བྱོན་པ་ལེགས་སོ་ལེགས་སོ། ༼རྫོང་ཁའི་ཞབས་ཁྲ།༽

༉ བྱོན་པ་ལེགས་སོ་ལེགས་སོ།། ཤར་ཕྱོགས་རི་བོའི་རྩེ་ནས།། དཀར་གསལ་ཉི་ཟླ་གཉིས་ཀྱིས།། གླིང་བཞི་སྐྱོང་བ་ལེགས་སོ།། བྱོན་པ་ལེགས་སོ་ལེགས་སོ།། སུམ་རྩེན་ལྷ་ཡི་གླིང་ནས།། བརྒྱ་བྱིན་ལྷ་ཡི་སྲས་པོས།། རྣམ་ཀུན་གཟིགས་པ་ལེགས་སོ།། བྱོན་པ་ལེགས་སོ་ལེགས་སོ།། བྱང་ཕྱོགས་ལྕང་ལོ་ཅན་ནས།། རྣམ་སྲས་ནོར་ལྷའི་རྒྱལ་པོས།། དངོས་གྲུབ་གནང་བ་ལེགས་སོ།། བྱོན་པ་ལེགས་སོ་ལེགས་སོ།། ཡིད་བཞིན་ནོར་བུའི་གླིང་ནས།། དེད་དཔོན་ནོར་བུ་བཟང་པོས།། འདོད་དགུ་རྙེད་པ་ལེགས་སོ།། བྱོན་པ་ལེགས་སོ་ལེགས་སོ།། འོག་མིན་ཆོས་སྐུའི་ཞིང་ནས།། ཕ་གཅིག་དྲིན་ཅན་བླ་མས།། དུས་རྒྱུན་བརྩེ་བ་ལེགས་སོ།། བྱོན་པ་ལེགས་སོ་ལེགས་སོ།། འབྲུག་ཡུལ་སྐྱིད་པའི་ལྗོངས་སུ།། མི་དབང་མངའ་བདག་རྒྱལ་པོས།། ཆོས་སྲིད་སྐྱོང་བ་ལེགས་སོ།། བྱོན་པ་ལེགས་སོ་ལེགས་སོ།། སྐུ་མགྲོན་ལྷན་རྒྱས་ཚོགས་རྣམས།། ཐུགས་དགོངས་སྤྲོ་བའི་ངང་ནས།། ལྟད་མོ་གཟིགས་པ་ལེགས་སོ།། །།