བརྡ་བརྒྱུད་ཀྱི་ལཱ་འགན།

བརྡ་བརྒྱུད་ཟེར་མི་འདི་མི་མང་ལུ་བརྡ་དོན་སྤྲོད་ནིའི་དོན་ལུ་ སྤྲོད་ནིའི་ལམ་ཅིག་ལུ་གོཝ་ཨིནམ་དང་ དེ་ཡང་རྒྱང་བསྒྲགས་དང་དཔེ་སྐྲུན། གློག་རིག་ཡོངས་འབྲེལ། མི་སྡེ་བརྡ་བརྒྱུད་ཚུ་ཚུདཔ་ཨིན་མས། བརྡ་བརྒྱུད་འདི་གིས་དེང་སང་གི་དུས་ལུ་ མི་ཚུ་གི་དོན་ལུ་མི་ཚེ་བཟུམ་ཅིག་འགྱོ་སྟེ་འདུག། བརྡ་བརྒྱུད་འདི་ ད་ལྟོའི་དུས་ལུ་ལཱ་འགན་འབག་མི་གཙོ་བོ་ཅིག་ལུ་གྱུར་ཏེ་ཡོད།

བརྡ་བརྒྱུད་འདི་དེང་སང་གི་དུས་ལུ་ ལཱ་འགན་ག་བཟུམ་ཅིག་འབགཔ་སྨོ་ཟེར་བ་ཅིན་ བརྡ་བརྒྱུད་འདི་གིས་སྐབས་བབས་ཀྱི་གནས་ཚུལ་དང་ལོ་རྒྱུས་ལེ་ཤ་བཤད་ཚུགས་ནི། དེ་ལས་ དུས་ཚོད་ཅིག་ནང་ལུ་འབད་བའི་ལཱ་དང་ལས་རིམ་ཚུ་ མགྱོགས་པ་སྦེ་ཁྱབ་གཏང་ནི། ད་རེས་ནངས་པ་ ཚོང་སྒྱུར་གྱི་དོན་ལུ་ འཇམ་ཏོང་ཏོ་སྦེ་བརྡ་བརྒྱུད་ཀྱི་ཐོག་ལས་ འབད་ཚུགས་དོ་ཡོདཔ་ལས་ མི་གི་བདེ་དོག་དང་ཐབས་ལམ་ཚུ་བརྡ་བརྒྱུད་ཀྱི་དབང་དུ་ཐལཝ་ཨིན་མས། འདི་ཡང་ (role of media in society) ནང་བཤད་མི་ནང་ མི་ལེ་ཤ་ར་བརྡ་བརྒྱུད་ཀྱི་དབང་ལུ་ཐལ་དོ་ཡོདཔ་དང་ བརྡ་བརྒྱུད་འདི་བརྡ་དོན་སྤྲོད་ལེན་འབད་ནི་ལུ་ཕན་ཐོགས་ཏེ་འདུག། འདི་གིས་ཡང་མ་ཚད་ གནད་དོན་རྣམ་པ་སྣ་ཚོགས་ནང་ལུ་ བསམ་དཔྱད་འབད་དོ་ཡོདཔ་དང་ རྒྱལ་ཁབ་ཕྱི་ནང་ལུ་ ག་ཅི་ར་འབདཝ་ཨིན་ན་དུས་མཐུན་འབདཝ་ཨིན་མས།

བརྡ་བརྒྱུད་ཀྱིས་རྒྱལ་ཁབ་གོང་འཕེལ་ནང་ལུ་ ལཱ་འགན་ག་བཟུམ་ར་འབགཔ་སྨོ་ཟེར་བ་ཅིན་ བརྡ་བརྒྱུད་གོང་འཕེལ་འདི་གིས་ལྕོགས་གྲུབ་ཡར་སྐྱེད་ཀྱི་གཞི་རྩ་དང་ རང་དང་འབྲེལ་བ་ཡོད་པའི་གསོལ་སྟོན་གྱི་དལ་དབང་། དེ་ལས་ དམངས་གཙོའི་གཞུང་སྐྱོང་ལུ་ལྷན་ཐབས་འབདཝ་ཨིན་ཟེར་ བཤད་དེ་འདུག། (media development)

ཨིན་རུང་ བརྡ་བརྒྱུད་འདི་མི་རབས་ནང་ལུ་ངན་པའི་བྱེམ་ཕོག་དོ་ཡོདཔ་དང་ འདི་ཡང་གཙོ་བོ་ར་ན་གཞོན་ཚུ་ཤུགས་སྦེ་ར་ རྒྱུད་སྐུལ་འབད་དེ་ངན་པའི་ཕྱོགས་ལུ་འགྱོ་ནི། དེ་ལས་ རེ་ཅིག་སྐབས་ཁོང་ཚུ་གིས་བརྡ་བརྒྱུད་ངན་པ་ཚུ་ལུ་གཙོ་བོ་བཏོན་ཏེ་ མི་སྡེ་ནང་ཚུལ་མིན་གྱི་བྱ་སྤྱོད་ཚུ་འབད་དོ་ཡོདཔ་ཨིན་མས།

བརྡ་བརྒྱུད་འདི་ མི་སྡེ་དང་འབྲེལ་ཡོད་མི་ངོམ་དང་ལས་ཁུངས་ བསམ་འཆར་བརྗེ་སོར་དང་ཉམས་མྱོང་བརྗེ་སོར་འབད་ནིའི་ནང་ལུ་ ལཱ་འགན་ཁག་ཆེ་ཤོ་ཅིག་ཨིན་མས། དེ་ལས་ མི་སྡེ་གི་དྲན་ཤེས་དང་མནོ་ལུགས་ རར་སྡོད་སའི་མཁའ་འཁོར་ནང་ ལེགས་ཉེས་ཀྱི་སྐུལ་མ་འབད་མི་གཙོ་བོ་ཅིག་ལུ་གྱུར་ཏུ་འདུག།

རྒྱབ་རྟེན།

Role of media in society. Retrieved from

https://www.ssim.ac.in/blog/role-of-media-in-society/

Media development. Retrieved from https://en.wikipedia.org/wiki/Media_development

Bhutan information and media impact. Retrieved from

https://www.moic.gov.bt/wp-content/uploads/2016/05/media-impact-study-2013.pdf