ཅེཀ་རི་པབ་ལིཀ་

ཅེཀ་རི་པབ་ལིཀ་ Česká republika Česko

ངོ་སྤྲོད།

ཅེཀ་ རི་པབ་ལིཀ་ རྒྱལ་ཁབ་འདི་ དབུས་ཡུ་རོབ་ཀྱི་རྒྱལ་ཁབ་ནང་ཚུདཔ་ཨིན་པས། རྒྱལ་ཁབ་འདི་ནང་ མཚོ་འགྲམ་གྱི་མཐའ་མཚམས་མེདཔ་ལས་ མཚོ་འགྲམ་ག་ནི་ཡང་མེདཔ་ཨིན་པས། རྒྱལ་ཁབ་འདི་ རྒྱལ་རབས་ཕྱུག་པོ་དང་ མཛེས་ཆ་དང་ལྡན་པའི་ ས་ཆའི་གནས་སྟངས་ དེ་ལས་ ཡོངས་གྲགས་ཅན་གྱི་ ས་རྟགས་ཚུ་ལུ་བརྟེན་ཏེ་ རྒྱལ་ཁབ་འདི་ཡོངས་གྲགས་ཡོདཔ་ཨིན་པས། མི་རློབས་ས་ཡ་ ༡༠.༧ ཙམ་ཡོད་པའི་ཁར་ རྒྱལ་ཁབ་ཀྱི་སའི་ཚད་གཞི་འདི་ རྒྱ་ཚད་ཀི་ལོ་མི་ཊར་གྲུ་བཞི་མ་ ༧༨,༨༦༦ ཙམ་ཡོདཔ་ཨིན་པས། ཅེཀ་ རི་པབ་ལིཀ་ རྒྱལ་ཁབ་ཀྱི་རྒྱལ་ས་ལྟེ་བ་འདི་ པྲག་(Prague)ཨིནམ་ད་ དེ་ཡང་ ཁྲོམ་ཚོགས་སྦོམ་ཤོས་ཅིག་ཨིནམ་མ་ཚད་ རྒྱལ་ཁབ་ཀྱི་ལམ་སྲོལ་དང་སྲིད་དོན་ དེ་ལས་ དཔལ་འབྱོར་གྱི་ལྟེ་བ་གཙོ་བོ་ཅིག་ཡང་ཨིན།

ཆགས་རབས།

ཅེཀ་ རི་པབ་ལིཀ་ རྒྱལ་ཁབ་འདི་ དབུས་ཕྱོགས་ཡུ་རོབ་ལུ་ཆགས་ཏེ་ཡོདཔ་ད་ ནུབ་ཕྱོགས་ལུ་ ཇཱར་མ་ནི་ ལྷོ་ཕྱོགས་ལུ་ ཨཱསི་ཊི་ཡ་ ཤར་ཕྱོགས་ལུ་ སི་ལོ་ཝ་ཀི་ཡ་ བྱང་ཕྱོགས་ལུ་ པོ་ལེནཌ་དང་ ས་མཚམས་ཚུ་ཡོདཔ་ཨིན་པས། རྒྱལ་ཁབ་འདི་ མང་ཤོས་རང་ ནགས་ཚལ་དང་ གངས་རི་ཚུ་གིས་ ཁྱབ་སྟེ་ཡོདཔ་ད་ གཙང་ཆུ་ལེ་ཤ་ཅིག་ དཔེར་ན་ རྒྱལ་ས་ལྟེ་བ་ པྲག་བརྒྱུད་དེ་ འགྱོ་མི་ ཝལ་ཊ་ཝ་ཟེར་མི་ གཙང་ཆུ་ཚུ་ཡོདཔ་ཨིན་པས། གནམ་གཤིས་བསིལ་དྲོད་གཉིས་ཆ་ར་ཡོདཔ་དང་ གནམ་བྱཱར་ལུ་དྲོ་ཏོག་ཏོ་དང་ དགུན་བསིལ་དྲགས་སྦེ་ཡོདཔ་ཨིན།

བྱུང་རབས།

ཅེཀ་ རི་པབ་ལིཀ་ རྒྱལ་ཁབ་ཀྱི་ལོ་རྒྱུས་འདི་ ལོ་ངོ་སྟོང་ཕྲག་ལྷག་ཅིག་གི་ཧེ་མ་ལས་ར་ ཡོདཔ་སྦེ་བཤད་དེ་འདུག།  དེ་ཡང་ ངོ་མ་ར་ དུས་རབས་བར་མའི་ ཡུ་རོབ་ལུ་ གལ་གནད་ཅན་དང་ དབང་ཚད་ཅན་གྱི་ རྒྱལ་ཁབ་ཅིག་ཨིན་མི་ བོ་ཧི་མི་ཡ་རྒྱལ་ཁབ་ཀྱི་ ཆ་ཤས་ཅིག་ཨིན་པས། ཤུལ་ལས་ འཛམ་གླིང་དམག་ཆེན་དང་པ་ མཇུག་མ་བསྡུ་ཚུན་ཚོད་ ཅེག་གི་ས་གཞི་ཚུ་ ཨས་ཊོ་ཧང་གེ་རི་ཡཱན་རྒྱལ་ཁམས་ཀྱི་ ཆ་ཤས་ཅིག་སྦེ་སྡོད་ཡོདཔ་ད་ དམག་འཁྲུག་གི་ཤུལ་ལས་ རྒྱལ་ཁབ་འདི་ སོ་ལོ་ཝ་ཀི་ཡ་ཡང་ཚུད་དེ་ཡོད་མི་ ཅེག་ཀོ་སི་ལོ་ཝ་ཀི་ཡ་གི་ཆ་ཤས་ཅིག་ལུ་ འགྱུར་སོང་ནུག། སྤྱི་ལོ་༡༩༩༣ ལུ་ ཅེག་ཁོ་སི་ལོ་ཝ་ཀི་ཡ་འདི་ ཅེཀ་ རི་པབ་ལིཀ་ རྒྱལ་ཁབ་དང་ སོ་ལོ་ཝ་ཀི་ཡ་ཟེར་མི་ རྒྱལ་ཁབ་སོ་སོ་གཉིས་ལུ་ དབྱེ་སྟེ་ཡོདཔ་ཨིན་པས།

ཅེཀ་ རི་པབ་ལིཀ་ རྒྱལ་ཁབ་ལུ་ དམིགས་བསལ་གྱིས་ དུས་རབས་༢༠ པའི་ནང་ དམག་འཁྲུག་ཡོད་པའི་ ལོ་རྒྱུས་ཡོདཔ་ཨིན་པས། སྤྱི་ལོ་༡༩༨༩ ལུ་ སོ་ཝེཊ་ཡུ་ནིའོན་འདི་ མར་ཕབ་འགྱོ་བའི་ཤུལ་ལས་ དམངས་གཙོའི་རིང་ལུགས་ཀྱི་ མི་སེར་རྒྱལ་ཁབ་ཅིག་ལུ་འགྱུར་ཡོདཔ་ཨིན།

རྒྱལ་ས་ལྟེ་བ་ པྲག།

པྲག་འདི་ ཅེཀ་ རི་པབ་ལིཀ་ རྒྱལ་ཁབ་ཀྱི་ རྒྱལ་ས་ལྟེ་བ་དང་ གྲོང་ཁྱེར་སྦོམ་ཤོས་ཅིག་ཨིན་པས། དེ་ནང་ལུ་སྡོད་མི་ མི་རློབས་ས་ཡ་ ༡.༣ དེ་ཅིག་ཡོདཔ་ཨིནམ་དང་ པྲག་འདི་ ཡུ་རོབ་ཀྱི་ མཛེས་ཆ་དང་ལྡན་པའི་ རྒྱལ་རབས་ཅན་གྱི་ཁྲོམ་ཚོགས་ཅིག་ཨིནམ་ལས་ ལོ་བསྟར་བཞིན་དུ་ ལྟ་བཤལཔ་ས་ཡ་ལས་བཅད་དེ་ འོང་དོ་ཡོདཔ་ཨིན་པས། ཁྲོམ་འདི་ པྲག་བཙན་རྫོང་དང་ ཅཱར་ལིས་ཟམ་ དེ་ལས་ ཁྲོམ་རྙིངམ་གི་གྲུ་བཞི་ཚུ་རྩིས་ཏེ་ མཛེས་ཆ་དང་ལྡན་པའི་བཟོ་རིགས་ཚུ་གི་དོན་ལུ་ ཡོངས་གྲགས་འཐོན་ཡོདཔ་ཨིན་པས། དེ་མ་ཚད་ ལམ་སྲོལ་གྱི་མཐོང་སྣང་ཕྱུགཔོ་ཡོདཔ་ལས་ འགྲེམས་སྟོན་ཁང་དང་ གློག་བརྙན་ཁང་ དེ་ལས་ སྙན་ཆའི་ས་ཁོངས་ཚུ་ ལེ་ཤ་ཡོདཔ་ཨིན་པས། ཁྲོམ་འདི་གིས་ ཡུ་རོབ་ཀྱི་བྱུང་རབས་ནང་ལུ་ཡང་ དམིགས་བསལ་གྱིས་ བོ་ཧི་མི་ཡཱན་རྒྱལ་ཁབ་དང་ དམག་གི་སྐབས་ལུ་ ཁག་ཆེ་བའི་འགན་ཁུར་འབག་ནུག།

དཔལ་འབྱོར།

ཅེཀ་ རི་པབ་ལིཀ་ རྒྱལ་ཁབ་ཀྱི་དཔལ་འབྱོར་ཡར་རྒྱས་ བརྟན་ཏོག་ཏོ་ཡོདཔ་ལས་ དབུས་ཕྱོགས་ཡུ་རོབ་ཀྱི་རྒྱལ་ཁབ་ཡར་རྒྱས་ཆེ་ཤོས་ཅིག་དང་ བཟོ་གྲྭའི་གཞི་རྩ་སྒྲིང་སྒྲི་ཡོདཔ་ཨིན་པས། བཟོ་གྲྭ་གཙོ་བོ་ཚུ་ཡང་  སྣུམ་འཁོར་ གློག་རིག་ དེ་ལས་ རྫས་སྦྱོར་ཚུ་ཨིན་པས། རྒྱལ་ཁབ་འདི་ བི་ཡར་བཟོ་ནི་གི་ལམ་སྲོལ་ཡང་ཡོདཔ་ལས་ ཅེག་བི་ཡར་འདི་ འཛམ་གླིང་ནང་ ཡོངས་གྲགས་ཅན་ཅིག་ཨིན་མས།

ཅེག་གི་དཔལ་འབྱོར་དེ་ ཕྱིར་ཚོང་དང་ ནང་འཁོད་ཀྱི་ ཉོ་སྤྱོད་གཉིས་ཆ་ར་ལུ་ བརྟེན་ཏེ་སྡོད་དོ་ཡོདཔ་ཨིན་པས། ཚོང་འབྲེལ་གྱི་མཉམ་འབྲེལ་པ་གཙོ་བོ་ཚུ་ཡང་ ཇར་མ་ནི་དང་ སི་ལོ་ཝ་ཀི་ཡ་ དེ་ལས་ པོ་ལེནཌ་ཚུ་ཨིན་པས། རྒྱལ་ཁབ་ནང་ རིག་རྩལ་ཅན་གྱི་ལས་མི་ཚུ་ཡོདཔ་མ་ཚད་ ཤེས་རིག་གི་གནས་ཚད་ཡང་ མཐོ་དྲགས་སྦེ་ཡོདཔ་ལས་ དཔལ་འབྱོར་སྒྲིང་སྒྲི་བཟོ་ནི་ལུ་ ལྷན་ཐབས་འབདཝ་ཨིན་པས། ཅེཀ་ རི་པབ་ལིཀ་ རྒྱལ་ཁབ་ལུ་ཡང་ གཞུང་ལམ་དང་ རེ་ལི་ལམ་ དེ་ལས་ པྲག་ལུ་ཡོད་པའི་ རྒྱལ་སྤྱིའི་གནམ་གྲུ་ཐང་ཚུ་རྩིས་ཏེ་ སྐྱེལ་འདྲེན་གྱི་ལམ་ལུགས་ལེགས་ཤོམ་སྦེ་ གོང་འཕེལ་འགྱོ་སྟེ་ཡོདཔ་ཨིན་པས།

གཞུང་སྐྱོང་།

ཅེཀ་ རི་པབ་ལིཀ་ རྒྱལ་ཁབ་འདི་སྤྱི་མཐུན་རྒྱལ་ཁབ་ཅིག་ཨིན་པས། དེ་སྦེ་ཨིན་དགོ་པའི་རྒྱུ་མཚན་ཡང་ སྲིད་འཛིན་འདི་ རྒྱལ་ཁབ་ཀྱི་དབུ་ཁྲིདཔ་དང་ བློན་ཆེན་འདི་ གཞུང་གི་དབུ་ཁྲིདཔ་སྦེ་ཨིན་པས། ཅེག་གི་སྲིད་དོན་ལམ་ལུགས་འདི་དམངས་གཙོའི་ལམ་ལུགས་ལུ་གཞི་བཞག་སྟེ་ དུས་རྒྱུན་གྱི་བཙག་འཐུ་དང་ ཚོགས་པ་སྣ་ཚོགས་ཀྱི་ལམ་ལུགས་ཡོདཔ་ཨིན་པས། རྒྱལ་ཁབ་འདི་ནང་ལུ་ ཁྲིམས་ཀྱི་ལམ་ལུགས་སྒྲིང་སྒྲི་ཡོདཔ་མ་ཚད་ འགྲོ་བ་མིའི་ཐོབ་དབང་ལུ་ བརྩི་མཐོང་ཡང་ཡོདཔ་ཨིན་པས།

ཅེཀ་ རི་པབ་ལིཀ་ རྒྱལ་ཁབ་འདི་ ཡུ་རོ་པིན་མཉམ་འབྲེལ་གྱི་འཐུས་མི་ཅིག་ཨིནམ་ལས་ ཡུ་རོབ་མཉམ་འབྲེལ་གྱི་ཁྲིམས་ལུགས་དང་སྒྲིག་གཞི་ཚུ་ལུ་གཞི་བཞག་སྟེ་ ལག་ལེན་འཐབ་ཨིན་པས། དེ་མ་ཚད་ ཡུ་རོབ་མཐུན་ཚོགས་ཀྱི་འཐུས་མི་ཅིག་ཨིན་རུང་ ཡུ་རོབ་མེན་པར་ ཅེག་ཀོ་རུ་ན་འདི་ དངུལ་ལོར་སྦེ་ལག་ལེན་འཐབ་ཨིན་པས། ཅེག་གཞུང་གིས་ སྲིད་དོན་བརྟན་ཏོག་ཏོ་དང་ དཔལ་འབྱོར་གོང་འཕེལ་ དེ་ལས་ མི་སེར་ཚུ་གི་ མི་ཚེའི་སྤུས་ཚད་ཡར་དྲག་གཏང་ནི་ལུ་ གཙོ་བོར་བསྟེན་དོ་ཡོདཔ་ཨིན་པས།

ལམ་སྲོལ།

ཅེཀ་ རི་པབ་ལིཀ་ རྒྱལ་ཁབ་ནང་ལུ་ ལམ་སྲོལ་གྱི་སྲོལ་རྒྱུན་ཕྱུགཔོ་ཡོདཔ་ལས་ སྙན་ཆ་དང་སྒྱུ་རྩལ་ རྩོམ་རིག་ དེ་ལས་ ཟློས་གར་གྱི་ལོ་རྒྱུས་ ལེ་ཤ་ཅིག་ར་ཡོདཔ་ཨིན་པས། རྒྱལ་ཁབ་འདི་ སྔར་སྲོལ་གྱི་སྙན་ཆ་ལུ་ ཡུན་རིངམོ་སྦེ་ ཕན་གནོད་བྱུང་མི་ ཡོངས་གྲགས་ཅན་གྱི་ ཞབས་ཁྲ་བརྩམ་མི་ ཨེན་ཊོ་ནིན་ ཌི་ཝོ་རཱཀ་དང་ བེཌ་རིཆ་ སི་མེ་ཊ་ན་ཚུ་གི་ སྐྱེས་སའི་ས་གནས་ཨིན་པས། ཅེག་རྩོམ་རིག་འདི་ཡང་ ལེགས་ཤོམ་སྦེ་བརྩི་མཐོང་ཡོདཔ་ལས་ རྩོམ་པ་པོ་ ཕཱརན་ཛི་ཀཕ་ཀ་དང་ མི་ལཱན་ཀུན་ཌེ་ར་བཟུམ་ཚུ་གིས་ རྒྱལ་སྤྱིའི་ནང་ ཡོངས་གྲགས་ཐོན་ཡོདཔ་ཨིན་པས།

རང་ལུགས་ཅེཀ་གི་ཟ་འཐུང་ནང་ལུ་ ཁུ་བ་ཅན་གྱི་ནོར་ཤ་གི་ཟ་འཐུང་ དང་ གོའུ་ལེཤ་(goulash) དེ་ལས་ མངར་ཟས་ བཟུམ་གྱི་ཟ་འཐུང་ཚུ་ཚུདཔ་ཨིན་པས། རྒྱལ་ཁབ་འདི་ འཛམ་གླིང་ནང་ བི་ཡར་དྲག་ཤོས་བཟོ་མི་ཅིག་སྦེ་ཆ་བཞག་དོ་ཡོདཔ་ལས་ ཡོངས་གྲགས་ཅན་ཅིག་ཨིན་པས། ཅེག་མི་སེར་ཚུ་གིས་ ཁོང་རའི་སྙན་ཆ་དང་ ཞབས་ཁྲའི་ལམ་སྲོལ་ཚུ་དང་ ལམ་སྲོལ་གྱི་འབྲེལ་བ་སྦོམ་ཡོདཔ་ལས་ དུས་སྟོན་ཚུ་ནང་ འཕྲལ་འཕྲལ་སྦེ་ར་ མཐོངམ་ཨིན་པས།

ཅེག་མི་རིགས་འདི་ མགྲོན་བསུ་དང་ སྲོལ་རྒྱུན་ལུ་ སྤོབས་པ་བསྐྱེད་མི་ལུ་བརྟེན་ཏེ་ ཡོངས་གྲགས་ཡོདཔ་ཨིན་པས། རྒྱལ་ཡོངས་དུས་ཆེན་ དཔེར་ན་ རང་དབང་གི་ཉིནམ་དང་ སེནཊ་ཝེན་སི་ལཱསི་གི་ཉིནམ་ཚུ་ ལས་རིམ་མ་འདྲཝ་དང་ དུས་སྟོན་ཚུ་ བརྩི་སྲུང་འབད་དོ་ཡོདཔ་ཨིན་པས། ཅེཀ་ རི་པབ་ལིཀ་ རྒྱལ་ཁབ་ལུ་ཡང་ མི་སྡེའི་གཏམ་རྒྱུད་ཀྱི་ལམ་སྲོལ་ཡུན་རིངམོ་སྦེ་ཡོདཔ་ལས་ ཉིན་བསྟར་གྱི་མི་ཚེ་དང་ སྒྱུ་རྩལ་གྱི་གནས་སྟངས་ལེ་ཤ་ཅིག་ནང་ མཐོང་ཚུགསཔ་ཨིན་པས།

ཤེས་རིག།

ཅེཀ་ རི་པབ་ལིཀ་ རྒྱལ་ཁབ་ཀྱིས་ ཤེས་རིག་ལུ་ གཙོ་བོར་བསྟེན་དོ་ཡོདཔ་ཨིན་པས། རྒྱལ་ཁབ་འདི་ནང་ འབྲི་ལྷག་ཤེས་ཡོན་གྱི་གནས་ཚད་མཐོ་དྲགས་ཡོདཔ་ལས་ མི་མང་ཤོས་ཅིག་གིས་ མཐོ་རིམ་ཤེས་ཡོན་སྦྱང་དོ་ཡོདཔ་ཨིན་པས། ཡུ་རོབ་ཀྱི་གཙུག་ལག་སློབ་སྡེ་རྙིང་ཤོས་ཅིག་ཨིན་མི་ པྲག་ལུ་ཡོད་པའི་ ཅཱར་ལིས་གཙུག་ལག་སློབ་སྡེ་རྩིས་ཏེ་ གཙུག་ལག་སློབ་སྡེ་དང་ ཞིབ་འཚོལ་གྱི་ གཙུག་ལག་སློབ་སྡེ་ལེ་ཤ་ཡོདཔ་ཨིན་པས།

ཅེཀ་ རི་པབ་ལིཀ་ ཀྱིས་ཚན་རིག་དང་འཕྲུལ་རིག་ནང་ཕན་ཐོགས་སྦོམ་སྦེ་ར་བྱུང་ཡོདཔ་ལས་  བཟོ་རིག་དང་དངོས་ཁམས་རིག་པ་ དེ་ལས་ སྨན་རིགས་ལ་སོགས་པའི་ ལཱ་ཚུ་ནང་ གསར་བཏོད་འབད་མི་གི་དོན་ལས་ ཡོངས་གྲགས་ཡོདཔ་ཨིན་པས། རྒྱལ་ཁབ་འདི་གིས་ རྒྱལ་རབས་ནང་ལུ་ ཡོངས་གྲགས་ཅན་གྱི་ཚན་རིག་པ་དང་ གསར་བཏོད་པ་ལེ་ཤ་ཅིག་ བཏོན་ཡོདཔ་མ་ཚད་ ཅེཀ་གི་ཞིབ་འཚོལ་པ་ཚུ་གིས་ འཛམ་གླིང་ཤེས་ཡོན་དང་ ཡར་རྒྱས་ལུ་ ཕན་ཐོགས་འབྱུང་ནིའི་ལཱ་ཚུ་འཕྲོ་མཐུད་དེ་རང་ འབད་དོ་ཡོདཔ་ཨིན་པས།

རྩེད་རིགས།

རྩེད་རིགས་འདི་ ཅེཀ་ལམ་སྲོལ་གྱི་ ཁག་ཆེ་བའི་ཆ་ཤས་ཅིག་ཨིནམ་ལས་ མི་མང་ཤོས་ཅིག་གིས་ ལས་རིམ་སྣ་ཚོགས་ནང་ བཅའ་མར་གཏོགས་དོ་ཡོདཔ་ཨིན། ཨཱསི་ཧོ་ཀི་གྱི་རྩེད་རིགས་འདི་ ཡོངས་གྲགས་ཅན་གྱི་རྩེད་རིགས་ཅིག་ཨིནམ་ལས་ ཅེཀ་རྒྱལ་ཡོངས་སྡེ་ཚན་འདི་ འཛམ་གླིང་ནང་ དྲག་ཤོས་ཅིག་སྦེ་ བརྩི་དོ་ཡོདཔ་ཨིན་པས། རྐང་རིལ་ཕུཊ་བཱོལ་ཡང་ ཁྱབ་ཆེཝ་སྦེ་རྩེད་དོ་ཡོདཔ་ལས་ རྒྱལ་ཁབ་འདི་ནང་ རྒྱལ་སྤྱིའི་འགྲན་བསྡུར་ཚུ་ནང་ མཐར་འཁྱོལ་བྱུང་བའི་ ལམ་སྲོལ་སྒྲིང་སྒྲི་ཡོདཔ་ཨིན་པས། གཞན་ཡང་ཡོངས་གྲགས་ཅན་གྱི་རྩེད་རིགས་ཚུ་ཡང་ ཊེ་ནིསི་དང་ བཱསི་ཀེཊ་བཱོལ་ དེ་ལས་ བོ་ལི་བཱོལ་ཚུ་ཨིན།

ཅེཀ་ རི་པབ་ལིཀ་ རྒྱལ་ཁབ་ཀྱིས་ འཛམ་གླིང་ནང་ རྩེད་འགྲན་པ་ལེ་ཤ་ཅིག་ དམིགས་བསལ་གྱིས་ ཊེ་ནིསི་ནང་ ཐོན་ཡོདཔ་ད་ རྩེད་འགྲན་པ་ པེ་ཊ་ར་ ཀི་ཝི་ཊོ་ཝ་དང་ ཊོ་མ་ཤ་ བར་ཌིཆ་བཟུམ་ཚུ་གིས་ རྒྱལ་སྤྱིའི་ནང་ མཐར་འཁྱོལ་བྱུང་ཡོདཔ་ཨིན་པས། དེ་མ་ཚད་ རྒྱལ་ཁབ་ནང་ ཊེ་ནིསི་འགྲན་བསྡུར་དང་ མ་ར་ཐོན་ཚུ་རྩིས་ཏེ་ རྒྱལ་སྤྱིའི་རྩེད་རིགས་ཀྱི་ ལས་རིམ་ལེ་ཤ་ཅིག་ར་ འགོ་འདྲེན་འཐབ་དོ་ཡོདཔ་ཨིན་པས།

གདོང་ལེན།

ཅེཀ་ རི་པབ་ལིཀ་ རྒྱལ་ཁབ་འདི་ ཡར་རྒྱས་དང་བརྟན་ཏོག་ཏོ་ཡོད་པའི་རྒྱལ་ཁབ་ཅིག་ཨིན་རུང་ གདོང་ལེན་ལེ་ཤ་ཅིག་རང་ཡོདཔ་ཨིན་པས། གནད་དོན་སྦོམ་ཤོས་ཅིག་ མི་རྒས་ཤོས་འགྱོ་མི་ལུ་བརྟེན་ མ་འོངས་པའི་ལོ་ཚུ་ནང་ རྒྱལ་ཁབ་ཀྱི་ མི་སྡེ་ཞབས་ཏོག་དང་ དཔལ་འབྱོར་ལུ་ གནོན་ཤུགས་བྱིན་ཚུགས་ནི་ཨིན་པས། གདོང་ལེན་གཞན་མི་འདི་ དམིགས་བསལ་གྱིས་ འཕྲུལ་རིག་དང་ མཐའ་འཁོར་གནས་སྟངས་ཀྱི་ ཚ་གྱང་ཚུ་ འགྱུར་བཅོས་འགྱོ་བའི་བསྒང་ལས་ འཛམ་གླིང་དཔལ་འབྱོར་ནང་ རྒྱལ་ཁབ་འདི་ དོ་འགྲན་ཅན་སྦེ་ བཞག་ནི་འདི་ཨིན་མས།

ཅེཀ་ རི་པབ་ལིཀ་ རྒྱལ་ཁབ་ཀྱིས་ མཐའ་འཁོར་གནས་སྟངས་ཀྱི་སྲིད་བྱུས་ཚུ་ཡང་ ཡར་དྲག་གཏང་ནི་གི་དོན་ལུ་ ལཱ་འབད་དོ་ཡོདཔ་ད་ དེ་ཡང་ ནག་རླུང་བཏོན་ཏེ་ ཡུན་བརྟན་གནས་ཐབས་ལུ་ གཙོ་བོར་བཏོན་དོ་ཡོདཔ་ཨིན་པས། རྒྱལ་ཁབ་ནང་ལུ་ སླར་འབྱུང་ནུས་ཤུགས་ཀྱི་ཐད་ཁར་ གོང་འཕེལ་སྦོམ་སྦེ་ར་འགྱོ་སྟེ་ཡོད་རུང་ ད་ལྟོའི་བར་ན་ཡང་ ལཱ་ཚུ་འབད་དགོཔ་ཡོདཔ་ཨིན་མས།

མཇུག་དོན།

ཅེཀ་ རི་པབ་ལིཀ་ རྒྱལ་ཁབ་འདི་ ཡུ་རོབ་ཀྱི་དབུས་ཕྱོགས་ནང་ལུ་ཆགས་ཡོད་པའི་ མཛེས་ཆ་དང་ལྡན་པའི་རྒྱལ་ཁབ་དང་ ལོ་རྒྱུས་དང་རྒྱལ་རབས་ཀྱི་ལྡན་པའི་རྒྱལ་ཁབ་ཅིག་ཨིན་པས། རྒྱལ་ཁབ་འདི་ནང་ ལམ་སྲོལ་ཕྱུགཔོ་དང་དཔལ་འབྱོར་སྒྲིང་སྒྲི་ དེ་ལས་ སྲིད་དོན་བརྟན་ཏོག་ཏོ་ཡོད་མི་ཚུ་གིས་ དབུས་ཕྱོགས་ཡུ་རོབ་ཀྱི་རྒྱལ་ཁབ་མཐར་འཁྱོལ་ཅན་ཅིག་ལུ་ འགྱུར་ཡོདཔ་ཨིན་པས། ཅེཀ་ རི་པབ་ལིཀ་ རྒྱལ་ཁབ་འདི་ འཛམ་གླིང་ནང་ ཁག་ཆེ་བའི་ རྩེད་འགྲན་པ་ཅིག་སྦེ་ འཕྲོ་མཐུད་དེ་རང་ རྒྱལ་ས་ལྟེ་བ་ པྲག་དང་ སྤོབས་པ་ཅན་གྱི་ལམ་སྲོལ་ཚུ་ ཡོདཔ་ཨིན་པས། མི་རྒས་ཏེ་འགྱོ་ནི་དང་ མཐའ་འཁོར་གནས་སྟངས་ཀྱི་ཚ་གྱང་ལ་སོགས་པའི་ གདོང་ལེན་ཚུ་ འབྱུང་དོ་ཡོདཔ་ལས་ རྒྱལ་ཁབ་ནང་ མི་སེར་ཚུ་གི་ མི་ཚེའི་སྤུས་ཚད་ ཡར་དྲག་གཏང་ནི་དང་ མི་རབས་ཚུ་གི་ མ་འོངས་པ་ལུ་ སྒྲིང་སྒྲི་བཟོ་ནི་ལུ་ ཁས་བླངས་འབད་དེ་ཡོདཔ་ཨིན་པས།

རྒྱབ་ཁུངས།