གཡུས་ཕྱོགས་ལྷ་ལས་དགའ་བ། ༼རྫོང་ཁའི་ཞབས་ཁྲ།༽

༉ གཡུས་ཕྱོགས་ལྷ་ལས་དགའ་བ།། དཔལ་ལྡན་འབྲུག་པའི་ཞིང་ཁམས།། བདེ་དང་སྐྱིད་པའི་མེ་ཏོག།རི་ལུང་མེད་པར་ཤར་སོང་།། ལས་སྨོན་རྟེན་འབྲེལ་ལྡན་པ།། མངའ་འབངས་པདྨའི་གླིང་ལ།། མི་དབང་ཁྲི་གདུགས་ཉི་མའི།། འོད་ཀྱིས་ཁྱབ་པ་ལེགས་སོ།། ཕུན་སུམ་ཚོགས་པའི་རྒྱལ་ཁབ།། ལས་སྣ་བརྒྱ་དང་རྩ་བརྒྱད།། བསམ་བློ་གང་ནས་བཏང་ཀྱང་།། སྔར་ལས་དར་ཞིང་རྒྱས་སོང་།། མངའ་བདག་མི་འགྱུར་སེངྒེ།། མངའ་འབངས་མི་འགྱུར་འབྲུག་པ།། འགྱུར་མེད་སེང་འབྲུག་གཉིས་པོ།། འགྱུར་མེད་སྨོན་ལམ་ཞུའོ།། །།