དཔྱད་ཡིག་ཆ་འཇོག།

འབྲུག་རྒྱལ་ཁབ་ཀྱི་དཔྱད་ཡིག་ཆ་འཇོག་འབད་ཐངས་འདི་ཡང་ རྒྱལ་ཡོངས་ཚོགས་འདུ་དང་ཚོགས་སྡེ་གཉིས་ནང་ལུ་ གྲོས་ཐེངས་མང་རབས་ཅིག་འཚོགས་ཞིནམ་ལས་རྐྱངམ་གཅིག་ མི་དབང་རྒྱལཔོ་ལུ་ཕུལ་ཏེ་མི་དབང་རྒྱལ་པོ་གིས་གནང་བ་གནངམ་ཨིན་མས། དེ་མ་གནང་པའི་ཧེ་མ་ འབད་དགོ་པའི་རིམ་པ་ཚུ་ཡང་ Bhutanese Legislation ལྟར་དུ་འབད་བ་ཅིན་ འབྲུག་གི་ཁྲམས་བཟོ་འདི་ཚོགས་ཁང་གཉིས་ལྡན་སྤྱི་ཚོགས་ནང་བཟོཝ་ཨིནམ་དང་། ཚོགས་འདུ་དང་ཚོགས་སྡེ་གཉིས་ནང་ ག་འབད་རུང་ཅིག་ལུ་ ཡང་ན་རྩོད་དཔོན་ཡོངས་ཁྱབ་ལུ་དཔྱད་ཡིག་བརྩམ་ནི་དང་ གྲོས་བསྡུར་ཚུ་འབདཝ་ཨིན་མས། འདི་ཡང་ མ་དངུལ་དང་དངུལ་འབྲེལ་ཚུ་ཚུདཔ་ཨིན་ཟེར་བཀོད་དེ་འདུག། དཔྱད་ཡིག་འདི་གསར་གཏོད་འབད་དེ་ཚོགས་ཁང་གཅིག་ལུ་ཕུལ་ནི་དང་ དཔྱད་ཡིག་ཕུལ་ཏེ་ཉིན་གྲངས་ 30 གི་ཧེ་མ་ཚོགས་ཁང་གཞན་ནང་ལུ་ལྷོད་དགོཔ་ཨིན་མས། དཔྱད་ཡིག་ལྷོད་པའི་ཉིནམ་ལས་ཚུར་ དཔྱད་ཡིག་འདི་ཤུལ་མ་གི་ཚོགས་འདུ་ནང་བརྒྱུད་སྤྲོད་འབདཝ་ཨིན་མས།

ད་རུང་ འཆར་དངུལ་དཔྱད་ཡིག་དང་ གནད་དོན་གལ་ཅན་ནང་ལུ་དཔྱད་ཡིག་བརྒྱུད་སྤྲོད་འདི་ སྤྱི་ཚོགས་ཀྱི་ཚོགས་འདུ་གཅིག་ནང་ར་འབད་དེ་འདུག། དཔྱད་ཡིག་འདི་ཚར་ཅིག་ཆ་འཇོག་བསྒྲུབས་ཞིནམ་ལས་ མི་དབང་རྒྱལ་པོ་ལུ་ཉིན་གྲངས་ ༡༥ གི་ཧེ་མ་ཕུལ་དགོཔ་དང་ འདི་བཟུམ་སྦེ་ཕུལ་དགོ་མི་འདི་ཡང་ མི་དབང་རྒྱལཔོ་གི་གནང་བ་མ་སྤྲོད་པའི་ཧེ་མ་ དབྱེ་དཔྱད་འབད་དེ་གནང་བ་སྤྲོལ་ནི་གི་དོན་ལུ་ཨིན་མས།

གལ་སྲིད་ ཚོགས་དམངས་གཅིག་གིས་དཔྱད་ཡིག་འདི་ བརྒྱུད་སྤྲོད་དང་ལོག་སྤྲོད་གཉིས་ཆ་ར་ཚོགས་འདུ་མཇུག་བསྡུཝ་ད་མ་སྤྲོད་པ་ཅིན་ དཔྱད་ཡིག་འདི་བརྒྱུད་སྤྲོད་འབད་དགོ་པའི་ངོས་འཛིན་འབད་དགོཔ་སྦེ་འདུག། ཚོགས་འདུ་འདི་ནང་དཔྱད་ཡིག་བཞེངས་མི་འདི་ མི་དབང་རྒྱལཔོ་ལུ་ཉིན་གྲངས་ ༡༥་གི་ཧེ་མ་རྒྱལ་པོ་ལས་གནང་བ་ཞུ་ནིའི་དོན་ལུ་ལྷོད་དགོཔ་ཨིན།

གལ་སྲིད་ མི་དབང་མཆོག་གིས་དཔྱད་ཡིག་འདི་ཆ་འཇོག་གི་གནང་བ་མ་གནང་པ་ཅིན་ མི་དབང་མཆོག་གི་དཔྱད་ཡིག་འདི་ལོག་སྟེ་ར་ སྤྱི་ཚོགས་ནང་ལུ་ལེགས་བཅོས་ཞིབ་ཞིབ་སྦེ་འབད་ནི་གི་དོན་ལུ་དང་ སྤྱི་ཚོགས་འདི་ལྷན་བཞུགས་ནང་ཚོགས་རྒྱན་བསྐྱུར་དགོཔ་ཨིན། ཆ་འཇོག་གྲུབ་མི་འདི་ལོག་སྟེ་ར་ མི་དབང་རྒྱལ་པོ་ལུ་ཕུལ་ཞིནམ་ལས་རྐྱང་གཅིག་ གནང་བ་དང་ཆ་འཇོག་གྲུབ་ཨིན་མས།

སྤྱི་ཚོགས་ལྷན་བཞུགས་ཟེར་བའི་སྐབས་ལུ་ སྤྱི་ཚོགས་གཉིས་མཉམ་འབྲེལ་ཚོགས་ཆུང་གི་ཐོག་ལས་ ལོག་སྟེ་ར་དཔྱད་ཡིག་འདི་བཟོཝ་ཨིནམ་དང་ འདི་ནང་འཐུས་མི་་ Legislative rule of procedure (2011) དང་འཁྲིལ་བ་ཅིན་ མཉམ་འབྲེལ་ཚོགས་ཆུང་ནང་ རྒྱལ་ཡོངས་ཚོགས་སྡེ་ལས་ མི་ངོམ་ལྔ་དང་རྒྱལ་ཡོངས་ཚོགས་འདུ་ལས་མི་ངོམ་བདུན་གྱིས་ སྦེ་གྲོས་བསྡུར་འབདཝ་ཨིན་མས། མཉམ་འབྲེལ་ཚོགས་ཆུང་གི་ལཱ་འགན་འདི་ དཔྱད་ཡིག་ཚུ་བསྐྱར་ཞིབ་འབད་ནི་དང་ དཔྱད་ཡིག་གསལ་བཤད་འབད་ནི། ལེགས་བཅོས་ཚུ་འབད་ནི་གི་དོན་ལུ་ཨིན་མས། དེ་ལས་ སྤྱི་ཚོགས་གཉིས་ཀྱི་ནང་ལུ་ དཔྱད་ཡིག་གི་ཞལ་འཆམ་བྱུང་མི་འདི་ ལེགས་བཅོས་དང་བསམ་འཆར་འཐོན་མ་དགོཔ་སྦེ་འབྱུང་ནི་གི་ལཱ་འགན་ཡོདཔ་ཨིན་མས།

རྒྱབ་རྟེན།

Bhutanese Legislation. (20190). Retrieved from

https://en.wikipedia.org/wiki/Bhutanese_legislation

Legislative Rule of Procedure. (2017). Retrieved from

https://www.nab.gov.bt/assets/uploads/files/LRoP2017(Revised).pdf