ཨེ་མ་དར་ཚི།
དང་པ་ར་ ཨེ་མ་དར་ཚི་ཟེར་མི་འདི་ ཨེ་མ་དང་དར་ཚི་ལས་བཟོ་བའི་ཚོདམ་གྱི་རིགས་ཅིག་ལུ་སླབ་ཨིན། ཨེ་མ་དར་ཚི་ལུ་ཡང་ ཨེ་མ་ཧོནམོ། ཨེ་མ་སྐམ་དམརཔོ་ཉི་མའི་ནང་སྐམ་མི། ཨེ་མ་ཤུར་སྐམ་དང་ ཨེ་མ་ཧོ་སྐམ་གྱི་ཨེ་མ་དར་ཚི་ཟེར་ བཟོ་ཐངས་ལྷམ་པ་མ་འདྲཝ་བཞི་ཡོདཔ་ཨིན་མས། ཨེ་མ་འདི་ འབྲུག་པའི་མི་སེར་ཚུ་གི་ཚོདམ་གྱི་དོན་ལུ་ རྫས་སྦྱོར་མེད་དུ་མི་རུང་བ་ཅིག་ཨིནམ་མ་ཚད་ ཨེ་མ་དར་ཚི་འདི་ རྒྱལ་ཡོངས་ཀྱི་ཚོདམ་སྦེ་ངོས་འཛིན་འབད་ཡོདཔ་ཨིན། ཨེ་མ་དར་ཚི་གི་ཚོདམ་འདི་ འབྲུག་གི་ལུང་ཕྱོགས་ ག་དེ་ལུ་ཡང་བཟོ་ཟ་བའི་སྲོལ་ཡོདཔ་ཨིན། རྫས་སྦྱོར་ཚང་དགོཔ། ཨེ་མ་(ཧོནམོ་/སྐམ།) དར་ཚི། སྒོགཔ། བླམ་བན་ད། སྐྱ་སྒོགཔ། མར་ཁུ། ཚྭ། སྒོགཔ་གི་འདབ་མ། བཟོ་ཐངས། དང་པ་ར་ ཨེ་མ་ལ་སོགས་པའི་རྫས་སྦྱོར་ཚུ་ ཧིང་སང་ས་སྦེ་ཆུ་འཁྱུ་སྟེ་བཏོག་དགོ། དེ་ལས་བཏོག་ཚར་མི་ཚུ་ རྫམ་གཅིག་ནང་ལུ་བླུགས་ཏེ་ དེ་གུ་ལུ་ ཆུ། མར་ཁུ། ཚྭ་དང་དར་ཚི་ཚུ་བླུགས་དགོ། སྐར་མ་ལྔ་གི་རིང་ལུ་ཁབ་ཏོ་གཅད་དེ་བཞག་དགོ། སྐར་མ་ལྔ་གི་རྒྱབ་ལས་ ཐབ་ཁ་ལས་ཕབ་སྟེ་ སྐར་མ་གསུམ་གྱི་རིང་ལུ་ དྲོད་གྱང་བཅུག་དགོ། ད་རུང་སྐར་མ་གཉིས་ཀྱི་རྒྱབ་ལས་ རྫས་སྦྱོར་ཚུ་ལེགས་ཤོམ་སྦེ་སྒྱེས་དགོ། དེ་གི་ཤུལ་ལས་ ཚྭའི་བྱོ་ལྷ་དང་ཞིམ་ཧེང་ བཏུབ་མ་བཏུབ་ཚུ་ལྟ་ཞིན་ན་ཨེ་མ་དར་ཚི་འདི་ཚུདཔ་ཨིན། དམིགས་བསལ་ཁྱད་ཆོས། ཨེ་མ་དར་ཚི་འདི་ དུས་རྒྱུན་གྱི་བཞེས་སྒོ་ཚུ་དང་མཉམ་གཅིག་ཟ་སྲོལ་ཡོདཔ་མ་ཚད་ དུས་སྟོན་དང་ལོ་ཆོག་ཚུ་གི་སྐབས་སུ་ ཤ་ལུ་ལོངས་མ་སྤྱོད་མི་ཚུ་གི་དོན་ལུ་ བཞེས་སྒོ་རྡིག་ཤོས་ཅིག་ཨིན་མས། ཨེ་མ་དར་ཚི་འདི་ཟ་བའི་སྐབས་སུ་ ཁ་ཚ་དྲག་ཅིག་ཨིན་རུང་ འབྲུག་མི་ག་ར་གིས་དགའ་བའི་བཞེས་སྒོ་ཅིག་ཨིན།
རྒྱབ་རྟེན།
Wikipedia. (2022). Bhutanese cuisine. Retrieved from
https://en.wikipedia.org/wiki/Ema_datshi
https://worldfood.guide/dish/jaju/ Cuisine of Bhutan. (2022). Retrieved from https://www.visitbhutan.com/page.php?id=12 Dee. (2014). Bhutanese cuisine-Jaju. Retrieved from Big text