འབྲུག་གི་རི་དྭགས་སེམས་ཅན།

༉ འབྲུག་རྒྱལ་ཁབ་འདི་ ཧི་མ་ལ་ཡའི་གངས་ལྗོངས་ལུ་ཡོད་པའི་ སྐོབས་ཚུད་ཀྱི་རྒྱལ་ཁབ་ཆུང་ཀུ་ཅིག་ཨིན། རྒྱལ་ཁབ་དེའི་བྱང་ཁ་ཐུག་ རྒྱ་ནག་དང་བོད་ ཤར་ཕྱོགས་དང་ལྷོ་ཕྱོགས་ ནུབ་ཕྱོགས་ཁ་ཐུག་ལུ་ རྒྱ་ཁར་གྱི་མངའ་སྡེ་འབྲས་ལྗོངས་དང་ཨ་སམ་ ཨ་རུ་ན་ཅཱལ་པར་ཌེཤ་ཚུ་ཡོདཔ་ཨིན། སའི་ཆགས་ཡང་རྩུབ་དྲག་སྦེ་ཡོད། འབྲུག་རྒྱལ་ཁབ་འདི་ རྒྱ་མཚོའི་མཐའ་མ་ལས་ མཐོ་ཚད་མི་ཊར་ ༡༥༠ ལས་ ༧༥༠༠ གི་ས་ཁར་ཆགས་ཏེ་ཡོད། ས་ཆའི་སྣ་མང་དང་བསིལ་དྲོད་གནས་སྟངས་མ་འདྲཝ་སྦེ་ཡོད་མི་འདི་གིས་ རྒྱལ་ཁབ་ཀྱི་སྐྱེ་ལྡན་རིགས་སྣ་དང་སྐྱེ་ལྡན་རིགས་སྣའི་རིམ་ལུགས་ལུ་ ཕན་སྦོམ་སྦེ་ར་ཐོགསཔ་ཨིན། སྟག་དང་ནོར་བུ་བསི་ལི་ སྤྱ་དཀར་གསེར་གྱི་མདོག་ཅན་ གཟིག་ རི་བོང་ དོམ་གྱི་རིགས་ཚུ་ ས་ཁ་དམའ་ས་ ལྷོ་ཕྱོགས་ཁ་ཐུག་ལུ་འཁྱམས་ཏེ་སྡོདཔ་ཨིན།
སྤྱ་དཀར་ཐལ་མདོག་དང་སྟག་ སྤྱིར་བཏང་གཟིག་ཀྱི་རིགས་ཚུ་ ཚ་དྲོད་ལྡན་པའི་ས་ཁོངས་ཚུ་ནང་ལས་ཕར་མཐོང་ཚུགས་དོ་ཡོདཔ་ཨིན། རྡོག་མ་བཏགས་མིའི་ཤིང་དང་ སྦ་དང་ཚར་གྱིས་ ཧི་མ་ལ་ཡའི་དོམ་གནགཔོ་དང་ཨ་ལྕོག་གདོང་དཀར་ ཏོར་ཏོ་ལ་དང་ཤཝ་ རི་ཕག་ ཀ་ཤ་ཚུ་འཁྱམས་སའི་ས་ཁོངས་བྱིནམ་ཨིན།
བྱང་ཁ་ཐུག་གི་ས་ཁ་མཐོ་ས་འདི་ གངས་གཟིག་དང་ལུག་ བྱི་ཙི་སྒོམ་ཆེན་ལ་སོགས་པའི་རི་དྭགས་ཀྱི་རིགས་དེ་ཚུ་འཁྱམས་ས་ཨིན། རྒྱལ་ཁབ་ནང་ བྱ་རིགས་ ༧༧༠ དང་ སྔོ་ཤིང་གི་རིགས་ ༥༤༠༠ དེ་ཅིག་ཡོདཔ་ཨིན།
ཤར་ཕྱོགས་ཁ་ཐུག་གི་ཧི་མ་ལ་ཡ་འདི་ རྒྱལ་སྤྱིའི་སྐྱེ་ལྡན་རིགས་སྣ་ས་ཁོངས་སྦེ་ངོས་འཛིན་དེེ་ཡོདཔ་ད་ དེ་རྒྱལ་སྤྱིའི་སྐྱེ་ལྡན་རིགས་སྣའི་ས་ཁོངས་ ༢༣༤ གི་གྲངས་སུ་ཨིན། འབྲུག་རྒྱལ་ཁབ་འདི་ རང་བཞིན་སྲུང་གསར་བཏོད་ཀྱི་ནང་ལུ་ དཔེ་སྟོན་ཅིག་སྦེ་ཚུད་དེ་ཡོདཔ་མ་ཚད་ སྐྱེ་ལྡན་རིགས་སྣ་རྒྱུན་སྐྱོང་འཐབ་ནིའི་ནང་ རྒྱལ་སྤྱི་ལས་བསྟོད་བསྔགས་ཚུ་ཡང་ཐོབ་སྟེ་ཡོད། རང་བཞིན་གནས་སྟངས་ཉམས་སྲུང་འདི་ རྒྱལ་ཁབ་ཀྱི་གོང་འཕེལ་ལས་སྣའི་ཐབས་རིག་གི་ནང་ གཙོ་བོ་ཆེ་ཤོས་ཅིག་སྦེ་བཞག་སྟེ་ཡོདཔ་ཨིན།
མ་གཞི་ འབྲུག་རྒྱལ་ཁབ་ཀྱི་ རང་བཞིན་གནས་སྟངས་འདི་ ཨ་རྟག་ཧ་ལུགས་སྦེ་ར་རྒྱུན་སྐྱོང་ཐབས་ཏེ་ར་ཡོད་རུང་ མ་འོངས་པའི་ནང་ སྐྱོན་མེདཔ་སྦེ་ར་གནས་ཚུགས་ཟེར་སླ་མི་ཚུགས། དེ་འབདཝ་ལས་ ང་བཅས་ཚུ་གིས་ མ་འོངས་པའི་དོན་ལུ་ ཐབས་ལམ་ཚུ་བཏོན་དགོཔ་ཨིན།
དེང་སང་སོ་ནམ་གྱི་གྱུར་འགྲོས་དང་གློག་མེ་འཕྲུལ་ཁང་གོང་འཕེལ་ གཏེར་རྫས་ཕྱིར་བཏོན་དང་བཟོ་གྲྭ་འཕྲུལ་ཁང་ ཁྲོམ་ཚོགས་གཞི་བཙུགས་ བཙོག་རྫས་བཀོ་བ་ ལྟ་བཤལ་ བཟོ་སྐྲུན་ལ་སོགས་པའི་ཨུ་ཚུགས་འདི་ ད་ལྟོ་ལས་ར་མཐོང་སར་ཡོདཔ་ཨིན། སྲིད་བྱུས་ལག་ལེན་འདི་ འཕྲོ་མཐུད་དེ་ར་ ཡར་དྲགས་གཏང་དགོཔ་འདུག། རང་བཞིན་ཐོན་སྐྱེད་ལུ་ཐད་ཀར་དུ་བརྟེན་མ་དགོ་པའི་ ཡུན་བརྟན་གྲོང་གསེབ་འཚོ་བའི་གནས་སྟངས་ཚུ་ལུ་ གཞི་བཙུགས་དང་རྒྱབ་སྐྱོར་འབད་དགོཔ་ཁག་ཆེ།

ཁུངས་གཏུག།[ཞུན་དག།]

Wikipedia contributors. (2021). Wildlife of Bhutan. In Wikipedia, The Free Encyclopedia. Retrieved from https://en.wikipedia.org/w/index.php?title=Wildlife_of_Bhutan&oldid=1061182199