བསྟན་རྒྱས་ལྷན་ཁག།

Wikipedia ལས།

༉ ཧེ་མ་ཚོང་དང་བཟོ་གྲྭ་ལྷན་ཁག་ཟེར་སྡོད་མི་ བསྟན་རྒྱས་ལྷན་ཁག་འདི་ འབྲུག་གི་ལྷན་ཁག་བཅུ་ཐམ་གྱི་གྲས་ལས་གཅིག་ཨིནམ་ད་ དེ་ཡང་ སྤྱི་ལོ་ ༡༩༦༧ ལུ་གཞི་བཙུགས་འབད་ནུག། མི་དབང་འབྲུག་རྒྱལ་གསུམ་པ་ འཇིགས་མེད་རྡོ་རྗེ་དབང་ཕྱུག་གི་སྐབས་ སྤྱི་ལོ་ ༡༩༦༨ ལོ་ལུ་ ལྷན་ཁག་ངོ་མ་ཅིག་སྦེ་བཟོ་ཡོདཔ་ད་ མིང་ཡང་ ཚོང་དང་བཟོ་གྲྭ་ ནགས་ཚལ་ལྷན་ཁག་ཟེར་བཏགས་ནུག། སྤྱི་ལོ་ ༢༠༠༧ སྤྱི་ཟླ་ ༡༠ པའི་སྤྱི་ཚེས་ ༡༧ ལུ་ གློག་མེ་དང་ས་གཏེར་གྱིས་མ་ཚད་པར་ བསྟན་རྒྱས་ལྷན་ཁག་ཟེར་བཟོ་ཡོདཔ་ཨིན།
བསྟན་རྒྱས་ལྷན་ཁག་འདི་ནང་ མདོ་ཆེན་ཞབས་ཏོག་ཡིག་ཚང་དང་སྲིད་འཆར་སྡེ་ཚན་ ནང་འཁོད་རྩིས་ཞིབ་སྡེ་ཕྲན་ཚུ་མ་རྩས་པའི་ ལས་ཁུངས་བརྒྱད་ཡོདཔ་ད་ དེ་ཡང་ ཚོང་འབྲེལ་ལས་ཁུངས་དང་བཟོ་གྲྭ་ལས་ཁུངས་ བློ་རིག་རྒྱུ་དངོས་ལས་ཁུངས་ ས་རིག་དང་ས་གཏེར་ལས་ཁུངས་ ནུས་ཤུགས་སླར་འབྱུང་ལས་ཁུངས་ ཆུར་བརྟེན་གློག་ཤུགས་ལས་ཁུངས་ བཟོ་གྲྭ་ཆུང་བ་དང་ནང་བཟོའི་ལས་ཁུངས་ ཉོ་སྤྱོད་ཉེན་སྲུང་ཡིག་ཚང་ཚུ་ཨིན། མདོ་ཆེན་ཞབས་ཏོག་ཡིག་ཚང་གི་འོག་ལུ་འབད་བ་ཅིན་ བདག་སྐྱོང་དང་དངུལ་རྩིས་སྡེ་ཚན་ མི་སྟོབས་སྡེ་ཚན་ བརྡ་དོན་དང་བརྒྱུད་འབྲེལ་སྡེ་ཚན་ཚུ་ཡོདཔ་ཨིན།
བསྟན་རྒྱས་ལྷན་ཁག་ནང་ ཐིམ་ཕུག་དང་ཕུན་ཚོགས་གླིང་ དགེ་ལེགས་ཕུ་ ཀྲོང་གསར་ མོང་སྒར་ བསམ་གྲུབ་ལྗོངས་མཁར་ཚུ་རྩིས་པའི་ ལུང་ཕྱོགས་ཡིག་ཚང་དྲུག་ཡོདཔ་ཨིན། བསྟན་རྒྱས་ལྷན་ཁག་འདི་ རྒྱལ་ཁབ་ཀྱི་དཔལ་འབྱོར་གནས་སྟངས་ཚད་ལྡན་སྦེ་འཛིན་སྐྱོང་འཐབ་མིའི་ལྷན་ཁག་ཅིག་ཨིན།
མི་མང་དང་སྒེར་གྱི་ལས་སྡེ་གོང་འཕེལ་གཏང་ཐོག་ལས་ རྒྱལ་ཁབ་ཀྱི་དཔལ་འབྱོར་གནས་སྟངས་འདི་ཡུན་བརྟན་སྦེ་བཞག་ནི་འདི་ ལྷན་ཁག་འདི་གི་དམིགས་སྐྱེད་ཨིན།

ཁུངས་གཏུག།[ཞུན་དག།]

  1. Wikipedia contributors. (2021). Ministry of Economic Affairs (Bhutan). In Wikipedia, The Free Encyclopedia. Retrieved from https://en.wikipedia.org/w/index.php?title=Ministry_of_Economic_Affairs_(Bhutan)&oldid=1063448234