨིནཌ་ ཇ་ཊརཱ་འདི་བུམོ་གཞོནམ་ཚུ་གིས་ལྷ་མོ་ཌེ་བི་བཟོ་མོ་འདི་ འབག་སྟེ་འགྱོ་མི་འདི་ རྩི་སྲོལ་ཡོདཔ་ཨིན། ས་གནས་དེ་ ༢༠༡༣ ལུ་ ལྟ་བཤལ་ཀྱི་དོན་ལུ་བྲི་སྲོལ་ཡོད་པའི་ཡོངས་འབྲེལ་འཆར་སྒོ་ ཊིབ་ཨེཌ་ཝའེ་ཟར་ཟེར་མི་འདི་དང་འཁྲིལཝ་ད་ འཛམ་གླིང་ནང་གོང་འཕེལ་འགྱོ་བཞིན་ཡོད་པའི་ས་གོ་དྲག་ཤོས་བཅུ་ཐམ་ལས་ ལྟ་བཤལ་གྱི་ས་གོ་ཨང་གསུམ་པ་སྦེ་བཏོན་ཡོདཔ་དང་ ཨེ་ཤི་ཡ་ལུང་ཕྱོགས་ལས་ཨང་དང་པ་ཨིན་པས། ས་གནས་དེ་ཁར་ མི་རིགས་ཡང་མ་འདྲཝ་ལེ་ཤ་ཡོད་ས་ལས་ ཁྱབ་ཆེ་ཤོས་འདི་ཧིན་དུ་ཆོས་ལུགས་རྗེས་འཛིན་པ་ཚུ་ཨིན་པས། ཀཱཊ་མཱན་ཌུ་འདི་ ལུང་ཕྱོགས་དང་རྒྱལ་སྤྱིའི་ ལས་ཚོགས་གཞི་བཙུགས་འབད་ཡོད་སའི་ས་གནས་ཅིག་ཨིན་མི་དེ་ཡང་ རྒྱལ་སྤྱི་སྒོམ་གྱི་ལྟེ་བ་ཡང་དེ་ཁར་ཡོདཔ་ཨིན། ས་གནས་དེ་ཁར་ཡོངས་གྲགས་ཅན་གྱི་ནང་པའི་ བའུ་ད་མཆོད་རྟེན་ཡང་དེ་ཁར་ཡོདཔ་ཨིན།  

སྟོན་ཁང་།

• 
• 
• 
• 
• 
• 
• 
• 
• 
• 

རྒྱབ་ཁུངས་དཔེ་དེབ།