ཕྱག་ཆེན་བརྒྱུད་པའི་གསོལ་འདེབས།
༈ ཕྱག་རྒྱ་ཆེན་པོའི་བླ་མ་བརྒྱུད་པའི་གསོལ་འདེབས་བཞུགས་སོ།།
ན་མོ་མཧཱ་མུ་དྲ་ཡ། སྐུ་གསུམ་གྱི་འབྲས་བུ་སྨིན་པའི་ས། །གནས་འོག་མིན་ཆོས་དབྱིངས་ཕོ་བྲང་དུ། །ཆོས་སྐུ་རྡོ་རྗེ་འཆང་ཆེན་ལ་གསོལ་བ་འདེབས།། སེམས་ཉིད་ལྷན་སྐྱེས་ཀྱི་རང་ངོ་འཕྲོད་པ་དང་། །ལམ་གང་ཤར་ལ་སྤང་བླང་མེད་པ་དང་། །སྣང་སྲིད་སྐུ་གསུམ་དུ་འཆར་བར་བྱིན་གྱིས་རློབས། །བྱིན་རླབས་ཀྱི་ཆུ་བོ་འབབ་པའི་ས། །ཤར་ཟ་ཧོར་ནོར་བུའི་དགོན་པ་རུ། །ཏིལླི་ཤེས་རབ་བཟང་པོ་ལ་གསོལ་བ་འདེབས། །སེམས་ཉིད་ལྷན་སྐྱེས༴ །ལམ་གང་ཤར་ལ༴ །སྣང་སྲིད་སྐུ་གསུམ༴།དངོས་གྲུབ་ཀྱི་བདུད་རྩི་འབྱུང་བའི་ས། །བྱང་པུཥྤ་ཧ་རིའི་དགོན་པ་རུ། །མཁས་པ་ནཱ་རོ་པཎ་ཆེན་ལ་གསོལ་བ་འདེབས། །སེམས་ཉིད་ལྷན་སྐྱེས༴ །ལམ་གང་ཤར་ལ༴ །སྣང་སྲིད་སྐུ་གསུམ༴ །མན་ངག་གི་རྒྱ་མཚོ་འཁྱིལ་བའི་ས། །ལྷོ་གྲོ་བོ་ལུང་གི་དགོན་པ་རུ། །སྒྲ་སྒྱུར་མར་པ་ལོ་ཙཱ་ལ་གསོལ་བ་འདེབས། །སེམས་ཉིད༴ །ལམ་གང༴ །སྣང་སྲིད་སྐུ་གསུམ༴ །སྒྲུབ་བརྒྱུད་ཀྱི་གངས་རི་ཆགས་པའི་ས།། ནུབ་ལ་ཕྱི་གངས་ཀྱི་རྭ་བ་རུ། །དབང་ཕྱུག་མི་ལ་རས་པ་ལ་གསོལ་བ་འདེབས། །སེམས་ཉིད༴ །ལམ་གང༴ །སྣང་སྲིད༴ །དཀར་བརྒྱུད་ཀྱི་རི་དབང་བརྟན་པའི་ས། །ཤར་དྭགས་ལྷ་སྒམ་པོའི་དགོན་པ་རུ། །ཆོས་རྒྱལ་དྭགས་པོ་ལྷ་རྗེ་ལ༴ །སེམས༴ །ལམ༴ །ཁམས་གསུམ་གྱི་རྒྱལ་སྲིད་སྐྱོང་བའི་ས། །དཔལ་ཕག་མོ་གྲུ་ཡི་ནགས་ཁྲོད་དུ། །བདེ་གཤེགས་ཁམས་པ་རྡོར་རྒྱལ་ལ༴ །སེམས༴ །ལམ༴ །སྣང༴ །གནས་ལུགས་ཀྱི་རྟོགས་པ་སྐྱོང་བའི་ས། །སྣ་ཕུ་ཆོས་ལུང་གི་དགོན་པ་རུ། །གྲུབ་ཐོབ་གླིང་ཆེན་རས་པ་ལ་གསོལ་བ་འདེབས། །སེམས་ཉིད་ལྷན་སྐྱེས༴ །ལམ་གང་ཤར༴ །སྣང་སྲིད་སྐུ་གསུམ༴། །བཤད་སྒྲུབ་ཀྱི་སྙིང་པོ་ལེན་པའི་ས། །འབྲུག་ར་ལུང་གཉིས་ཀྱི་གདན་ས་རུ། །འགྲོ་མགོན་གཙང་པ་རྒྱ་རས་ལ༴ །སེམས༴ །ལམ༴། སྣང༴ །ཆོས་བརྒྱུད་ལ་རོ་སྙོམས་བྱེད་པའི་ས། །སྟག་རི་གངས་ཀྱི་རྭ་བ་རུ།། སངས་རྒྱས་དབོན་ཆེན་རས་པ་ལ༴། །སེམས༴ །ལམ༴ །སྣང༴ ལྷུན་གྲུབ་ཀྱི་རང་ས་འཛིན་པའི་ས། །གདན་ས་ཡ་བཞིའི་བཞུགས་གནས་སུ། །ཆོས་རྗེ་གཞོན་ནུ་སེངྒེ་ལ༴ །སེམས༴ །ལམ༴ །སྣང༴ །བདེ་ཆེན་གྱི་འཁོར་ལོས་སྒྱུར་བའི་ས། །ཡང་དགོན་རྒྱལ་པོའི་ཕོ་བྲང་དུ། །བྱང་སེམས་ཉི་མ་སེངྒེ་ལ༴ །སེམས༴ །ལམ༴ །སྣང་༴ །སྐྱེ་མེད་ཀྱི་ནམ་འཕངས་སྤྱོད་པའི་ས། །ར་འབྲོག་རྡོར་གླིང་གི་དགོན་པ་རུ། །ཆོས་རྗེ་རྡོ་རྗེ་གླིང་པ་ལ༴། སེམས༴ །ལམ༴། སྣང་༴ །ཟབ་རྒྱས་ཀྱི་ཆོས་སྒོ་འབྱེད་པའི་ས། །སྤོས་སྐྱ་དཔལ་གྱི་གཟིམས་ཁང་དུ། །མཚན་ལྡན་སྤོས་སྐྱ་པ་ཆེན་པོ་ལ༴། སེམསཟ། ལམ༴ །སྣང༴ ཐེག་ཆེན་གྱི་བསྟན་པ་དར་བའི་ས། །དཀར་བརྒྱུད་ཀྱི་གདན་ཁྲི་ཡངས་པ་རུ། །དྲིན་ཅན་བཅུ་གསུམ་པ་ཆེན་པོ་ལ༴ །སེམས༴ ལམ༴ །སྣང༴ །སྨིན་གྲོལ་གྱིས་སྐལ་ལྡན་ཚིམས་པའི་ས། །ཟབ་ཡངས་བདེ་ཆེན་གྱི་ཕུག་པ་རུ། །འཇམ་དབྱངས་ཀུན་དགའ་སེངྒེ༴ སེམས༴ ལམ༴ སྣང༴ །བསླབ་གསུམ་གྱི་མེ་ཏོག་འཁྲུངས་པའི་ས། །གཞན་ཕན་གྱི་སྐྱེད་ཚལ་ཡངས་པ་རུ། །དྲིན་ཅན་བཛྲ་རཏཱ་ལ༴ སེམས༴ ལམ༴ སྣང༴ འཁྲུལ་མེད་ཀྱི་ཉམས་མྱོང་འཆར་བའི་ས། །ཟབ་གསལ་གྱི་ཀུན་དགའ་ར་བ་རུ། །འཇམ་དབྱངས་བློ་གྲོས་སེངྒེ་ལ༴ །སེམས༴ ལམ༴ སྣང༴ གནས་ལུགས་ཀྱི་རང་འོད་གསལ་བའི་ས། །གངས་ཆེན་གྱི་ལྟེ་བ་གངས་བཟངས་སུ།། མཉམ་མེད་མཁྱེན་བརྩེའི་རྟོགས་ལྡན་ལ༴ སེམས༴ ལམ༴ སྣང༴ འཁོར་འདས་ལ་མཉམ་པར་སྤྱོད་པའི་ས། །རང་བྱུང་ལྷན་སྐྱེས་ཀྱི་ཕོ་བྲང་དུ།། འཇམ་དབྱངས་ཡེ་ཤེས་རིན་ཆེན་ལ༴ སེམས༴། ལམ༴། སྣང༴། བདག་གཞན་གྱི་དགོས་འདོད་འབྱུང་བའི་ས། །མཉམ་ཉིད་ཀྱི་ཞིང་ཁམས་ཡངས་པ་རུ། །གྲུབ་ཆེན་བློ་གྲོས་མཆོག་ལྡན ལ༴ །སེམས༴ །ལམ༴ །སྣང༴ །སྐལ་ལྡན་གྱི་སེམས་རྒྱུད་གྲོལ་བའི་ས། །རང་རིག་ཡེ་ཤེས་ཀྱི་ཕོ་བྲང་དུ། །དྲིན་ཅན་ཤེས་རབ་བཟང་པོ་ལ༴ །སེམས༴ །ལམ= །སྣང༴ །མཁྱེན་གཉིས་ཀྱི་ལོ་ཏོག་རྒྱས་པའི་ས། །རང་བཞིན་རྣམ་དག་གི་ཕོ་བྲང་དུ། །འཁྲུལ་ཞིག་ནམ་མཁའི་རྣལ་འབྱོར་ལ༴ །སེམས༴ །ལམ༴ །སྣང༴ སྣང་གྲགས་རྣམས་ཆོས་སྐུར་རོལ་པའི་ས། །ཕྱོགས་བྲལ་གྱི་ནམ་མཁའ་ཡངས་པ་རུ། མཚུངས་མེད་རྒྱལ་དབང་ཆོས་རྗེ་ལ༴ །སེམས༴ །ལམ༴ །སྣང༴ སེམས་ཉིད་ཀྱི་གཏེར་ཁ་འབྱེད་པའི་ས། །སྟོང་ཉིད་སྙིང་རྗེའི་ཕོ་བྲང་དུ། །ངག་དབང་ཆོས་ཀྱི་རྒྱལ་པོ ལ༴ །སེམས༴ །ལམ༴ །སྣང༴ །བདེ་སྟོང་ལ་རྒྱུན་ཆད་མེད་པའི་ས། །གནས་རྡོ་རྗེ་བཙུན་མོའི་བྷ་ག་རུ། །ཡོངས་འཛིན་ངག་གི་དབང་ཕྱུག་ལ༴ །སེམས༴ །ལམ༴ །སྣང༴ །ཟབ་དོན་གྱི་སྙིང་པོ་ལེན་པའི་ས། །བདེ་ཆེན་འབྲུག་རྒྱས་ཀྱི་དགོན་པ་རུ། །ཀུན་སྤངས་ཤེས་རབ་རྒྱ་མཚོ་ས་གསོལ་བ་འདེབས། །སེམས༴ །ལམ༴ །སྣང༴ ཚད་མེད་ཀྱི་ཐུགས་རྗེས་ཁྱབ་པའི་ས། །འཕྲིན་ལས་མཁའ་ཁྱབ་ཀྱི་ཕོ་བྲང་དུ། །རྒྱལ་དབང་པདྨ་དཀར་པོ་ལ་གསོལ་བ་འདེབས། །སེམས༴ །ལམ༴ །སྣང༴ །ཐེག་ཆེན་གྱི་ཆོས་ཆར་འབེབ་པའི་ས། །གནས་གར་བཞུགས་ཆོས་ཀྱི་ཕོ་བྲང་དུ། །རྗེ་བཙུན་ཆོས་ཀྱི་མགོན་པོ་ལ་གསོལ་བ་འདེབས། །སེམས༴ །ལམ༴ །སྣང༴།ཐར་འདོད་ལ་བྱང་ཆུབ་སྟེར་བའི་ས། །སྐུ་གསུམ་མངོན་གྱུར་གྱི་ཕོ་བྲང་དུ། །ཡོངས་སུ་ངག་དབང་བཟང་པོ་ལ་གསོལ་བ་འདེབས། །སེམས༴ །ལམ༴སྣང༴ །མཐོང་ཐོས་ཀྱི་གཞན་རྒྱུད་གྲོལ་བའི་ས། །དཀར་བརྒྱུད་ཀྱི་རྒྱལ་མཚན་མཐོན་པོའི་རྩེར། །རྒྱལ་དབང་དཔག་བསམ་དབང་པོ་ལ་གསོལ་འདེབས། །སེམས༴ །ལམ༴ །སྣང༴ །ཉམས་རྟོགས་ཀྱི་དབྱར་མཚོ་སྤེལ་བའི་ས། །གནས་ངེས་མེད་གྲུབ་པའི་སྡིག་གནས་སུ། །རྗེ་བཙུན་མི་ཕམ་བློ་གྲོས་ལ་གསོལ་བ་འདེབས། །སེམས༴ །ལམ༴ །སྣང༴ །བླ་མེད་ཀྱི་ངེས་གསང་འབྱུང་བའི་ས། །སྐུ་བཞི་བདེ་ཆེན་ཀྱི་ཕོ་བྲང་དུ། །ཡོངས་འཛིན་ཀུན་དགའ་ལྷུན་གྲུབ་ལ༴ །སེམས༴ །ལམ༴ །སྣང༴ །མཚན་འཛིན་གྱི་སྤྲོས་པ་འཇིག་པའི་ས། །བདེ་ཆེན་ཡེ་ཤེས་ཀྱི་ཕོ་བྲང་དུ། །མི་ཕམ་ཆོསཀྱི་དབང་ཕྱུག་ལ༴ སེམས༴ ལམ༴ སྣང༴ །དགེ་ལེགས་ཀྱི་འདོད་དགུ་འབྱུང་བའི་ས། །མཁའ་ཁྱབ་རྡོ་རྗེའི་གྲོང་ཁྱེར་དུ། །མི་ཕམ་ཡར་འཕེལ་དབང་པོ༴། སེམས༴ །ལམ༴ །སྣང༴ །འགྱུར་མེད་ཀྱི་བདེ་ལ་རོལ་པའི་ས། །དག་པ་གཉིས་ལྡན་གྱི་ཕོ་བྲང་དུ། །མཚུངས་མེད་དགེ་ལེགས་བཞད་པ་ལ༴ སེམས༴ །ལམ༴ །སྣང༴ །བྱིན་རླབས་ཀྱི་བཀའ་བབས་བརྙེས་པའི་ས། སྐལ་ལྡན་རང་གྲོལ་གྱི་ཕོ་བྲང་དུ། །རྗེ་བཙུན་ཐུགས་ཀྱི་རྡོ་རྗེ༴ །སེམས༴ ལམ༴ །སྣང༴ །སྤྲོས་མཚན་གྱི་འཆིངས་ལས་གྲོལ་བའི་ས། །ཡེ་ཤེས་ལྔ་ལྡན་ཀྱི་ཞལ་ཡས་སུ། །ལྷན་སྐྱེས་བདེ་ཆེན་རྡོ་རྗེ་༴།སེམས༴ །ལམ༴། སྣང༴ །སྒྲུབ་བརྒྱུད་ཀྱི་མཆོད་སྡོང་བརྙེས་པའི་ས། །མི་འགྱུར་བདེ་ཆེན་ཕོ་བྲང་དུ། །ཁྱབ་བདག་འཇམ་དཔལ་དཔའ་བོ༴ །སེམས༴ །ལམ༴ །སྣང༴།གཞན་ཕན་གྱི་སྨོན་ལམ་སྤྱོད་པའི་ས། །གནས་ངེས་མེད་བདེ་བའི་ཞིང་ཁམས་སུ། །རྒྱལ་དབང་ཆོས་ཀྱི་སྣང་བ༴ །སེམས༴ །ལམ༴ །སྣང༴ གང་ཤར་ཀུན་བདེ་བར་འཆར་བའི་ས། །རྣམ་དག་བདེ་ཆེན་གྱི་ཕོ་བྲང་དུ། ཁྱབ་བདག་ཡེ་ཤེས་གྲུབ་པ༴ །སེམས༴ །ལམ༴ །སྣང༴ །ཐར་འདོད་ཀྱི་འགྲོ་ཀུན་འདྲེན་པའི་ས། །མཁྱེན་བརྩེ་ནུས་ལྡན་གྱི་ཕོ་བྲང་དུ། །མི་ཕམ་བསྟན་པའི་ཉི་མ་ལ༴ །སེམས༴ །ལམ༴ །སྣང༴ །རྒྱལ་ཀུན་གྱིས་རྗེས་སུ་འཛིན་པའི་ས། །གནས་དད་གསུམ་འགྱུར་མེད་ཀྱི་ཞིང་ཁམས་སུ། །ངེས་དོན་བསྟན་པའི་ཉིན་བྱེད་ལ༴ །སེམས༴ །ལམ༴ །སྣང༴ །བསྐྱེད་རྫོགས་ཀྱི་ཏིང་འཛིན་བརྟན་པའི་ས། །གྲུབ་གཉིས་མངོན་གྱུར་གྱི་ཕོ་བྲང་དུ། །མཐུ་ཆེན་ཆོས་ཀྱི་ཉིན་བྱེད་ལ༴ །སེམས༴ །ལམ༴ །སྣང༴ །དོན་གཉིས་ཀྱི་གཏེར་སྒོ་འབྱེད་པའི་ས། །འོད་གསལ་མཁའ་ཁྱབ་ཀྱི་གཞལ་ཡས་སུ། །མི་ཕམ་ཡེ་ཤེས་སྣང་བ༴ །སེམས༴ །ལམ༴ །སྣང༴ །སྨིན་གྲོལ་གྱི་གྲུ་ཆར་འབེབ་པའི་ས། །གནས་པདྨ་ལུང་གི་གཞལ་ཡས་སུ། །མདོ་ཁམས་བསྟན་པའི་ཉི་མ་ལ༴ །སེམས༴ །ལམ༴ །སྣང༴ །རིས་མེད་ཀྱི་གདུལ་བྱ་སྐྱོང་བའི་ས། །གནས་གར་བཞུགས་རང་སྣང་འོག་མིན་དུ། །གྲུབ་དབང་ཤཱཀྱ་ཤྲཱིལ༴། །སེམས༴། །ལམ༴། །སྣང༴། །ཚེ་གཅིག་ལ་སངས་རྒྱས་སྟེར་བའི་ས། །གནས་སྤྱི་གཙུག་ཉི་ཟླའི་གདན་སྟེང་དུ། །དྲིན་ཅན་རྩ་བའི་བླ་མ་ལ་གསོལ་བ་འདེབས། །སེམས་ཉིད་ལྷན་སྐྱེས་ཀྱི་རང་ངོ་འཕྲོད་པ་དང་། །ལམ་གང་ཤར་ལ་སྤང་བླང་མེད་པ་དང་། །སྣང་སྲིད་སྐུ་གསུམ་དུ་འཆར་བར་བྱིན་གྱིས་རློབས། །ཞེས་ཕྱག་ཆེན་བརྒྱུད་པའི་གསོལ་འདེབས་རྒྱས་པ་འདི་སྟེ། བརྒྱུད་ཚུལ་འདི་ནི་འཚོགས་དོན་འདྲིལ་ཆེད་འབྲུག་ལུགས་སྤྱི་བརྒྱུད་ལྟར་བཀོད་པ་ཡིན་ལ། གཞན་ཡང་བརྒྱུད་ཚུལ་འབྲུག་ལུགས་ལ། ཀུན་མཁྱེན་པདྨ་དཀར་པོ་ཡན་ཐམས་ཅད་མཐུན་ཞིང་། དེ་ནས་རང་རང་བརྒྱུད་ལུགས་སོ་སོ་གང་ཡིན་གྱི་གསོལ་འདེབས་ཚིག་བསྒྱུར་བྱེད་ཀྱང་ཆོག་གོ།