བྱམས་མགོན་སྤྲུལ་སྐུ་མི་ཕམ་ཆོས་ཀྱི་ཉིན་བྱེད་མཆོག་གི་ཞབས་བརྟེན།

༈ བྱམས་མགོན་སྤྲུལ་སྐུ་མི་ཕམ་ཆོས་ཀྱི་ཉིན་བྱེདམཆོག་གི་ཞབས་བརྟན།

༈ ཨོཾ་སྭསྟི། མི་འགྱུར་བདེ་ཆེན་ཡེ་ཤེས་རོལ་མོའི་སྤྲིན། །ས་གསུམ་ཕན་བདེའི་གཉེན་དུ་ཡོངས་ཤར་བ། །རྩ་གསུམ་རྒྱལ་བ་རྒྱ་མཚོའི་བྱིན་རླབས་ཀྱིས། །མི་ཕམ་ཆོས་ཀྱི་ཉིན་བྱེད་ཞབས་བརྟན་གསོལ། །ངོ་མཚར་དགའ་ལྡན་ཞིང་གི་མགོན་པོ་ཉིད། །འདུལ་བྱའི་འགྲོ་ལ་རྗེས་ཆགས་སྤྲུལ་པའི་སྐུ། དམ་པའི་ཡོན་ཏན་དཔལ་གྱིས་མཛེས་བཞིན་དུ། །བསྟན་པའི་སྒྲོན་མེ་མཆོག་ཏུ་ཞབས་བརྟན་གསོལ། །དེ་ལྟར་གསོལ་བཏབ་བསླུ་མེད་བདེན་མཐུ་ཡིས། །མགོན་ཁྱོད་བསྟན་དང་འགྲོ་བའི་སྤྱི་དཔལ་དུ། །ཞབས་ཟུང་རྡོ་རྗེའི་ཁྲི་ལས་མི་གཡོ་བར། །བསྐལ་བརྒྱར་ཆོས་འཁོར་སྐོར་བཞིན་བཞུགས་སུ་གསོལ། _{།ཞེས་པའང་སྐྱབས་རྗེ་ཁྲི་རབས་༧༠ པ་སྤྲུལ་སྐུ་འཇིགས་མེད་ཆོས་ཀྱིས་གྲགས་པས་སྨོན་པའོ།}