མི་སི་སའུ་ག Mississauga

ངོ་སྤྲོད།

མི་སི་སའུ་ག་(Mississauga) འདི་ ཀེ་ནེ་གྲའི་ཁྲོམ་ཚོགས་སྦོམ་ཅིག་ཨིན། ཁྲོམ་ཚོགས་འདི་ཨོན་ཊ་རི་བོ་མཚོའི་མཐའ་མར་ཆགས་ཏེ་ཡོདཔ་མ་ཚད་ མཐའ་སྐོར་འདི་ ཤར་ཁ་ཐུག་ལུ་ཨི་ཊོ་བི་ཀོཀ་ཁྲོམ་དང་ནུབ་ཁ་ཐུག་ལུ་བརམ་ཊོན་ཁྲོམ་དེ་ལས་ནུབ་བྱང་ལུ་མིལ་ཊོན་ཁྲོམ་དང་ལྷོ་ནུབ་ནུ་ཨོཀ་ཝི་ལི་ཁྲོམ་ཚུ་ཡོདཔ་ཨིན། མི་སི་སའུ་ག་འདི་ཀེ་ན་ཌའི་ཁྲོམ་ཚོགས་ཚུ་གི་གྲལ་ཁ་ལས་མི་རློབས་ མང་སུ་ཡོད་མིའི་ཁྲོམ་ཚོགས་དང་མི་རློབས་ཀྱི་ཚད་གཞི་ལས་རྩིས་བ་ཅིན་ཨང་བདུན་པ་ལུ་ལྷོད་དེ་ཡོདཔ་ཨིན། མ་གཞི་རྒྱལ་རབས་ནང་ལུ་ སྤྱི་ལོ་༢༠༡༦་ལས་སྤྱི་ལོ་༢༠༢༡་ལུ་ཚུན་མི་རློབས་ཀྱི་གྲངས་རྩིས་ཕབ་ལྟཝ་དང་ མི་རློབས་ཀྱི་བརྒྱ་ཚད་འདི་ཨ་ཙི་ཅིག་མར་འབབ་འགྱོ་མི་དེ་འགོ་དང་པ་ཨིན་མས། མི་སི་སའུ་ག་དེ་ཡར་རྒྱལ་འགོ་དང་འགྱོ་མི་འདི་ ས་ཆ་དེ་ མངའ་སྡེ་ཊོ་རོན་ཊོ་གི་སྦོག་ལོ་ཁར་ཨིན་ནི་དེ་གི་མས། ཤུལ་ལས་ ཁྲོམ་ཚོགས་འདུ་ནང་ལུ་མི་རིགས་མ་འདྲཝ་ལེ་ཤ་འོང་སྟེ་ ཚོང་འབྲེལ་གྱི་ས་ཁོངས་སྦེམ་ཅིག་ལུ་འགྱུར་སོང་ནུག  མི་སི་སིའུ་ག་གི་ཤར་བྱང་ཁ་ཐུག་ལུ་ཡོད་པའི་མལ་ཊོན་ཁྲོམ་ཚོགས་འདི་ནང་ལུ་ ཀེ་ན་ཌའི་རྒྱལ་སྤྱིའི་གནམ་གྲུ་ཐང་ ཊོ་རོན་ཊོ་པི་ཡར་སོན་ཨིན་ཊར་ནེ་ཤན་ནལ་ཨེ་ཡར་པོཊ་དེ་ཡོདཔ་ཨིནམ་མ་ཚད་ ས་གནས་དེ་ཁར་ལུ་ ཀེ་ན་ཌ་རྒྱལ་ཁབ་ཀྱི་མ་ཚད་རྒྱལ་སྤྱིའི་ཚོང་འབྲེལ་ལྟེ་བ་ཚུ་ཡང་དེ་ཁར་ཡོདཔ་ཨིན། ཁྲོམ་ཚོགས་འདི་ནང་ལུ་སྡོད་མིའི་མི་ཚུ་ལུ་མི་སི་སའུ་གན་ཟེར་སླབ་ཨིན་རུང་ དོར་བསྡུས་ཏེ་ ཁྲོམ་ཚོགས་ལུ་ སའུ་ག་དང་དེ་ཁར་ཡོད་མིའི་མི་ཚུ་ལུ་སའུ་གན་ཟེར་ཡང་སླབ་སྲོལ་འདུག ཁྲོམ་ཚོགས་འདི་ནང་ལུ་མི་ཚུ་ ལོ་སྟོང་ཕྲག་གི་ཧེ་མ་ལས་རང་སྡོད་ནུག་ཨིན་རུང་མི་སའུ་ག་འདི་ཁྲོམ་སྦེ་སྤྱི་ལོ་༡༩༦༨་ལུ་བཟོ་ནུག་ དེ་ལས་སྤྱི་ལོ་༡༩༧༤་ལུ་ཁྲོམ་ཚོགས་སྦེ་བཟོ་ཡོདཔ་མ་ཚད་ཁྲོམ་སྡེའི་གྲང་སུ་ཡང་དེ་ལས་ཚུར་ཚུད་ནུག།

མི་སའུ་ག་གི་སའི་རྒྱ་ཚད་ཀི་ལོ་མི་ཊར་གྲུ་བཞི་ ༢༨༨་ཡོདཔ་ཨིན། ཁྲོམ་ཚོགས་འདི་ནང་ལས་གཙང་ཆུ་སྦོམ་གཉིས་ཡོདཔ་ཨིནམ་ད་ ཀེརེ་ཌིཌ་གཙང་ཆུ་དེ་རིང་ཤོས་ཅིག་ཨིན་མས། གཙང་ཆུ་དེ་གི་ཁྲོམ་ཚོགས་དེ་སྐེདཔ་བཏོག་ཏེ་ཤར་མ་སའུ་ག་དང་ནུབ་མ་སའུ་ག་ཟེར་ས་གནས་ཁག་གཉིས་འབད་ཡོདཔ་ཨིན གཙང་ཆུ་དེ་ཚུ་ཕྲང་ཕྲང་པོརཊ་ཀེརེ་ཌིཌ་མཚོའི་ཁ་ལས་མར་ཊོ་རོན་ཊོ་མཚོ་ནང་འཛུལ་འགྱོ་དོ་ཡོདཔ་ཨིན། ས་གནས་འདི་ཕྱི་གླིང་པའི་མི་ཚུ་མ་འོང་མའི་ཧེ་མ་ ཚལ་མ་གི་གང་སྟེ་ཡོདཔ་མ་ཚད་གཡུས་དེ་ཁར་གྱི་མི་ཚུ་རྐྱངམ་ཅིག་ཡོདཔ་ཨིན་དོ་མས། མི་སའུ་ག་གི་ཤར་ཁ་ཐུག་ལས་ ཨེ་ཐོ་བི་ཀོ་གཙང་ཆུ་དེ་ཡོདཔ་མ་ཚད་ཆུ་དེ་གི་ཊོ་རོན་ཊོ་དང་མི་སའུ་ག་གི་ས་མཚམས་བཟུམ་ཅིག་ཡང་ཨིན་མས། མི་སའུ་ག་གི་ས་ཆའི་མཐོ་ཚད་ རྒྱ་མཚོ་ལས་དམའ་ཤོས་མི་ཊར་༧༦་དང་མཐོ་ཤོས་མི་ཊར་༢༡༤་ཨིན་མས། སྤྱི་ལོ་༢༠༢༤ ལུ་ཆརཔ་ཤུགས་སྦེ་རྐྱབ་ནི་དེ་གི་ ས་གནས་དེ་ཁར་ལུ་ཆུ་རུད་སྦོམ་ཅིག་ཐོན་ཏེ་ ལམ་ག་ཡ་ར་མེདཔ་བཏང་ནུག

གནམ་གཤིས།

མི་སི་སའུ་ག་གི་གནམ་ཤེས་འདི་ཊོ་རོན་ཊོ་དང་ཆ་འདྲ་སུ་ཅིག་ཡོདཔ་ཨིན། གནམ་བྱར་འདི་ཚ་འདྲོད་གནམ་མེད་ས་མེད་ཡོདཔ་མ་ཚད་ཆར་ཤུ་ཡང་འབོལ་སུ་ཅིག་ཡོདཔ་ཨིན། སྤྱི་ཟ་བདུན་པ་དང་བརྒྱདཔ་སྐོར་ཆ་ལས་ཚ་འདྲོད་ ཌི་གིརི་སེལ་ཤི་ཡས་༢༧ ལས་ཌི་གིརི་སེལ་ཤི་ཡས་༣༢་ ཚུན་ཚོད་ལྷོད་དོ་ཡོདཔ་ཨིན། གནམ་དགུན་ལུ་གནམ་མེད་ས་མེད་གྱང་དོ་ཡོདཔ་ལས་ཚ་འདྲོད་ཀྱི་ཚད་གཞི་མར་གནམ་མེད་ས་མེད་འབབ་སྟེ་ ཌི་གིརི་སེལ་ཤི་ཡས་ མའི་ནཱསི་༤་ཚུན་ལྷོད་དོ་ཡོདཔ་ཨིན། གནམ་དགུན་ལུ་ཁཝ་གི་ཚད་གཞི་སེན་ཊི་མི་ཊར་ ༡༠༨ དང་ཉིནམ་ ༤༤ དེམ་ཅིག་ཁཝ་ནང་སྡོདཔ་ཨིན། མཚོ་དང་གཙང་ཆུའི་མཐའམ་བདའ་སྟེ་ གནམ་སེར་ཁ་ལས་ས་སྨུག་སྤུབས་སུ་ཅིག་འབད་སྡོད་དོ་ཡོདཔ་ཨིན། ཁྲོམ་འདི་ཟླཝ་ ༦་དེམ་ཅིག་ཁཝ་མ་པ་ལས་རང་མེདཔ་སྦེ་སྡོདཔ་ཨིན། ས་གནས་དེ་ཁར་རླུང་ཚུབ་མང་ཤོ་ཤུགས་གནམ་མེད་ས་མེད་མེད་དེ་འབད་རུང་འཕྲལ་འཕྲལ་རླུང་ཚུབ་ལས་བརྟེན་གནོད་པ་ཡང་བྱུུང་དོ་ཡོདཔ་ཨིན་ དཔེ་འབདན་ཧེ་མ་སྤྱི་ལོ་༡༩༨༥་ལུ་རླུང་ཚུབ་གཅིག་གིས་མི་ཨེ་ཌོ་ཝེལ་ཟེར་མི་ཁྲོམ་འདི་ནང་ལུ་ཁྱིམ་དང་སྣུམ་འཁོར་་མང་རབས་ཅིག་ལུ་གནོད་པ་བྱུང་པའི་གནས་ཚུལ་ཡང་འདུག

སྒྱུ་རྩལ་དང་ལམ་སྲོལ།

མི་སི་སའུ་ག་ལུ་ཡོད་པའི་ སྒྱུ་རྩལཔ་དང་གློག་བརྙན་བཟོ་མི་དང་རྩོམ་བྲིསཔ་དང་སྙན་ཆ་བཟོ་མི་དང་གཞན་མི་ཚུ་ལུ་སྤྲོ་བ་བྱིན་ཚུགས་པའི་ལཱ་འབད་མི་ཚུ་གི་དོན་ལུ་ལོ་བསྟར་ མི་སི་སའུ་ག་སྒྱུད་རྩལ་ཚོགས་སྡེའི་གིས་འགོ་འདྲེན་ཐོག་ ལོ་བསྟར་ཞིན་ཁོང་མི་ངོམ་གྲགས་ཤོས་ཚུ་ལུ་རྟགས་མ་བྱིན་ནིའི་ལས་རིམ་ཡོདཔ་ཨིན། མི་སི་སའུ་ག་ལུ་དུས་སྟོན་མང་ཤོས་རང་སེ་ལེ་བེརེ་ཤན་ཟེར་མིའི་ས་ཁོངས་ནང་ལུ་འགོ་འདྲེན་འཐབ་དོ་ཡོདཔ་ཨིན་ དུས་སྟོན་ཚུ་ཡང་ ཀེ་ནེ་ཌའི་ཉིནམ་རྩིས་སྲུང་དང་མི་སི་སའུ་ག་རོ་ཊ་ར་རི་དེ་ལས་ཊི་རི་ལའི་ཊིང་སེ་རི་མོ་ནི་དང་ལོ་གསར་ཚད་པའི་དུས་སྟོན་ཚུ་ཨིན། སྤྱི་ལོ་༢༠༡༢་ལུ་ཀེ་ན་ཌའི་ཉིནམ་ཟེར་མི་དུས་སྟོན་དེ་ཁར་མི་སེར་ཡོངས་བསྡོམས་ ༡༢༠༠༠༠་དེམ་ཅིག་འཛོམས་ནུག ད་རུང་ལོ་དེ་ནང་ལུ་ར་ རིབ་ཕིསཊི་ཟེར་མི་དུས་སྟོན་དེ་ཁར་ལུ་མི་༡༢༠༠༠༠ དེམ་ཅིག་འཛོམས་ནུག དུས་སྟོན་དེ་ཚུའི་ནང་ལས་མི་ཚུ་ལུ་སྤྲོ་བ་ཆེ་ཤོས་འདི་ར་ ཀ་ར་སའུ་ག་ཟེར་མི་འདི་ཨིནམ་ད་ དེ་ཡང་ སྤྱི་ཟླ་ལྔ་པའི་ཟླ་ཕྱེད་ཚམ་ལུ་འགོ་འདྲེན་འཐབ་སྲོལ་འདུག དུས་སྟོན་དེ་ནང་ལུ་མི་ཚུ་ཕར་ཚུར་འགྱོ་ནིའི་དོན་ལུ་སྐྱེལ་འདྲེན་ཞབས་ཏོགས་ཚུ་རིན་མེད་སྟོང་པ་སྦེ་བྱིན་དོ་ཡོདཔ་མ་ཚད་བཞེས་སྒོ་རྣམ་པ་སྣ་ཚོགས་ཀྱི་འགྲེམས་སྟོན་དང་གླུ་གར་ཚུ་ཡང་ཕུལ་དོ་ཡོདཔ་ཨིན། དུས་སྟོན་འདི་མང་ཤོས་རང་ཧེར་ཤེ་ཟེར་མིའི་ས་གནས་དེ་ཁར་ལུ་འགོ་འདྲེན་འཐབ་དོ་ཡོདཔ་ཨིན། རྒྱལ་ཁབ་སོ་སོའི་དུས་སྟོན་དཔྱེ་འབདན་ ཕི་ལི་པིནསི་གི་ཕིསི་ཊ་ཨང་ཀ་ལ་ཡན་དང་བེཏ་ནཱམ་གྱི་བེཏ་ས་མཱར་ཕིསིཊ་དེ་ལས་རྒྱ་གར་གྱི་དི་ཝ་ལི་ཚུ་ཡང་རྩིས་སྲུང་འབད་དོ་ཡོདཔ་ཨིན། ཨིས་ཊིཊས་ཝི་ལི་གཡུས་སྒོ་ན་ལུ་ བེ་རེཌ་ཨིན་ཧ་ནི་ཕེསིི་ཊི་བྷལ་ཟེར་མིའི་དུས་སྟོན་ཅིག་རྩིས་སྲུང་འབད་དོ་ཡོདཔ་ད་དེ་འགོ་ཐོག་སྤྱི་ལོ་༡༩༧༥ལུ་འགོ་འདྲེན་འཐབ་ནུག དུས་སྟོན་དེ་ནང་བསྡུས་ཡོད་པའི་མ་དངུལ་ཚུ་སྨན་ཁང་དང་གཞན་ཕན་ལས་ཚོགས་ཚུ་ལུ་གྲོགས་རམ་སྦེ་བྱིན་དོ་ཡོདཔ་ཨིན། དེ་བཟུམ་དུས་སྟོན་མ་འདྲཝ་ལེ་ཤ་འགོ་འདྲེན་འཐབ་སྲོལ་ཡོདཔ་ཨིན།

དཔལ་འབྱོར།

ཕོར་ཅུན་ཟེར་མིའི་ཐོ་བཀོད་འོག་ལུ་ཡོད་པའི་ཚོང་སྡེ་༥༠༠་ཡོད་ས་ལས་༦༠་དེམ་ཅིག་གི་ཡིག་ཚང་ལྟེ་བ་འདི་མི་སི་སའུ་ག་ལུ་ཡོདཔ་ཨིན། ཚོང་སྡེ་དེ་ཚུ་གིས་སྨན་དང་གློང་འཕྲུལ་བཅའ་ཆས་དང་གནམ་གྲུའི་བཅའ་ཆས་དེ་ལས་སྣུམ་འཁོར་བཅའ་ཆས་ཚུ་བཟོ་སྐྲུན་འབད་དོ་ཡོདཔ་ཨིན། དེ་གི་གྲང་སུ་དངུལ་ཁང་ཡང་ཡོདཔ་ཨན། ཚང་སྡེ་ཚུ་ག་ཅིག་རང་སྨོ་ཟེར་བ་ཅིན་ ཝལ་མཱཊ། ཀིལ་ལོག པ་ན་སོ་ནིཀ། དང་ཧི་ཝཌ་པཱཀཱཌ་ཚུ་ཨིན་མས། མི་སི་སིའུ་ག་ནང་ལུ་གནམ་གྲུ་བཟོ་སྐྲུན་གོང་འཕེལ་གི་གྲོས་སྟུན་དང་གཞན་འབྲལ་བའི་ལཱ་ཚུ་ཡང་འབད་དོ་ཡོདཔ་ཨིན།

དཔལ་འབྱོར་དང་ལམ་སྲོལ་གྱི་སྟོབས་ཤུགས་ལས་ལྷག་སྟེ་ མི་སི་སའུ་ག་འདི་ ཁྲོམ་ཚོགས་གསརཔ་ཅིག་ཨིནམ་ལས་ ཡར་རྒྱས་དང་གོང་འཕེལ་མགྱོགས་དྲགས་སྦེ་འགྱོ་ཡོདཔ་ཨིན། གླིང་ག་དང་ རྩེད་རིགས་ཀྱི་མཐུན་རྐྱེན་ དེ་ལས་ ལམ་སྲོལ་གྱི་མཐོང་སྣང་ཚུ་རྩིས་ཏེ་ སྤྲོ་བའི་ལས་རིམ་ཚུ་ནང་ལུ་བཅའ་མར་གཏོགས་ནིའི་ གདམ་ཁ་མ་འདྲཝ་ཚུ་ བྱིན་ཡོདཔ་ཨིན།

མི་རློབས།

སྤྱི་ལོ་༢༠༢༡་མི་རློབས་ཀྱི་གྲངས་རྩིས་ཅིག་ཕབ་ད་ མི་སི་སའུ་ག་ལུ་མི་ཡོངས་བསྡོམས་ ༧༡༧༩༦༡ དང་སྡོད་ཁྱིམ་ཡོངས་བསྡོམས་༢༥༤༠༨༩་ ཡོདཔ་སྦེ་ཐོན་ནུག ས་ཆའི་རྒྱ་ཚད་ ཀི་ལོ་མི་ཊར་གྲུ་བཞི་ ༢༩༢.༧༤ ཡོད་པ་ལས་ས་ཁོངས་ནང་ལུ་ཀི་ལོ་མི་ཊར་གྲུ་བཞི་རེ་ནང་ལུ་མིའི་གྱངས་ཁ་ཡོངས་བསྡོམས་ ༢༤༥༦.༦ སྡོདཔ་སྦེ་རྩིས་བཏོན་ནུག སྤྱི་ལོ་འདི་ནང་ལུ་རང་ཨ་ལུ་ལོ་ ༡༥ མན་ཆེའི་གྱངས་ཁ་འབད་བ་ཅིན་ བརྒྱ་ཆ་༡༥.༢ དེ་ལས་མི་ལོ་༦༥་ཡན་ཆེ་འབད་བ་ཅིན་བརྒྱ་ཆ་༡༦.༦ ཡོད་སྦེ་གྲངས་རྩིས་བཏོན་ནུག དེ་ནང་ལུ་ཆོས་ལུགས་མ་འདྲཝ་གྲུབ་མི་མི་རིགས་ལེ་ཤ་ཡོད་པའི་ནང་གསལ་ལས་ ཡི་ཤུའི་ཆོས་ལུགས་འབད་མི་ མིའི་གྱངས་ཁ་འདི་བརྒྱ་ཆ་༤༩.༩ ཆོས་ལུགས་མ་པ་ལས་རང་མེད་མི་བརྒྱ་ཆ་ ༡༨.༡། ཨིས་ལཱམ་གྱི་ཆོས་ལུགས་བསྟན་མི་བརྒྱ་ཆ་༡༧ དང་ཧིན་དུའི་ཆོགས་ལུགས་གྲུབ་མི་བརྒྱ་ཆ་༨་༨་ དེ་ལས་སིཁ་ཟེར་མིའི་ཆོས་ལུགས་གྲུབ་མི་བརྒྱ་ཆ་༣་༤་ མཇུག་ནང་པའི་ཆོས་ལུགས་གྲུབ་མི་བརྒྱ་ཆ་༢་འབད་མི་ཅིག་ཡོདཔ་ཨིན་མས།

ཁ་སྐད།

སྤྱི་ལོ་༢༠༢༡་ ལུ་མི་རྩིས་རྐྱབ་ད་ ཨིང་ལིཤ་ཁ་སླབ་མི་མང་སུ་ཅིག་ཡོདཔ་ད་བརྒྱ་ཆ་ལུ་ཕབ་པ་ཅིན་བརྒྱ་ཆ་ ༤༤་༩ ཐོན་ནུག་ དེ་བཟུམ་ཁ་སྐད་གཞན་རྐྱབ་མིའི་བརྒྱ་ཆའི་ཚད་གཞི་འདི་གཤམ་ལུ་བཀོད་ཡོདཔ་ཨིན།

ཁ་སྐད	མི་རློབས།	བརྒྱ་ཆ།
ཨིང་ལིཤ།	༣༢༠༦༤༠	༤༤་༩
ཨུར་དུ།	༣༥༩༩༥	༥་༠
ཨ་ར་བིཀ།	༣༣༢༦༥	༤་༧
མཱན་ཌ་རིན།	༢༣༡༨༠	༣་༢
པོ་ལིཤ།	༢༢༠༧༠	༣་༡
པན་ཇ་བི།	༢༠༦༩༠	༢་༩
ཊ་ག་ལོག	༡༨༣༢༥	༢་༦
ཨིས་པེ་ནིཤ།	༡༥༧༦༥	༢་༢
ཀེན་ཊོ་ནིསི།	༡༤༨༣༠	༢་༡
པོར་ཅུ་གིསི།	༡༤༠༥༠	༢་༠
ཧིན་དི།	༡༡༦༨༥	༡་༦
ཝཊ་ན་མིསི།	༡༠༣༥༥	༡་༥
ཊ་མིལ།	༡༠༢༧༥	༡་༤
ཨི་ཊ་ལི་ཡན།	༡༠༢༦༠	༡་༤
སཱར་བོ་ཀརོ་ཝེ་ཤི་ཡན།	༨༩༥༥	༡་༣
གུ་ཇ་ར་ཏི།	༧༢༦༠	༡་༠
ཕརེནཆ།	༦༡༨༠	་༩
ཡུ་ཀེ་རེན་ནིཡན།	༥༩༦༠	་༨
ར་ཤིཡན།	༤༦༡༥	་༦
ཀོ་རི་ཡན།	༤༣༧༠	་༦

མི་སི་སའུ་ག་ འདི་ ཀེ་ནེ་ཊ་ གི་ཁྲོམ་ཚོགས་མ་འདྲཝ་ཅིག་ཨིནམ་དང་ འདི་ཡང་ དམིགས་བསལ་གྱིས་ སྐད་ཡིག་དང་མི་རིགས་བཟོ་བཅོས་ཀྱི་ཐད་ཁར་ཨིན་མས། སྤྱི་ལོ་༢༠༡༡གི་མི་རྩིས་དང་འཁྲིལ་བ་ཅིན་ ཨིང་ལིཤ་འདི་ མི་རློབས་བརྒྱ་ཆ་༤༧དང་ཚག་༦གི་ ལྕེ་ཨིནམ་ད་ བརྒྱ་ཆ་༤༧གིས་ གཞུང་འབྲེལ་མེན་པའི་སྐད་ཡིག་འདི་ ཁོང་རའི་སྐད་ཡིག་གཙོ་བོ་ཅིག་སྦེ་སྙན་ཞུ་འབད་ཡོདཔ་ད་ འུར་དུ།དང་ པཱུནཇ་བི་འདི་ ཁྱིམ་ནང་ལུ་ གཞུང་འབྲེལ་མེན་པའི་སྐད་ཡིག་སྦེ་སླབ་དོ་ཡོདཔ་ད་ དེ་གི་ཤུལ་ལས་ རྒྱ་ནག་དང་གཞན་མི་ཚུ་ཨིན་མས། སྐད་ཡིག་མ་འདྲཝ་འདི་གིས་ མི་སི་སའུ་ག་ གི་གནས་རིམ་འདི་ ཀེ་ནེ་གྲ་ གི་མི་རིགས་མ་འདྲཝ་ཡོད་པའི་ཁྲོམ་ཚོགས་ཅིག་ཨིནམ་ལས་ མི་བརྒྱ་ཆ་༦༠ལྷགཔ་ཅིག་གིས་ མཐོང་གསལ་ཆུང་བ་སྦེ་ངོས་འཛིན་འབད་ཚུགས་དོ་ཡོདཔ་ཨིན།

གཞུང་སྐྱོང་ལམ་ལུགས།

མི་སི་སའུ་ག་གི་གཞུང་སྐྱོང་དེ་ ཁྲོམ་དཔོན་འགོ་འཁྲིདཔ་གི་འོག་ལུ་ཁྲོམས་ཚོགས་ཀྱི་འཐུས་དཔོན་ཡང་ན་ཚོགས་སྡེ་འཐུས་མི་ ༡༡་ཡོདཔ་ཨིན། ཁོང་ཁྲོམ་ཚོགས་འདི་ནང་ལུ་ཁྲོམ་ཚོགས་ས་ཁོངས་༡༡་ ཡོད་པ་ལས་དེ་ཚུ་གི་ངོ་ཚབ་སྦེ་ཕྱག་ཞུ་དོ་ཡོདཔ་ཨིན། ཧེ་མ་གི་ཁྲོམ་དཔོན་ཧ་ཟེལ་མེཀ་ཀེ་ལི་ཡོན་དེ་དགོངས་ཞུ་མཛད་དེ་ད་ལྟོ་ཁོའི་ས་ཁོངས་ན་ལུ་ཕྱག་ཞུ་མི་འདི་ ཀེ་རོ་ལིན་པེ་རིཤ་ཟེར་མི་འདི་ཨིན། རྒྱལ་རབས་ནང་ལུ་ད་ཚུན་ མི་སི་སའུ་ག་ལུ་ཁྲོམ་དཔོན་བཞི་དེམ་ཅིག་རིམ་པ་སྦེ་འོང་ནུག ཁྲོམ་དཔོན་སྦེ་འགོ་ཐོག་འབད་མི་འདི་ མཱར་ཊིན་ཌོབ་ཀིན་ཟེར་མི་འདི་སྤྱི་ལོ་༡༩༧༤ ལུ་བཙག་འཐུ་གྲུབ་ནུག ཁོའི་རྟིང་ལས་ ཨཱར་ཨེ་སེ་ཡར་ལེ་ཟེར་མི་འདི་འོང་ནུག སེ་ཡར་ལེ་འདི་སྤྱི་ལོ་༡༩༧༨་ལ་བཙག་འཐུའི་ནང་ལུ་ཕམ་སྟེ་ ཧ་ཟེལ་མེཀ་ཀེ་ལི་ཡོན་ཟེར་མི་འདི་གི་བཙག་འཐུ་གྲུབ་ནུག ཁོའི་ཤུ་མ་ར་ བོ་ནེ་ཀོ་རོམ་བི་ཟེར་མི་འདི་བཙག་འཐུ་ན་ལུ་རྒྱལ་ཁ་ཐོབ་ནུག

རྒྱབ་རྟེན།

https://en.wikipedia.org/wiki/Mississauga