འཁྲབ་རྩེདཔ་ བཙན་སྐྱོགས་རྡོ་རྗེ།
འཁྲབ་རྩེདཔ་ བཙན་སྐྱོགས་རྡོ་རྗེ།
འབྲུག་གློག་བརྙད་ཚོགས་པ་ནང་ལུ་ སྐད་གྲགས་དང་ཡོངས་གྲགས་ཅན་གྱི་མི་ངོམ་བཙན་སྐྱོགས་རྡོ་རྗེ་འདི་ ཕོ་འཁྲབ་རྩེདཔ་རྙིང་ཤོས་ཅིག་ཨིན། འཁྲབ་རྩེདཔ་ཁོ་ར་་ ཐིམ་ཕུག་དཀར་སྦིས་ས་ལས་ཨིནམ་དང་ སྤྱི་ལོ་ ༡༩༨༣ སྤྱི་ཟླ་ ༨ པའི་སྤྱི་ཚེས་ ༢༥ ལུ་སྐྱེས་ནུག། ཁོ་གིས་ སྤྱི་ལོ་ ༢༠༠༢ ཀྱི་ལོ་ལུ་ འབྲུག་རྒྱལ་སློབ་གྲྭ་ནང་ལས་ འབྲིང་རིམ་གོང་མའི་ཤེས་ཡོན་མཐར་འཁྱོལ་ཏེ་ སྤྱི་ལོ་ ༢༠༠༣ གྱི་ལོ་ལུ་ རྒྱ་གར་ སེལ་སེན་མཐོ་རིམ་སློབ་གྲྦ་ནང་ལུ་འཛུལ་བཞུགས་འབད་དེ་ སྤྱི་ལོ་ ༢༠༠༦ ལུ་མཐོ་རིམ་ཤེས་ཚད་མཐར་འཁྱོལ་ནུག།
འཁྲབ་རྩེདཔ་བཙན་སྐྱོགས་རྡོ་རྗེ་འདི་ ཁོ་རའི་ཨམ་སྲུ་ལུ་དམ་ཚིག་ཅན་གྱི་གཉེན་གྲོགས་དང ་བུ་གཞི་ལུ་བྱམས་སྐྱོང་ཅན་གྱི་ཨ་པ་སྦེ་ མི་གཞན་ལུ་གཉེན་གྲོགས་དང་ ཕམ་བཟང་པོའི་་དཔེ་སྟོན་དང་་ཆ་བཞག་བཏུབ་པའི་མི་ཅིག་ཨིན། ཁོ་ལུ་ལྕོགས་གྲུབ་དང་ཉམས་མྱོང་ཚད་ལས་བརྒལ་ཏེ་ཡོདཔ་ལས་ ལྕོགས་གྲུབ་དང་བསྟུན་པའིགོ་གནས་ འབྲུག་གློག་བརྙན་ཚོགས་པའི་སྲིད་འཛིན་སྦེ་ སྤྱི་ལོ་ ༢༠༢༡ སྤྱི་ཟླ་ ༨ པའི་སྤྱི་ཚེས་ ༢༧ ལུ་བཙག་འཐུ་གྲུབ་ནུག། སྲིད་འཛིན་སྦེ་ཕྱག་ཞུ་བའི་ནམ་དུས་ལུ་ ཁོ་རའི་དམིགས་ཡུལ་ངོ་མ་འདི་ར་ འབྲུག་གློག་བརྙན་ཚོགས་པ་གིས་བཟོ་སྐྲུན་འབད་ཡོད་པའི་གློག་བརྙན་ཚུ་ལུ་བརྟེནན་ཏེ་ འབྲུག་མི་ཚུ་ལུ་ཁ་ཆེ་བའི་ཤེས་ཡོན་འཐོབ་ཐབས་ལུ་གཙོ་བོར་བཏོན་ནི་དང་ གློག་བརྙེན་འདི་རྒྱལ་ཁབ་གཞན་ཚུ་ནང་ལས་ཕར་སྟོན་ཏེ་ འབྲུག་པའི་ལམ་སྲོལ་ཚུ་ཕྱི་ཁར་གསལ་སྟོན་འབད་ཚུགས་པའི་དམིགས་པ་དང་། ན་གཞོན་ཚུ་ལུ་ གཡོག་གི་གོ་སྐབས་བྱིན་ནི་ལུ་དམིགས་པ་བསྐྱེདཔ་ཨིན་པས།
ཁོ་གིས་ གློག་བརྙད་ཚུ་ནང་ རྣམ་འགྱུར་སྟོན་ནི་དང་འབྲེལ་བའི་ལཱ་ག་ཅི་འབད་དགོ་རུང་ འཐུས་ཤོར་འགན་ཤོར་མེད་པར་ཕྱག་ཞུཝ་ལས་ ཕོ་འཁྲབ་རྩེདཔ་དྲག་ཤོས་ཀྱི་གསོལ་ར་ལྔ་ཐོབ་ཡོད་མི་ཚུ་ཡང་།
༡ སྤྱི་ལོ་ ༢༠༡༠ ལུ་གློག་བརྙད་ཤ་དང་སེན་མོ་ནང་ལས་འཁྲབ་རྩེདཔ་དྲག་ཤོས།
༢ སྤྱི་ལོ་ ༢༠༠༨ ལུ་གློག་བརྙན་གསལ་སྒྲོན་དང་ གློག་བརྙན་གཅིག་སེམས་གཅིག་ལུ་ནང་ལས་ འཁྲབ་རྩེདཔ་དྲག་ཤོས།
འཁྲབ་རྩེདཔ་བཙན་སྐྱོགས་རྡོ་རྗེ་གིས་ བརྩེས་ཡོད་པའི་གློག་བརྙན་དག་པ་ཅིག་བཀོད་པ་ཅིན།
༡ སྤྱི་ལོ་ ༢༠༡༨ ལུ་གློག་བརྙན་མོན་མོ་བཀྲ་ཤིས་ཁྱེའུ་སྒྲོན་དང་། གློག་བརྙན་ད་རེས་ནངས་པ།
༢ སྤྱི་ལོ་ ༢༠༡༧ ལུ་གློག་བརྙན་རོ་དངོས་གྲུབ་ཅན།
༣ སྤྱི་ལོ་ ༢༠༡༦ ལུ་གློག་བརྙན་ལེགས་འཛིན། དར་མ། སངས་མ་རྒྱས་པའི་སེམས།
༤ སྤྱི་ལོ་ ༢༠༡༥ ལུ་གློག་བརྙན་གསང་བ། གསེར་དབྱངས།
༥ སྤྱི་ལོ་ ༢༠༡༤ ལུ་གློག་ས་སྨུག། ཤེས་ཅི་ང་གིས། དགའ་འཛུམ།
༦ སྤྱི་ལོ་ ༢༠༡༣ ལུ་གློག་བརྙན་སག་སྟེང་མེ་ཏོག།
༧ སྤྱི་ལོ་ ༢༠༡༢ ལུ་གློག་བརྙན་སེམས་ཁར་བཞག་གནང་། གུཊ་བའེ་དགའ་ལེགསམོ། ས་དང་གནམ། གསང་དགའ། སི་་རི་རི།
༨ སྤྱི་ལོ་ ༢༠༡༡ ལུ་གློག་བརྙན་སེམས་ཧིང་གི་གསང་གཏམ། སོ་རི་ང་ཁྱོད་ལུ་དགའ། དགའ་བའི་སྨན་ཆུང་། དགའ་བའི་སེམས།
༩ སྤྱི་ལོ་ ༢༠༡༠ ལུ་གློག་བརྙན་ཀརྨ་དབང་འཛིན། གཅིག་སེམས་གཅིག་ལུ། ཡིད་འཕྲོ་ལྷ་མོ། ཧའེ་ལེན་གཱལ། སྐབས་སྐབས་སུ། བུ་ཚབ།
༡༠ སྤྱི་ལོ་ ༢༠༡༧ ལུ་གློག་བརྙན་ཤ་དང་སེན་མོ། མཆོད་རྟེན་སྐོར་ར་ ༢ པ། ཧ་གོ་གནང་སྨེ། སེམས་ཀྱི་དམ་ཚིག།
༡༡ སྤྱི་ལོ་ ༢༠༡༧ ལུ་གློག་བརྙན་གསལ་སྒྲོན།
༡༢ སྤྱི་ལོ་ ༢༠༡༧ ལུ་གློག་བརྙན་གཱོལ་ཌེན་ཀབ། གསེར་རྒྱལ།
འཁྲབ་རྩེདཔ་འདི་གིས་གློག་བརྙན་བསྡོམས་ ༤༧ དེ་ཅིག་བརྩེས་ནུག། འདི་བཟུམ་སྦེེ་ གློག་བརྙན་ 5 གི་བཀོད་ཁྱབ་དང་ བཟོ་སྐྲུན་པ་སྦེ་ཡང་ཕྱག་ཞུ་ནུག། གློག་བརྙན་ཚུ་ནང་ལུ་ མང་ཆེ་ཤོས་ར་འཁྲབ་རྩེདཔ་གཙོ་བོ་སྦེ་རྩེད་དོ་ཡོདཔ་ལས་ མི་ཚུ་གི་མིག་ཁར་འབབ་པའི་རྣམ་འགྱུར་ཙང་ཙ་སྟོནམ་ལས་ འབྲུག་མི་ཚུ་གི་འཁྲབ་རྩེདཔ་དགའ་ཤོར་ཅིག་སྦེ་ཆ་བཞགཔ་ཨིན།
འབྲུག་གློག་བརྙན་ཚོགས་པ་ནང་ལུ་ སྐད་ཅན་མིང་ཅན་གྱི་འཁྲབ་རྩེདཔ་ཅིག་འབདཝ་ལས་ འཁྲབ་རྩེདཔ་གསརཔ་ཚུ་གིས་དཔེ་བལྟ་ས་དང་ཆ་་བཞག་སའི་དཔེ་བཟངཔོ་ཅིག་ཨིན། ཁོ་ར་ བྱམས་སྐྱོང་དང་བརྩེ་གདུང་རྒྱ་ཆེཝ་སྦེ་ཡོདཔ་ལས་ ན་གཞོན་ཚུ་གི་དོན་ལུ་འབྲུག་གི་གསུང་སྐད་ཟེར་ཞབས་ཁྲ་འཐེན་ནིའི་འགྲན་བསྡུར་ཅིག་འགོ་འདྲེན་འཐབ་སྟེ་ ན་གཞོན་མང་རབས་ཅིག་ལུ་ ཕྱི་རྒྱལ་ལུ་དཔེ་ཆ་བལྟ་བར་འགྱོ་ནིའི་གོ་སྐབས་ཡང་བྱིན་དོ་ཡོདཔ་ཨིན།
འབྲུག་གི་གསུང་སྐད་ཐེངས་བཞི་འགོ་འདྲེན་འཐབ་ཡོད་ས་ལས་ ཐེངས་དང་པའི་ནང་ ན་གཞོན་ཚུ་ལུ་ཕྱི་་རྒྱལ་འགྱོ་ནི་གོ་སྐབས་གནང་མ་ཚུགས་རུང་ ཐེངས་གཉིས་པའི་ནང་ལས་ ན་གཞོན་ཨང་དང་པ་འཐོབ་མི་འདི་ ཕྱི་རྒྱལ་ཨཱསི་ཊ་ལི་ཡ་ལུ་ ཤེས་ཡོན་འཕྲོ་མཐུད་དེ་ལྷབ་པར་བཏང་ནུག། འདི་བཟུམ་སྦེ་ ཐེངས་གསུམ་པདང་བཞི་པའི་ནང་ཡང་ ན་གཞོན་བརྒྱད་ལུ་ཤེས་ཡོན་འཕྲོ་མཐུད་ནིའི་གོ་སྐབས་གནང་ནུག། འདི་འབདཝ་ལས་ འཁྲབ་རྩེདཔ་བཙན་སྐྱོགས་རྡོ་རྗེ་འདི་ སྤྱིར་བཏང་འབྲུག་མི་དང་ དམིགས་བསལ་དུ་ན་གཞོན་ཚུ་གིས་བློ་གཏད་ཚུགས་པའི་མི་ངོམ་ཅིག་ཨིན།
རྒྱབ་རྟེན།
འབྲུག་གློག་བརྙན་ཚོགས་པ། (2021) བཙན་སྐྱགས་རྡོ་རྫེ་གི་སྐོར། ཕེསི་བུག།
འབྲུག་གློག་བརྙན། (2020) འབྲུག་གི་སྙན་གྲགས་ཅན་གྱི་མི། ཕེསི་བུག།
ཨོ་རྒྱན་ཕུན་ཚོགས་རབས་རྒྱལ། (2022) རབས་རྒྱལ་དང་གཅིག་ཁར་སྲུ་ཇ་བཞེས་པ་བྱོན་ཤོག། yotube.com/c/Drukyelfilms