བྱ་རྒྱུ་བཟོ་ཐངས།

Wikipedia ལས།

དང་པ་ར་ བྱ་རྒྱུ་ཟེར་མི་འདི་ རྫས་སྦྱོར་ཉུང་སུ་སྦེ་བླུགས་ཏེ་ ཁུ་བ་མངམ་ཡོད་མིའི་ཚོདམ་གྱི་རིགས་ལུ་སླབ་ཨིན། འདི་ཡང་ བཞེས་སྒོ་དང་ཚོདམ་ལྷམ་པ་མ་འདྲཝ་ཚུ་གི་བར་ན་ ཟུར་ཐེབས་ཀྱི་ཚོདམ་བཟུམ་ཅིག་ཨིནམ་སྦེ་ ཆ་བཞག་ནི་ཡོདཔ་ཨིན་མས།

རྫས་སྦྱོར་ཚང་དགོཔ། ཧོན་ཚོད་/ལོམ། དར་ཚི། བླམ་བན་ད། ཨོམ། མར། ས་སྒ་དང་ སྐྱ་སྒོགཔ། ཨེ་ཕྱེ་ཚུ་ཚང་དགོ།

བཟོ་ཐངས། ཧེ་མ་ར་ ཧོན་ཚོད་/ལོམ་འདི་ ཆུ་འཁྱུ་སྦེ་གཏུབ་དགོ། གཏུབ་ཚར་ཞིནམ་ལས་ ཀ་ལ་རྫམ་ནང་ལུ་བླུགས་ཏེ་ འདི་གུ་ལུ་ ཆུ། མར་ཁུ། ཚྭ། ས་སྒ་དང་ཨེ་ཕྱེ་ཚུ་བླུག་དགོ། དེ་ལས་ བཟའ་མི་རང་སོའི་དགའ་ཧིང་དང་བསྟུན་ཏེ་ ཨོམ་བླུག་རུང་བཏུབ་ཨིན། འདི་གུར་ དར་ཚི་དཀྲུམས་ཏེ་བླུགས་ཞིནམ་ལས་ རྫས་སྦྱོར་གཞན་དང་གཅིག་ཁར་སླ་བསྲེ་དགོ། དེ་གི་ཤུལ་ལས་ར་ ཚྭ་གི་བྲོཝ་བལྟ་སྟེ་ བཏུབ་པ་ཅིན་ཐབ་གུ་ལས་མར་ཕབ་ཞིནམ་ལས་ བྱ་རྒྱུ་འདི་ཟ་ཆོགཔ་སྦེ་འགྱོཝ་ཨིན།

དམིགས་བསལ་ཁྱད་ཆོས། བྱ་རྒྱུ་འདི་ ཁུ་བ་མེད་པའི་ཚོདམ་བཟོ་ཡོད་པའི་སྐབས་བཟོཝ་ཨིན། ཨིན་རུང་ ད་རེས་ནངས་པ་ ཕྱི་རྒྱལ་ཁབ་ལས་ནང་འདྲེན་འབད་མི་ དཱལ་ཟེར་མི་སྲནམ་ཅུང་ཆུང་ཀུའི་རིགས་ཅིག་ཨིན་མི་དེ་གིས་ བྱ་རྒྱུ་སྦེ་བཟོ་སྟེ་ལོངས་སྤྱོད་མི་མང་སུ་འཐོནམ་ལས་བརྟེན་ ང་བཅས་རའི་སྔོན་ལས་བཟ་སྲོལ་ཡོད་མི་ ཧོན་ཚོད་དང་སྐྱུ་རུ་ལ་སོགས་པ་ཚུ་གིས་བྱ་རྒྱུ་བཟོ་སྟེ་ ལོངས་སྤྱོད་མི་འདི་ཚད་ཅིག་ལས་མེདཔ་ཨིན་མས།

རྒྱབ་རྟེན།

https://worldfood.guide/dish/jaju/

"https://dz.wikipedia.org/w/index.php?title=བྱ་རྒྱུ་བཟོ་ཐངས།&oldid=29775" ལས་ སླར་འདྲེན་འབད་ཡོདཔ།