མཆོད་རྟེན་སྐོར་ར

རྒྱབ་ཁུངས།

བཀྲིས་དབྱངས་རྩེ་རྫོང་ཁག་འོག་ལུ་ཡོད་པའི་དྲེན་རྟེན་ཡོངས་དྲགས་ཀྱི་མཆོད་རྟེན་སྐོར་ར་ཟེར་མི་འདི་འཁོར་ལོང་ཆུའི་མཐའ་མ་ས་ཐང་བདེ་ཏོག་ཏོ་ཅིག་ཡོད་སར་བཞེངས་ཏེ་འདུག དེ་ཡང་ཞབས་དྲུང་ངག་དབང་རྣམ་རྒྱལ་གྱི་སྐུ་ཚའུ་བླ་མ་ངག་དབང་བློ་གྲོས་ཀྱིས་ས་གནས་དེ་ཁར་ཡོད་པའི་བདུད་ཚུབ་ཅན་ མི་དང་སེམས་ཅན་ཚུ་ལུ་བནོད་བཀལཝ་བཀལ་ས་རང་ལུང་པ་དེ་ནང་དགའཝ་སྐྱིདཔ་ཟེར་མི་འདི་མ་པ་ལས་རང་མེདཔ་བཟོཝ་ལས་བླམ་དེ་གིས་དེ་ཁར་གིས་བདུད་དེ་དམ་བཏག་ནིའི་དོན་ལུ་བཞེངས་གནང་གནངམ་ཨིན་མས། མཆོད་རྟེན་དེ་གི་མ་དཔེ་དེ་ཡང་བལ་བུ་ལུ་ཡོད་པའི་བྱ་རུང་ཁ་ཤོར་དེ་ཨིན་ཟེར་བཤདཔ་མས། ^[༡]

འབྲུག་ལས་བླམ་ངག་དབང་བློ་གྲོས་དང་ཁོ་རའི་ཆ་རོགས་མོན་རྟ་དབང་ལས་ཨིན་མི་བླ་མ་བཟང་པོ་གཉིས་ཀྱིས་བལ་བུ་ལུ་བྱོན་ཏེ་བྱ་རུང་ཁ་ཤོར་མཆོད་རྟེན་ཅོག་འཐེདཔ་རེ་རེ་རང་སོའི་ས་ཁོངས་ནང་ལུ་བཞེངས་ནིའི་ཁ་སླབ་དེ་ ལོག་ལྷོདཔ་ད་བླམ་བཟང་པོ་གིས་སྒོར་ཟམ་མཆོད་རྟེན་ཟེར་མི་ཅིག་བཞེགས་ནུག། བླམ་ངག་དབང་བློ་གྲོས་ཀྱིས་ཡང་ཁོ་གིས་ལ་ཕུག་གཅིག་གུ་མ་དཔེ་བཟོ་འབག་འོངམ་མི་དེ་ལྟ་དེ་ ཁོ་ལོང་ཆུའི་མཐའ་མར་མཆོད་རྟེན་ཅིག་བཞེགས་དེའི་མིང་ཡང་དོན་ནང་མཐུནམ་སྦེ་བདུད་རོང་མཆོད་རྟེན་ཟེར་གསོལ་ནུག། དེ་ཡང་ད་རེ་ཡོངས་དྲགས་གི་མཆོད་རྟེན་སྐོར་ར་ཟེར་མི་འདི་ཨིན་མས། ཁོ་གིས་བཞེགས་མི་མཆོད་རྟེན་དེ་བྱ་རུང་ཁ་ཤོར་མཆོད་རྟེན་ཅོད་འཐེདཔ་མ་འགྱོད་མི་འདི་ཡང་ཁོ་འབྲུག་ལུ་ལྷོད་ལྷོད་ལ་ཕུག་སྐམ་སོ་ནི་དེ་གི་ཨིན་ཟེར་བཤདཔ་ཨིན་མས།^[༡] དེ་གིས་གྲུབ་དང་རབ་གནས་ཡང་རྗེ་མཁན་ཁྲི་རབས་༡༣ པ་རྗེ་ཡོན་ཏན་མཐའ་ཡེ་གིས་བཛད་གནང་ནུག དེ་ལས་ཚུར་བདུད་དེ་གིས་མི་དང་སེམས་ཅན་ཚུ་ལུ་ཚུབ་བཀལ་མ་ཚུགས་པས།

མཆོད་རྟེན་སྐོར་ར་ཚེ་བཅུ།

དེ་ཡང་ལོ་ནམ་ཆེ་ར་ མཆོད་རྟེན་སྐོ་ར་ཁག་གཉིས་འགོ་འདྲེན་འཐབ་སྲོལ་འདུག དང་པ་རང་དག་པའི་སྐོ་ར་ཟེར་མི་འདི་ཟླཝ་དང་པའི་ཚེ་བཅོ་ལྔ་ལུ་འགོ་བཙུགས་སྲོལ་ཡོདཔ་ད་ རྒྱ་གར་ཨ་རུ་ནལ་པར་དེཤ་ལས་དག་པའི་མི་ཚུ་གཉིམ་གསུམ་གི་དོན་ལུ་གནས་སྐོར་དེ་ཁར་འོང་མི་དེ་ཡང་ཧེ་མ་ཁོང་གི་ལུང་ཕྱོགས་ནང་ལས་རྒྱལ་པོའི་སྲམོ་གུང་ལོ་བརྒྱད་སྦེ་མི་ཅིག་མཆོད་རྟེན་དེ་གི་ཡེ་ཤེ་སེམས་དཔའ་སྦེ་ཡོད་ཟེར་ཡིད་ཆེ་བསྐྱེད་དེ་འོང་དོ་ཡོདཔ་མས། ཤུལ་མམ་གི་སྐོར་ར་འདི་འབྲུག་པའི་སྐོར་ར་ཟེར་གནམ་གང་ལུ་སྐོར་ར་རྐྱབ་སྲོལ་ཡོད་མི་དེ་འབྲུགཔ་ཚུ་གི་དོན་ལུ་ཨིནམ་ད་ཤར་ཕྱོགས་ཁ་ཐུག་གི་མི་སེར་ཚུ་དེ་ཁར་འཛོམས་ཏེ་ཉིན་ནུབ་བྱེལ་སྐོར་ར་རྐྱབ་སྲོལ་འདུག དེ་སྐབས་མི་སེར་ཚུ་ལུ་བྱིན་རླབས་མཐོང་གྲོལ་གཅིག་ཡང་མཉལ་ཁར་གནང་སྲོལ་འདུག། དེ་ཁར་གཡུས་ཁར་གྱིས་བུཚ་དང་བུམོ་ན་གཞོན་ཚུ་ཡང་ཆ་ཉམས་དེ་ཁར་འཛོམས་ལས་ ལ་ལུ་ཅིག་དགའ་མཐུན་འཕྱད་དེ་གཉན་ཡང་རྐྱབ་པའི་ལོ་རྒྱུས་འདུག ^[༢]

ཁུངས་གཏུགས་དཔེ་ཆ།

↑ ^༡.༠ ^༡.༡ Chhophel, Lam Kezang. "A Brief History of Rigsum Goenpo Lhakhang and Choeten Kora at Trashi Yangtse" (PDF). Journal of Bhutan Studies. 6 (1): 1–4 – via Digital Himalaya. Retrieved 2025-09-13.
↑ https: //www.lonelyplanet.com, retrieved 2025-09-13.

འབྲུག་གི་དགོན་སྡེ་དང་ལྷ་ཁང།

[:0-1] ༡.༠ ^༡.༡ Chhophel, Lam Kezang. "A Brief History of Rigsum Goenpo Lhakhang and Choeten Kora at Trashi Yangtse" (PDF). Journal of Bhutan Studies. 6 (1): 1–4 – via Digital Himalaya. Retrieved 2025-09-13.

[2] ttps: //www.lonelyplanet.com, retrieved 2025-09-13.

[༡]

[༢]