འཁྲབ་རྩེདཔ་ ཚེ་རིང་རྒྱལ་མཚན།

འཁྲབ་རྩེདཔ་ ཚེ་རིང་རྒྱལ་མཚན།

འབྲུག་རྒྱལ་ཁབ་ནང་ལུ་ ན་ཆུང་ཨ་ལུ་གཅིག་ལས་མི་རྒས་ཤོས་ཚུན་ཚོད་ཀྱིས་དགའ་མི་ ་འཁྲབ་རྩེདཔ་ཚེ་རིང་རྒྱལ་མཚན་འདི་ ཤར་ཕྱོགས་རྫོང་ཁག་བཀྲ་ཤིས་གཡང་རྩེ་ སྟོང་ཞང་རྒེད་འོག་ གཡུས་ཚང་གྲུང་ལས་ཨིན་མས། ཁོ་ཡོངས་གྲགས་ལུ་ཚེ་རྒྱལ་ཟེར་ཡང་འབོ་དོ་ཡོདཔ་ཨིན་མས། ཁོ་གི་འབྲིང་རིམ་གོང་མའི་ཤེས་ཡོན་འདི་ སྦས་གླིང་འབྲིང་རིམ་སློབ་གྲྭ་གོ་མ་ལས་མཐར་འཁྱོལ་བའི་ཤུལ་ལས་ ཤེས་རབ་རྩེ་མཐོ་རིམ་སློབ་གྲྭ་ནང་ལས་ ཨིང་ལིཤ་གི་ཆོས་ཚན་ནང་ སྤྱི་ལོ་ ༢༠༠༠ ལུ་ གཙུག་ལག་ཤེས་ཡོན་མཐར་འཁྱོལ་ནུག། དེ་ལས་ སྤྱི་ལོ་ ༢༠༡༧ ལས་ ༢༠༡༨ ཚུན་ཚོད་ ཕྱི་རྒྱལ་ཨཱསི་ཊ་ལི་ཡ་ལུ་ཡོད་མི་ མོ་ནཱཤ་གཙུག་ལག་སློབ་སྡེ་ནང་ལས་ ལྷབ་སྦྱང་ཚུལ་འབད་ནུག། འདི་བཟུམ་སྦེ་ ཕྱི་རྒྱལ་ཨཱསི་ཊ་ལི་ཡ་ལས་ཤེས་ཡོན་རྟགས་མ་ཅིག་ཡང་ཐོབ་ཡོདཔ་ལས་ འདི་བཟུམ་གྱི་རྟགས་མ་འཐོབ་མི་ འབྲུག་རྒྱལ་ཁབ་ནང་ འགོ་དང་པ་ཨིན་མས།

ཚེ་རིང་རྒྱལ་མཚན་གྱི་སྤྱི་ལོ་ ༢༠༠༠ གི་ལོ་ལུ་ དཔེ་ཁང་གིས་བཟོ་སྐྲུན་འབད་ཡོད་པའི་གློག་བརྙན་ གཅེས་པའི་བུ་ཟེར་མི་འདི་ནང་ལུ་ ཕོ་འཁྲབ་རྩེདཔ་སྦེ་བརྩེས་ཡོདཔ་དང་ གློག་བརྙན་འདི་ ཁོ་གིས་མི་ཚེ་ནང་ལུ་ གསལ་བའི་མེ་ལོང་སྒོ་ཕྱེ་དོ་བཟུམ་ཅིག་ཨིན་ཟེར་བཤད་མི་དེ་ཡང་ གློག་བརྙན་འདི་ནང་ལས་ ཁོ་གིས་ཕོ་འཁྲབ་རྩེདཔ་དྲག་ཤོས་ཀྱི་གསོལ་ར་ཐོབ་ཡོདཔ་མ་ཚད་ ཁོ་ལུ་ཡོད་པའི་ལྕོགས་གྲུབ་ཚུ་ འབྲུག་མི་ཡོངས་ལུ་སྟོན་ནུག། ཚེ་རིང་རྒྱལ་མཚན་འདི་ གློག་བརྙན་བཟོ་ནི་དང་འཁྲབ་རྩེདཔ་སྦེ་བརྩེ་ནི་ལུ་ ལྗོན་ཐང་ཅན་ཅིག་ཡོདཔ་ལས་ ཁོ་གིས་བཟོ་སྐྲུན་འབད་ཡོད་པའི་གློག་བརྙན་ མུ་ཏི་ཁྲི་ཤིང་དང་སློབ་དཔོན་བཀའ་དྲིན་ཆེ་ཟེར་མི་ཚུ་ འབྲུག་ལུ་གནམ་མེད་ས་མེད་ཡོངས་གྲགས་འགྱོ་ཡོདཔ་ཨིན། སྤྱི་ལོ་ ༢༠༡༢ ལུ་ སློབ་དཔོན་བཀའ་དྲིན་ཆེ་ཟེེར་བའི་གློག་བརྙན་ནང་ལས་ ཚེ་རིང་རྒྱལ་མཚན་གྱི་ཕོ་འཁྲབ་རྩེདཔ་དྲག་ཤོས་དང་ བཀོད་ཁྱབ་དྲག་ཤོས། དེ་ལས་སྲུང་འབྲི་མི་དྲག་ཤོས་ཀྱི་རྟགས་མ་ཚུ་ཐོབ་ནུག། སློབ་དཔོན་བཀའ་དྲིན་ཆེ་ཟེར་བའི་གློག་བརྙན་འདི་ནང་བརྩེས་ཏེ་ ལོ་ངོ་བཞི་འགྱོ་བའི་མཐར་མར་ རྒྱལ་ཁབ་ནང་ལུ་ཡོངས་གྲགས་ཅན་གྱི་གློག་བརྙན་ བུབོ་བ་དར་ཅན་མའི་རིག་འཛིན་ཟེར་མི་ནང་ལུ་ ཕོ་འཁྲབ་རྩེདཔ་སྦེ་བརྩེེས་ནུག། དེ་ལས་ སྤྱི་ལོ་ ༢༠༢༡ ལུ་འབྲུག་ཟེར་བའི་གློག་བརྙན་ནང་ལུ་ཡང་བཅར་མར་གཏོགས་ཏེ་འདུག། འཁྲབ་རྩེདཔ་ཚེ་རིང་རྒྱལ་མཚན་གྱིས་གློག་བརྙན་ ༡༡ དེ་ཅིག་ནང་བཅའ་མར་གཏོགས་ཏེ་འདུག།

ཚེ་རིང་རྒྱལ་མཚན་ཁོ་ར་ གློག་བརྙན་གྱི་འཁྲབ་རྩེདཔ་དང་བཀོད་ཁྱབ་མདོ་ཆེན་རྐྱངམ་གཅིག་མེད་པར་གཞན་ཡང་།

Ø  གསར་འགྱུར་རྩོམ་སྒྲིགཔ་དང་རྒྱང་མཐོང་དང་རེ་ཌིའོ་གི་ལས་རིམ་འགོ་འདྲེན་པ། (journalist and TV and radio host)

Ø  འཁྲབ་སྟོན་སྲོལ་གཏོད་པ་དང་ལས་རིམ་བཟོ་བཀོདཔ། (theatre pioneer and event designer)

Ø  ཁྱད་རིག་ཅན་གྱི་འགོ་ཁྲིདཔ་དང་བསླབ་སྟོན་པ། (professional mentor and guide )

Ø  སྐད་གཉིས་ཟུང་འབྲེལ་གྱི་སྐད་སྒྱུར་པ། (bilingual translator)

Ø  གསལ་བཤདཔ་དང་གསལ་བཤད་འབྲི་མི། (speaker and speech writer)

Ø  ཁྱད་རིག་ཅན་གྱི་ཞུན་དགཔ་དང་རྩོམ་པ་པོ། (professional proof reader and writer)

Ø  ཞུན་དགཔ་དང་དཔེ་སྐྲུན་པ། (editor and publisher)

Ø  གྲོས་འཛིན་པ་དང་བརྡ་བརྒྱུད་སློབ་སྟོན་པ། (moderator and media trainer )

Ø  བརྡ་སྤྲོད་མཁས་མཆོག། (communication specialist)

Ø  བརྡ་བརྒྱུད་དང་ལམ་སྲོལ་གྱི་ཞིབ་འཚོལ་པ་དང་གྲོས་སྟོན་པ་སྦེ་ཡང་ཕྱག་ཞུ་དོ་ཡོདཔ་ཨེིན།

ཚེ་རྒྱལ་གྱིས་སྤྱི་ལོ་ ༢༠༠༦ ལུ་རྒྱལ་ཁབ་ནང་ མི་སྡེ་བརྡ་བརྒྱུད་ཀྱི་དོན་ལུ་ TNTG ཟེར་མི་གློག་བརྙན་ཁང་ཅིག་དང་ སྤྱི་ལོ་ ༢༠༠༩ གི་ལོ་ལུ་ TGMA ཟེར་མི་བཟོ་སྐྲུན་ཚོང་སྡེ་ཅིག་ འགོ་བཙུགས་ནུག། TGMA བཟོ་སྐྲུན་ཚོང་སྡེ་འདི་ འབྲུག་ལུ་ཁྱད་རིག་ལྡན་པའི་སྒེར་གྱི་གཡོག་སྡེ་ཅིག་ཨིན་པས། TGMA དང་ TNTG འདི་ ད་རེས་ནངས་པ་ འབྲུག་གློག་བརྙན་ཚོགས་པ་ནང་ལུ་གཙོ་བོ་ཅིག་སྦེ་ཆ་བཞགཔ་ཨིན།

ཚེ་རིང་ཁོ་ར་ བྱང་སེམས་ཅན་གྱི་མི་ངོམ་ཅིག་འབདཝ་ལས་ མི་སྡེ་ནང་ལུ་ཕན་པའི་ལཱ་ལེ་ཤ་ནང་ བཅའ་མར་གཏོགས་ཡོདཔ་ད་ སྤྱི་ལོ་ ༢༠༠༩ གི་ལོ་ལུ་ བླམ་ནམ་མཁའི་སྙིང་པོ་རིན་པོ་ཆེ་མཆོག་གི་ མཚོ་སྐྱེས་རྡོ་རྗེ་ཕན་བདེ་ཞབས་ཏོག་གཞི་བཙུགས་འབད་གནང་བའི་སྐབས་ ཚོགས་པའི་དྲུང་ཆེན་སྦེ་ ལོ་ངོ་བཞི་ཕྱག་ཞུ་ནུག། ད་རིས་ནངས་པ་བཟུམ་ཅིག་འབད་བ་ཅིན་ Shangri-La ཚོགས་ཕྲན་གྱི་གཙོ་འཛིན་སྦེ་ཕྱག་ཞུ་དོ་ཡོདཔ་ཨིན་མས།

རྒྱབ་རྟེན།

འབྲུག་གློག་བརྙན (༢༠༢༡) འབྲུག་གི་སྙན་གྲགས་ཅན་གྱི་མི། www.facebook.com

འབྲུག་གི་གློག་བརྙན (༢༠༡༦) ཚེ་རིང་རྒྱལལ་མཚན། https://www.movies.bt.com