རྩམ་པའི་ཕན་ནུས་

Wikipedia ལས།

རྩམ་པ་ནི་མཐོ་སྒངས་སུ་སྐྱེས་པས་ནས་རིགས་རྔོས་ནས་ཞིབས་འཐག་བྱས་པ་ཞིག་ཡིན་ལ། སྤྱིར་བོད་དུ་རྩམ་པ་ལ་ནས་རྩམ་དང་། གྲོ་རྩམ། སྲན་རྩམ་སོགས་རིགས་མང་པོ་ཡོད་པ་དང་། བོད་ཡོངས་རྫོགས་སུ་ཁྱབ་བརྡལ་ཤིན་ཏུ་ཆེ་བ་ནི་ནས་རྩམ་ཡིན། བོད་ཀྱི་གསོ་བ་རིག་པའི་སྨན་གཞུང་རྣམས་སུ་ནས་ནི་གྲ་མ་ཅན་གྱི་འབྲུ་ཡི་སྡེ་ལ་ངོས་འཛིན་པ་དང་། ནས་ལ་རིགས་མང་པོ་ཡོད་པ་དཔེར་ན། ནས་དཀར་དང་། ནས་སྔོན། ནས་ནག ནས་རྒོད་དམ་ནས་དམར་བཅས་ཡོད་ལ། ད་དུང་ཁྲ་མ་དང་། སོ་བ། ད་རྒན་སྟེ་ཡུག་པོ། སྲེ་ད་ཡང་ནས་ཀྱི་རིགས་སུ་འཇོག་ཚུལ་འདུག ནས་ཀྱི་ནུས་པ་ནི། ནས་དཀར་རྩུབ་བསིལ་ལྕི་མངར་ཁོང་ཅུང་འཁྲོག། བཤང་བའི་རླུང་འཕེལ་རོ་ཙ་བརྟས་པར་བྱེད།། གཅིན་ཚིལ་མཁྲིས་པ་བད་ཀན་ཆམ་པ་དང་།། ལུད་པ་དབུགས་མི་བདེ་བ་སེལ་བར་བྱེད།། ཅེས་དང་། ནས་སྔོན་བྱིས་གློ་ཚ་སུབ་རྒྱུ་གཟེར་སེལ།། ནས་ནག་རྨ་དང་ཤུ་བ་གདོན་ལ་ཕན།། ནས་རྒོད་གཞན་ལས་ཅུང་ཟད་དམན་པ་ཡིན།། ད་རྒན་ལྐོག་མའི་ནད་དང་པགས་ནད་སེལ།། སོ་བ་སྲེ་ད་བསིལ་ཡང བད་མཁྲིས་སེལ།། བུ་དང་ཟུག་རྔུ་འབྱིན་པར་བྱེད་པ་ཡིན།། ཞེས་སོགས་གསུངས་པ་ལྟར་རྩམ་པའི་ནུས་པ་བསམ་གྱིས་མི་ཁྱབ

"https://dz.wikipedia.org/w/index.php?title=རྩམ་པའི་ཕན་ནུས་&oldid=24776" ལས་ སླར་འདྲེན་འབད་ཡོདཔ།