མདའ་རྩེད།

མདའ་རྩེད་འདི་རྩེད་རིགས་ཚུ་གི་གྲལ་ལས་རྩེདམོ་སྤྲོ་བ་ཆེ་ཤོས་ཅིག་དང་ མི་ཆེ་ཆུང་ག་ར་གི་སྤྲོ་བ་བསྐྱེད་འདི་རྩེད་ནི་ཡོད་མི་ཅིག་ཨིན། མདའ་འདི་ཡང་སྔོན་མ་འཇིག་རྟེན་གྱི་ཁམས་ཆགས་པའི་སྐབས་ལུ་ ལས་དབང་ལས་སྐྱེས་པའི་དཔག་བསམ་ལྗོན་ཤིང་འབྲས་བུ་ལུ་བརྟེན་ ལྷ་དང་ལྷ་མོ་ནང་འཁྲུག་ལངས་ཏེ་ ལྷའི་གོ་མཚོན་འབད་མདའ་གཞུ་འདི་དང་པ་རང་ འདིའི་བསྒང་གསརཔོ་བཟོ་བཟོཝ་ཅིག་ཨིན་མས། དེ་གི་ཤུལ་ལས་དགྲ་བྱང་ཕྱེད་དང་དམག་རྐྱབ་ནིའི་ལག་ཆ་འབད་དར་ཁྱབ་བྱུང་བ་དང་། ང་བཅས་རང་གི་རྒྱལ་ཁབ་ནང་ཡང་སྔོན་སྡེ་སྲིད་རིམ་བྱོད་ཚུ་དང་ སྤྱི་ལོ་ ༡༩༠༧ ལུ་རྒྱལ་བརྒྱུད་དབུ་བརྙེས་པ་ལས་བཟུང་དར་ཁྱབ་བྱུང་ནུག

མདའ་རྩེད་འདི་འབྲུག་གི་རྒྱལ་ཡོངས་རྩོདམོ་ཨིན་འདི་ཡང་སྤྱི་ལོ་ ༡༩༦༡ ལུ་འབྲུག་རྒྱལ་ཁབ་འདི་འཛམ་གླིང་ སྤྱི་ཚོགས་ནང་ཚུད་པའི་སྐབས་ལུ་རྩེད་རིགས་ལས་མདའ་འདི་རྒྱལ་ཡོངས་ཀྱི་ངོ་རྟགས་གྲངས་སུ་ལུ་ ངོས་འཛིན་གནང་སྟེ་ཡོདཔ་མ་ཚད་ད་ལྟོའི་བར་ན་འབྲུག་རྒྱལ་ཁབ་ཀྱི་གཡུས་ཕྱོགས་ག་སྟེ་ལུ་ཡང་རྩེདམོ་འདི་རྩེད་ནི་ཡོད་པ་དང་ ལྷག་པར་དུ་ ལོ་གསར་དང་ཉིན་ལོག་ ཁྲུས་འབབ་དེ་ལས་དགའ་སྤྲོའི་ཉིནམ་ཚུ་ནང་རྩེད་ནི་ཡོད། 

མདའི་འབའ་ཐང་བཟོ་ཕའི་སྐབས་སུ་ཡང་རིང་ཐུང་མདའ་རྒྱང་གང་ཟེར་ལག་འདོམ་ ༨༠ ལས་ ༩༠ གི་བར་ན་བཟོཝ་དང་ དང་ཕུ་འབད་བ་ཅིནཔགས་ཤིང་དང་ཚར་གྱི་མདའ་གཞུ་ལུ་འབའ་ཐག་ཐུང་སུ་ ཅིག་འབད་ཡོདཔ་ཨིན་རུང་ད་རེས་ནངས་པ་རྒྱལ་ཁབ་ཡར་རྒྱས་འགྱོཝ་ལས་བརྟེན་ཕྱི་རྒྱལ་གྱི་མདའ་གཞུ་་ལག་ལེན་ཐབས་ནི་འདི་གིས་འདི་ལུ་ཧ་ལམ་ཕིཊ་ ༥༣༠ གི་ནང་འཁོད་བཟོཝ་ཨིན་མས། དུས་དང་ཕུག་འབད་བ་ཅིན་ཕྱོགས་གཉིས་འབད་སྡེ་ཚན་གཉིས་ཀྱི་བར་ན་རྩེདཝ་ཨིན་རུང་ད་རེས་ནངས་པ་ སྡེ་ཚན་བཞི་བཞི་ལྔ་ལྔ་འབད་ཡང་རྩེད་ནིའི་སྲོལ་འདུག མདའ་རྐྱབ་པའི་སྐབས་སུ་མདའ་འཆམ་སྤྲོ་བ་ཆེ་ཏོག་འབད་རྐྱབ་སྲོལ་ཡོདཔ་མ་ཚད་ཨམ་སྲུ་ཚུ་གི་མདའ་ཁ་ སློག་ནི་ཟེར་ མི་གི་བཟོ་དང་འབད་བཞག་ལུ་སྐྱོན་བརྗོད་རྐྱབ་སྟེ་ སླབ་སྲོལ་ཚུ་སྤྲོ་བ་ཆེ་ཏོག་ཏོ་འབད་ཡོད། མདའ་འཆམ་རྐྱབ་པའི་སྐབས་སུ་ཡང་ཞབས་ཁྲ་ག་མནོ་མ་མནོ་འབད་མིན་པར་འགོ་བཙུགས་དང་མཇུག་བསྡུ་གི་གོ་རིམ་ཚུ་སོར་སོ་འབད་འཐེན་སྲོལ་འདུག

མདའ་རྐྱབ་པའི་སྐབས་སུ་ཐ་ན་ མདའ་གཞུ་བཟོ་ཐངས་ཅིག་ལས་འགོ་བཟུང་ མདའ་འགོ་བཙུགས་ཐངས་དང་མདའ་འཆམ་རྐྱབ་ཐངས་ སྐུགས་རྩིས་ཐངས་དང་དེ་བཟུམ་འབད་མདའ་མཇུག་བསྡུ་ཐངས་ཚུ་ཡང་རོགས་རྒྱལ་ཁབ་གཞན་དང་མ་འདྲཝ་བའི་ཁྱད་ཆོས་བཟང་པོ་ཚུ་ཡོད།