ནང་བཟོ་དང་བཟོ་གྲྭ་ཆུང་བ།

ནང་བཟོ་དང་བཟོ་གྲྭ་ཆུང་བ་ཟེར་མི་འདི་ མི་སྡེ་ནང་ མི་ཚུ་གཅིག་མཐུན་གྱི་ཐོག་ལས་ ཚོང་ལཱ་འབད་མི་ལུ་སླབ་ཨིན། འབྲུག་གི་བསྟན་རྒྱས་ལྷན་ཁག་གི་འོག་ལུ་ཡོད་པའི་ནང་བཟོ་དང་བཟོ་གྲྭ་ཆུང་བའི་ལས་ཁུངས་འདི་ སྤྱི་ལོ་ ༢༠༡༠ སྤྱི་ཟླ་ ༧ པ་ལུ་ གཞི་བཙུགས་འབད་དེ་ Cottage and Small Industry Policy (2019) ཟེར་མི་འདི་ སྤྱི་ལོ་ ༢༠༡༢ ལུ ཆ་འཇོག་འབད་ནུག། བསྟན་རྒྱས་ལྷན་ཁག་གིས་བཀོད་མི་ནང་  འབྲུག་རྒྱལ་ཁབ་ནང་ ༩༥% འདི་ བཟོ་གྲྭ་ཁང་ཆུང་བ་ཡོདཔ་དང་ འདི་གི་ ཡིག་ཚང་ལྟེ་བ་འདི་ཐིམ་ཕུག་ལུ་ བསྟན་རྒྱས་ལྷན་ཁག་དང་མཉམ་ཅིག་ཡོདཔ་ཨིན། ནང་བཟོ་དང་བཟོ་གྲྭ་ཆུང་བ་འདི་ དཔལ་འབྱོར་གོང་འཕེལ་གྱི་དོན་ལུ་ གལ་ཅན་ཅིག་ཨིན་ཟེར་བཤདཔ་ཨིན་མས།

ནང་བཟོ་དང་བཟོ་གྲྭ་ཆུང་བའི་་འཆར་གཞི་འདི་ རྒྱལ་ཡོངས་དགའ་སྐྱིད་དཔལ་འཛོམས་ཀྱི་ལྟ་བ་དང་གཅིག་ཁར་གོང་འཕེལ་བཏང་སྟེ་ སྤྱིར་མི་སྡེ་དཔལ་འབྱོར་ཡར་རྒྱས་གཏང་ནི་དང་། འཇོན་ཐང་ཅན་གྱིས་མཐའ་འཁོར་བཟོ་སྟེ་ སྟབས་བདེ་དྲགས་དང་ཡུན་བརྟན་གྱི་ཡར་རྒྱས་གཏང་ནི། ཚོང་སྡེ་ཆུང་ཀུ་ལ་སོགསཔ་་ཡར་རྒྱས་བཏང་སྟེ་ འོང་འབབ་འདྲ་མཉམ་སྦེ་བགོ་བཀྲམ་འབད་ནི་དང་། ལུང་ཕྱོགས་འདྲན་མཉམ་སྦེ་ཡར་འཕར་གཏང་ནིའི་དམིགས་པ་སྐྱེདཔ་ཨིན་མས། ནང་བཟོ་དང་བཟོ་གྲྭ་ཆུང་བ་འགོ་བཙུགས་དགོ་མི་དེ་ཡང་ འབྲུག་རྒྱལ་ཁབ་འདི་ གངས་རི་གིས་བསྐོར་ལས་ས་དབྱིབས་ནང་ཆགས་ཆགསཔ་ཨིན་པའི་ཁར་ མི་རློབས་ཡང་ཁ་གཏོར་ཏེ་ཡོདཔ་ལས་ ཚོང་འབྲེལ་ཆུང་བ་ཚུ་ འགྱོ་བཏུབ་པའི་ས་གནས་ཅིག་ཡང་ཨིན་མས།

Cottage and Small Industry Policy (2019, pg.1) ནང་འབད་བ་ཅིན་ ནང་བཟོ་དང་བཟོ་གྲྭ་ཆུང་བ་གིས་ འཛིན་སྐྱོང་ལམ་ལུགས་འདི་ ལས་ཁུངས་ཀྱི གཙོ་འཛིན་ ཡོངས་ཁྱབ་མདོ་ཆེན། དེ་གི་འོག་ལས་ འཆར་གཞི་ལས་ཁུངས། ཚོང་ལས་གོང་འཕེལ་སྡེ་ཚན། ཚོང་ཆུང་ཁྱབ་སྤེལ་ལྟེ་བ་ཚུ་ཡོདཔ་མས།

འབྲུག་རྒྱལ་ཁབ་ནང་ ནང་བཟོ་དང་བཟོ་གྲྭ་ཆུང་བ་ཚུ་ཁག་ཆེ་མི་འདི་ རྒྱལ་ཁབ་ཀྱི་མངའ་སྡེའི་སྙན་ཞུ་ནང་ བཟོ་གྲྭ་ཆུང་བ་འདི་ གཡོག་སྡེ་གཙོ་རིམ་ཅིག་ཨིན་ཟེར་བཀོད་དེ་འདུག། Namgyel (2019) གིས་ འབྲུག་ལུ་བཟོ་གྲྭ་ཆུང་བ་ ༢༠,༩༠༨ཀྱིས་་ ན་གཞོན་ཚུ་ལུ་ ལཱ་གཡོག་ ༩༦,༡༧༧ བྱིན་ཚུགས་པའི་ཁར་ སྤྱི་ལོ་ ༢༠༡༨ ལུ་ གྱངས་ཁ་༡,༢༩༧ གྱིས་ཡར་སེང་འགྱོ་ཡོདཔ་ཨིན་མས། ལཱ་གཡོག་གིས་ དཀའ་ངལ་རྒྱ་ཆུང་ཀུ་བཟོ་སྟེ་ དཔལ་འབྱོར་སྣ་ཁག་ཚུ གོང་འཕེལ་བཏང་སྟེ་ གྲོང་གསེབ་ཀྱི་འབབ་ཁུངས་ཡར་སེང་འབད་ཚུགསཔ་ཨིན་མས། དཔེར་ན་ གནས་བརྟན་རྡོ་རྗེ་ (༢༠༡༩) གིས་ བཀྲ་ཤིས་སྒང་རྫོང་ཁག་དེ་ རྒྱལ་ཁབ་ནང་ ཨོམ་ཐོན་སྐྱེད་འབྱུང་མིའི་གྲས་ལས་དྲག་ཤོས་ཅིག་ཨིནམ་ལས་ ཀོ་ཕུ་ཀོ་ཨོམ་བཟོ་སྐྲུན་ལས་སྡེ་གིས་ ལས་སྡེ་སྒྲིང་སྒྲི་འགྱོ་བའི་ཁར་ རྒྱལ་ཁབ་ཀྱི་དཔལ་འབྱོར་ལུ་ཡང་ ཕན་ཐོགས་ནི་མས་ཟེར་ཨིནམ་དང་། ད་རེས་བ་ལྷགཔ་སྦེ་ རྒྱ་སྐྱེད་འབད་ནིའི་འཆར་གཞི་ཡོད་ཟེར་བཤད་དེ་འདུག།

ནང་བཟོ་དང་བཟོ་གྲྭ་ཆུང་བ་གཞི་བཙུགས་འབད་མི་འདི་གིས་  བཟོ་གྲྭ་རེ་ལུ་མི་ ༣.༦% ལུ་ལཱ་གཡོག་བྱིན་ཚུགས་པའི་ཁར་ བཟོ་གྲྭ་ཆུང་ཀུ་རེ་ལུ་ ༥.༤༥% དང་ ཁག་འབག་གན་འཛིན་ལྟེ་བ་རེ་ལུ་མི་ ༤.༧% ལཱ་གཡོག་བྱིན་ཚུགས་ནུག། དེ་བཟུམ་སྦེ་ར་ མ་རྩ་ དངུལ་ཀྲམ་འབུམ་གཅིག་དང་བཅུ་ཐམ་གྱི་བར་ན་བཟོ་ཡོདཔ་དང་ ན་གཞོན་ ༢༡༡ ལུ་རིག་རྩལ་སྦྱོང་བརྡར་ཡང་བྱིན་ཚུགས་ཡོདཔ་ལས་ འབྲུག་ལུ་ནང་བཟོ་དང་བཟོ་གྲྭ་ཆུང་བ་༩༠%དེ་ཅིག་ཡོད་མི་ཚུ་ རྒྱལ་ཁབ་ནང་གལ་ཅན་ཅིག་ཨིན་མས།

རྒྱབ་རྟེན།

གནས་བརྟན་རྡོ་རྗེ། (༢༠༡༩/༡༢/༢༩) རྫོང་ཁག་ཚོགས་འདུ་གིས་ནང་འཁོད་ཨོམ་གྱི་ཐོན་སྐྱེད་ལག་ལེན་འཐབ་དགོ་པའི་གྲོས་ཆོད། ཀུན་གསལ།

Ministry of Economic Affairs. (n.d). Cottage and small industry. Retrieved from

https://www.moea.gov.bt/?page_id=592

Ministry of Economic Affairs. (July, 2019). Cottage and small industry policy. Royal Government of Bhutan.

Cottage, small and medium industry policy of the kingdom of Bhutan. (2012).

Royal Government of Bhutan.

Namgyel, K.C. (29/06/2019). A start for cottage and small industries. The Bhutanese. Retrieved from

https://thebhutanese.bt/a-start-for-cottage-and-small-industries/