དགུང་སྔོན་བཀྲིས་གཡང་ཆགས་ལགས། ༼རྫོང་ཁའི་ཞབས་ཁྲ།༽

༉ དགུང་སྔོན་བཀྲིས་གཡང་ཆགས་ལགས།། ཨ་མ་ལེགས་ཨོ།། ཁྲི་གདུགས་ཡིད་བཞིན་ནོར་བུ།། དཔལ་ལྡན་འབྲུག་པའི་ཞབས་བྲོ།། དགུང་དང་སྤྲིན་གྱི་བར་ལ།། ཨ་མ་ལེགས་ཨོ།། སྐྱིའུ་བསེར་རླུང་གིས་འཐོར་སོང་།། དཔལ་ལྡན་འབྲུག་པའི་ཞབས་བྲོ།། དྲོད་ཉམས་འོད་ཀྱིས་སྐྱོང་བ།། ཨ་མ་ལེགས་ཨོ།། ཁྲི་གདུགས་བཀྲིན་ཆེ་སོང་།། དཔལ་ལྡན་འབྲུག་པའི་ཞབས་བྲོ།། ལྷོ་ལྗོངས་བཀྲིས་གཡང་ཆགས་ལ།། ཨ་མ་ལེགས་ཨོ།། མངའ་བདག་ཡིད་བཞིན་ནོར་བུ།། དཔལ་ལྡན་འབྲུག་པའི་ཞབས་བྲོ།། ལོངས་སྤྱོད་སེམས་ལ་འཆང་བ་ལ།། ཨ་མ་ལེགས་ཨོ།། རྩ་གསུམ་ལ་ལྷ་ཡི་ཐུགས་རྗེ།། དཔལ་ལྡན་འབྲུག་པའི་ཞབས་བྲོ།། མི་སེར་བདེ་ཞིང་སྐྱིད་པ།། ཨ་མ་ལེགས་ཨོ།། མངའ་བདག་བཀྲིན་ཆེ་སོང་།། དཔལ་ལྡན་འབྲུག་པའི་ཞབས་བྲོ།། རྒྱལ་སྲིད་ཆོས་བཞིན་སྐྱོང་བ།། ཨ་མ་ལེགས་ཨོ།། བཤད་སྒྲུབ་བསྟན་པ་དར་སོང་།། དཔལ་ལྡན་འབྲུག་པའི་ཞབས་བྲོ།། །།