ཕུལ་མཆོད།

༈ ཕུད་མཆོད་ནི།

༈ _{ཕུད་ལྔ་བཅད་དེ།} ཨོ་གུ་རུ་བཛྲ་ནེེཝི་དྱེ་ཨཱཿཧཱུཾ། _{ཞེས་བླ་མ་ལ་ལྷ་བཤོས་གཅིག་ཕུལ།} ཨོཾ་སརྦ་བུདྡྷ་བོ་དྷི་ས་ཏཱ་བྷྱཿབཛྲ་ནེེཝི་དྱེ་ཨཱཿཧཱུྃ། _{ཞེས་སངས་རྒྱས་དང་བྱང་ཆུབ་སེམས་དཔའི་ཚོགས་ལ་ཕུལ།} ཨོཾ་ཀཱ་མ་དེ་ཝ་མཎྜ་ལ་བཛྲ་ནེེཝི་དྱེ་ཨཱཿཧཱུྃ། _{ཞེས་ཡི་དམ་དཀྱིལ་འཁོར་གྱི་ལྷ་ཚོགས་ལ་ཕུལ།} ཨོཾ་ཤྲཱི་དྷརྨ་པཱ་ལ་ཡ་བཛྲ་ནེེཝི་དྱེ་ཨཱ༔ཧཱུྃ། _{ཞེས་ཆོས་སྐྱོང་སྲུང་མའི་ཚོགས་ལ་ཕུལ།} ཨོ་ཐི་མེ་ས་པ་རི་ཝཱར་བཛྲ་ནེེཝི་དྱེ་ཨཱཿཧཱུྃ། _{ཞེས་གནས་བདག་གཞི་བདག་གི་ཚོགས་ལ་ཕུལ། དེ་ནས་ཕུད་ཀྱི་ཆང་བུ་གསུམ་བཅད་དེ།} ཨོཾ་ཧ་རི་ཏེ་པིཎྜ་ཨ་ཁཾ་སྭཱཧཱ། _{ཞེས་འཕྲོག་མའི་བུ་ལྔ་བརྒྱ་ལ་སྦྱིན།} ཨོཾ་ཧ་རི་ཏེ་པིནྡྲ་ནི་ཁཾ་སྭཱཧཱ། _{ཞེསའཕྲོག་མ་རྣམས་ལ་སྦྱིན།} ཨོཾ་ཨ་གྲ་པིཎྜ་ཨ་ཤི་བྷྱཿསཱཧཱ། _{ཞེས་འབྲོག་གནས་སོགས་དབང་བའི་འབྱུང་པོ་ལ་སྦྱིན།} ཨོ་ཨུ་ཙྪིཥྛ་པིཎྜ་ཨ་ཤི་སཱཧཱ། _{ལྷག་མ་ལ་དབང་བའི་འབྱུང་པོ་ལ་སྦྱིན།} ཡོན་སྦྱོང་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་འོད་ཀྱི་རྒྱལ་པོ་ཀུན་ནས་མེ་འོད་རབ་ཏུ་གསལ་བ་ལ་ཕྱག་འཚལ་ལོ། །ན་མ་ས་མནྟ་པྲ་བྷཱ་རཱ་ཛ་ཡ། ཏ་ཐཱ་ག་ཏཱ་ཡ། ཨརྡ་ཏེ་སམྱཀ་སམུདྡྷཱ་ཡ། ན་མོ་མཉྫུ་ཤྲཱི་ཡེ་ཀུ་མཱ་ར་བྷུ་ཏཱ་ཡ། བོ་དྷི་ས་ཏྭ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ནི་རཱ་ལམྦྷེ་ནི་རཱ་བྷཱ་སྱ། ཛ་ཡེ་ཛ་ཡེ། ལབྡྷེ་ལབྡྷེ་མ་ཧཱ་མ་ཏེ། དཀྵེ་དཀྵི་ཎཾ་པ་རི་ཤོ་དྷ་ཡ་སྭཱཧཱ། གང་གིས་བདག་ལ་ཁ་ཟས་སྦྱིན་པ་དང་། སྐོམ་བླུད་པ་དང་། རིམ་གྲོ་བྱས་པ་དེ་དག་ཉེ་བར་ཞི་བའི་བདེ་བ་ཐོབ་པར་གྱུར་ཅིག །གང་ཡང་བདག་ལ་གཤེ་བར་བྱེད་པ་དང་། རྡེག་པར་བྱེད་པ་དང་། མཚོན་གྱིས་རྡེག་པར་བྱེད་པ་དང་། སྲོག་གི་བར་དུ་གཅོད་པར་བྱེད་པ་དེ་དག་ཉེ་བར་ཞི་བའི་བདེ་བ་དམ་པ་ཐོབ་པར་གྱུར་ཅིག །བཟའ་བ་ཕུལ་བའི་བསོད་ནམས་ཀྱིས། །ཁ་དོག་སྟོབས་དང་ལྡན་གྱུར་ཏེ། །རོ་བརྒྱ་ལྡན་པའི་ཟས་རྙེད་ནས། བསམ་གཏན་ཟས་ཀྱིས་འཚོ་བར་ཤོག །བཏུང་བ་ཕུལ་བའི་བསོད་ནམས་ཀྱིས། །ཉོན་མོངས་ཚད་པ་ཞི་བ་དང་། །སྦྱིན་སོགས་ཡོན་ཏན་ལྡན་པ་ཡིས། །སྐོམ་ནད་མེད་པར་སྐྱེ་བར་ཤོག །གང་གི་སྦྱིན་པ་གང་ལ་སྦྱིན། །སྦྱིན་པ་ཇི་ལྟར་མི་གཏོང་། །སྦྱིན་པ་མཉམ་པ་དེ་ཉིད་ཀྱིས། །སྦྱིན་བདག་དེ་ལ་ཡོངས་རྫོགས་ཤོག །རྒྱལ་པོ་སྦྱིན་བདག་ཉིད་དང་ནི། །སེམས་ཅན་ཕུང་པོ་གཞན་དག་ལ། །ཚེ་རིང་ནད་མེད་ཕུན་སུམ་ཚོགས། །རྟག་ཏུ་བདེ་བ་ཐོབ་པར་ཤོག །བླ་མེད་བླ་མའི་ཐུགས་རྗེ་དང་། །རྒྱལ་དང་རྒྱལ་སྲས་རང་རྒྱལ་དང་། །དགྲ་བཅོམ་བདེན་པའི་བྱིན་རླབས་ཀྱིས། །ཇི་ལྟར་བསྔོ་བ་སྨོན་ལམ་འགྲུབ་གྱུར་ཅིག །སྦྱིན་པ་རྒྱ་ཆེན་གྱུར་པ་འདི་ཡི་མཐུས། །འགྲོ་བའི་ནང་ན་རང་བྱུང་སངས་རྒྱས་ཤོག །སྔོན་གྱི་རྒྱལ་བ་རྣམས་ཀྱིས་མ་གྲོལ་བའི། །སྐྱེ་བའི་ཚོགས་རྣམས་སྦྱིན་པས་གྲོལ་གྱུར་ཅིག །སངས་རྒྱས་སྐུ་གསུམ་བརྙེས་པའི་བྱིནབརླབ་དང་། །ཆོས་ཉིད་མི་འགྱུར་བདེན་པའི་བྱིན་བརླབ་དང་། །དགེ་འདུན་མི་ཕྱེད་འདུས་པའི་བྱིན་བརླབ་ཀྱིས། །ཇི་ལྟར་བསྔོ་བ་སྨོན་ལམ་འགྲུབ་པར་ཤོག། །།