འབྲུག་ལྕོགས་གྲུབ་སྤྱི་ཚོགས།
འབྲུག་ལྕོགས་གྲུབ་སྤྱི་ཚོགས།
[ཞུན་དག]འབྲུག་ལྕོགས་གྲུབ་སྤྱི་ཚོགས་འདི་ སྤྱི་ལོ་ ༢༠༡༡ སྤྱི་ཟླ་ ༡༡ པའི་སྤྱི་ཚེས་ ༡༠ ལུ་ ཞི་བའི་མི་སྡེ་ལས་ཚོགས་ནང་ལུ་ ཐོ་བཀོད་གྲུབ་པའི་མི་དམངས་ལུ་ཕན་ཐོགས་པའི་ལས་ཚོགས་ཅིག་ཨིན། མི་སྡེ་ལས་ཚོགས་འདི་གི་དགོངས་དོན་དེ་ཡང་ འབྲུག་མངའ་བདག་རྒྱལཔོ་དཔལ་མི་དབང་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་གི་འཆར་སྣང་ བྱམས་བརྩེ་དང་དྲང་བདེན་ཅན་གྱི་མི་སྡེ་ཟེར་མི་འདི་གིས་ སེམས་ཤུགས་བྱིན་ཏེ་ཡོདཔ་ཨིན། ལས་ཚོགས་འདི་ སྤྱི་ལོ་ ༢༠༡༢ སྤྱི་ཟླ་ ༤ པའི་སྤྱི་ཚེས་ ༦ ལུ་ མི་དབང་རྒྱལ་བཙུན་ཨ་ཞེ་རྗེ་བཙུན་པདྨ་དབང་ཕྱུག་མཆོག་གིས་ སྐྱིད་སྡུག་གཞི་ཚོགས་ཀྱི་ལས་འགུལ་ཅིག་སྦེ་འགོ་འབྱེད་མཛད་གནང་ཡོདཔ་ཨིན། Ability Bhutan སྤྱི་ལོ་ ༢༠༠༧ གྱི་ལོ་འགོ་བཙུགས་ཁམས་ཅིག་ལུ་ ལྕོགས་གྲུབ་མ་འདྲཝ་ཡོད་པའི་ཨ་ལུའི་ཕམ་ཚུ་གིས་ ཁོང་རའི་དཀའ་ངལ་དང་ ཆ་རོགས་མེད་པའི་སྐྱོ་སྣང་དང་ ག་ནི་ཡང་འབད་མ་ཚུགས་པའི་གནས་སྟངས་ཚུ་བཤད་ནི། དེ་ལས་ ལྕོགས་གྲུབ་མ་འདྲཝ་ཡོད་པའི་ཁོང་རའི་བུ་གཞི་ཚུ་ འཕྲལ་འཕྲལ་ར་ཁྱིམ་ནང་ཁོང་ར་རྐྱངམ་གཅིག་སྦེ་ལུས་མི་དང་ ཡང་ན་ སྦྱོང་བརྡར་མེད་པའི་ཨ་ལུའི་བདག་འཛིན་པ་དང་གཅིག་ཁར་ལུས་མི་ཚུ་གི་མི་ཚེ་ དགའ་ཏོག་ཏོ་སྦེ་བཞག་ཐབས་ཀྱི་ཐབས་ལམ་ཚུ་འཚོལ་ནིའི་དོན་ལུ་ ལུགས་མཐུན་གྱི་སྒོ་ལས་འཛོམས་ནུག། དེ་བསྒང་ ཁོང་ར་དང་ཁོང་རའི་བཟའ་ཚང་གི་དོན་ལུ་ གནམ་མེད་ས་མེད་ གལ་ཆེ་བའི་གནས་སྟངས་ཅིག་སྦེ་སྡོད་ནུག། ད་རེས་ འབྲུག་ལྕོགས་གྲུབ་སྤྱི་ཚོགས་ལུ་རྒྱབ་སྐྱོར་འབད་མི་ ལས་བྱེདཔ་ ༧ ཡོད་མི་དེ་གིས་ ཨ་ལུ་ ༤༢ དང་ དབང་པོ་སྐྱོན་ཅན་གྱི་ན་སྨིན་ ༩ བདག་འཛིན་འབད་དོ་ཡོདཔ་ཨིན་པས། དོ་རུང་ འབྲུག་ལྕོགས་གྲུབ་སྤྱི་ཚོགས་ཀྱིས་ ཤེས་རིག་དང་བཟའ་ཚང་གི་ལས་རིམ་ཚུ་ལུ་ རྒྱབ་སྐྱོར་མཛདཔ་མ་ཚད་ སྐུལ་ཁྱབ་བརྡ་སྤྲོད་ཀྱི་ལས་རིམ་ཚུ་ཡང་ འགོ་འདྲེན་འཐབ་དོ་ཡོདཔ་ཨིན། Bhutan Foundation
འཆར་སྣང་།
[ཞུན་དག]འབྲུག་པའི་མི་སྡེ་ནང་ལུ་ ལྕོགས་གླུབ་མ་འདྲཝ་ཡོད་པའི་མི་ཚུ་ རང་མགོ་རང་འདྲོང་དང་བརྩི་མཐོང་ཅན་སྦེ་སྡོད་ནི་གི་དབང་ཆ་བྱིན་ནི།
དམིགས་གཏད།
[ཞུན་དག]འབྲུག་པའི་མི་སྡེ་ནང་ མི་ལྕོགས་གྲུབ་མ་འདྲཝ་ཡོད་མི་ཚུ་གི་ཐོབ་དབང་ཚུ་གི་སྐོར་ལས་ སྐུལ་ཁྱབ་བརྡ་སྤྲོད་འབད་ནི། བརྩོན་ཤུགས་ཅན་དང་སྙིང་རུས་ཅན། དེ་ལས་ སྦྱོང་བརྡར་ཐོབ་ཡོད་མི་ མི་སྡེའི་ལཱ་འབད་མི་དང་ཨ་ལུ་བདག་འཛིན་པ་ཚུ་ཡོདཔ་བཟོ་ནི། ལྕོགས་གྲུབ་མ་འདྲཝ་ཡོད་པའི་མི་ཚུ་ལུ་ རང་མགོ་རང་འདྲོང་སྦེ་སྡོད་ནི་ལུ་ དབང་ཆ་བྱིན་ནིའི་དོན་ལུ་ ཕམ་དང་ཨ་ལུ་བདག་འཛིན་པ་ཚུ་གི་རིག་རྩལ་ཡར་དྲག་གཏང་ནི། ལྕོགས་གྲུབ་མ་འདྲཝ་ཡོད་པའི་མི་ཚུ་གི་ལྕོགས་གྲུབ་ཡར་སེང་འབད་ཐབས་ལུ་ ཐད་ཀར་གྱི་བར་འཛུལ་འབད་ནི།
དམིགས་དོན།
[ཞུན་དག]འབྲུག་ལྕོགས་གྲུབ་སྤྱི་ཚོགས་ཀྱི་དམིགས་དོན་ཚུ་ཡང་། ལུང་ཕྱོགས་ཀྱི་གནས་ཚད་ཁར་ ཤེས་ཡོན་ཅན་གྱི་བདག་འཛིན་པ་ཡོད་པའི་གཅེས་སྐྱོང་ལྟེ་བ་ལ་སོགས་པའི་ རྒྱལ་ཡོངས་ཀྱི་མཐུན་རྐྱེན་ཡོདཔ་བཟོ་ནི། འབྲུག་པའི་མི་སྡེ་ནང་ ལྕོགས་གྲུབ་མ་འདྲཝ་ཡོད་པའི་མི་ངོམ་ཚུ་ གྲལ་གཏོགས་འབད་དགོ་པའི་གོ་བརྡ་སྤེལ་ནི། མི་སྡེ་ནང་ ལྕོགས་གྲུབ་མ་འདྲཝ་ཡོད་པའི་མི་ངོ་ཚུ་ལུ་ གྲལ་གཏོགས་ཀྱི་གོ་སྐབས་ ཡར་སེང་འབད་ནིའི་དོན་ལུ་ མི་དམངས་ཀྱི་མཐུན་རྐྱེན་དང་ཞབས་ཏོག་ཚུ་གི་གོ་སྐབས་ཡོདཔ་བཟོ་ནི། སྦྱོང་བརྡར་དང་ལས་རིམ་བརྗེ་སོར། དེ་ལས་ ཤེས་ཡོན་གོང་འཕེལ་ཚུ་གི་ཐོག་ལས་ འབྲུག་ལྕོགས་གྲུབ་སྤྱི་ཚོགས་ཀྱི་མི་སྡེ་ནང་ ལཱ་འབད་མི་ཚུ་གི་ཁྱད་རིག་གི་རིག་རྩལ་གོང་འཕེལ་གཏང་ནི། ཤེས་ཡོན་དང་མི་སྡེ་རྒྱབ་སྐྱོར་གྱི་ཐོག་ལས་ བཟང་ཚང་དང་ཨ་ལུ་གཅེས་སྐྱོང་འབད་མི། དེ་ལས་ ལྕོགས་གྲུབ་མ་འདྲཝ་ཡོད་མིའི་བཟང་ཚང་ཚུ་ལུ་རྒྱབ་སྐྱོར་འབད་ནི། མཐུན་ལམ་དང་ཉམས་མྱོང་བརྗེ་སོར་གྱི་དོན་ལུ་ འབྲེལ་ཡོད་ལས་སྡེ་ཚུ་དང་གཅིག་ཁར་ མཐུན་འབྲེལ་བཞག་ནི། གནས་རིམ་ག་རའི་ནང་ འབྲུག་ལྕོགས་གྲུབ་སྤྱི་ཚོགས་ལུ་ ཡུན་བརྟན་གྱི་མ་དངུལ་རྒྱབ་སྐྱོར་དང་ འོས་འབབ་ལྡན་པའི་ལས་ཚོགས་ཀྱི་རིག་རྩལ་ཡོདཔ་བཟོ་ནི་ཚུ་ཨིན།
ཁུངས་གཏུག།
[ཞུན་དག]- Program, S. E. (n.d.). Ability Bhutan Society. Retrieved from https://web.archive.org/web/20211025131018/http://bhutansped.org/partners/ability-bhutan-society/
- Society, A. B. (n.d.). Ability Bhutan Society. Retrieved from https://absbhutan.org/
- Bhutan Foundation website www.bhutanfound.org