མོ་མོ་བཟོ་ཐངས།

༉ འབྲུག་རྒྱལ་ཁབ་འདི་ སྔར་སློལ་གྱི་བཞེས་སྒོ་དང་རྫས་སྦྱོར་ལུ་ ཕྱུག་པའི་རྒྱལ་ཁབ་ཅིག་ཨིན། འདི་ཡང་དང་ཕུ་ལུང་ཕྱོགས་སོ་སོ་ལས་ཕར་ལམ་འགྲུལ་འབད་ནིའི་རྒྱུ་ཆ་ ད་རེས་ནངས་པ་བཟུམ་སྦེ་སྣུམ་འཁོར་གྱི་ལམ་མེདཔ་ལས་ ལུང་ཕྱོགས་རེ་ལུ་བརྡ་དོན་སྤྲོད་ལེན་འབད་ནིའི་ཁ་སྐད་སོ་སོ་འབྱུང་ཡོད་དོ་བཟུམ། བཞེས་སྒོ་གི་རིགས་ལུ་ཡང་ ལུང་ཕྱོགས་ཁག་གི་བར་ན་མ་འདྲཝ་འབྱུང་བའི་རྒྱུ་མཚན་ཡང་ འདི་ལས་བརྟེན་ཏེ་ཨིན་པས།

དང་པ་ མོ་མོ་ཟེར་མི་འདི་ ཕྱེ་གང་རུང་གཅིག་གི་བཟོ་བཏུབ་པའི་བཞེས་སྒོ་ ཤ་གི་རིགས་ཀྱི་བཟོ་མི་གཅིག་དང་ ཚོད་བསྲེ་འདབ་མ་ཀོ་པི་གི་བཟོ་རུང་བཏུབ་སྦེ་གཉིས་ཡོདཔ་ཨིན། བཟོ་རྣམ་འདི་ཧོན་སྟོད་དང་འདྲ་རུང་ བཟོ་ཐངས་ཀྱི་ནང་ལུ་ཁྱད་པར་ཡོདཔ་ཨིན།

རྫས་སྦྱོར་ཚང་དགོཔ། གཡག་ཤ/ནོར་ཤ། སྒོགཔ། སྐྱ་སྒོགཔ། ཕྱེ། ཧོ་སྒྱེས་པད་ཚོད། མར་ཁུ།

ཤབ་བཟོ་ཐངས། དང་པ་རང་འདབ་མ་ཀོ་པི/ཧོ་སྒྱེས་པད་ཚོད་འདི་བཏོག་དགོ། དེ་ལས་གཡག་ཤ/ནོར་ཤ་འདི་ཉ་བརྫམ་རྐྱབ་དགོ། འདི་གི་ཤུལ་ལས་སྒོགཔ་ལེབ་ནི་དང་སྐྱ་སྒོགཔ་གཏུབ་ནི། ས་སྒ་བཏོག་ནི་དང་དར་ཚུལ་བརྡར་ཏེ་སྣོད་གཅིག་ནང་ལུ་བླུགས་ཏེ་ ག་ར་སླ་བསྲེ་རྐྱབ་ཞིནམ་ལས་ཚྭ་བླུག་དགོ།

བཟོ་ཐངས། མོ་མོ་བཟོཝ་ད་ལུ་ དང་པ་ར་ཆུ་དང་མར་ཁུ་ དེ་ལས་ ཕྱེ་ཚུ་བླུགས་ཏེ་ལགཔ་གིས་བསྣད་དགོ། ཕྱེ་དེ་ལེགས་ཤོམ་སྦེ་བསྣད་ཚརཝ་ད་ ཆུ་ཤོག་ཅིག་གིས་སྐར་མ་སུམ་ཅུ་གི་རིང་ལུ་ སྤུར་ཏེ་བཞག་དགོ། ཕྱེ་བསྣད་བསྣདཝ་ཚུ་ གོང་ཏོ་རིལ་རི་སྦེ་བཟོ་སྟེ་ སྒྲིལ་ཤིང་གུར་སྒྲིལཝ་ད་སྲབ་ཤོག་ཤོ་སྦེ་འཐོན་དགོ། དེ་ལས་རྫས་སྦྱོར་སླ་བསྲེས་ཏེ་བཞག་མི་ཚུ་ ཕྱེ་སྒོར་དབྱིབས་སྦེ་སྒྲིལ་ཏེ་ཡོད་མི་ནང་ལུ་བླུག་དགོ། དེ་གི་ཤུལ་ལས་ཕྱེ་གི་ཁ་བསྡམ་པའི་སྐབས་སུ་ མཛུབ་མོ་དང་ཨམ་ཐེ་བོང་གིས་ ཕྱེ་སྒྲིལ་མི་གི་མཐངམ་བརྡ་སྟེ་ ལྟབ་མཚམས་ཆུང་ཀུ་རེ་བཟོ་སྟེ་རྫས་སྦྱོར་ཚུ་ནང་ན་བསྡམ་དགོ། དེ་ལས་སྦ་གི་འཐག་སྟེ་ཡོད་པའི་ རླངས་ཟིལ་གྱི་སྣོད་གཅིག་གི་འོག་ལུ་ ཆུ་བཀང་། མགོ་དང་བར་བཅད་ཀྱི་ནང་ལུ་ མོ་མོ་འདི་བཀང་དགོ། མོ་མོ་ཚུ་འཚོ་བཅུག་ནི་གི་དོན་ལུ་ ཤ་གི་རིགས་ཤབ་རྫས་སྦེ་མ་བཙུགས་པ་ཅིན་ དུས་ཡིན་སྐར་མ་བཅུ་ཐམ་དེ་ཅི་བཞག་དགོཔ་དང་ འདི་མེན་པ་ཅིན་དུས་ཡིན་རིངམོ་བཞག་དགོ།

དམིགས་བསལ་ཁྱད་ཆོས། མོ་མོ་འདི་ Asian ལུང་ཕྱོགས་ནང་ལུ་ཡོངས་གྲགས་ཨིན་པའི་ཁར་ འབྲུག་རྒྱབ་ཁབ་ནང་ལུ་ཡང་ དར་ཁྱབ་ཆེ་ཏོག་ཏོ་འགྱོ་སྟེ་ཡོད་པའི་བཞེས་སྒོ་ ཚེས་བཅུ་ཚུ་གི་སྐབས་ལུ་ ཚོང་འབྲེལ་ཡང་ལེགས་ཤོམ་སྦེ་འགྱོ་ཚུགས་པའི་རིགས་གཅིག་ཨིན།

རྒྱབ་རྟེན།

Bhutanese momo dumplings. (2020). Retrieved from https://www.andbeyond.com/wp-content/uploads/sites/5/andBeyon_Recipes_Asia_Bhutanese-Momo-Dumplings.pdf