འབྲུག་མི་སེར་རྒྱུ་ནོར་གཞི་བཟུང་ཚད་འཛིན།
༉ འབྲུག་མི་སེར་རྒྱུ་ནོར་གཞི་བཟུང་ཚད་འཛིན་ཟེར་མི་འདི་ Into The Next Decade (སྤྱི་ལོ་ ༢༠༡༨) དང་འཁྲིལ་བ་ཅིན་ “འབྲུག་རྒྱལ་གཞུང་ཚོང་འབྲེལ་ལས་འཛིན་ཟེར་ཨིན་མས། སྤྱི་ལོ་ ༢༠༠༧ ལུ་ ཐོབ་དབང་དང་འཁྲིལ་ཏེ་ འབྲུག་རྒྱལ་གཞུང་གིས་གཞི་བཙུགས་མཛད་གནང་ནུག། དེ་སྦེ་གཞི་བཙུགས་མཛད་གནང་དགོཔ་མི་འདི་ཡང་ འབྲུག་པའི་མི་སེར་གྱི་མཐའ་དོན་ལུ་གཟིགས་ཏེ་མ་འོངས་པ་དང་དུས་ཡུན་རིངམ་གྱི་བར་ན་ ཁེ་ཕན་སྦོམ་སྦེ་འབྱུང་ནིདང་ འབྲུག་རྒྱལ་གཞུང་གིས་ དངོས་སུ་མཐོང་ཚུགསཔ་སྦེ་བདག་འཛིན་འཐབ་ནི་དང་ ལག་ལེན་འཐབ་ནིའི་དོན་ལུ་ དཔལ་ལྡན་འབྲུག་པའི་རྒྱལ་ཁབ་ནང་ལུ་ གཞི་བཙུགས་མཛད་གནང་ནུག། འབྲུག་མི་སེར་རྒྱུ་ནོར་གཞི་བཟུང་ཚད་འཛིན་དེ་ ཚོང་འབྲེལ་གྱི་ལམ་རྒྱ་སྦོམ་ཅིག་ཨིན་པའི་ཁར་ འབྲུག་རྒྱལ་གཞུང་རྐྱངམ་ཅིག་གིས་ བདག་འཛིན་འཐབ་དོ་ཡོདཔ་ཨིན་མས།
འབྲུག་མི་སེར་རྒྱུ་ནོར་གཞི་བཟུང་ཚད་འཛིན་གྱི་མངའ་འོག་ལུ་ ལས་ཚོགས་ཡོངས་བསྡོམས་ག་དེམ་ཅིག་གཞི་བཙུགས་མཛད་གནང་ནུག་ཟེར་བ་ཅིན། ནུས་ཤུགས་བཟོ་སྐྲུན། རང་བཞིན་ཐོན་སྐྱེད་བཟོ་སྐྲུན། དངུལ་འབྲེལ་གྱི་ཡིག་ཚང་། བརྡ་སྤྲོད་ཀྱི་ཡིག་ཚང་། མཁའ་འགྲུལ་གྱི་ཡིག་ཚང་། ཚོང་སྒྱུར་ལམ་ལུགས་ཀྱི་ཡིག་ཚང་། འགུལ་མེད་རྒྱུ་ནོར་གྱི་ཡིག་ཚང་སོགས་ བཟོ་སྐྲུན་དང་ཡིག་ཚང་ཡོངས་བསྡོམས་ ༢༠ དེ་ཅིག་འདུག། ཡིག་ཚང་དང་བཟོ་བསྐྲུན་ཡོངས་བསྡོམས་ ༢༠ ཡོད་ས་ལས་ འབྲུག་མི་སེར་རྒྱུ་ནོར་གཞི་བཟུང་ཚད་འཛིན་གྱིཡིག་ཚང་དང་བཟོ་སྐྲུན་ཡོངས་བསྡོམས་བཅུ་གཅིགཔོ་དེ་ ཁོང་ར་གིས་ར་བདག་འཛིན་འཐབ་དོ་ཡོདཔ་མས། འབྲུག་མི་སེར་རྒྱུ་ནོར་གཞི་བཟུང་ཚད་འཛིན་གྱི་མངའ་འོག་ལུ་ཡོད་མི་ ཡིག་ཚང་དང་བཟོ་བསྐྲུན་གྱིས་ བསྡོམས་ཀྱི་ ༣ བདག་འཛིན་དང་ལག་ལེན་འཐབ་མི་འདི་ཡང་ བརྒྱ་ཆ་ལས་ ༥༡ ཡར་བཅད་བདག་འཛིན་འཐབ་དོ་ཡོདཔ་དང་ ཡིག་ཚང་དང་བཟོ་བསྐྲུན་ ༣ འདི་ འབྲུག་མི་སེར་རྒྱུ་ནོར་གཞི་བཟུང་ཚད་འཛིན་གྱི་ ཡིག་ཚང་དང་བཟོ་བསྐྲུན་གྱི་ ཡོངས་འབྲེལ་མི་སྡེ་བརྡ་བརྒྱུད་ཀྱི་ཐོག་ལས་ བརྒྱ་ཆ་ལས་ ༥༡ མན་ཆད་བདག་འཛིན་དང་ལག་ལེན་འཐབ་དོ་ཡོདཔ་ཨིན་མས། འབྲུག་རྒྱལ་གཞུང་དངུལ་ལས་དབང་འཛིན་དེ་ འབྲུག་མི་སེར་རྒྱུ་ནོར་གཞི་བཟུང་ཚད་འཛིན་གྱིས་ བགོ་བཤའ་འཆང་མི་ཅིག་ཨིན་མས།”(ཤོག་གྲང་ ༩)
དམིགས་གཏད།
འབྲུག་མི་སེར་རྒྱུ་ནོར་གཞི་བཟུང་ཚད་འཛིན་དེ་ གཞི་བཙུགས་འབད་དགོ་པའི་དམིགས་ཡུལ་གཙོ་ར་ རྒྱུ་དངོས་འཛིན་སྐྱོང་འབད་ནི། ལས་ཚོགས་འདུས་ཚོགས་གསར་སྐྲུན་འབད་ནི་དང་རྒྱལ་ཡོངས་དགའ་སྐྱིད་དཔལ་འཛོམས་ཀྱི་རྣམ་གཞག་དང་ལྟ་བ་ ལམ་སྟོན་ལུ་བརྟེན་ཏེ འབྲུག་རྒྱལ་ཁབ་ཀྱི་དཔལ་འབྱོར་གྱི་གནས་སྟངས་ཚུ་ རྒྱལ་སྤྱི་གནས་ཚད་ལུ་ དོ་འགྲན་འབད་ཚུགས་ནིའི་དོན་ལུ་ཨིན་མས། དེ་ལས་ འབྲུག་རྒྱལ་ཁབ་ཀྱི་མི་སེར་ཚུ་ མི་རབས་ལས་མི་རབས་བརྒྱུད་དེ་ རྒྱུ་དངོས་ཚུ་ ཉེན་སྲུང་འབད་ཚུགས་ནི་གི་དོན་ལུ་ཨིན་མས།
བརྩི་མཐོང་།
· གཅིག་འབྲེལ།
འབྲུག་མི་སེར་རྒྱུ་ནོར་གཞི་བཟུང་ཚད་འཛིན་དེ་ཚོང་མགྲོན་པ་དང་ཁེ་གྱོང་ཡོད་མི་ཚུ་ལུ་ ཐོབ་དབང་གི་གྲོས་མཐུན་འབྱུང་ནི་གི་དོན་ལུ་ཨིན།
· དྲང་བདེན།
གཞུང་འབྲེལ་ལས་འཛིན་གྱི་ཚོང་ལཱ་དེ་ ག་དེ་དྲག་དྲག་ འདྲ་མཉམ་དང་དྭངས་གསལ་གྱི་ཐོག་ལས་ འབད་དགོཔ་ཨིན།
· མཆོག་གྱུར།
ཚོང་འབྲེལ་ཐོན་སྐྱེད་དང་ཞབས་ཏོག་གི་གནས་ཚད་དེ་ ཁྱད་འཕགས་ཅན་ཅིག་འོང་དགོཔ་ཨིན།
· ཤེས་རབ།
བརྟགས་ཤིང་དཔྱད་དེ་ མ་དངུལ་བདག་འཛིན་འབད་བའི་ཐོག་ལས་ རྒྱལ་ཁབ་ཀྱི་དཔལ་འབྱོར་ ཡར་འཕར་གཏང་དགོཔ་ཨིན་མས།
· སྡེ་གཡོག།
འབྲེལ་ཡོད་ལས་སྡེ་ཚུ་དང་གཅིག་ཁར་མཉམ་འབྲེལ་གྱི་ཐོག་ལས་ལཱ་ཚུ་འབད་དགོཔ་ཨིན་མས།
· འགན་ཁུར།
རྒྱལ་ཡོངས་དགའ་སྐྱིད་དཔལ་འཛོམས་ཀྱི་ལྟ་བ་དང་གཞི་རྩ་ཚུ་ སེམས་ཁར་བཞག་ཞིནམ་ལས་ འབྲུག་རྒྱལ་ཁབ་ཀྱི་མི་དང་རང་བཞིན་གནས་སྟངས་ལུ་གནོད་པ་མེད་པའི་འགན་ཁག་འབག་དགོ།
རྒྱབ་རྟེན།
འབྲུག་མི་སེར་རྒྱུ་ནོར་གཞི་བཟུང་ཚད་འཛིན (སྤྱི་ལོ་ ༢༠༡༨)Into The Next Decade འབྲུག། ཐིམ་ཕུ། མུ་ཏི་ཐང།
https://www.devex.com/organizations/druk-holding-and-investments-limited-dhi