གསོན་བསྔོ།

༈ གསོན་བསྔོ་ནི།

༈ ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྦྱིན་པའི་བདག་པོས་ཐོག་དྲངས་བདག་གཞན་ནམ་མཁའ་དང་མཉམ་པའི་སེམས་ཅན་ཐམས་ཅད་ལ་དགོངས་སུ་གསོལ། །སྦྱིན་པའི་བདག་པོ་འདི་ཉིད་ཀྱིས་དེ་ལྟར་བགྱིསཔའི་དགེ་བའི་རྩ་བ་ལ་བརྟེན་ནས། །སྤྱིར་གྱིས་ཕན་བདེའི་འབྱུང་གནས་སངས་རྒྱས་ཀྱི་བསྟན་པ་རིན་པོ་ཆེ་ཕྱོགས་དུས་གནས་སྐབས་ཐམས་ཅད་དུ་རྙེད་པ་དང་བཀུར་སྟིར་བཅས་ཏེ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག། །བསྟན་པའི་རྩ་ལག་དཔལ་ལྡན་བླ་མ་དམ་པ་ཞི་བར་གཤེགས་པ་ཐམས་ཅད་ཀྱི་ཐུགས་ཀྱི་དགོངས་པ་ཁྱད་པར་ཅན་གོང་ནས་གོང་དུ་ཡོངས་སུ་རྫོགས་པར་གྱུར་ཅིགད་ལྟ་ཞལ་བཞུགས་པའི་བསྟན་འཛིན་གྱི་སྐྱེས་བུ་དམ་པ་རྣམས་ཀྱི་སྐུ་ཚེ་མཛད་པ་འཕྲིན་ལས་ཀྱི་བར་དུ་གཅོད་པ་ཐམས་ཅད་ཉེ་བར་ཞི་བར་གྱུར་ཅིག། །དེ་ལྟར་སྐུ་ཁམས་བཟང་ལ་སྐུ་ཚེ་རིང་ཞིང་འགྲོ་དོན་ཕྲིས་ལས་རྒྱ་ནམ་མཁའ་དང་མཉམ་པར་གྱུར་ཅིག། །དེ་རྣམས་ཀྱི་ཐུགས་རྗེའི་བྱིན་རླབས་ལ་བརྟེན། །བདག་ཅག་རྣམས་ཀྱི་ལྷག་པའི་བསམ་པ་རྣམ་པར་དག་པའི་མཐུས། །སྦྱིན་པའི་བདག་པོ་འདི་དག་གི་ཚེ་འདིར་ནད་གདོན་འགལ་རྐྱེན་བར་གཅོད་མི་མཐུན་པའི་ཕྱོགས་སུ་གྱུར་པ་ཐམས་ཅད་ཉེ་བར་ཞི་བར་གྱུར་ཅིག་མཐུན་རྐྱེན་འདོད་པའི་དོན་ཐམས་ཅད་ཆོས་ལྡན་ཡིད་བཞིན་དུ་འགྲུབ་པར་གྱུར་ཅིག །ཚེ་དང་བསོད་ནམས་དཔལ་འབྱོར་ཡེ་ཤེས་ཐམས་ཅད་ཡང་ངོའི་ཟླ་ལྟར་འཕེལ་ཞིང་རྒྱས་པར་གྱུར་ཅིག། །འཇིག་རྟེན་དང་འཇིག་རྟེན་ལས་འདས་པའི་རྒུད་པ་ཐམས་ཅད་བྲལ་བར་གྱུར་ཅིག། །འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་པ་ཐམས་ཅད་དང་ཡང་དག་པར་ལྡན་པར་གྱུར་ཅིག། །འཇིག་རྟེན་གྱི་ཁམས་ཐམས་ཅད་དུའང་། །ལོ་ཕྱུགས་རྟག་ཏུ་ལེགས་ཤིང་། ཆར་ཆུ་དུས་སུ་འབབ་པ། །མི་ནད་ཕྱུགས་ནད་ལ་སོགས་པ་རྒྱུན་ཆད་དེ། བདེ་བ་དང་ལྡན་པར་གྱུར་ཅིག །མདོར་ན་སྦྱིན་པའི་བདག་པོས་ཐོག་དྲངས། །བདག་གཞན་ནམ་མཁའ་དང་མཉམ་པའི་སེམས་ཅན་ཐམས་ཅད་བདེ་བ་དང་ལྡན་སྡུག་བསྔལ་དང་བྲལ་ཏེ། །མྱུར་དུ་རྣམ་པ་ཐམས་ཅད་མཁྱེན་པ་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་གྱུར་ཅིག །བསོད་ནམས་འདི་ཡིས་ཐམས་ཅད་གཟིགས་པ་ཉིད། །ཐོབ་ནས་ཉེས་པའི་དགྲ་རྣམས་ཕམ་བྱས་ནས། །སྐྱེ་རྒ་ན་འཆིའི་རྦ་ཀློང་འཁྲུགས་པ་ཡི། །སྲིད་པའི་མཚོ་ལས་འགྲོ་བ་གྲོལ་བར་ཤོག _{།བསྔོ་སྨོན་ཅི་རིགས་པར་བྱའོ། །}