ཚེ་རིང་རྡོ་རྫེ།

ལཱ་ག་ཅི་བཟུམ་ཅིག་འབད་དགོ་རུང་འཇོན་ཐང་ཅན་གྱི་མི་ངོམ་ཚེ་རིང་རྡོ་རྗེ་འདི་ སྤ་རོ་རྒྱ་གར་ཐང་ལས་ཨིན་པས། ཁོ་ར་སློབ་གྲྭ་ཆུང་བ་འདི་སྤ་རོ་རིང་ཕུང་ལུ་བལྟ་བའི་ཤུལ་ལས་ ཁུ་རུ་ཐང་སློབ་གྲྭ་ནང་ལས་སློབ་རིམ་ ༡༢ པ་མཐར་འཁྱོལ་ནུག། སློབ་རིམ་ ༡༢ པ་ནང་ལས་མཐོ་རིམ་ཤེས་ཡོན་སྦྱང་ནི་སྐུགས་ཚད་མ་ལངསམ་ལས་ མཐོ་རིམ་ཤེས་ཡོན་སྦྱང་ནི་གི་གོ་སྐབས་མ་ཐོབ་པས། ཨིན་རུང་ སྤྱི་ལོ་ ༢༠༠༥ ལུ་ཨ་ལུ་ཉེན་སྲུང་ཚོགས་པ་གིས་རྒྱབ་སྐྱོར་ཐོག་ལས་ མ་ལ་ཤི་ཡ་ལུ་འཁྲབ་སྟོན་སྒྱུ་རྩལ་གྱི་སྦྱོང་བརྡར་འབད་ནིའི་གོ་སྐབས་གནང་ནུག། སྦྱོང་བརྡར་ཚར་ཞིནམ་ལས་འཁྲབ་རྩེདཔ་ཚེ་རིང་རྒྱལ་མཚན་གྱི་ TNTG ་ཟེར་བའི་གློག་བརྙན་ཁང་ནང་ལུ་ འཁྲབ་སྟོན་མདོ་ཆེན་སྦེ་ཕྱག་ཞུ་ནུག།

ཚེ་རིང་རྡོ་རྗེ་ཁོ་ར་གློག་བརྙན་འགོ་དང་པ་ར་སྤྱི་ལོ་ ༢༠༠༥ ལུ་ལས་ངན་བུམ་ཟེར་མི་ནང་ལུ་བརྩེས་ཡོདཔ་དང་ རྒྱལ་སྤྱིའི་གློག་བརྙན་གཉིས་ནང་ལུ་བཅའ་མར་གཏོགས་ནུག། གློག་བརྙན་འདི་ཡང་ “ཧེ་མ་ཧེ་མ་” དང་ “lunana yak in classroom” ཟེར་མི་ནང་ལུ་བརྩེས་ནུག། ཚེ་རིང་གིས་ གློག་བརྙན་གྱི་བཀོད་ཁྱབ་མདོ་ཆེན་སྦེ་ཡང་ཕྱག་ཞུ་ཡོད་མི་ལས་ “གྱིབ་མ་” ཟེར་མི་དང་ “lunana yak in classroom” ཟེར་མི་ནང་བཟོ་སྐྲུན་འབད་ནུག། ཁོ་གིས་བཟོ་སྐྲུན་དང་བཀོད་ཁྱབ་འབད་ཡོད་མི་གློག་བརྙན་གཉིས་ཆ་ར་ ཕྱི་རྒྱལ་ཚུ་ནང་ལུ་ཡང་སྟོན་ཡོདཔ་ཨིན་པས། ཁོ་གི་འཁྲབ་སྟོན་ ༡༣ གྱི་སྲུང་འབྲི་མི་དང་བཀོད་ཁྱབ་འབད་མི་སྦེ་ཡང་ཕྱག་ཞུ་ནུག། ཁོ་གིས་བྲིས་ཡོད་པའི་འཁྲབ་སྟོན་ཚུ་མང་ཆེ་བ་ མི་སྡེའི་དཀང་ངལ་དང་འབྲེལ་བ་ཡོད་པའི་སྐོར་ལས་བྲིས་ཡོདཔ་ལས་ འབྲུག་མི་ཚུ་ལུ་གོ་བརྡ་སྤེལ་ཚུགས་དོ་ཡོདཔ་ཨིན། ཚེ་རིང་གིས་བྲིས་ཡོད་པའི་འཁྲབ་སྟོན་ཚུ་སྤྱི་རྒྱལ་ཚུ་ནང་ལུ་ཡང་སྟོན་པར་འགྱོ་དོ་ཡོདཔ་ཨིན་པས། ཁོ་གི་རྒྱལ་སྤྱིའི་གློག་བརྙན་དུས་སྟོན་ ༡༣ དེམ་ཅིག་ནང་ལུ་ཁོ་གིས་བཟོ་ཡོད་པའི་འཁྲབ་སྟོན་ཚུ་སྤྱན་འབུལ་འབད་བར་འགྱོ་ཡོདཔ་ཨིན།

སྤྱི་ལོ་ ༢༠༠༠ གི་ལོ་ལུ་ཚེ་རིང་རྡོ་རྗེ་ཁོ་ར་ Asian Youth Champ ཟེར་མི་ནང་ལུ་གདམ་ཁ་བསྒྲུབས་ཡོདཔ་དང་ འདི་བཟུམ་སྦེ་ ༢༠༠༥ ལུ་འཁྲབ་རྩེདཔ་གསརཔདྲག་ཤོས་ཀྱི་གསོལ་ར་ཡང་ཐོབ་ནུག། ཚེ་རིང་ཁོ་ར་སེམས་ཅན་ལུ་སྡི་ཆེ་དང་སྙིང་རྗེ་ཡོདཔ་ལས་ བྱམས་སེམས་ཚོགས་པ་ནང་ལུ་འཛིན་སྐྱོང་འགོ་དཔོན་སྦེ་ཕྱག་ཞུ་དོ་ཡོདཔ་ཨིན་པས། ཚེ་རིང་ཁོ་ར་ག་ཅི་འབད་དགོ་རུང་ལྕོགས་གྲུབ་ཡོདཔ་ལས་ ཞབས་ཁྲ་འཐེན་ནི་དང་བརྩམ་ནི་ཚུ་ཡང་འབད་དོ་ཡོདཔ་ཨིན། ཚེ་རིང་གིས་འབྲུག་མཁས་འཕགས་ཅན་ནང་ལུ་གསལ་བཤད་པ་འབད་ཡང་ཕྱག་ཞུ་ནུག།

རྒྱབ་རྟེན།

འབྲུག་the last Shangri-La (༢༠༢༢) འཁྲབ་རྕེདཔ་ཚེ་རིང་རྡོ་རྫེ། https://www.youtube.com

འབྲུག་གི་གློག་བརྙན། (༢༠༡༧) ཚེ་རིང་རྡོ་རྫེ། https://www.movies.bt

འབྲུག་གློག་བརྙན། (༢༠༢༠) འབྲུག་གི་སྙན་གྲགས་ཅན་གྱི་མི། https://www.facebook.com