ཧོལ་གུའིན། Holguin
༉ ཧོལ་གུའིན་འདི་ གཞུང་འབྲེལ་དུ་ སེནཊ་ཨི་སི་ཌོ་རོ་ཌི་ཧོལ་གུའིན་ཟེར་སླབ་དོ་ཡོདཔ་དང་ མངའ་སྡེའི་རྒྱལ་ས་ལྟེ་བ་ཅིག་འབདཝ་ལས་ རྒྱལ་ཁབ་ནང་ལུ་ ཧ་ཝ་ན་དང་ སཱན་ཊི་ཡ་གོ་ཌི་ཀིའུ་བ་ དེ་ལས་ ཀ་མ་གུ་ཡི་ཚུ་གི་ཤུལ་ལས་ ཁྲོམ་ཚོགས་སྦོམ་ཤོས་བཞི་པ་ཨིན་པས། སྤྱི་ལོ་ ༡༥༢༣ ལུ་གཞི་བཙུགས་འབད་མི་ ཧོལ་གུའིན་འདི་ ལམ་སྲོལ་དང་དཔལ་འབྱོར་ དེ་ལས་ སྐྱེལ་འདྲེན་གྱི་ལྟེ་བ་ཁག་ཆེ་ཤོས་ཅིག་ལུ་གྱུར་ཏེ་ མི་མང་གི་ས་གོ་དང་ སྔོ་ལྗང་གི་ས་གོ་ལེ་ཤ་ཡོད་མི་ལུ་བརྟེན་ཏེ་ “གླིང་གའི་ཁྲོམ་” ཟེར་བའི་མིང་ཐོབ་ནུག།
ཧོལ་གུའིན་འདི་ ས་བཅུད་ཅན་གྱི་ཐང་ནང་ལུ་ཆགས་ཏེ་ཡོདཔ་ལས་ བྱང་ཁ་ཐུག་ལུ་ མ་ནི་ཡ་བོན་གི་རི་རྒྱུད་ནང་ལུ་ གངས་རི་མཐོ་ཚད་ཡོད་མི་ སི་ལ་ཌི་གི་བ་ར་བརྩིས་ཏེ་ ས་ཆའི་གནས་སྟངས་མ་འདྲཝ་ཚུ་གིས་ ཁྱད་ཆོས་བཏོནམ་ཨིན། ཁྲོམ་འདི་ མཚོ་ཁ་ལས་ མཐོ་ཚད་མི་ཊར་ ༥ དེ་ཅིག་གི་ས་ཁར་ཆགས་ཡོདཔ་དང་ ས་ཁོངས་འདི་ ཀི་ལོ་མི་ཊར་གྲུ་བཞི་མ་ ༦༩༠ དེ་ཅིག་ ཁྱབ་སྟེ་ཡོདཔ་ཨིན། ཧོལ་གུའིན་གི་ ཚ་དྲོད་དང་ལྡན་པའི་གནམ་གཤིས་འདི་ རློན་གཤེར་དང་སྐམ་པའི་དུས་ཚོད་མ་འདྲཝ་སྦེ་མཐོང་དོ་ཡོདཔ་དང་ ལོ་བསྟར་བཞིན་དུ་ དྲོད་ཚད་སྤྱིར་སྙོམས་ལུ་ དྲོད་ཚད་ ༢༥˚C (༧༧˚F) དེ་ཅིག་འོངམ་ཨིན། སྤྱི་ལོ་ ༢༠༢༢ ཚུན་ ཧོལ་གུའིན་གྱི་ཁྲོམ་སྡེ་ནང་ མི་རློབས་ ༣༥༥,༡༨༩ ཡོདཔ་ཨིན་པས། ཁྲོམ་སྡེའི་མི་རློབས་ནང་ མི་ངོ་ ༣༠༩,༦༡༥ ཡོདཔ་དང་ གྲོང་གསེབ་ནང་ མི་རློབས་ ༤༥,༥༧༤ ཡོདཔ་ཨིན། མངའ་སྡེ་ཆ་མཉམ་ཁྱབ་པའི་ཁྲོམ་ཚོགས་རྒྱ་ཆེ་བ་འདི་ནང་མི་རློབས་ཧ་ལམ་ ༡,༠༠༦,༨༣༤ ཡོདཔ་ཨིན། ཧོལ་གུའི་ནེརོསི་ཟེར་སླབ་མི་ མི་སེར་ཚུ་གིས་ ཁྲོམ་སྡེ་གི་ལམ་སྲོལ་དང་མི་སྡེའི་གནས་སྟངས་ལུ་ཕན་ཐོགས་འབདཝ་ཨིན། [༡] ཟེར་བཀོད་དེ་འདུག།
ཧོལ་གུའིན་འདི་ ཨིསི་པེ་ནིཤ་གིས་ དབང་ལུ་མ་བསྡུ་བའི་ཧེ་མ་ ས་ཁོངས་འདི་ནང་ ཏའེ་ནོ་གི་མི་ཚུ་སྡོད་ཡོདཔ་དང་ ཁོང་ཆ་ཁྱབ་ རྒྱལ་པོའི་ལྗོན་ཤིང་ལས་བཟོ་མི་ ཁང་མིག་ཚུ་ནང་སྡོད་ནུག། ཨིསི་པེ་ནིཤ་གི་གཞི་ཆགས་འདི་ སྤྱི་ལོ་ ༡༥༢༣ ལུ་ ཌི་ཡ་གོ་ཝེ་ལ་ཛི་ཀུའེ་ཟི་ཌི་ཀུའེ་ལར་གིས་ སྤྱི་དཔོན་ཕྲན་སི་ཀོ་གཱར་སི་ཡ་ཧོལ་གུའིན་ལུ་ ཞལ་འདེབས་སྦེ་བྱིན་མི་ས་གཞི་གུར་ གཞི་བཙུགས་འབད་ཡོདཔ་དང་ ཁོ་གིས་ ཁྲོམ་འདི་ལུ་ ཁོ་རའི་ཕ་མིང་ལུ་གཞི་བཞག་སྟེ་ སེནཊ་ཨི་སི་ཌོ་རོ་ཌི་ཧོལ་གུའིན་ཟེར་བཏགས་གནང་ནུག། དུས་རབས་ལས་བཅད་དེ ཧོལ་གུའིན་གིས་ ཀིའུ་བ་གི་བྱུང་རབས་ནང་ལུ་ དམིགས་བསལ་གྱིས་ ལོ་ངོ་བཅུ་ཕྲག་གི་དམག་འཁྲུག་ ༡༨༦༨ ལས་ ༡༨༧༨ དང་ ཀིའུ་བན་གི་རང་དབང་དམག་འཁྲུག་ ༡༨༩༥ ལས་ ༡༨༩༨ གི་སྐབས་ལུ་ ཁག་ཆེ་བའི་འགན་ཁུར་འབག་ནུག། སྤྱི་ལོ་ ༢༠༡༥ སྤྱི་ཟླ་ ༩ པའི་ནང་ ཡེ་ཤུའི་བླ་ཆེན་ ཕཱརན་སིསི་གིས་ ཀིརིསི་ཊོ་ཕར་ཀོ་ལོམ་བཱས་ ཀིའུ་བ་ལུ་ འགོ་དང་པ་ཆགས་སའི་ས་གནས་ དྲན་གསོ་འབད་ནིའི་དོན་ལུ་ ཧོལ་གུའིན་ལུ་ གཟིགས་སྐོར་གནང་ཡོད་པའི་ལོ་རྒྱུས་ལེ་ཤ་ར་འདུག།
ཝི་ཀི་པི་ཌི་ཡ་[༡]དང་འཁྲིལ་བ་ཅིན་ ཧོལ་གུའིན་གི་ཁྲོམ་སྡེ་འདི་ ཨ་གུ་ཨཱས་ཀླ་རཱས་ གུའི་ར་བི་ ལ་ཀུའུ་བ་དང་ ལཱསི་ཀ་ལ་བ་ཛས་ དེ་ལས་ པུར་ནིའོ་ སན་ཨེན་ཌི་རེས་ དེ་ལས་ ཡ་རེ་ཡལ་ཚུ་བརྩིས་ཏེ་ རྫོང་ཁག་ལེ་ཤ་ཅིག་ལུ་དབྱེ་སྟེ་ཡོདཔ་ཨིན་པས། སྡེ་ཚན་འདི་ཚུ་གིས་ ཁྲོམ་སྡེ་ནང་འཁོད་དང་ ཉེ་འདབས་ཀྱི་ས་ཁོངས་ཚུ་ནང་ ས་གནས་གཞུང་སྐྱོང་དང་ མི་སྡེ་ལས་ཚོགས་ཚུ་ལུ་ ཕན་ཐོགས་བྱུང་དོ་ཡོདཔ་ཨིན། ཁྲོམ་སྡེ་འདི་ ཁྲོམ་སྡེ་གཞུང་གི་གཞི་བཀོད་འོག་ལུ་ལཱ་འབདཝ་ཨིནམ་དང་ རི་ཀར་ཌོ་ཨེན་ཊོ་ནིའོ་སུ་ཝ་རེས་མར་ཊི་ནེཛ་གིས་ སྲིད་འཛིན་སྦེ་ཕྱག་ཞུ་དོ་ཡོདཔ་ཨིན། ཧོལ་གུའོན་གི་བདག་སྐྱོང་གིས་ ཀིའུ་བ་གི་གཞུང་ལྟེ་བའི་ལམ་ལུགས་དང་གཅིག་ཁར་ ས་གནས་ཀྱི་གནས་ཚད་ནང་ལུ་ རྒྱལ་ཡོངས་སྲིད་བྱུས་ཚུ་ལག་ལེན་འཐབ་དོ་ཡོདཔ་ཨིན། ཁྲོམ་སྡེ་གཞུང་འདི་ ཁྲོམ་སྡེ་འཆར་གཞི་དང་ མི་མང་ཞབས་ཏོག་ དེ་ལས་ དཔལ་འབྱོར་གོང་འཕེལ་གྱི་ གནས་སྟངས་མ་འདྲཝ་ཚུ་ དབང་ཚད་འོག་ལུ་ ལྟ་རྟོག་འབདཝ་ཨིན་ཟེར་བཤདཔ་ཨིན།
ཧོལ་གུའིན་ལུ་ ཨིསི་པེ་ནིཤ་འདི་ གཞུང་འབྲེལ་གྱི་སྐད་ཡིག་ཨིན། ཁྲོམ་འདི་ནང་ལུ་ ལམ་སྲོལ་གྱི་སྲོལ་ཁྱུན་ཕྱུགཔོ་ཡོདཔ་ལས་ སྒྱུ་རྩལ་དང་རྒྱལ་རབས་ལུ་གཙོ་བོར་བསྟེན་མི་ གཙུག་སྡེ་ལེ་ཤ་ཅིག་ཡོདཔ་ཨིན། ལམ་སྲོལ་གྱི་ས་ཁོངས་གཙོ་བོ་ཚུ་ཡང་ མོན་ཀ་ཌ་དང་ བཱ་ཡ་ཌོ་འགྲེམས་སྟོན་ཁང་ ཨེ་ལེགསི་ཨུར་ཀིའོ་ལ་མངའ་སྡེའི་དཔེ་མཛོད་ ཀ་ས་ཌི་ལ་ཊོ་རོ་ཝ་སྙན་ཆའི་སྡེ་ཚན་ མར་ཊི་གློག་བརྙན་ཁང་ ཨེ་ཌི་སུ་ནོལ་དང་ གུའོ་ནོལ་གློག་བརྙན་ཁང་ དེ་ལས་ ལ་པེ་རི་ཀེ་ར་མངའ་སྡེའི་བྱུང་རབས་འགྲེམས་སྟོན་ཁང་ཚུ་ཨིན། ཧོལ་གུའིན་འདི་ སྤྱི་ལོ་ ༡༩༧༦ ལས་ རྒྱང་བསྒྲགས་འབད་ནི་འགོ་བཙུགས་མི་ ས་གནས་ཀྱི་རྒྱང་མཐོང་ལས་རིམ་ ཊེ་ལི་ཀིརིསི་ཊལ་གྱི་ཁྱིམ་ཡང་ཨིནམ་དང་ འདི་གིས་ ལུང་ཕྱོགས་བརྒྱུད་འབྲེལ་དང་ལམ་སྲོལ་ཡར་དྲག་གཏང་ནི་གི་དོན་ལུ་ ཁག་ཆེ་བའི་བརྒྱུད་ལམ་ཅིག་སྦེ་ལཱ་འབད་ནུག།
ཧོལ་གུའིན་གིས་ ལོ་བསྟར་ལམ་སྲོལ་གྱི་ལས་རིམ་ལེ་ཤ་ཅིག་འགོ་འདྲེན་འཐབ་སྟེ་ ལམ་སྲོལ་ཕྱུགཔོ་དང་སྒྱུ་རྩལ་གྱི་བརྡ་སྟོན་ཚུ་ བརྩི་སྲུང་འབདཝ་ཨིན། གལ་གནད་ཅན་གྱི་དུས་སྟོན་ཚུ་ཡང་ སྤྱི་ཟླ་ ༨ པའི་ནང་ སྙན་ཆ་དང་ཞབས་ཁྲ་ དེ་ལས་ ཟློས་གར་དང་སྒྱུ་རྩལ་ཚུ་སྟོན་མི་ ཧོལ་གུའིན་རིག་གཞུང་དུས་སྟོན་ཚུ་ཨིན། ཁྲོམ་སྐོར་དང་རང་ལུགས་ཀྱི་གྱོན་ཆས་ཚུ་ བཀྲམ་སྟོན་འབད་མི་ ཧོལ་གུའིན་དུས་སྟོན་དང་ སྤྱི་ཟླ་ ༤ པའི་ནང་ རྒྱལ་སྤྱིའི་གློག་བརྙན་དུས་སྟོན་ནང་ འཆར་དངུལ་དམའ་བའི་གློག་བརྙན་ཚུ་ གཙོ་བོར་བཏོན་ཡོདཔ་ཨིན་པས། དེ་ལས་ སྤྱི་ཟླ་ ༤ པའི་ཚེས་ ༤ ལུ་ གྲོང་ཁྱེར་གྱི་ལོ་འཁོར་དུས་དྲན་བརྩི་སྲུང་ཟེར་ ཁྲོམ་སྡེ་གཞི་བཙུགས་འབད་བའི་དུས་སྟོན་འདི་ ཁྲོམ་སྐོར་དང་མི་སྡེའི་ལས་རིམ་ཚུ་ འགོ་འདྲེན་འཐབ་སྟེ་བརྩི་སྲུང་འབད་དོ་ཡོདཔ་ཨིན།
ཧོལ་གུའིན་གི་མི་སྡེ་ནང་ རྩེད་རིགས་འདི་ ཁག་ཆེ་ཤོས་ཅིག་ཨིན་པས། ཁྲོམ་སྡེ་འདི་ནང་ ཀ་ལིགསི་ཊོ་གཱར་སི་ཡ་གི་མིང་ཐོག་ལས་ བེསི་བཱོལ་རྩེད་ཐང་ཅིག་ཡོདཔ་ལས་ ལུང་ཕྱོགས་འདི་ནང་ བེསི་བཱོལ་གྱི་ཡོངས་གྲགས་འདི་ གསལ་སྟོན་འབདཝ་ཨིན། ཧོལ་གུའིན་གིས་ ཨོ་ལིམ་པིག་གསེར་གྱི་རྟགས་མ་ཐོབ་མི་ མཛོག་ཁྱད་རྐྱབ་མི་ མ་རི་ཡོ་ཀིན་ཌེ་ལན་དང་ མེ་ཇར་བེསི་བཱོལ་མཐུན་ཚོགས་ཀྱི་རྩེད་འགྲན་པ་ ཨ་རོལ་ཌིས་ཅེབ་མེན་ཚུ་བརྩིས་ཏེ་ མིང་གཏམ་ཅན་གྱི་རྩེད་འགྲན་པ་ལེ་ཤ་ཅིག་ཐོན་ཡོདཔ་ཨིན། སྤྲོ་བའི་ལས་རིམ་ཚུ་ལུ་ ཁྲོམ་སྡེ་ནང་འཁོད་ཀྱི་གླིང་ག་དང་ མི་མང་གི་ས་གོ་མ་འདྲཝ་ཚུ་གིས་རྒྱབ་སྐྱོར་འབད་དོ་ཡོདཔ་ཨིན་པས། ཧོལ་གུའིན་གི་བཞེས་སྒོའི་མཐོང་སྣང་གིས་ ཀིའུ་བཱན་གྱི་རང་ལུགས་ཀྱི་བཞེས་སྒོ་དང་ ས་གནས་ཀྱི་ཁྱད་ཆོས་ཚུ་ སླ་བསྲེས་རྐྱབ་སྟེ་བྱིནམ་ཨིན། ཁྲོམ་ཚོགས་འདི་ནང་ལུ་ པ་ལ་ཌིཡར་ཟེར་སླབ་མི་ སྒེར་གྱི་ཟ་ཁང་ཚུ་ ཡར་འཕར་འགྱོ་སྟེ་ཡོདཔ་ལས་ ཟ་ཁང་གི་ཉམས་མྱོང་མ་འདྲཝ་ཚུ་བྱིནམ་ཨིན། ས་གནས་ཀྱི་ཟ་འཐུང་ཚུ་ནང་ ཆུམ་དང་སྲནམ་ཅུམ་ ཕག་ཤ་ དེ་ལས་ ཤིང་འབྲས་ཚུ་གཙོ་བོ་སྦེ་ཡོདཔ་ལས་ ལུང་ཕྱོགས་འདི་ནང་ སོ་ནམ་གྱི་ལཱ་ཚུ་ མང་སུ་སྦེ་ཡོདཔ་སྦེ་ གསལ་སྟོན་འབདཝ་ཨིན། [༡] ཟེར་བཀོད་བཞག་ནུག།
ཧོལ་གུའིན་གྱི་དཔལ་འབྱོར་འདི་ སོ་ནམ་དང་བཟོ་གྲྭ་ དེ་ལས་ ལྟ་བཤལ་ཚུ་ཨིན་མས། ཁྲོམ་འདི་ གུ་རམ་བཙོ་སྦྱང་འབད་ནི་དང་ སི་གཱར་བཟོ་ནི་ ཤ་བཟོ་གྲྭ་ རྫ་ཆས་བཟོ་ནི་ དེ་ལས་ ཁང་ཆས་བཟོ་སྐྲུན་འབད་སའི་ལྟེ་བ་ཅིག་ཨིན། བྱང་ཁ་ཐུག་ལུ་ ཀི་ལོ་མི་ཊར་ ༣༡ གི་ས་ཁར་ ཉེ་འདབས་ལུ་ཡོད་པའི་ གི་བ་ར་གྲུ་ཁ་ལས་ ཚོང་འབྲེལ་དང་སྐྱེལ་འདྲེན་གྱི་མཐུན་རྐྱེན་ཚུ་ཡོདཔ་ཨིན་པས། ཧོལ་གུའིན་འདི་ ནི་ཀེལ་གྱི་ས་ཆ་ཟེར་ཡང་སླབ་ཨིན། འདི་གིས་ ཀིའུ་བ་གི་ཕྱིར་ཚོང་འོང་འབབ་ལུ་ ཕན་ཐོགས་སྦོམ་སྦེ་ར་བྱུང་ནུག། ལྟ་བཤལ་འདི་ཁག་ཆེ་ཤོས་ཅིག་ལུ་འགྱུར་ཡོདཔ་ལས་ ཁྲོམ་འདི་ གཱར་ཌ་ལ་ཝ་ཀ་བཟུམ་གྱི་ ཡོངས་གྲགས་ཅན་གྱི་ས་གོ་ཚུ་གི་འཛུལ་སྒོ་ཅིག་ཡང་ཨིན་པས།
ཧོལ་གུའིན་ལུ་ དཔལ་འབྱོར་གྱི་མཐུན་རྐྱེན་སྣ་མང་ཡོད་རུང་ གཞི་རྟེན་མཐུན་རྐྱེན་ཉམས་བཅོས་དང་ ཐོན་སྐྱེད་ཚད་འཛིན་འབད་ནི་ཚུ་བརྩིས་ཏེ་ ཀིའུ་བཱན་ཁྲོམ་ཚོགས་མང་ཤོས་ཅིག་ནང་ གདོང་ལེན་བྱུང་དོ་ཡོདཔ་ཨིན། ཁྲོམ་སྡེ་གི་བྱུང་རབས་དང་ལྡན་པའི་སྒྲིང་ཁྱིམ་ཚུ་ ཉམས་སྲུང་འབད་ནི་གི་བརྩོན་ཤུགས་བསྐྱེད་དགོཔ་དང་ ས་གནས་གཞུང་གིས་ འ་ནཱི་དགོས་མཁོ་ཚུ་གྲུབ་ཐབས་ལུ་ རྒྱལ་ཡོངས་ཀྱི་ཐོགས་ལུས་ནང་ལུ་ལཱ་འབདཝ་ཨིན། དཔལ་འབྱོར་བསྒྱུར་བཅོས་དང་ སྒེར་གྱི་ཚོང་འབྲེལ་ཡར་སེང་འགྱོ་མི་ལུ་བརྟེན་ གོ་སྐབས་གསརཔ་ཚུ་ འགོ་བཙུགས་ཡོདཔ་ཨིན་རུང་ ཡུན་བརྟན་གོང་འཕེལ་གྱི་དོན་ལུ་ འཛིན་སྐྱོང་ལེགས་ཤོམ་སྦེ་འབད་དགོཔ་ཡང་ མེད་ཐབས་མེདཔ་ཅིག་ཨིན་མས།
ཧོལ་གུའིན་འདི་ རང་བཞིན་གྱི་མཛེས་སྡུག་དང་ལམ་སྲོལ་ཕྱུགཔོ་ དེ་ལས་ དཔལ་འབྱོར་གྱི་འོས་འབབ་ཚུ་ སླ་བསྲེས་རྐྱབ་སྟེ་ཡོད་པའི་ ལུང་ཕྱོགས་ཅིག་ཨིན། གཱར་ཌ་ལ་ཝ་ཀ་བཟུམ་གྱི་མཛེས་སྡུག་ལྡན་པའི་མཚོ་འགྲམ་དང་ སོ་ནམ་གྱི་ས་ཆ་ དེ་ལས་ ས་གཏེར་གྱི་ལཱ་ཚུ་གི་དོན་ལུ་ཡོངས་གྲགས་ཅན་གྱི་ ཧོལ་གུའིན་ལུ་ ལྟ་བཤལ་དང་སོ་ནམ་ དེ་ལས་ བཟོ་གྲྭ་ཚུ་གིས་རྒྱབ་སྐྱོར་འབད་མི་ དཔལ་འབྱོར་ལེགས་ཤོམ་ཡོདཔ་ཨིན། མངའ་སྡེ་འདི་ནང་ རྒྱལ་རབས་ཅན་གྱི་ཁྲོམ་ཚོགས་དང་ལམ་སྲོལ་གྱི་ སྲོག་ལྡན་ཚུ་ཡོད་པའི་ ལམ་སྲོལ་གྱི་ངོ་རྟགས་སྒྲིང་སྒྲི་ཡོདཔ་ཨིན། ཨིན་རུང་ ཀིའུ་བ་གི་ས་གནས་མང་ཤོས་ཅིག་བཟུམ་སྦེ་ གཞི་རྟེན་མཐུན་རྐྱེན་དང་ ཐོན་སྐྱེད་འཛིན་སྐྱོང་ དེ་ལས་་དཔལ་འབྱོར་དེང་སང་བཟོ་ནི་དང་འབྲེལ་བའི་ གདོང་ལེན་ཚུ་ཐོན་དོ་ཡོདཔ་ཨིན་པས། དེ་འབདཝ་ད་ ཐབས་བྱུས་ཀྱི་མ་རྩ་བཙུགས་ནི་དང་ ཡུན་བརྟན་གོང་འཕེལ་གྱི་ཐོག་ལས་ ཧོལ་གུའིན་གྱིས་ ཤར་ཕྱོགས་ཀིའུ་བ་ལུ་ ཡར་རྒྱས་གཙོ་བོ་ཅིག་ལུ་འགྱུར་ནི་གི་ འོས་འབབ་ཡོདཔ་ཨིན་པས།
རྒྱབ་རྟེན་དཔེ་དེབ།