རྡོ་རྗེ་རྣམ་པར་འཇོམས་པའི་བུམ་སྒྲུབ་རྒྱུན་ཁྱེར།

༄༅། །བུམ་སྒྲུབ་རྒྱུན་ཁྱེར་མ་བཞུགས་སོ།།

༈ བདག་མདུན་རྡོ་རྗེ་རྣམ་པར་འཇོམས་པའི་སྐུ། །ཁྲོ་འཛུམ་ལྗང་སྔོན་ཞལ་གཅིག་ཕྱག་གཉིས་པ། །གཡས་གཡོན་སྣ་ཚོགས་རྡོ་རྗེ་དྲིལ་བུ་བསྣམས། །དར་དང་རིན་ཆེན་རྒྱན་རྫོགས་པད་ཉིའི་སྟེང་། །སྐྱིལ་ཀྲུང་ཕྱེད་བཅས་སྟོད་གཡོགས་སྨད་ཤམ་ཅན། །ཡེ་ཤེས་རང་འོད་འཁྲིགས་པའི་དབུས་ན་བཞུགས། །ཐུགས་ཀར་ཉི་སྟེང་དྷཱུཾ་མཐར་སྔགས་ཀྱིས་བསྐོར། །མདུན་བསྐྱེད་སྐུ་ལས་བདུད་རྩིའི་ཆུ་རྒྱུན་བབས། །བུམ་ནང་དག་བྱེད་བདུད་རྩིས་གང་བར་གྱུར། _{།ཅེས་མོས་ལ་རྣམ་འཇོམས་གཟུངས་རིང་ཐུང་གང་འགྲུབ་དང་།} ཨོཾ་ཨེ་ཧོ༔ཤུདྡྷཤུདྡྷེ། ཡཾ་ཧོ་ཤུདྡྷ་ཤུདྡྷ། རཾ་ཧོ་ཤུདྡྷཱ་ཤུདྡྷ། བི་ཧོ་ཤུདྡྷ་ཤུདྡྷཱ། ལཾ་ཧོ་ཤུདྡྷི་ཤུདྡྷ། ཨེ་ཡཾ་རཾ་བཾ་ལཾ་ཤུདྡྷཱ་ཤུདྡྷ་ཨ་ཨ་ཨ་སྭཱཧཱ། _{སོགས་ཁྲུས་བདུན་རིག་པའི་ཤམ་བུ་གདགས་པའང་བཟླས་ལ་འཐོར་འཐུང་བྱའོ། །ལྷ་སྔགས་དེ་འདྲ་རང་གི་ལྕེ་ཐོག་ཏུ་བསྒོམས་པའི་འོད་ཀྱིས་ངག་མནན་དིགས་ལྐུགས་སོགས་ངག་གི་ཉེས་སྐྱོན་ཐམས་ཅད་སེལ་བར་བསམ་ལ། གཟུངས་ཐུང་སྔགས་ཤམ་དུ།} མནྟ་གུ་ཧྱ་ས་མནྟ་མཧཱ་བ་ལ་ཧཱུཾ་སྭཱཧཱ། _{ཞེས་བཏགསཔ་བཟླས། མཐར་ལྷ་སྔགས་ལྕེ་ལ་བསྟིམས་པས་ངག་སྐྱོན་སེལ་བའི་ཐབས་མཆོག་ཏུ་གྱུར་པའོ། །ཡང་རྣམ་འཇོམས་གཟུངས་ཐུང་མཐར།} ཏདྱ་ཐཱ། ཀ་པ་ཙ་ཀརྞ་ལ་ཏེ་སྭཱཧཱ། _{ཞེས་བཏགས་པ་ལན་བདུན་བཟླས་པའི་ཆུ་གཙང་གིས་གདོང་དང་ལག་པ་བཀྲུས་པས་བློ་རྣོ་བ་དང་བདག་གཞན་གྱི་རྒྱུད་ལ་བྱམས་པའི་ཏིང་ངེ་འཛིན་སྐྱེ་བ་སོགས་ཡོན་ཏན་མང་ངོ་། །ཞེས་པ་གདམས་ངག་སྙིང་པོ་བསྡུས་པ་དགོས་པ་ཀུན་ཚང་ནས་བཏོན་ཏེ་བྲིས་པའོ།།}