ཤར་རིའི་རྩེ་ནས་ཁྲི་གདུགས་ཉི་མ། ༼རྫོང་ཁའི་ཞབས་ཁྲ།༽

༉ ཤར་རིའི་རྩེ་ནས་ཁྲི་གདུགས་ཉི་མ།། འོད་ཟེར་སྐྱེ་འགྲོའི་དཔལ་དུ་ཤར་བས།། བདེ་སྐྱིད་ཕུན་སུམ་ཚོགས་པའི་རྟེན་འབྲེལ།། མཐོང་ནས་པདྨའི་འདབ་བརྒྱ་བཞད་སོང་།། དམིགས་མེད་ཆོས་དབྱིངས་ཀློང་ནས་འཕོས་པའི།། མཆོག་གསུམ་སྣང་བ་ཞིང་འདིར་འབར་བས།། ཕན་བདེའི་དཔལ་ལ་སྤྱོད་པའི་རྟེན་འབྲེལ།། མཐོང་ནས་ཡིད་དབང་དད་པས་འཕྲོག་སོང་།། མཚན་ལྡན་བླ་མའི་ཞལ་གྱི་ངོས་ནས།། ཟབ་ཆོས་བདུད་རྩི་སྙིང་ལ་སིམ་པས།། གཟུང་འཛིན་དབྱིངས་སུ་དག་པའི་རྟེན་འབྲེལ།། མཐོང་ནས་རིག་པའི་ཡེ་ཤེས་རྒྱས་སོང་།། སྐྱེ་མེད་ཆོས་དབྱིངས་དག་པའི་ཀློང་ནས།། འགགས་མེད་གཟུགས་སྐུའི་རོལ་པར་ཤར་ཚེ།། འཁོར་བ་དོང་ནས་སྤྲུགས་པའི་རྟེན་འབྲེལ།། མཐོང་ནས་འཁོར་འདས་གཅིག་ཏུ་འདྲེས་སོང་།། །།