སྐུ་འཁོར་གྱི་རྒྱུད་པ།

གོང་ས་ ཨོ་རྒྱན་དབང་ཕྱུག་མཆོག་ ཡབ་འཇིགས་མེད་རྣབ་རྒྱལ་དང་ ཡུམ་ཨ་ཞེས་ པདྨ་ཆོས་སྐྱིད་གཉིས་ཀྱི་སྲས་ལུ་ ༡༨༦༢ ལུ་ སྐུ་འཁྲུངས་ནུག། ཡབ་འཇིགས་མེད་རྣམ་རྒྱལ་མཆོག་ དུང་དཀར་ཆོས་རྗེ་པི་ལ་དགོན་པོ་དབང་རྒྱལ་དང་ བསོད་ནམས་དཔལ་འཛོམས་གཉིས་ཀྱི་སྲས་ཨིན། རྡོ་རྗེ་དང་ གདུང་དཀར་རྒྱལ་མཚན་ དེ་ལས་ ཚེ་རིང་སྒྲོལ་མ་དང་ གཡུ་སྒྲོན་ཚུ་ཁོ་གི་སྤུན་ཆ་ཨིནམ་དང་གདུང་དཀར་རྒྱལ་མཚན་གྱིས་ ཀྲོང་གསར་དཔོན་སློབ་ཀྱི་གོ་གནས་བཞེས་ནུག།

ཡུམ་པདྨ་ཆོས་སྐྱིད་དེ་ ཏམ་ཞིང་ཆོས་རྗེ་ ཨོ་རྒྱན་ཕུན་ཚོགས་ཀྱི་ སྲསམོ་ཨིནམ་དང་ ཨོ་རྒྱན་ཕུན་ཚོགས་དེ་ པད་གླིང་གསུངས་སྤྲུལ་ ༨་པ་ ཀུན་བཟང་བསྟན་པའི་ཉི་མ་དང་ ཀྲོང་གསར་དཔོན་སློབ་པདྨ་བསྟན་འཛིན་གཉིས་ཀྱི་སྐུ་ནུ་ཨིན། ཨོ་རྒྱན་ཕུན་ཚོགས་ཀྱིས་ ཀྲོང་གསར་དཔོན་སློབ་ཀྱི་གོ་གནས་ཡང་བཞེས་ནུག།

གོང་ས་ཨོ་རྒྱན་དབང་ཕྱུག་མཆོག་ལུ་སྐུ་མཆེད་གཉིས་ཡོད་མི་ནང་ལས་ ཕྲིན་ལས་སྟོབས་རྒྱས་ཀྱིས་ དབང་འདུས་ཕོ་བྲང་རྫོང་དཔོན་དང་ སྤ་རོ་དཔོན་སློབ་ཀྱི་གོ་གནས་བཞེངས་ཡོདཔ་དང་ ཡེ་ཤེས་ཆོས་སྒྲོན་དེ་ བྱ་དཀར་རྫོང་དཔོན་ འཆི་མེད་རྡོ་རྗེ་དང་གཅིག་ཁར་གཉེན་སྦྱོར་འབད་ནུག།

གོང་ས་ཨོ་རྒྱན་དབང་ཕྱུག་མཆོག་ ཀྲོང་གསར་དཔོན་སློབ་ པདྨ་བསྟན་འཛིན་གྱི་སྲསམོ་ཨ་ཞེ་རིན་ཆེན་དང་ ཀུར་སྟོད་ཁོལ་ལས་ཨིན་མི་ ཨམ་ཚེ་དབང་རྒྱས་མོ་གི་སྲསམོ་གསུམ་ཡོད་ས་ལས་སྦོམ་ཤོས་ ཨ་ཞེ་བརྩོན་འགྲུས་ལྷ་མོའམ་གླེ་མོ་ གཉིས་དང་གཅིག་ཁར་གཉེན་སྦྱོར་མཛད་ནུག། ཨམ་ཚེ་དབང་རྒྱས་མོ་འདི་ཉ་ལམ་དུང་གུ་རུ་ཆོས་དབང་གི་གདུང་ལས་མཆེད་ཡོདཔ་ཨིན་པས།

ཨ་ཞེ་རིན་ཆེན་ལས་ སྲསམོ་ དཔལ་སྒྲོན་དང་དབྱངས་འཛོམས་སྐུ་འཁྲུངས་ཡོདཔ་དང་ ཨ་ཞེ་ གླེ་མོ་ལས་ སྲསམོ་ དབང་མོ་ སྲས་འགྱུར་མེད་རྡོ་རྗེ་དང་ ཀརྨ་འཕྲིན་ལས་ དེ་ལས་ འཇིགས་མེད་དབང་ཕྱུག་ཚུ་སྐུ་འཁྲུངས་ནུག།

འབྲུག་རྒྱལ་པོ་ འཇིགས་མེད་དབང་ཕྱུག་མཆོག་ ༡༩༠༥ འི་ལོ་ལུ་ ཡབ་ཨོ་རྒྱན་དབང་ཕྱག་དང་ ཡུམ་ཨ་ཞེ་བརྩོན་འགྲུལ་ལྷ་མོ་གཉིས་ཀྱི་སྲས་ལུ་ སྐུ་འཁྲུངས་ནུག། མི་དབང་མཆོག་ ཆུ་སྨད་ཞལ་ངོ་ དྲག་ཤོས་ འཇམ་དབྱངས་ཀྱི་སྲསམོ་ ཨ་ཞེ་ ཕུན་ཚོགས་ཆོས་སྒྲོན་དང་ ཨ་ཞེ་ པདྨ་བདེ་ཆེན་དང་གཅིག་ཁར་ གཉེན་སྦྱོར་མཛད་གནང་ནུག། ཨ་ཞེ་ ཕུན་ཚོགས་ཆོས་སྒྲོན་ལས་ རྒྱལ་སྲས་འཇིགས་མེད་རྡོ་རྗེ་དབང་ཕྱུག་དང་ ཨ་ཞེ་ པདྨ་བདེ་ཆེན་ལས་ སྲས་ རྣམ་རྒྱལ་དབང་ཕྱུག་དང་ སྲསམོ་ ཆོས་སྐྱིད་དང་ བདེ་སྐྱིད་དབྱངས་འཛོམས་ དེ་ལས་ པདྨ་ཆོས་སྒྲོན་ཚུ་སྐུ་འཁྲུངས་་ནུག།

འབྲུག་རྒྱལ་པོ་ འཇིགས་མེད་རྡོ་རྗེ་དབང་ཕྱུག་མཆོག་ ༡༩༢༨ ལུ་ ཡབ་འཇིགས་མེད་དབང་ཕྱུག་དང་ ཡུམ་ཨ་ཞེ་ཕུན་ཚོགས་ཆོས་སྒྲོན་གཉིས་ཀྱི་སྲས་ལུ་ སྐུ་འཁྲུངས་་ནུག། མི་དབང་མཆོག་ གོང་གཟིམ་བསོད་ནམས་སྟོབས་རྒྱས་དང་ སི་ཀིམ་ལས་ ཨ་ཞེ་ ཆོས་དབྱིངས་དབང་མོ་གཉིསཀྱི་སྲསམོ་ ཨ་ཞེ་ བསྐལ་བཟང་ཆོས་སྒྲོན་དང་གཅིག་ཁར་གཉེན་སྦྱོར་མཛད་ནུག། ཨ་ཞེ་བསྐལ་བཟང་ལས་ སྲས་ འཇིགས་མོེད་སེང་གེ་དབང་ཕྱུག་དང་ ཨ་ཞེ་ བསོད་ནམས་ཆོས་སྒྲོན་དང་ བདེ་ཆེན་དབང་མོ་ བསྐལ་བཟང་དབང་མོ་དང་ད པདྨ་ལྷ་སྒྲོན་ཚུ་འཁྲུངས་་ནུག།

འབྲུག་རྒྱལ་བཞི་པ་ འཇིགས་མེད་སེང་གེ་དབང་ཕྱུག་མཆོག་ ༡༩༥༥ ལུ་ ཡབ་འཇིགས་མེད་རྡོ་རྗེ་དབང་ཕྱུག་དང་ ཡུམ་ཨ་ཞེ་ བསྐལ་བཟང་ཆོས་སྒྲོན་གཉིས་ཀྱི་སྲས་ལུ་ སྐུ་འཁྲུངས་ནུག། མི་དབང་མཆོག་ ཞབས་དྲུང་ འཇིགས་མེད་རྡོ་རྗེ་(༡༩༠༥-༡༩༣༡)གི་སྐུ་ཚ་བོ་ ཡབ་ཨོ་རྒྱན་རྡོ་རྗེ་དང་ ཡུམ་ཐུགས་རྗེ་བཟང་མོ་གཉིས་ཀྱི་སྲསམོ་ ཨ་ཞེ་ རྡོ་རྗེ་དབང་མོ་དང་ ཨ་ཞེ་ཚེ་རིང་དཔལམོ་ ཨ་ཞེ་ཚེ་རིང་དབྱངས་སྒྲོན་དང་ཨ་ཞེ་སངས་རྒྱས་ཆོས་སྒྲོན་ཚུ་དང་གཅིག་ཁར་ གཉེན་སྦྱོར་མཛད་ནུག།

མི་དབང་རྒྱལ་བཙུན་ ཨ་ཞེ་ ཚེ་རིང་དབྱངས་སྒྲོན་དབང་ཕྱུག་མཆོག་ལས་ འབྲུག་རྒྱལ་པོ་ འཇིགས་མེད་གེ་སར་ རྣམ་རྒྱལ་དབང་ཕྱུག་ (༡༩༨༠), དང་ ཨ་ཞེ་བདེ་ཆེན་དབྱངས་འཛོམས་དབང་ཕྱུག་ (༡༩༨༡),་ དེ་ལས་ དྲག་ཤོས་འཇིགས་མེད་རྡོ་རྗེ་དབང་ཕྱུག་ཚུ་ འཁྲུངས་ཡོདཔ་དང་ མི་དབང་རྒྱལ་བཙུན་ཨ་ཞེ་ རྡོ་རྗེ་དབང་མོ་དབང་ཕྱུག་ལས་ ཨ་ཞེ་ བསོད་ནམས་བདེ་ཆེན་དབང་ཕྱུག་(༡༩༨༡)དང་ དྲག་ཤོས་འཇིགས་རྒྱལ་ཨོ་རྒྱན་དབང་ཕྱུག་(༡༩༨༤)འཁྲུངས་ནུག། མི་དབང་རྒྱལ་བཙུན་ཨ་ཞེ་ ཚེ་རིང་དཔལམོ་དབང་ཕྱུག་ལས་ ཨ་ཞེ་འཆི་མེད་དབྱངས་འཛོམས་དབང་ཕྱུག་(༡༩༨༠)དང་ ཨ་ཞེ་བསྐལ་བཟང་ཆོས་སྒྲོན་དབང་ཕྱུག་(༡༩༨༢) དེ་ལས་ དྲག་ཤོས་འཇིགས་མེད་དབང་ཕྱུག་(༡༩༩༤)ཚུ་སྐུ་འཁྲུངས་ནུག། དེ་བཟུམ་སྦེ་ མི་དབང་རྒྱལ་བཙུན་ ཨ་ཞེ་སངས་རྒྱས་ཆོས་སྒྲོན་དབང་ཕྱུག་ལས་ དྲག་ཤོས་ ཁམས་གསུམ་སེང་གེ་དབང་ཕྱུག་(༡༩༨༥)དང་ ཨ་ཞེ་ གཡུ་འཕེལ་མ་ཆོས་སྒྲོན་དབང་ཕྱུག་(༡༩༩༣)ཚུ་ ཁྲུངས་ནུག།

མི་དབང་འབྲུག་རྒྱལ་ལྔ་པ་ འཇིགས་མེད་གེ་སར་ རྣམ་རྒྱལ་དབང་ཕྱུག་མཆོག་ ༡༩༨༠ དབྱིན་ཟླ་གཉིས་པའི་དབྱིན་ཚེས་ ༢༡ ལུ་ ཡབ་འབྲུག་རྒྱལ་བཞི་པ་ འཇིགས་མེད་སེང་གེ་དབང་ཕྱུག་དང་ ཡུམ་ཨ་ཞེ་ ཚེ་རིང་དབྱངས་སྒྲོན་གཉིས་ཀྱི་སྲས་ལུ་ སྐུ་འཁྲུངས་ནུག།

འབྲུག་ཡུལ་

སྤྱི་མཐོང་གཏོར་མ་འབྲེལ་ལམ་འཚོལ་ཡོད། འདི་ནི་ཤོག་ངོས་བསྐྱར་བྱས་པ་ཚུ་དབྱེ་བ།