དམ་ཅན་ཆོས་སྐྱོང་སྤྱིའི་བསྐང་བསྡུས།

༄༅། །དམ་ཅན་རྒྱ་མཚོའི་བསྐང་བསྡུས་ནི།

ཧཱུྃ༑ རྣམ་ཐོས་བུ་དང་བཀྲ་ཤིས་ཚེ་རིང་མ། །རྡོ་རྗེ་གཡུ་སྒྲོན་ཆོས་རྒྱལ་སྐུ་ལྔ་དང་། །དམ་ཅན་གཤན་པ་དམར་ནག་ལ་སོགས་པ། །མཆོད་ཅིང་བསྟོད་འོས་སྲུང་མའི་ཚོགས་ཀུན་གྱི། །ཐུགས་དམ་གཉེན་པོ་བདག་གིས་བསྐང་བ་ནི། །རང་རང་ལས་དང་མཐུན་པའི་རྟེན་རྫས་དང་། །མཆོད་རྫས་བསྐང་རྫས་བསྒྲུབ་རྫས་ལ་སོགས་པ། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་པས། །བཀའ་བསྲུང་དམ་ཅན་རྒྱ་མཚོའི་ཐུགས་དམ་བསྐང་། །ཁྱད་པར་རྨད་བྱུང་བ་ལིང་ཕུང་པོ་དང་། །ལོངས་སྤྱོད་ཚོགས་ཀྱི་ཡོ་བྱད་སྣ་ཚོགས་པས། །དམ་ཅན་བསྲུང་མའི་ཐུགས་དང་འགལ་བ་ཡི། །འཁོན་བཅུགས་སྦྱངས་ཤིང་ཐུགས་དམ་སྐོང་གྱུར་ཅིག། །དེ་ལྟར་བསྐངས་ཤིང་བཤགས་པའི་མཐུ་ནུས་ཀྱིས། །རྒྱལ་བསྟན་སྤྱི་དང་བྱེ་བྲག་དཔལ་འབྲུག་པའི། །བཤད་སྒྲུབ་བསྟན་པ་དབྱར་མཚོ་ལྟར་འཕེལ་ཏེ། །མ་སྨད་དར་ཞིང་རྒྱས་པའི་ཕྲིན་ལས་མཛོད། །ཁྱད་པར་བདག་ཅག་དཔོན་སློབ་འཁོར་བཅས་ཀྱི། །མི་མཐུན་འགལ་རྐྱེན་བར་ཆད་ཞི་བ་དང་། །མཐུན་རྐྱེན་ཆོས་དང་མཐུན་པའི་ལེགས་ཚོགས་ཀྱིས། །བསམ་དོན་ཡིད་བཞིན་འགྲུབ་པའི་ཕྲིན་ལས་མཛོད། །མདོར་ན་གནས་སྐབས་ཆོས་སྤྱོད་བྱ་བ་རྣམས། །གང་ལ་འཇུག་ཀྱང་གེགས་མེད་མཐར་ཕྱིན་ཏེ། །མཐར་ཐུག་རྣམ་མཁྱེན་གོ་འཕང་བསྒྲུབ་པ་ལ། །སྟོངས་གྲོགས་དམ་པ་མཛོད་ཅིག་མཐུ་མ་ཆུང་། _{།ཞེས་པའང་དགེ་རིན་པས་སོ།།}