དྲགས་ཤོས་ཀརྨ་ཨུ་ར་གི་སྐོར།
༉ དྲག་ཤོས་ཀརྨ་ཨུ་ར་འདི་ འབྲུག་རྒྱལ་ཁབ་ཀྱི་བྱང་ཕྱོགས་བུམ་ཐང་རྫོང་ཁག་གཡུས་ཨུ་ར་ལུ་འཁྲུངས་ནུག། ཁོ་གི་སློབ་གྲྭ་གོང་མའི་ཤེས་ཡོན་སྦྱང་ཚར་བའི་ཤུལ་ལུ་ རྒྱ་གར་རྒྱལ་ཁབ་ནང་ཡོད་མི་ ཌེ་ལི་གཙུག་ལག་སློབ་སྡེ་གི་སེནཊ་ ཨིསི་ཊེ་ཕེན་མཐོ་རིམ་སློབ་གྲྭ་(St. Stephen college of Delhi University)ཟེར་ས་ལུ་གཙུག་ལག་གཞི་རིམ་གྱི་སློབ་སྦྱོང་མཛད་ཡོདཔ་དང་། དེའི་ཤུལ་ལས་ ཨོགསི་ཕོཊོ་གི་ མེག་ཌ་ལེན་ མཐོ་རིམ་སློབ་གྲྭ་(Magdalen College of Oxford)ལས་གཙུག་ལག་ཤེས་ཚད་མཐར་འཁྱོལ་ཡོདཔ་ཨིན་མས། དེ་ལས་མཐའ་མཇུག་ལུ་ དྲག་ཤོས་མཆོག་གིས་མཐོ་རིམ་གོང་མའི་ཤེས་ཚད་ཡུ་ནེའེ་ཊེཌ་ཀིང་ཊོམ་ (United Kingdom)ལུ་ཡོད་པའི་ ཨེ་ཌིན་བརཀ་ གཙུག་ལག་སློབ་སྡེ་ (Edinburgh University)ལས་མཐར་འཁྱོལ་ཡོདཔ་ཨིན་མས།The Himalayan Initiatives
དྲག་ཤོས་ཀརྨ་ཨུ་ར་འདི་ ཐིམ་ཕུག་ལུ་ཡོད་པའི་དཔལ་འབྲུག་ཞིབ་འཇུག་དང་རྒྱལ་ཡོངས་དགའ་སྐྱིད་དཔལ་འཛོམས་ལྟེ་བ་གི་སྲིད་འཛིན་ཨིནམ་དང་འབྲུག་གི་རྒྱལ་ཡོངས་ལྷན་ཁག་འཆར་གཞི་ནང་ལུ་ ལོ་ངོ་ ༡༢ ཀྱི་རིང་ལུ་ཕྱག་ལཱ་གནང་ཡོདཔ་ཨིན་མས། དེ་དང་གཅིག་ཁར་ དྲག་ཤོས་མཆོག་གིས་རྒྱལ་ཡོངས་དགའ་སྐྱིད་དཔལ་འཛོམས་གྱི་དགོངས་དོན་ཚུ་རིམ་སྒྲིག་འབད་ཡོདཔ་དང་ ལུང་ཕྱོགས་དགུ་ནང་ལུ་རྒྱལ་ཡོངས་དགའ་སྐྱིད་དཔལ་འཛོམས་བསྒྲིགས་ཡོདཔ།དེ་ལས་ སྤྱི་ལོ་ ༢༠༡༠ དང་ ༢༠༠༧ གྱི་ལོ་ལུ་རྒྱལ་ཁབ་ནང་བརྟག་ཞིབ་འབད་ནིའི་ལས་རིམ་ཅིག་འགོ་འདྲེན་འཐབ་གནང་ཡོདཔ་ཨིན་མས། དེ་མ་ཚད་དྲག་ཤོས་མཆོག་ སྤྱི་ལོ་ ༢༠༠༨ ལུ་འབྲུག་གི་རྩ་ཁྲིམས་ཆེན་མོ་འགོ་དང་པ་ཟིན་བྲིས་བཏབ་གནང་མི་འཐུས་མི་ཅིག་ཡང་ཨིན། དེ་གིས་སྦེ་འབྲུག་གི་རྒྱལ་རབས་ནང་བྱུང་རབས་ཅན་ཅིག་ལུ་གྱུར་ཡོདཔ་ཨིན་མས། དེ་ལས་སྤྱི་ལོ་ ༡༩༩༩ གི་ལོ་ལུ་དྲག་ཤོས་མཆོག་དཔལ་འབྲུག་ཞིབ་འཇུག་ལྟེ་བ་གི་སྲིད་འཛིན་སྦེ་མཛད་ཡོདཔ་དང་ ཤུལ་ལས་སྤྱི་ལོ་ ༢༠༠༨ ཀྱི་ལོ་ལུ་ ལས་ཁུངས་དེ་གི་མདོ་ཆེན་སྦེ་མཛད་བཞུགས་ནུག།
འགན་ཁུར་ཅན་གྱི་ལཱ་དེ་ཚུ་ལས་བརྒྱུད་དེ་ དྲག་ཤོས་མཆོག་གིས་རྒྱལ་སྤྱིའི་གོ་གནས་ལེ་ཤ་ཅིག་འཆང་ཡོདཔ་ཨིན་མས། དེ་ཡང་ ཐའེ་ལེནཌ་ལུ་ཡོད་མི་ཝེལ་བི་ཡིང་སློབ་གྲྭ་དང་ཆུ་ལ་ལོང་ཀོའོན་(Chulalongkorn) མཐོ་རིམ་སློབ་གྲྭ།སཱན་ ན་གར་པརཱ་ཌ་ (San Nagarprada)གཞི་ཚོགས་ཀྱི་བཀོད་ཁྱབ་ཚོགས་ཆུང་གི་འཐུས་མི་ཅིག་ཨིན་མས།དེ་བཟུམ་སྦེ་ ཇར་མ་ནི་གི་འཛམ་གླིང་གོང་འཕེལ་གྱི་མཐོང་ཚུལ་དང་འཛམ་གླིང་སྲིད་བྱུས་ཀ་གྲོས་གནས་བསམ་ཞིབ་སྡེ་ཚན་གྱི་འཐུས་མི་ཅིག་ཡང་ཨིན་མས། དེ་མ་ཚད་ འཛམ་གླིང་དངུལ་ཁང་གི་ ལྷོ་ཨེ་ཤི་ཡ་ལུང་ཕྱོགས་ལུ་ཡོད་མི་ དཔལ་འབྱོར་མཁས་མཆོག་གཙོ་འཛིན་གྱི་གྲོས་སྟོན་གྲོས་ཚོགས་ (Chief Economist’s Advisory Panel)གི་འཐུས་མི་ཡང་ཨིན་མས།དྲག་ཤོས་མཆོག་གིས་རྒྱལ་ཁབ་ལུ་ ལྷག་བསམ་རྣམ་དག་གི་སྒོ་ལས་ཞབས་ཏོག་ཞུ་མི་ལུ་བརྟེན་ཏེ་ སྤྱི་ལོ་ ༢༠༠༦ གི་ལོ་ལུ་ འབྲུག་རྒྱལ་བཞི་པ་འཇིགས་མེད་སེང་གི་དབང་ཕྱུག་མཆོག་གིས་ སྔོན་རབས་དང་གཏམ་སྙན་གྲགས་ཡོད་མི་དྲག་ཤོས་ཟེར་བའི་མཚན་གནས་གནང་ཡོདཔ་ཨིན་མས། དེ་ལས་ སྤྱི་ལོ་ ༢༠༡༠ གྱི་ལོ་ལུ་ མི་དབང་འབྲུག་རྒྱལ་ལྔ་པ་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་གིས་ འབྲུག་འཁོར་ལོ་ཟེར་བའི་མཚན་གནས་ཡང་གནང་ཡོདཔ་ཨིན་མས། དྲག་ཤོས་མཆོག་སྔར་སྲོལ་དང་དུས་མཉམ་གྱི་རྩལ་རིག་གཉིས་ཆ་རའི་ནང་ལུ་ ལྷ་བྲིསཔ་སྙན་གྲགས་ཅན་ཅིག་ཨིནམ་དང་ དྲག་ཤོས་མཆོག་གི་ཚོན་པར་ཚུ་ མིང་གཏམ་ཅན་གྱི་རྡོ་ཀྱོང་ལ་ལྷ་ཁང་དང་ ས་གནས་སོ་སོ་ལས་ཕར་ཡང་མཇལ་ཚུགས་དོ་ཡོདཔ་ཨིན་མས།The Himalayan Initiatives
དྲག་ཤོས་ཀརྨ་ཨུ་ར་མཆོག་སྒྱིད་ཐག་ཡངས་དྲགས་ཡོད་མི་ཤེས་ཡོན་ཅན་གྱི་མི་ཅིག་ཨིནམ་དང་། དེ་མ་ཚད་ བྱུང་རབས་མཁས་མཆོག་དང་རྩོམ་སྒྲིགཔ་མཁས་པ་ཅིག་ཡང་ཨིན་མས། དེ་འབདཝ་ལས་ དཔེ་དེབ་མང་རབས་ཅིག་ར་བརྩམས་གནང་ཡོདཔ་ཨིན་མས། དེ་ཡང་ ཕེཊ་ ཨེན་ ཕེསི་ཊི་ཝཱལ་ ཨོཕོ་ ཉི་མ་ལུང་ (Faith and Festival of Nimalung)དང་། ཌེའི་ཊིསི་ ཨེན་ ཨར་ཅརསི་ (Dieties and Archers)ད་ ཧི་རོ་ ཝིཊི་ ཨ་ ཐའུ་ཟེན་ ཨའེསི་ (The Hero with a Thousand Eyes)བེ་ལེཌེ་ ཨོཕོ་ པདྨེ་ཚེ་དབང་བཀྲ་ཤིས་ (Ballad of Pemi Tshewang Tashi)ལི་ཌར་ཤིཔ་ ཨོཕོ་ ད་ ཝའེསི་ ཀིངསི་ ཨོཕོ་ བུ་ཊཱན་ (Leadership of the Wise: Kings of Bhutan)ཟེར་བའི་དཔེ་དེབ་སྣ་ཚོགས་དང་ དཔེ་དེབ་གཞན་ཡང་བརྩམས་གནང་ཡོདཔ་ཨིན་མས། དེ་དང་གཅིག་ཁར་ དཔེ་དེབ་དང་གནས་དེབ་མང་རབས་ཅིག་ནང་ཡང་ དྲག་ཤོས་མཆོག་གིས་རྩོམ་བྲིས་ཚུ་བཀོད་ནི་གི་གྲོགས་རམ་ལེ་ཤ་བྱིན་ཡོདཔ་ཨིན་མས། ད་ལྟོ་ཚུན་ཚོད་ཀྱི་བར་ན་ དྲག་ཤོས་མཆོག་གིས་ཟིན་ཐོ་གལ་ཆེ་ཤོས་ཀྱི་གསལ་བཤད་གནང་མི་ཅིག་སྦེ་ རྒྱལ་སྤྱིའི་གྲོས་ཚོགས་མང་ཤོས་ཅིག་ནང་ གྲལ་ཁར་གཏོགས་གནང་སྟེ་ཡོདཔ་ཨིན་མས།The Himalayan Initiatives
ཁུངས་གཏུག།[ཞུན་དག།]
- The Himalayan Initiatives. (2018). Dasho Karma Ura. Retrieved from His Scholarly Works: http://www.himalayaninitiatives.org
- The Himalayan Initiatives. (2019). Drasho Karma Ura. Retrieved from Work and Achievement: http://www.himalayaninitiatives.org
- The Himalayan Initiatives. (2019). Drasho Karma Ura. Retrieved from Life and Education: http://www.himalayaninitiatives.org