Jump to content

ཁམས་གསུམ་གཡུལ་ལས་རྣམ་རྒྱལ་མཆོད་རྟེན།

Wikipedia ལས།
LR0725 (བློ། | ཕན་འདེབས།) གིས་ ༡༣:༣༡, ༡༢ སྤྱི་ཟླ་བཅུ་གཉིས་པ། ༢༠༢༣ ཚུན་གྱི་བསྐྱར་ཞིབ།
ཁམས་གསུམ་གཡུལ་ལས་རྣམ་རྒྱལ་མཆོད་རྟེན།

༆ ཁམས་གསུམ་གཡུལ་ལས་རྣམ་རྒྱལ་མཆོད་རྟེན།


ཁམས་གསུམ་གཡུལ་ལས་རྣམ་རྒྱལ་མཆོད་རྟེན་འདི་སྤུ་ན་ཁ་རྫོང་ཁག་ནང་ཡོདཔ་ཨིན། མཆོད་རྟེན་འདི་གིས་མིང་གཞན་ཡང་ ཉི་ཟེར་སྒང་མཆོད་རྟེན་དང་ སྤུ་ན་ཁ་ཟངས་མདོག་དཔལ་རི་ཟེར་སླབ་དོ་ཡོདཔ་ཨིན། མཆོད་རྟེན་འདི་ སྤྱི་ལོ་༢༠༠༤ ལུ་མི་དབང་རྒྱལ་ཡུམ་ཨ་ཞེ་ཚེ་རིང་དབྱངས་སྒྲོན་དབང་ཕྱུག་གིས་བཞེངས་གནང་ཡོདཔ་ཨིན། མཆོད་རྟེད་འདི་ ཡོད་པའི་ས་གཡུས་ཚན་གྱི་རྩ་བའི་རྐང་ཟམ་ལས་ ཁ་ཡར་ཆུ་ཚོད་གཅིག་དེ་ཅིག་འགྱོཝ་ད་ལྷོདཔ་ཨིན།


མཆོད་རྟེན་འདི་ བླམ་བསོད་ནམས་བཟང་པོ་གིས་བཀའ་སློབ་དང་འཁྲིལ་ཏེ་བཞེངས་ཡོདཔ་དང་ དེ་ཡང་གཙོ་བོ་ར་ འཛམ་གླིང་སྤྱིར་དང་ལྷག་པར་དུ་ འབྲུག་རྒྱལ་ཁབ་ཀྱི་འགལ་རྐྱེན་བར་ཆད་ཞི་ཐབས་དང་ ཞི་བདེ་དར་ཁྱབ་ཀྱི་དོན་ལུ་ཨིན་པས། མཆོད་རྟེན་གྱི་བཟོ་བཀོད་འདི་ཟངས་མདོག་དཔལ་རི་བཟུམ་ཡོདཔ་དང་ ཐོ་ཚད་བཞི་ཡོདཔ་ཨིན། མཆོད་རྟེད་འདི་ནང་ སྐུ་རྟེན་དང་ནང་རྟེན་གཙོ་བོ་ར་ རྡོ་རྗེ་ཕུར་པ་ཨིན། རྡོ་རྗེ་ཕུར་པ་འདི་ བཀའ་བརྒྱུད་ཀྱི་ཆོས་སྲུང་བརྒྱད་ཀྱི་ནང་ལས་ཁག་ཆེ་ཤོས་ཅིག་ཨིན། མཆོད་རྟེན་འདི་བཞེངས་པའི་སྐབས་ལུ་ བར་མཚམས་བླམ་ཀུན་བཟང་དབང་འདུས་ཀྱི་ འགོ་ཁྲིད་པའི་ཕྱག་འགན་བསྣམས་གནང་ནུག།


མཆོད་རྟེན་འདི་ས་ཁ་མཐོ་ས་ ས་གོ་དགའ་ཏོག་ཏོ་ཅིག་ནང་ཆགས་ཡོདཔ་ལས་ མཇལ་བར་འབྱོན་པ་ཅིན་ བསམ་པ་རྫོགས་ཏོག་ཏོ་ཡོདཔ་དང་ དྲོ་པ་ཆུ་ཚོད་༦ ལས་ཕྱི་རུ་ཆུ་ཚོད་༦ ཚུན་མི་མང་གི་དོན་ལུ་ སྒོ་ཕྱེ་བཞག་དོ་ཡོདཔ་ཨིན་པས། །།


ཁུངས་གཏུགས།

https://www.atlasobscura.com/places/khamsum-yulley-namgyal-chorten https://en.wikipedia.org/wiki/Khamsum_Yulley_Namgyal_Choeten