ཀེ་བ་དར་ཚི་བཟོ་ཐངས།

དང་པ་ར་ ཀེ་བ་དར་ཚི་ཟེར་མི་འདི་ ཀེ་བ་མངམ་སྦེ་བླུག་ཞིན་ན་ དེ་གུར་ཨེ་མ་དང་དར་ཚི་ རྫས་སྦྱོར་འབད་དེ་བཟོ་བའི་ ཚོདམ་གྱི་རིགས་ཅིག་ལུ་སླབ་ཨིན། ཀེ་བ་དར་ཚི་འདི་ཡང་ ཨེ་མ་དར་ཚུལ་གྱི་ཤུལ་ལས་ར་ འབྲུག་མི་ཚུ་གིས་དགའ་བའི་ཚོདམ་ཅིག་ཨིན། དེ་ཡང་ ཀེ་བ་གི་རིགས་ལེ་ཤ་ཡོད་པའི་ནང་ལས་ ཀེ་བ་དར་ཚི་འདི་ ཀེ་བ་དཀརཔོ་དམརཔོ་ག་ཅི་གིས་བཟོ་རུང་བཏུབ་ནི་ཨིན་རུང་ འབྲུག་ལུ་ཡོངས་གྲགས་སྦེ་བཙུགས་སྲོལ་ཡོད་མི་འདི་ ཀེ་བ་དམརཔོ་འདི་ཨིནམ་ལས་ མང་ཆེ་བ་གིས་ཀེ་བ་དམརཔོ་གིས་བཟོཝ་ཨིན།

རྫས་སྦྱོར་ཚང་དགོཔ། ཀེ་བ། ཨེ་མ་(ཧོནམ་/སྐམ།) སྒོགཔ། བླམ་བན་ད། སྐྱ་སྒོགཔ། ཚྭ། དར་ཚི་དང་ ཆུ་ཚུ་དགོ།

བཟོ་ཐངས། ཀ་ལ་རྫམ་སྦོམ་ཅིག་ནང་ལུ་ ཆུ་དང་མར་ཁུ། ཀེ་བ་བཏོག་བཏོགཔ་ དེ་ལས་ སྒོགཔ་དང་སྐྱ་སྒོགཔ་བཏུབ་མི་ཚུ་བླུག་དགོ། དེ་ལས་གོང་གི་རྫས་སྦྱོར་ཚུ་ ཕྱེད་མ་འཚོ་ཚུན་གྱི་རིང་ལུ་ ཁབ་ཏོ་གཅད་དེ་བཞག་དགོ། རྫས་སྦྱོར་ཚུ་ཕྱེད་ཀ་འཚོ་ཚར་མི་འདི་གུར་ ཨེ་མ་ཀེ་ཀེ་སྦེ་བཏོག་སྟེ་ཡོད་མི་དང་ དར་ཚི་ཕྱེ་མར་དཀྲུམ་སྟེ་བཞག་མི་གཉིས་བླུག་དགོ། དེ་གི་ཤུལ་ལས་ ཚྭ་བྱོ་ལྷ་དང་ལྡནམ་སྦེ་བླུགས་སྟེ་ དུས་ཡིན་སྐར་མ་གཉིས་དང་གསུམ་ཚུན་ ཁབ་ཏོ་ལོག་སྟེ་གཅད་དེ་བཞག་དགོ། དེ་ལས་ཀེ་བ་དར་ཚུལ་འདི་ ལེགས་ཤོམ་སྦེ་འཚོ་བཅུག་ཞིནམ་ལས་ ཐབ་གུ་ལས་མར་ཕབ་སྟེ་ སྐར་མ་གཉིས་དང་གསུམ་ཚུན་དྲོད་གྱང་བཅུག་དགོ། ད་རུང་ཚར་གཅིག་གཟར་རུ་གིས་དཀྲུགས་ཏེ་ དེ་གུར་འོད་སི་ཨ་ཙི་ཅིག་བླུགས་ཞིནམ་ལས་ཟ་ཆོགཔ་སྦེ་འགྱོཝ་ཨིན།དམིགས་བསལ་ཁྱད་ཆོས། ཀེ་བ་དར་ཚི་འདི་ཡང་ བཞེས་སྒོ་དུས་ཕོད་གསུམ་གང་རུང་དང་གཅིག་ཁར་བཟའཝ་མ་ཚད་ ལོ་གསར་དང་དུས་སྟོན་ཚུ་ནང་ལུ་ མང་ཆེ་བ་ཅིག་ཨེ་མ་ཟ་མ་ཚུགས་མི་ ཨ་ལུ་ཚུ་གི་ཚོདམ་རྡིག་ཤོས་ཅིག་སྦེ་བརྩིཝ་ཨིན།

རྒྱབ་རྟེན།

Jenneker, T. (2022). What type of food can i expect to eat in Bhutan? Retrieved from https://www.encounterstravel.com/blog/food-of-bhutan