སྲིད་དོན་ཚོགས་པ་གི་ལཱ་འགན།

Wikipedia ལས།

སྲིད་དོན་ཚོགས་པ་ཟེར་མི་འདི་ རྒྱལ་ཁབ་ཀྱི་སྲིད་དོན་གྱི་བཙག་འཐུ་ནང་ལུ་ བཅའ་མར་གཏོགས་མི་གི་སྡེ་ཚན་ཅིག་དང་ གཞུང་གི་སྲིད་དོན་གྱི་ཐབས་ཤེས་ཚུ་གཅིག་ཁར་བསྡོམས་ཏེ་ གཞུང་བཟོ་སྟེ་ཐབས་ཤེས་འདི་དངོས་སུ་འབད་ལག་ལེན་འཐབ་མི་ཅིག་ལུ་གོཝ་ཨིན་མས།

སྤྱིར་བཏང་སྲིད་དོན་ཚོགས་པ་འདི་ལུ་ དབྱེ་བ་མང་རབས་ཅིག་ཡོད་རུང་ སྤྱིར་བཏང་གི་གཡོག་སྡེ་ཚོགས་པ། འོས་མཐུན་ལཱ་འགན་ཚོགས་པ། ཚོང་ལཱ་དང་འབྲེལ་བའི་ཚོགས་པ། མི་མང་ཚོགས་པ་ཟེར་དབྱེ་བ་ཕྱེས་ཏེ་འདུག།

འབྲུག་རྒྱལ་ཁབ་ནང་ལུ་ཡང་ སྲིད་དོན་ཚོགས་པ་འདི་དམངས་གཙོའི་རིང་ལུགས་དང་བསྟུན་ཏེ་ འབྲུག་གི་སྲིད་དོན་ཚོགས་པ་འདི་འགོ་བཙུགས་གནང་ནུག། འདི་ལས་འགོ་བཟུང་སྟེ་ མི་སེར་དམངས་གཙོའི་ཚོགས་པ། འབྲུག་ཕུན་སུམ་ཚོགས་པ། འབྲུག་ཀུན་མཉམ་ཚོགས་པ། འབྲུག་མཉམ་རུབ་ཚོགས་པ་སྦེ་ ཚོགས་པ་བཞི་གིས་བཅའ་མར་གཏོགས་ཏེ་ཡོད།

འབྲུག་རྒྱལ་ཁབ་ནང་ལུ་སྲིད་དོན་ཚོགས་པ་གིས་གཞུང་སྐྱོང་ནི་གི་དོན་ལུ་ བཙག་འཐུ་ཐེངས་གསུམ་འབད་དེ་འདུག། དེ་ཡང་ཐེངས་དང་པ་འདི་སྤྱི་ལོ་ ༢༠༠༨ ལས་ ༢༠༡༣ ཚུན་ཚོད་ལུ་སྲིད་དོན་ཚོགས་པ་བཞི་ཡོད་ས་ལས་ འབྲུག་ཕུན་སུམ་ཚོགས་པ་གི་ལོ་ལྔིའི་རིང་ལུ་གཞུང་སྐྱོང་འབད་དེ་སྡོད་ནུག། འདི་གི་ཤུལ་ལས་ བཙག་འཐུ་ཐེངས་གཉིས་པའི་ནང་ལུ་སྲི ད་དོན་ཚོགས་པ་བཞི་ལས་ལས་མི་སེར་དམངས་གཙོའི་ཚོགས་པ་གིས་ སྤྱི་ལོ་ ༢༠༡༣ ལས་ ༢༠༡༨ ཚུན་གྱི་རིང་ལུ་གཞུང་སྐྱོང་སྦེ་ཕྱག་ཞུ་ནུག། འདི་གི་ཤུལ་ལས་ འབྲུག་མཉམ་རུབ་ཚོགས་པ་གིས་ད་ལྟོ་ཀྱི་རིང་ལུ་ གཞུང་སྐྱོང་འབད་བཞིན་ཡོདཔ་དང་གཅིག་ཁར་ འབྲུག་ཕུན་སུམ་ཚོགས་པ་གིས་ལྡོག་ཕྱོགས་ཚོགས་པ་སྦེ་ཕྱགས་ཞུཝ་ཨིན་མས། (Election of Bhutan)

སྲིད་དོན་ཚོགས་པ་གི་ལཱ་འགན།

སྤྱིར་བཏང་སྲིད་དོན་ཚོགས་པ་གི་ལཱ་འགན་འདི་ག་བཟུམ་ར་བཀོད་དེ་འདུག་ཟེར་བ་ཅིན་ དམངས་གཙོའི་རྒྱལ་ཁབ་འདི་མི་སྡེའི་སྡེ་ཚན་གཅིག་ནང་ མནོ་ལུགས་ཅོག་འཐདཔ་ཡོད་མི་འདི་གིས་སྲིད་དོན་ཚོགས་པ་བཟོཝ་ཨིན། དེ་ལས་ རྒྱལ་ཁབ་ཀྱི་སྲིད་བྱུས་ལམ་སྟོན་ཚུ་ཡང་ དང་ལེན་འབདཝ་ཨིན། བཙག་འཐུ་ནང་ལས་ལྡོག་ཕྱོགས་ཚོགས་པ་འཐོབ་མི་འདི་གིས་ གཞུང་སྐྱོང་གིས་འཐུས་ཤོར་བ་ཅིན་ གཅིག་ཁར་སྡོད་དེལཱ་ཅིག་ཁར་འབད་ནི་དང་ རྒྱབ་སྣོན་ཕུལ་ནི། སྲིད་དོན་ཚོགས་པ་འདི་གིས་ མི་མང་གི་བསམ་འཆར་དང་དཀའ་ངལ་གདོང་ལེན་འབད་ནི། དེ་ལས་ གཞུང་སྒེར་གྱི་མཐའ་དོན་ལུ་ འཆར་གཞི་དང་ལས་རིམ་ཚུ་བརྩམས་ཏེ་ ལག་ལེན་ནང་བཙུགས་ནིའི་འགན་ཁུར་ཚུ་ཡོདཔ་ཨིན།

འདི་བཟུམ་སྦེ་འབྲུག་རྒྱལ་ཁབ་ཀྱི་སྲིད་དོན་ཚོགས་པ་ལུ་ ལཱ་འགན་ག་བཟུམ་བཀོད་དེ་འདུག་ཟེར་བ་ཅིན་ གཞུང་དང་མི་སེར་གི་བར་ན་མཐུན་འབྲེལ་བཟོ་ནི། མི་སེར་དང་གཞུང་གྱི་ལཱ་འགན་འདི་ཚུ་ དུས་ཚོད་ནང་ལུ་ལག་ལེན་འཐབ་སྟེ་ མི་ཚུ་གི་དཀའ་ངལ་དང་ཐབས་ལམ་ཚུ་བསམ་བཤད་འབད་ནི། མི་སེར་ཚུ་ལུ་གདམ་ཁ་དང་གོ་སྐབས་བྱིན་ནི་ལ་སོགས་པ་ཡོདཔ་ཨིན།

སྲིད་དོན་ཚོགས་པ་ནང་ལུ་ གཞུང་སྐྱོང་དང་ལྡོག་ཕྱོགས་ཚོགས་པ་སྦེ་གཉིས་ཡོདཔ་དང་ སྲིད་དོན་ཚོགས་པ་གཉིས་ནང་ལས་ ཚོགས་རྒྱན་མཐོ་དྲགས་ཡོད་མི་གཉིས་འདི་ རྒྱལ་ཡོངས་ཀྱི་སྲིད་དོན་ཚོགས་པ་དང་ལྡོག་ཕྱོགས་སྦེ་གསལ་བསྒྲགས་འབདཝ་ཨིན། ཚོགས་པ་གཉིས་ལས་རྒྱལ་ཡོངས་ཚོགས་འདུ་ནང་ལུ་ འདེམས་ཁྲི་མང་ཆེ་ཤོས་ག་གིས་འཐོབ་ཅི་ག་ སྤྱིར་བཏང་བཙག་འཐུ་ནང་ལས་འགྱོཝ་ཨིན། ཚོགས་རྒྱན་མང་ཤོས་འཐོབ་མི་འདི་གིས་ གཞུང་སྐྱོང་ཚོགས་པ་སྦེ་གདམ་འཐུ་བསྒྲུབ་ནི་དང་ སོ་སོ་འདི་གཞུང་སྐྱོང་འདི་ལུ་ལྡོག་ཕྱོགས་ཚོགས་པ་སྦེ་གདམ་ཁ་རྐྱབ་ཨིན།

གཞུང་སྐྱོང་དང་ལྡོག་ཕྱོགས་ཀྱི་ལཱ་འགན།

རྒྱལ་ཁབ་གཅིག་གྱུར་དང་དཔལ་འབྱོར་གོང་འཕེལ་ཡར་དྲག་ཅན་བཟོ་ནི་དང་རྒྱལ་ཁབ་ཀྱི་ཞི་བདེ་བསྒྲུབ་ནི། གཞན་དངུལ་འབྲེལ་གྱི་གྲོས་ཐག་གཅད་ནི་དང་ གཞུང་སྐྱོང་ལེགས་ལྡན་སྒྲིང་སྒྲི་བཟོ་ནིའི་འགན་ཁུར་ཚུ་ཡོདཔ་ཨིན།

རྒྱལ་ཁབ་ཀྱི་དྲང་བདེན་ཡར་རྒྱས་གཏང་ནི་དང་ གཞུང་སྐྱོང་དང་གཅིག་ཁར་འབྲེལ་བ་འཐབ་སྟེ་ ལེགས་ཉེས་ཀྱི་རྒྱབ་སྐྱོར་དང་བསམ་འཅར་བྱིན་ནི། འཆར་གཞི་དང་ལས་སྣ་ཚུ་ བསྐྱར་ཞིབ་འབད་ནི་དང་ མི་སེར་གྱི་བསམ་འཆར་ཚུ་ གཞུང་ལུ་དྲན་གསོ་ཕུལ་ཏེ་ དུས་མཐུན་འབད་ནིའི་ལཱ་འགན་མ་འདྲཝ་སྦེ་ཡོདཔ་ཨིན་མས། (civic,2009)

Reference

The Royal Education Council. (2009). Bhutan Civics. Paro, Bhutan: The Royal Education

Council.

Political party. (n.d). Retrieved from https://en.wikipedia.org/wiki/Political_party

List of political parties in Bhutan. (n.d). Retrieved from

https://en.wikipedia.org/wiki/List_of_political_parties_in_Bhutan

Election in Bhutan. (n.d) Retrieved from https://en.wikipedia.org/wiki/Elections_in_Bhutan