ཞབས་ཏོག་ལྷན་ཁག།
༉ ཞབས་ཏོག་ལྷན་ཁག་འདི་འབྲུག་རྒྱལ་ཁབ་ཀྱི་ལྷན་ཁག་བཅུ་ཐམ་གྱི་གྲས་ལས་ གཅིག་ཨིནམ་ད་ དེ་ཡང་ སྤྱི་ལོ་ ༢༠༠༣ ལུ་ ལམ་སེལ་ལས་ཁུངས་དང་ཁྲོམ་ཚོགས་གོང་འཕེལ་ བཟོ་རིག་ཞབས་ཏོག་ལས་ཁུངས་ཟེར འཕྲུལ་རིགས་ལས་ཁུངས་གཙོ་ཅན་གཉིས་དང་ཅིག་ཁར་སྦེ་གཞི་བཙུགས་འབད་ནུག།
ཞབས་ཏོག་ལས་ཁུངས་ཀྱི་ལཱ་འགན་ཚུ་ཡང་རྒྱལ་ཁབ་ནང་ལུ་ དངོས་ཁམས་ཀྱི་གཞི་རྟེན་དང་འབྲེལ་བ་ཡོད་པའི་ འཆར་གཞི་བརྩམ་ནི་དང་ སྲིད་བྱུས་ཚུ་བཟོ་ནི་ དངོས་ཁམས་ཀྱི་གཞི་རྟེན་དང་འབྲེལ་བའི་ བཅའ་ཁྲིམས། ཁྲིམས་ལུགས། གནས་ཚད་ཚུ་གསར་བཟོ་དང་བསྟར་སྤྱོད་འབད་ནི། རྒྱལ་ཁབ་ནང་ འཕྲུལ་རིགས་མི་སྟོབས་ཀྱི་ ལྕོགས་གྲུབ་གོང་འཕེལ་གཏང་ནིའི་ནང་ མཉམ་འབྲེལ་འབད་ནི། འོས་འབབ་དང་ལྡན་པའི་ བཟོ་སྐྲུན་གྱི་བཟོ་གྲྭ་ཁང་ གོང་འཕེལ་གཏང་ནིའི་ སྲིད་བྱུས་ཚུ་བཟོ་དོ་ཡོདཔ་ཨིན། འཕྲུལ་རིག་ མཐའ་འཁོར་གནས་སྟངས་དང་ སྔར་སྲོལ་གྱི་བརྩི་མཐོང་ཚུ་གི་བར་ན་ མཉམ་འབྲས་རྒྱུན་སྐྱོང་འབད་བཞག་ཚུགས་པའི་ ཞིབ་འཚོལ་གོང་འཕེལ་གཏང་ནི་དང་ འོས་འབབ་དང་ལྡན་པའི་མི་སྡེ་གཞི་ཆགས་ཀྱི་དོན་ལུ་ འཆར་གཞི་དང་སྲིད་བྱུས་ཚུ་གསར་བཟོ་འབད་ནི་འདི་ཨིན།
ལྷན་ཁག་འདི་ སྤྱི་ལོ་ ༡༩༦༠ ལུ་ དཔལ་འབྱོར་གོང་འཕེལ་གྱི་ འཆར་གཞི་འགོ་བཙུགས་པའི་རྗེས་སུ་ འཆར་གཞི་ ༥ པ་འགོ་བཙུགས་མི་དང་འབྲེལ་ གཞི་རྟེན་གོང་འཕེལ་གྱི་ལས་སྣ་ སྒྲིང་ཁྱིམ་དང་ འཁོར་ལམ་ ཟམ་དང་འཐུང་ཆུ་བཀྲམ་སྤེལ་ དེ་ལས་ ཆུ་གཡུར་ལ་སོགས་པའི་བཟོ་སྐྲུན་གྱི་ལས་སྣ་ཚུ་གིས་ གཞུང་གི་མ་རྩ་གཞི་བཙུགས་ སྦོམ་སྦེ་ར་ བཟོ་ཡོདཔ་ཨིན།
ལོ་ངོ་ ༤༠ ལྷག་པའི་དཔལ་འབྱོར་གོང་འཕེལ་འཆར་གཞི་ནང་ རྒྱལ་ཁབ་ཀྱིས་ གོང་འཕེལ་འགྱོ་བའི་ཁྲོམ་དང་ མཐའ་ཟུར་གྱི་ གཡུས་སྒོ་རྩིས་ཏེ་ གྲོང་གསེབ་ཚུ་ནང་ གཞི་རྟེན་མཐུན་རྐྱེན་ཚུ་ མང་རབས་ཅིག་གཞི་བཙུགས་འབད་ཡོདཔ་ཨིན།
གཞི་རྟེན་མཐུན་རྐྱེན་མཁོ་སྤྲོད་ཀྱི་ཐད་ཁར་ གོང་འཕེལ་དང་འགྱུར་བ་འགྱོ་མི་དང་འབྲེལ་ དབང་ཆ་ཡོད་པའི་ལས་ཚོགས་ཡང་གོང་འཕེལ་འགྱོ་སྟེ་ཡོདཔ་ཨིན། ལས་ཚོགས་དང་པ་དེ་ཡང་ འབྲུག་བཟོ་རིགས་ཞབས་ཏོག་ཟེར་ བཟོ་སྐྲུན་གྱི་ལས་སྣ་ཚུ་ལྟ་རྟོག་འབད་ནིའི་དོན་ལུ་ སྤྱི་ལོ་ ༡༩༦༢ ལུ་ གཞི་བཙུགས་འབད་ཡོད་རུང་ ཤུལ་ལས་ སྤྱི་ལོ་ ༡༩༦༦ ལུ་ མི་མང་ལས་མི་ལས་ཁུངས་ཟེར་ མིང་བསྒྱུར་བཅོས་འབད་ཡོདཔ་ཨིན།
མ་གཞི་ མི་མང་ལས་མི་ལས་ཁུངས་དེ་ གོང་འཕེལ་ལྷན་ཁག་འོག་ལུ་ གཞི་བཙུགས་འབད་ཡོད་རུང་ ཤུལ་ལས་ མི་སྡེ་ཞབས་ཏོག་ལྷན་ཁག་གིས་ གྲོང་གསེབ་དང་ ཁྲོམ་ ༢ ཆ་རའི་ གཞི་རྟེན་མཐུན་རྐྱེན་དང་འབྲེལ་བའི་ བཟོ་སྐྲུན་འབད་ནིའི་ གཙོ་ཅན་ཅིག་ལུ་བསྒྱུར་འབད་ཡོདཔ་ཨིན།
དེ་ལས་ བརྒྱུད་འབྲེལ་ལྷན་ཁག་འོག་ལུ་ ལམ་སེལ་ལས་ཁུངས་དང་ ཁྲོམ་ཚོགས་གོང་འཕེལ་དང་ཁྱིམ་བཟོ་ལས་ཁུངས་གཉིསཔོ་དེ་ འཕྲུལ་རིགས་ཀྱི་ ལས་ཁུངས་ངོ་མ་ཨིན། ཤེས་རིག་དང་གསོ་བ་ ཁྲོམ་སྡེ་ཨུ་ཚུགས་ དེ་ལས་ སྒེར་སྡེ་དགོས་མཁོ་ཡར་སེང་སོང་མི་དང་བསྟུན་ གདོང་ལེན་གསརཔ་བྱུང་སྟེ་འབད་རུང་ གོང་འཕེལ་གྱི་གྲུབ་འབྲས་ལེགས་ལྡན་བྱུང་སྟེ་ གཞི་རྟེན་མཐུན་རྐྱེན་ཚུ་ གཞི་བཙུགས་འབད་ཡོདཔ་ཨིན།
སྤྱི་ལོ་ ༡༩༩༩ ལུ་ འབྲུག་གཞུང་དེ་ གཞུང་སྐྱོང་ལེགས་ལྡན་དང་ལྕོགས་གྲུབ་ཡར་དྲག་ དེ་ལས དྭངས་སེལ་དང་འགན་འཁྲི་ཚུ་ གོང་འཕེལ་གཞི་བསྒྱུར་སྐབས་ གྲོས་འདེབས་མང་རབས་ཅིག་ མཉམ་སྡེབ་འབད་ཡོདཔ་ཨིན།
གྲོས་འདེབས་གཅིག་འདི་ བརྒྱུད་འབྲེལ་ལྷན་ཁག་དང་བཟོ་སྐྲུན་ལྷན་ཁག་གསར་བཟོ་འབད་དེ་ གཞི་བསྒྱུར་འབད་ནི་ཡོདཔ་བཞིན་དུ་ ཤུལ་ལས་ བཟོ་སྐྲུན་ལྷན་ཁག་དེ་ མིང་བསྒྱུར་བཅོས་འབད་དེ་ ཞབས་ཏོག་ལྷན་ཁག་སྦེ་གཞི་བཙུགས་འབད་ཡོདཔ་ཨིན།
དེ་དང་འཁྲིལ་ཏེ་ ཞབས་ཏོག་ལྷན་ཁག་དེ་ སྤྱི་ལོ་ ༢༠༠༣ ལུ་ གཞི་བཙུགས་འབད་ཡོདཔ་ད་ ད་རེས་ ལྷན་ཁག་གི་འོག་ལུ་ ལམ་སེལ་ལས་ཁུངས་དང་ བཟོ་རིག་ཞབས་ཏོག་ལས་ཁུངས་ དེ་ལས་ ཞབས་ཏོག་ལས་ཁུངས་བརྩིས་ཏེ་ ལས་ཁུངས་གསུམ་ཡོདཔ་ཨིན།
ལྷན་ཁག་འདི་གིས་ ཁོང་རའི་འཆར་སྣང་ མི་སྟོབས་དང་ སྐྱེལ་འདྲེན་ཐོག་ལས་ ལས་ཚོགས་ཀྱིས་ ལུང་ཕྱོགས་ནང་ གཞི་རྟེན་མཁོ་ཆས་ གོང་འཕེལ་གཏང་ནི་དང་ འབྲུག་གི་གནས་རིམ་ནང་ ལུང་ཕྱོགས་གོང་འཕེལ་ ཆ་སྙོམ་བཟོ་ཐོག་ལས་ མི་སྡེ་གཞི་ཆགས་དང་སྐྱེལ་འདྲེན་ཚུ་གི་དོན་ལུ་ ཉེན་སྲུང་དང་ ཡུན་བརྟན་ཅན་གྱི་གཞི་རྟེན་མཁོ་ཆས་ཚུ་ མཁོ་སྤྲོད་འབད་ནིའི་དམིགས་སྐྱེད་ཀྱི་ཐོག་ལས་ ཞབས་ཏོག་ཚུ་ཕུལ་དོ་ཡོདཔ་ཨིན།
ཁུངས་གཏུག།[ཞུན་དག།]
- Wikipedia contributors. (2021). Ministry of Works and Human Settlement (Bhutan). In Wikipedia, The Free Encyclopedia. Retrieved from https://en.wikipedia.org/w/index.php?title=Ministry_of_Works_and_Human_Settlement_(Bhutan)