རང་གཱུན

རྒྱལ་ས་རང་གྷུན།(ཡང་གྷོན)

རང་གྷུན་(ཧེ་མར་ཡང་གྷོན)་འདི་ གནམ་ལོ་༢༠༠༦ ཚུན་ མི་ཡཱན་མར་གྱི་རྒྱལ་ས་ལྟེ་བ་ཨིན་མས། ཤུལ་ལས་ དབུ་ཁྲིདཔ་ ཐན་ཤྭེ་གིས་ གསང་བའི་ཐོག་ལས་རྒྱལ་ས་ལྟེ་བ་འདི་ སྤོ་ནི་སྦེ་ལཱ་ཚུ་མཇུག་བསྡུ་ཏེ་ ལོ་གཅིག་གི་རྒྱབ་ལས་རྐྱངམ་ཅིག་གསལ་བསྒྲགས་འབད་ནུག། ཨིན་རུང་ད་ལྟོའི་བར་ན་ཡང་ ཁོ་གིས་བྱ་སྤྱོད་ཀྱི་སྐོར་ལས་ འདི་ག་ཅིག་འབད་ཐག་བཅད་ཡི་ག་ ཧ་གོ་མ་ཚུགས་པར་འདུག། དེ་ལས་ ནྱེ་པའི་ཏའུ་འདི་ ཧེ་མ་གྲོང་ཁྱེར་དང་ བདག་སྐྱོང་སྦེ་ཕྱག་ཞུ་དོ་ཡོདཔ་ཨིན་རུང་ ས་གནས་འདི་ ད་ལྟོ་ མི་ཡཱན་མར་གྱི་ རྒྱལ་ས་ལྟེ་བ་དང་ གྲོང་ཁྱེར་ཆེ་ཤོས་གསུམ་པ་ཨིན་མས།

ནྱེ་པའི་ཏའུ་འདི་ ཤཱན་ཡོ་མ་དང་ བ་གོ་ཡོ་མ་གི་ བར་ན་ཆགས་ཡོདཔ་ད་ གྲོང་ཁྱེར་གྱིས་ གྲུ་བཞི་ཀི་ལོ་མི་ཊར་ ༧,༠༥༤ ཡོད་པའི་ས་ཁོངས་ཁྱབ་སྟེ་འདུག། གཞུང་འབྲེལ་དང་འཁྲིལཝ་ད་ རྒྱལ་ས་ལྟེ་བ་འདི་ནང་ མི་འབོར་༩༢༤,༦༠༨ ཡོདཔ་ཨིན་མས། ས་གནས་འདི་ནང་མི་མང་ཤོས་ཀྱིས་ གཞུང་འབྲེལ་ཁ་སྐད་བུར་མིསི་འདི་ སླབ་དོ་ཡོདཔ་ཨིན་མས། དེ་ལས་ ནྱེ་པའི་ཏའུ་འདི་ ས་ཁོངས་དྲུག་ལུ་དབྱེ་སྟེ་ཡོདཔ་ད་ དེ་ཚུ་ཡང་ སྡོད་ཁྱིམ་ ལྷན་ཁག་ དམག་སྡེ་ ཟ་ཁང་ ཚོང་འབྲེལ་དང་ རྒྱལ་སྤྱི་ཚུ་ཨིན་མས།