བཀའ་བསྒོ།

༈ གཞན་ཕན་བཀའ་བསྒོ་ནི།

_{ཚིག་བདུན་གསོལ་འདེབས་དང་། སྐྱབས་འགྲོ་ནི།} ཧཱུྃ། དཀོན་མཆོག་རྩ་གསུམ་རྒྱ་མཚོའི་ཚོགས་ལ་སྐྱབས་སུ་མཆིའོ། །སྲིད་གསུམ་འགྲོ་རྣམས་སྒྲོལ་བར་སེམས་བསྐྱེད་དོ། །མཉམ་ཉིད་ཆོས་དབྱིངས་ཕོ་བྲང་ནས། །བརྒྱུད་གསུམ་རིག་འཛིན་རྒྱ་མཚོ་དང་། །དཔལ་ཆེན་རྟ་མཆོག་ཧེ་རུ་ཀ། །ཡི་དམ་མཁའ་འགྲོའི་ཚོགས་རྣམས་ཀྱིས། །སྐལ་ལྡན་སློབ་མ་འདི་རྣམས་ལ། །འགྱུར་མེད་སྐུ་ཡིས་བྱིན་གྱིས་རློབས། །འགག་མེད་གསུང་གིས་བྱིན་གྱིས་རློབས། །འཁྲུལ་མེད་ཐུགས་ཀྱིས་བྱིན་གྱིས་རློབས། །ཡོན་ཏན་རེ་སྐོང་བྱིན་གྱིས་རློབས། །ཕྲིན་ལས་འགྲོ་འདུལ་བྱིན་གྱིས་རློབས། །སྐུ་གསུང་ཐུགས་ཀྱིས་བྱིན་གྱིས་རློབས། །འགལ་རྐྱེན་བར་ཆད་ཞི་བ་དང་། །མཆོག་ཐུན་དངོས་གྲུབ་སྩལ་དུ་གསོལ། །ཀཱ་ཡ་སིདྡྷི་ཨོཾ། ཝཀ་སིདྡྷི་ཨཱ༔ ཙིཏྟ་སིདྡྷི་ཧཱུཾ། སརྦ་སིདྡྷི་ཕ་ལ་ཧཱུྃ། _{རྟེན་སྤྱི་བོར་བཞག་འབྲུ་འཐོར། བགེགས་རིགས་སྟོང་ཕྲག་སོགས་ཤིས་བརྗོད་ཕྲན་བུས་མཐའ་བརྒྱན་ནོ། །ནད་པ་གདོན་ཆེན་ཡིན་ཚེ་སྐྱབས་འགྲོ་སེམས་བསྐྱེད་སྔོན་དུ་སོང་ནས།} རང་ཉིད་སྐད་ཅིག་གིས་དཔའ་བོ་རྟ་མཆོག་རོལ་པ་ཁྲོ་གཏུམ་འཇིགས་སུ་རུང་བའི་སྐུར་གྱུར། _{རྟ་མགྲིན་གསང་སྔགས།} ཧཱིཿཔདྨ་ཏ་ཀྲྀཏ་བཛྲ་ཀྲོ་ཏ་ཧྱ་གྲི་ཝ་ཧུ་ལུ་ཧུ་ལུ་ཧཱུཾ་ཧཱུཾ་ཕཊ། _{བྲག་སྔགས་སོ་ལྔ་པ།} ཨོཾ་བཛྲ་མཧཱ་ཀྲོ་ཏ་པདྨ་ཀྲོ་དྷི་ཤྭ་རི་བཛྲ་ཀཱི་ལི་ཀཱི་ལ་ཡཱ་མཧཱ་ཡཀྵ་ཀཱ་ལ་རུ་པ་ཀརྨ་རཾ་རཾ། ཛྭ་ལ་རཾ། གནོད་བྱེད་དམ་སྲི་འབྱུང་པོ་མ་ར་ཡ་ཕཊ། _{གུ་གུལ་བདུག་ཅིང་ཡུངས་ཀར་གྱིས་བྲབ་ལ། ཞལ་བཞི་པའི་སྔགས།} ཨོཾ་སུམྦྷ་ནི་སུམྦྷ་ནི་ཧཱུཾ་ཧཱུཾ་ཕཊ། ཨོཾ་གྷྲྀ་ཧ་ན་གྷྲྀ་ཧ་ན་ཧཱུཾ་ཧཱུཾ་ཕཊ། ཨོཾ་གྷྲྀ་ཧ་ན་པ་ཡ་གྷྲི་ཧ་ན་པ་ཡ་ཧཱུྃ་ཧཱུྃ་ཕཊ། ཨོཾ་ཨ་ན་ཡ་ཧོ་བྷ་ག་ཝཱ་ན་བིདྱ་རཱ་ཛ་ཡ་ཧཱུྃ་ཧཱུྃ་ཕཊ། གྲངས་མེད་བརྗོད་ཅིང་ལྷ་ཡི་ང་རྒྱལ་དང་ལྡན་པའི་རིག་པ་ཧུར་འདོན། གོང་གི་བཀའ་བསྒོ་དངོས་ཀྱང་འདིར་འདོན། _{བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། སོགས་བརྗོད། ཅེས་པའང་ཤཱཀྱ་ཤྲཱིས་སོ།། །།}