རྒྱལ་ལོ་རྒྱལ་ལོ་ལྷ་རྒྱལ་ལོ། ༼རྫོང་ཁའི་ཞབས་ཁྲ།༽

༉ རྒྱལ་ལོ་རྒྱལ་ལོ་ལྷ་རྒྱལ་ལོ།། དཔལ་ལྡན་འབྲུག་པ་ལྷ་རྒྱལ་ལོ།། དཔལ་འཁོར་ལོ་སྡོམ་པའི་གནས་མཆོག་ན།། ལུགས་གཉིས་ཀྱི་བསྟན་པ་དར་བའི་ཡུལ།། འབྲུག་རྒྱལ་ཁབ་བདེ་སྐྱིད་ལྡན་པའི་གླིང་།། ལྷ་ཨོ་རྒྱན་གུ་རུའི་སྦས་གནས་ཡིན།། རྒྱལ་ལོ་་་་་་་་་་།། དཔལ་ལྡན་་་་་་་་་་།། དཔོན་མངའ་བདག་ཞོ་ཤེལ་ཟླ་བ་ལ།། འབངས་བློན་འཁོར་ནམ་ཁའི་སྐར་ཚོགས་འདྲ།། མཐའ་དམ་ཚིག་གསལ་བའི་འོད་ཟེར་གྱིས།།ཡུལ་རྒྱལ་ཁབ་སྐྱིད་སྡུག་མུན་པ་སེལ།། རྒྱལ་ལོ་་་་་་་་་་།། དཔལ་ལྡན་་་་་་་་་་་་།། ཚེ་ད་རེས་འདོད་ཡོན་ལོངས་སྤྱོད་འཛོམས།། བདེ་སྐྱིད་ཀྱི་དགའ་སྟོན་ཕུན་སུམ་ཚོགས།། དེ་མངའ་བདག་རྒྱལ་པོའི་སྐུ་དྲིན་ཡིན།། སྐུ་ཞབས་པད་བརྟན་པའི་རྟེན་འབྲེལ་ཞུ།། རྒྱལ་ལོ་་་་་་་་་་།། དཔལ་ལྡན་་་་་་་་་་་་།། ཆོས་སངས་རྒྱས་བསྟན་པ་དར་ཞིང་རྒྱས།། དུས་གཏན་དུ་བདེ་བའི་གོ་འཕང་ཡོད།། འདི་བསྟན་འཛིན་སྐྱེས་བུའི་བཀྲིན་ཡིན།། ཆོས་འཛམ་གླིང་ཁྱབ་པའི་སྨོན་ལམ་ཞུ།། རྒྱལ་ལོ་་་་་་་་་་།། དཔལ་ལྡན་་་་་་་་་་་་།། ཡུལ་རང་དབང་རང་བཙན་བསྐལ་བརྒྱར་བརྟན།། འབངས་འཁོར་གཡོག་མངའ་ཐང་གོང་ལས་འཕེལ།། འདི་རྗེ་འབངས་དམ་ཚིག་གཙང་མའི་དྲིན།། དུས་ནམ་ཡང་འགྱུར་མེད་བཀྲིས་ཤོག། རྒྱལ་ལོ་རྒྱལ་ལོ་ལྷ་རྒྱལ་ལོ།། དཔལ་ལྡན་འབྲུག་པ་ལྷ་རྒྱལ་ལོ།། །།