ཌེན་པ་སར། གྲོང་ཁྱེར།

ཌེན་པ་སར་ ནི་ཨིན་ཌོ་ནི་ཤི་ཡའི་བྷ་ལི་ཞིང་ཆེན་གྱི་རྒྱལ་ས་རེད། ཌེན་པ་སར་ནི་ལེ་སར་སུན་ད་གླིང་ཕྲན་ཚོགས་པའི་གྲོང་ཁྱེར་ཆེ་ཤོས་དང་ཤར་ཨིན་ཌོ་ནི་ཤི་ཡའི་ས་ཁུལ་གྱི་མ་ཀ་སར་གྲོང་ཁྱེར་རྗེས་ཀྱི་གྲོང་ཁྱེར་ཆེ་ཤོས་ཨང་གཉིས་པ་དེ་ཡིན། བྷ་ལི་གླིང་ཕྲན་དུ་ཡུལ་སྐོར་བཟོ་ལས་འཕེལ་རྒྱས་སུ་སོང་བས་ཌེན་པ་སར་གྲོང་ཁྱེར་ཚོང་ལས་ཀྱི་ལྟེ་བར་གྱུར་པ་དང་། བྷ་ལི་ཞིང་ཆེན་གྱི་མི་རེའི་ཆ་སྙོམས་ཡོང་འབབ་མཐོ་བ་དང་འཕེལ་རྒྱས་མྱུར་བའི་ས་ཁུལ་ཞིག་ཏུ་གནས་བབ་བཟུང་ཡོད། སྤྱི་ལོ་ ༢༠༢༢ ལོའི་དཀྱིལ་ཙམ་གྱི་ཌེན་པ་སར་གྲོང་ཁྱེར་གྱི་མི་འབོར་ ༧༢༦,༨༠༨ ཟིན་ཡོད།

བྷ་ལིར་ཡུལ་སྐོར་བཟོ་ལས་མྱུར་མྱུར་འཕེལ་རྒྱས་སུ་སོང་བའི་རྐྱེན་གྱིས་ཌེན་པ་སར་གྱིས་ཚོང་ལས་ཀྱི་བྱེད་སྒོ་དང་ལས་གཏོད་ལ་སྐུལ་འདེད་དང་ཡར་སྐུལ་བྱས་ཏེ། བྷ་ལི་ཞིང་ཆེན་གྱི་འཕེལ་རྒྱས་མྱུར་ཤོས་ཀྱི་གྲོང་ཁྱེར་ཞིག་ཏུ་གྱུར་ཡོད། སྤྱི་ལོ་ ༢༠༢༠ ལོའི་མི་འབོར་ཞིབ་བཤེར་སྐབས་ཌེན་པ་སར་གྱི་མི་འབོར་ ༧༢༥,༣༡༤ ཟིན་པ་དང་། དེ་ནི་རིམས་ནད་ཀྱི་རྐྱེན་པས་མི་མང་ཕྱིར་ཐོན་བྱུང་བའི་རྐྱེན་གྱིས་སྤྱི་ལོ་ ༢༠༡༠ ལོའི་མི་འབོར་ ༧༨༨,༤༤༥ ལས་མར་ཆག་པ་རེད། སྤྱི་ལོ་ ༢༠༢༢ ལོའི་དཀྱིལ་ཙམ་གྱི་གཞུང་འབྲེལ་ཚོད་དཔག་ནི་ ༧༢༦,༨༠༨ རེད། ཌེན་པ་སར་དབུས་སུ་བྱས་པའི་ཌེན་པ་སར་གྲོང་ཁྱེར་ཆེན་པོའི་ས་ཁུལ་ (སར་བྷ་གི་ཏ་ཞེས་འབོད་) སྤྱི་ལོ་ ༢༠༢༢ ལོའི་དཀྱིལ་ཙམ་ལ་མི་གྲངས་ ༡,༧༨༥,༨༠༠ ཟིན་ཡོད།