ཀྲོ་ཨེ་ཤ། Croatia
ངོ་སྤྲོད།
ཀྲོ་ཨེ་ཤ་འདི་ ཤར་ལྷོ་ཡུ་རོབ་ལུ་ཡོད་པའི་ མཛེས་ཆ་དང་ལྡན་པའི་རྒྱལ་ཁབ་ཅིག་ཨིན། ཀྲོ་ཨེ་ཤ་གིས་ ས་ཆའི་གནས་སྟངས་ མཛེས་ཆ་དང་ལྡནམ་དང་ བྱུང་རབས་ཀྱི་ཕྱུགཔོ་ དེ་ལས་ ལམ་སྲོལ་གྱི་ འཚོ་བའི་གནས་སྟངས་ཚུ་གིས་ ཡོངས་གྲགས་ཐོན་ཡོདཔ་ལས་ ལྟ་སྐོར་འབད་མི་དང་ ཡང་ན་ ལམ་སྲོལ་དང་ མི་ཚེའི་གནས་སྟངས་ཚུའི་སྐོར་ལས་ ལྷབ་འདོད་ཡོད་མི་ཚུ་ལུ་ ཉམས་མྱོང་གཞན་དང་མ་འདྲཝ་ཅིག་ བྱིནམ་ཨིན་པས། རང་བཞིན་གྱི་མཛེས་ཆ་དང་ རྒྱལ་རབས་ཀྱི་སྲོལ་རྒྱུན་ཚུ་ ཉམས་སྲུང་འབད་ནི་དེ་ དེང་སང་གི་ གོང་འཕེལ་དང་གཅིག་ཁར་ མཐར་འཁྱོལ་ཅན་སྦེ་ འདྲ་མཉམ་བཟོ་ཚུགས་པའི་ རྒྱལ་ཁབ་ཅིག་ཨིན་པས།
རྒྱལ་ས་ལྟེ་བ་ ཛཱ་གྲྀབ།
ཀྲོ་ཨེ་ཤ་གི་རྒྱལ་ས་ལྟེ་བ་ ཛཱ་གྲྀབ་འདི་ རྒྱལ་ཁབ་ཀྱི་ཁྲོམ་ཚོགས་སྦོམ་ཤོས་ཅིག་ཨིནམ་མ་ཚད་ ལམ་སྲོལ་དང་སྲིད་དོན་ དེ་ལས་ དཔལ་འབྱོར་གྱི་ལྟེ་བ་ཅིག་ཡང་ཨིན། རྒྱལ་ཁབ་ཀྱི་ བྱང་ནུབ་ཕྱོགས་ལུ་ཆགས་ཡོད་པའི་ ཛཱ་གྲྀབ་ལུ་ རོ་མཱན་གྱི་དུས་སྐབས་ལས་ བྱུང་རབས་ལེ་ཤ་ཡོདཔ་ཨིན་པས། དུས་རབས་ལས་བཅད་དེ་ ཁྲོམ་ཚོགས་འདི་གིས་ དུས་རབས་བར་མའི་བཟོ་རིག་དང་ དེང་སང་གི་བཟོ་བཀོད་ཚུ་སླ་བསྲེ་རྐྱབ་སྟེ་ གཞན་དང་མ་འདྲ་བའི་ རང་གཤིས་གོང་འཕེལ་བཏང་སྟེ་ཡོདཔ་ཨིན་པས། ཛཱ་གྲྀབ་ལུ་འོང་མི་ ལྟ་བཤལཔ་ཚུ་ འཕྲལ་འཕྲལ་རང་ རྡོ་གི་ཁྲོམ་ལམ་དང་ མཛེས་ཆ་ཅན་གྱི་གྲུ་བཞི་ཅན་མའི་དགའ་ཚལ་ དེ་ལས་ རྒྱལ་རབ་དང་ལྡན་པའི་སྒྲིང་ཁྱིམ་ཚུ་ཡོད་པའི་ རྒྱལ་རབས་ཀྱི་ ཁྲོམ་རྙིངམ་ནང་ལུ་འོང་དོ་ཡོདཔ་ཨིན་པས། ཛཱ་གྲྀབ་འདི་ མཀ་སི་མིར་གླིང་ག་བཟུམ་གྱི་ སྔོ་ལྗང་ཅན་གྱི་ས་སྒོ་དང་ ལམ་སྲོལ་གྱི་མཐོང་སྣང་ དེ་ལས་ འགྲེམས་སྟོན་ཁང་དང་ གློག་བརྙན་ཁང་ དེ་ལས་ དུས་སྟོན་ཚུ་ ལེ་ཤ་ཅིག་བརྩི་བསྲུང་འབད་དོ་ཡོདཔ་ལས་ ཀྲོ་ཨེ་ཤ་གི་ལྟེ་བ་ཅིག་འབདཝ་ལས་ ཛཱ་གྲྀབ་གིས་ རྒྱལ་ཁབ་ཀྱི་ངོ་རྟགས་བཏོན་ནི་དང་ རྒྱལ་ཁབ་ཡར་རྒྱས་གཏང་ནི་ལུ་ ཁག་ཆེ་བའི་ས་སྒོ་ཅིག་ཨིན་པས།
ཆགས་རབས།
ཀྲོ་ཨེ་ཤ་གི་ས་ཆའི་གནས་སྟངས་འདི་ རྒྱལ་ཁབ་འདི་ནང་ རང་བཞིན་གྱི་མཛེས་ཆ་མ་འདྲཝ་ཚུ་ མཐོང་ཚུགས་པའི་ ཁྱད་ཆོས་བཟང་པོ་ལེ་ཤ་ཡོདཔ་ཨིན་པས། རྒྱལ་ཁབ་འདི་ནང་ ཨེ་ཌི་རི་ཡ་ཊིག་གི་མཚོའི་འགྲམ་གྱི་མཐའམ་བདའ་སྟེ་ མཛེས་ཆ་དང་ལྡན་སྟེ་ཡོདཔ་དང་ དེ་ཁར་ ཆུ་དྭངས་གསལ་ཅན་ཚུ་ རྡོ་གི་མཚོ་མཐའ་དང་ མཚོ་གླིང་ཚུ་མཛེས་ཆ་དང་ལྡན་ཏོག་ཏོ་སྦེ་ མཐོང་ཚུགསཔ་ཨིན་པས། ཀྲོ་ཨེ་ཤ་ལུ་ མཚོ་གླིང་སྟོང་ཕྲག་ ལྷགཔ་ཅིག་ཡོདཔ་ད་ མཚོ་གླིང་རེ་རེ་ལུ་ རང་སོའི་མཛེས་ཆོས་བཟང་པོའི་ཁྱད་ཆོས་ མ་འདྲཝ་རེ་ཡོདཔ་ཨིན་པས། ཀྲོ་ཨེ་ཤ་ནང་འཁོད་ལུ་ ནགས་ཚལ་སྔོ་ལྗང་དང་ གངས་རི་ དེ་ལས་ མཐོངམ་ཙམ་གྱི་ཡིད་འཕྲོག་ཚུགས་པའི་ གངས་རི་ཚུ་ཡོདཔ་ཨིན་པས། རྒྱལ་ཁབ་ཀྱི་རྒྱལ་ཡོངས་གླིང་ག་ པིལི་བིསི་ལེག་ དང་ ཀེར་ཀ་ གླིང་ག་ཚུ་ ཡུ་ནིསི་ཀོ་གི་འཛམ་གླིང་སྲོལ་རྒྱུན་གྱི་ ས་ཁོངས་ཅིག་ཨིནམ་ལས་ རང་བཞིན་ལུ་དགའ་མི་དང་ སྤྲོ་བ་ཡོད་མི་ཚུ་ འོང་བཅུག་དོ་ཡོདཔ་ཨིན་པས། རི་དང་ནགས་ཚལ་དེ་ལས་ མཚོ་ལེ་ཤ་ཡོད་མི་དང་ ཨེ་ཌི་རི་ཡ་ཊིག་མཚོ་འགྲམ་ཚུ་ མཉམ་གཅིག་འབད་ཡོད་ནི་དེ་གིས་ རང་བཞིན་གནས་སྟངས་ཚུ་ མཛེས་ཆ་དང་ལྡནམ་ལས་ རྒྱལ་ཁབ་ནང་ལྟ་བཤལ་པ་སྦེ་འོང་མི་ཚུའི་སེམས་ཁར་ ལྷ་ཡུལ་ནང་ལྷོད་པའི་ཉམས་ཅིག་ ཤར་དོ་ཡོདཔ་ཨིན་པས།
ལམ་སྲོལ་དང་སྐད་ཡིག།
ཀྲོ་ཨེ་ཤ་ལུ་ རོ་མཱན་དང་བཱེན་ནི་ཀྲིན་ ཨོ་ཀྲོ་མཱན་དང་ ཨཱོསི་ཀྲུ་ཧན་གྲྀན་ཚུ་རྩིས་ཏེ་ དུས་རབས་ལས་བཅད་དེ་ ཡར་རྒྱས་ཀྱི་གནས་སྟངས་མ་འདྲཝ་ཚུ་གིས་ ཤན་ཞུགས་ཏེ་ཡོད་པའི་ ལམ་སྲོལ་གྱི་སྲོལ་ཕྱུགཔོ་ཡོདཔ་ཨིན་པས། བྱུང་རབས་མ་འདྲཝ་འདི་གིས་ ཀྲོ་ཨེ་ཤ་གི་བཟོ་རིགས་དང་སྒྱུ་རྩལ་ སྙན་ཆ་དང་ལམ་སྲོལ་ཚུ་ལུ་ ཡུན་རིངམོ་སྦེ་ཕན་ཐོགས་བྱུང་ཡོདཔ་ཨིན་པས། ཀྲོ་ཨེ་ཤན་གི་མི་སྡེའི་སྙན་ཆ་དང་ རང་ལུགས་ཀྱི་ཞབས་ཁྲ་ དེ་ལས་ དུས་སྟོན་ཚུ་ རྒྱལ་ཁབ་ཀྱི་ལམ་སྲོལ་གྱི་ངོ་རྟགས་ལུ་ ཁག་ཆེ་ཤོས་ཅིག་ཨིན་པས། ཀྲོ་ཨེ་ཤ་གི་ལམ་སྲོལ་ཡོངས་གྲགས་ཅན་གཅིག་ཨིན་མི་འདི་ ཡུ་ནིསི་ཀོ་གིས་ངོས་ལེན་འབད་མི་ ལག་བཟོ་གི་ནང་བསྲེ་ མགུ་རྙོག་དྲགས་ཅན་གྱི་ཐགསཔ་བཟོ་ནི་གི་སྒྱུ་རྩལ་འདི་ཨིན་པས། ཀྲོ་ཨེ་ཤ་ལུ་སླབ་མི་སྐད་ཡིག་འདི་ ལྷོ་ཕྱོགས་སི་ལ་ཝིག་སྐད་ཡིག་སྡེ་ཚན་གྱི་ཆ་ཤས་ཅིག་ཨིན་མི་ ཀྲོ་ཨེ་ཤ་སྐད་ཡིག་ཨིན་པས།
ཁོང་གིས་ ལེ་ཊིན་ཡི་གུ་ལག་ལེན་འཐབ་དོ་ཡོདཔ་ད་ ལུང་ཕྱོགས་འདི་ནང་གི་སྐད་ཡིག་གཞན་ཚུ་དང་ ཅོག་འཐདཔ་སྦེ་ཡོད་རུང་ རང་སོའི་ཁྱད་ཆོས་མ་འདྲཝ་ཚུ་ཡོདཔ་ཨིན་པས། རྒྱལ་ཁབ་ནང་འཁོད་ལུ་ ཀྲོ་ཨེ་ཤ་གི་སྐད་ཡིག་འདི་ ཁྱབ་ཆེཝ་སྦེ་སླབ་དོ་ཡོདཔ་མ་ཚད་ མི་མང་ཤོས་ཅིག་གིས་རང་ དམིགས་བསལ་གྱིས་ ཁྲོམ་སྦོམ་དང་ ལྟ་བཤལ་གྱི་ས་ཁོངས་ཚུ་ནང་ ཨིང་སྐད་ཡང་སླབ་དོ་ཡོདཔ་ཨིན་པས།
གསོ་བ་དང་འཕྲོད་བསྟེན།
ཀྲོ་ཨེ་ཤ་གི་གསོ་བའི་ཞབས་ཏོག་ལམ་ལུགས་འདི་ མི་མང་དང་སྒེར་གྱི་ཞབས་ཏོག་ཚུ་ མཉམ་སྡེབ་འབད་དེ་ གཞུང་གིས་ མི་སེར་ཆ་མཉམ་ལུ་ གསོ་བའི་ཞབས་ཏོག་ཚུ་ བྱིན་དོ་ཡོདཔ་ཨིན། མི་མང་གསོ་བའི་ཞབས་ཏོག་ལམ་ལུགས་འདི་ ལཱ་གཡོག་བྱིན་མི་དང་ ལས་བྱེདཔ་ཚུ་ལས་ ཞལ་འདེབས་ཕུལ་མི་དང་ གཞུང་གི་ཁྲལ་ཚུ་གི་ཐོག་ལས་ མ་དངུལ་རྒྱབ་སྐྱོར་འབདཝ་ཨིན་མས། ཀྲོ་ཨེ་ཤ་གི་གསོ་བའི་ཞབས་ཏོག་ལམ་ལུགས་འདི་ ལེགས་ཤོམ་སྦེ་གོང་འཕེལ་འགྱོ་སྟེ་ཡོདཔ་ལས་ དེང་སང་གི་གསོ་བའི་མཐུན་རྐྱེན་དང་ སྦྱོང་བརྡར་ལེགས་ཤོམ་ཐོབ་མི་ ཁྱད་རིག་ཅན་ཚུ་ཡོདཔ་ཨིན་པས། རྒྱལ་ཁབ་འདི་ནང་ མི་ཚེའི་ཚད་གཞི་མཐོ་དྲགས་དང་ སྤྱིར་བཏང་གསོ་བའི་གྲུབ་འབྲས་ ལེགས་ཤོམ་ཡོདཔ་ཨིན་རུང་ རྒྱལ་ཁབ་མང་ཤོས་ཅིག་ནང་བཟུམ་སྦེ་ ཀྲོ་ཨེ་ཤ་ལུ་ཡང་ མི་རློབས་རྒས་ཤོས་དང་ གསོ་བའི་ཞབས་ཏོག་གི་ཟད་འགྲོ་ཡར་སེང་འགྱོ་མི་ལུ་བརྟེན་ཏེ་ གདོང་ལེན་བྱུང་དོ་ཡོདཔ་ཨིན་པས།
ཀྲོ་ཨེ་ཤ་གཞུང་གིས་ གསོ་བའི་མཐུན་རྐྱེན་ཚུ་ནང་ མ་རྩ་བཙུགས་ཏེ་ ཞབས་ཏོག་ཚུ་ ཡར་དྲག་གཏང་དོ་ཡོདཔ་ད་ དེ་ཡང་ དམིགས་བསལ་གྱིས་ གྲོང་གསེབ་ས་ཁོངས་ཚུ་ནང་ གསོ་བའི་ཞབས་ཏོག་ཚུ་ ཐོབ་མ་ཚུགས་པར་ཡོདཔ་ཨིན་པས།
ཤེས་ཡོན་ལམ་ལུགས།
ཀྲོ་ཨེ་ཤ་གིས་ ཤེས་རིག་ལུ་ གཙོ་བོར་བཏོན་དོ་ཡོདཔ་ད་ དེ་ཡང་ བྲིས་ལྷག་ཤེས་ཡོན་གྱི་ གནས་ཚད་མཐོ་དྲགས་དང་ ཤེས་རིག་གི་གཞི་བཀོད་སྒྲིང་སྒྲི་ཡོདཔ་ཨིན་པས། ཀྲོ་ཨེ་ཤ་ལུ་ ཤེས་ཡོན་གྱི་གཞི་འགྱམ་འདི་ སྐྱེས་ལོ་༦ ལས་༡༥ གི་བར་ན་འབད་མི་ ཨ་ལུ་ཚུ་ལུ་ རིན་མེད་སྟོང་པ་སྦེ་ ཤེས་ཡོན་བྱིན་དགོཔ་ཨིན་པས། ཀྲོ་ཨེ་ཤའི་སློབ་ཕྲུག་ཚུ་གིས་ རྒྱལ་སྤྱིའི་གནས་ཚད་ནང་ ལེགས་ཤོམ་སྦེ་ འབད་ཚུགས་དོ་ཡོདཔ་ལས་ ཀྲོ་ཨེ་ཤ་གི་གཙུག་ལག་སློབ་སྡེ་མང་ཤོས་ཅིག་གིས་ ཤེས་ཡོན་གྱི་སྤུས་ཚད་ལུ་བརྟེན་ རྒྱལ་སྤྱིའི་ནང་ ངོས་འཛིན་འབད་དེ་ཡོདཔ་ཨིན་པས། སྤྱི་ལོ་༡༦༦༩ ལུ་གཞི་བཙུགས་འབད་མི་ ཛཱ་གྲྀབ་གཙུག་ལག་སློབ་སྡེ་འདི་ ཀྲོ་ཨེ་ཤི་ཡ་གི་གཙུག་ལག་སློབ་སྡེ་ སྦོམ་ཤོས་དང་རྙིང་ཤོས་ཅིག་ཨིནམ་ད་ དེ་ནང་ ལཱ་གཡོག་མ་འདྲཝ་ཚུ་དང་ ལས་རིམ་མ་འདྲཝ་ཚུ་ འགོ་འདྲེན་འཐབ་དོ་ཡོདཔ་ཨིན་པས། འདས་པའི་ལོ་ཚུ་ནང་ ཀྲོ་ཨེ་ཤ་གིས་ཡང་ སློབ་ཚན་ཚུ་དེང་སང་བཟོ་ནི་དང་ མཐོ་རིམ་ཤེས་ཡོན་གྱི་གོ་སྐབས་ཚུ་ ཡར་སེང་འབད་ནི་ལུ་ གཙོ་བོར་བཏོན་ཏེ་ ཤེས་རིག་ལམ་ལུགས་ཡར་དྲག་གཏང་ནི་ལུ་ ལཱ་འབད་ཡོདཔ་ཨིན་པས།
མཇུག་དོན།
དེ་འབདཝ་ལས་ ཀྲོ་ཨེ་ཤ་ཡ་ལུ་ རང་བཞིན་གྱི་ཐོན་སྐྱེད་ཚུ་ཕྱུགཔོ་ཡོདཔ་ད་ དམིགས་བསལ་གྱིས་ སོ་ནམ་དང་ ལྟ་བཤལ་ ཕྱུགཔོ་ཡོད་པའི་རྒྱལ་ཁབ་ཅིག་ཨིན་པས། རྒྱལ་ཁབ་ཀྱི་ ས་ཞིང་བཟང་པོ་དེ་གིས་ ལུང་ཕྱོགས་ནང་ ཆང་རིགས་དྲག་ཤོས་ཚུ་ བཟོ་སྐྲུན་འབད་ནི་གི་དོན་ལུ་ ལག་ལེན་འཐབ་མི་ གེ་ཟ་དང་ རྒུན་འབྲུམ་ཚུ་རྩིས་ཏེ་ ལོ་ཐོག་མ་འདྲཝ་ཚུ་ ཐོན་སྐྱེད་འབད་ཚུགས་དོ་ཡོདཔ་ཨིན་པས།[༡]
རྒྱབ་ཁུངས།