སོ་ནམ་འཁོར་ལོ་

སོ་ནམ་འཁོར་ལོ། བོད་ཀྱི་ལོ་ཐོའི་སྟེང་སོ་ནམ་འཁོར་ལོ་དང་ཐོང་གཤོལ་འཁོར་ལོ་ཞེས་རི་མོ་གཉིས་བཀོད་ཡོད་ཅིང་། སོ་ནམ་འཁོར་ལོ་ནི་རྩ་བ་གསུམ་དང་། རྩེ་མོ་དགུ འཕྲེད་དུ་རེ་ཁཱ་གསུམ་གྱིས་བཅད་ཅིང་། གཡས་དང་གཡོན་དུ་ཡན་ལག་བཅུ་གཉིས་ཏེ་རི་མོའི་སྟེང་བཀོད་པའི་ཨང་ཀི་རྣམས་རྒྱུ་སྐར་ཉེར་བདུན་གྱི་མཚོན་བྱེད་ཡིན་པ་དང་། ཉི་མས་འཁྱུད་པའི་སྐར་མ་དེ་ཏྲི་ཤུ་(རྩེ་གསུམ་ཡོད་པ་དེ་ལ་ཟེར)དབུས་མའི་རྩེ་མོར་བཀོད་དེ་དེ་ནས་རིམ་བཞིན་སྐར་མ་གཡས་སྐོར་དུ་བཀོད་མོད། མཐའ་མའི་སྐར་མ་བཞི་པོ་བར་གྱི་འཛོམས་བཞིར་གཡས་སྐོར་འགོད་པ་དང་། ཟླ་བ་རྒྱུ་སྐར་ཉེར་བདུན་གྱི་གཞི་ཁྱོན་གང་དུ་གནས་པའི་སྐར་མ་དེ་རྩེ་མོ་དགུ་ལ་སོང་ན་ལོ་འདིར་ལོ་ཏོག་འཕེལ་བ་དང་། རྩ་བ་གསུམ་ལ་སོང་ན་འབྲས་བུ་མེད་པ། བར་གྱི་འཛོམས་བཞིར་སོང་ན་བཏང་སྙོམས་སུ་ལུས་པ། ཡམ་ལག་བཅུ་གཉིས་ལ་སོང་ན་བདེ་ལེགས་འབྱུང་བ་ཡིན་ནོ།