དག་པ་དབུས་གཙང་ཕྱོགས་ལ། ༼རྫོང་ཁའི་ཞབས་ཁྲ།༽

༉ དག་པ་དབུས་གཙང་ཕྱོགས་ལ་བལྟས་ཙ་ན།། མ་དག་མཐའ་མེད་ཕྱོགས་ལ་ཞེན་པ་ལོག། ཤོག་ལེགས་མོ་ཤོག། ཤོག་ལེགས་ཡ།། ཡར་ཡར་བྱང་ཐང་པདྨའི་གྲོང་ཡུལ་ན།། གུར་ལ་གངས་རི་དཀར་པོ་སྤུབས་པ་འདྲ།། ཤོག་ལེགས་མོ་ཤོག། ཤོག་ལེགས་ཡ།། ཕྱག་ལ་གཡས་པ་ཤེས་རབ་རལ་གྲི་བསྣམས།། དམ་ཉམས་རྒྱ་འདྲེའི་མགོ་ལ་ཆེམས་སེ་ཆེམས།། ཤོག་ལེགས་མོ་ཤོག། ཤོག་ལེགས་ཡ།། ཕྱག་ལ་གཡོན་པ་སྦྲུལ་གྱི་ཞགས་པ་འཛིན།། དམ་ཉམས་རྒྱ་འདྲེའི་སྐེ་ལ་བཅིངས་སེ་བཅིངས།། ཤོག་ལེགས་མོ་ཤོག། ཤོག་ལེགས་ཡ།། ཁམས་པ་ཨུ་ཚུགས་ཅན་གྱི་ཕོ་རྒོད་རྣམས།། ལུས་ལ་དཔའ་བོའི་གོ་ཁྲབ་སི་ལི་ལི།། ཤོག་ལེགས་མོ་ཤོག། ཤོག་ལེགས་ཡ།། འོག་ལ་ཅང་ཤེས་རྟ་ཕོ་འཁྱུགས་སེ་འཁྱུགས།། གེ་སར་དགྲ་བོའི་བར་ན་ཁེངས་སེ་ཁེངས།། ཤོག་ལེགས་མོ་ཤོག། ཤོག་ལེགས་ཡ།། ལྷ་དང་སྲུང་མའི་སྐྱབས་རྟེན་བཟང་སེ་བཟང་།། སངས་རྒྱས་བསྟན་པ་དགུང་ལས་ལོས་ཀྱང་མཐོ།། ཤོག་ལེགས་མོ་ཤོག། ཤོག་ལེགས་ཡ།། མངའ་བདག་རྒྱལ་པོའི་སྐུ་ཚེ་ཞབས་པད་བརྟན།། བསྟན་པ་ཡུན་རིང་གནས་པའི་ཕུན་སུམ་ཚོགས།། ཤོག་ལེགས་མོ་ཤོག། ཤོག་ལེགས་ཡ།། །།