འབྲུག་སྨྱོ་རྫས་བཀག་འཛིན་དབང་འཛིན།

༉ སྤྱིར་བཏང་འཛམ་གླིང་རྒྱལ་ཁབ་ག་ཏེ་ལུ་ཡང་ རྫས་ངན་སྨྱོ་རྫས་ལག་ལེན་འཐབ་མི་དེ་ ཉིནམ་གཅིག་བ་ཉིནམ་གཅིག་ཡར་སེང་དང་ དར་ཁྱབ་འགྱོ་བཞིན་དུ་ཡོདཔ་ཨིན་མས། དེ་བཟུམ་སྦེ་ ང་བཅས་རའི་རྒྱལ་ཁབ་ནང་ལུ་ཡང་ དེ་བཟུམ་མའི་ རྫས་ངན་ལོངས་སྤྱོད་མི་དང་དར་ཁྱབ་གཏང་ནི་ཚུ་ བཀག་དམ་འབད་ནིའི་དོན་ལུ་ སྤྱི་ལོ་ ༢༠༠༦ ལུ་ཡིག་ཚང་ལྟེ་བ་ཅིག་ ཐིམ་ཕུག་ལུང་བསྟན་ཟམ་པ་ལུ་སྦེ་གཞི་བཙུགས་འབད་མི་དབང་འཛིན་དེ་ འབྲུག་སྨྱོ་རྫས་བཀག་འཛིན་དབང་འཛིན་ཟེར་མི་དེ་ཨིན།

དེ་བཟུམ་སྦེ་ སྤྱི་ཟླ་དགུ་པའི་སྤྱི་ཚེས་ ༢༦ སྤྱི་ལོ་ ༢༠༠༦ ལུ་ འབྲུག་རྒྱལ་པོའི་བཀའ་རྒྱ་དང་འཁྲིལ་ཏེ་ རྒྱལ་གཞུང་འབྲུག་གི་འགག་སྡེ་གིས་  སྨྱོ་རྫས་དང་འབྲེལ་བའི་ཁྲིམས་ལུགས་བཀོལ་སྤྱོདསྡེ་ཕྲན་ (Narcotic Drug and Law Enforcement Unit) (NDLEU)དེ་གཞི་བཙུགས་མཛད་ནུག། དེ་ཡང་ སྨྱོ་རྫས་དང་འབྲེལ་བའི་གནད་དོན་ཚུ་ བཀག་ཐབས་འབད་ནིའི་དོན་ལུ་ཨིན་མས། དེ་དང་འབྲེལ་བའི་ ཡིག་ཚང་གཞན་ཡང་ ཏམ་ཁུ་དམ་འཛིན་ཡིག་ཚང་(Tobacco control office)ཟེར་ ཏམ་ཁུ་དམ་འཛིན་བཀོད་ཚོགས་ (Tobacco control board) ཀྱི་མངའ་འོག་ལུ་ཡོད་མི་དེ་ ཏམ་ཁུ་དམ་འཛིན་བཅའ་ཁྲིམས་ ༢༠༡༠ (Tobacco control Act 2010) དང་འཁྲིལ་ཏེ་གཞི་བཙུགས་གནང་ནུག།(“Facebook,”n.d.)

འབྲུག་སྨྱོ་རྫས་བཀག་འཛིན་དབང་འཛིན་ཟེར་ གཞི་བཙུགས་འབད་དགོ་མི་དམིགས་ཡུལ་གཙོ་བོ་ར་ རྒྱལ་ཡོངས་དགའ་སྐྱིད་དཔལ་འཛོམས་དང་ལྡན་པའི་རྒྱལ་ཁབ་འདི་ སྨྱོ་རྫས་ཀྱི་རིགས་དང་དེ་ལུ་ལོངས་སྤྱོད་མི་ཚུ་བཀག་དམ་འབད་ནི་དོན་ལུ་དང་། དེ་བཟུམ་སྦེ་ར་ དམིགས་གཏད་དེ་ཡང་ གལ་གནད་ཆེ་བའི་ལས་སྡེ་གཅིག་སྦེ་བཟོ་སྟེ། རྒྱལ་ཁབ་འདི་ནང་ལུ་འབད་མ་རུང་པའི་སྨྱོ་རྫས་ཀྱི་རིགས་ཉོ་བཙོང་འབད་ནི་ཚུ་ ཕན་ནུས་ཆེ་བའི་སྒོ་ལས་བཀག་ཐབས་འབད་ནི་ཚུ་འགོ་འདྲེན་འཐབ་ནིའི་དོན་ལུ་ཨིན་མས། (Bhutan Narcotics Control Authority, n.d.)

དེ་འབདཝ་ལས་ ད་ལྟོ་འབད་བ་ཅིན་ ཡིག་ཚང་དེ་འཛིན་སྐྱོང་འཐབ་མི་གོ་གནས་ཀྱི་གནས་རིམ་ཚུ་ཡང་ ཡོངས་ཁྱབ་མདོ་ཆེན།ལས་རོགས་ཡོངས་ཁྱབ་མདོ་ཆེན། དེ་ལས་ གཞན་ཡང་ བདག་སྐྱོང་དང་དངུལ་འབྲེལ་ཞབས་ཏོག་གི་གཙོ་འཛིན། མཁོ་མངག་མར་ཕབ་སྡེ་ཚན་(Demand Reduction Division) གྱི་འགོ་དཔོན་དང་བཀྲམ་སྤེལ་མར་ཕབ་སྡེ་ཚན་(Supply Reduction Division) གྱི་འགོ་དཔོན་དང་བཅས་ ཡོངས་བསྡོམས་ཀྱིས་ལས་གཡོགཔ་ལྔ་བཅུ་ཡོདཔ་ཨིན་མས།("Staff profile," n.d.)

དབང་འཛིན་དེ་གིས་ སྨྱོ་རྫས་དང་ཆང་གི་རིགས་ལོངས་སྤྱོད་པ་ཅིན་དེ་གི་ཉེས་དམིགས་ག་དེ་སྦེ་ཡོདཔ་ཨིན་ན་གི་སྐོར་ལས་མི་དམངས་ཡོངས་ལུ་གོ་བརྡ་སྤེལ་ནི། སྨྱོ་རྫས་ལོངས་སྤྱོད་མི་ཚུ་ལུ་ drop in centreགི་ཐོག་ལས་ཞབས་ཏོག་ཕུལ་ནི། ཆང་དང་སྨྱོ་རྫས་ལུ་ལང་ཤོར་ཐལ་ཏེ་ཡོད་པའི་མི་ཚུ་ལུ་ སྨན་རིགས་དང་བསླབ་སྟོན། དེ་ལས་མི་སྡེ་དང་འབྲེལ་བའི་ལས་རིམ་དང་ཁོང་ལུ་ལྟ་ཏོག་ཞབས་ཏོག་གི་སྒོ་ལས་ཁོང་གི་མི་ཚེ་ལེགས་བཅོས་འབད་ནིའི་དོན་ལུ་ མི་སྡེའི་ཞབས་ཏོག་དང་ རྒྱབ་སྐྱོར་ཚུ་བྱིན་ནི་ཨིན།

གཞན་ཡང་ ན་གཞོན་ག་ར་ལུ་ཆང་དང་སྨྱོ་རྫས་ལོངས་སྤྱོད་མ་བཏུབ་པའི་སྐོར་དང་དེའི་ཉེས་དམིགས་སྐོར་ལས་ IEC གོ་བ་བརྡ་སྤྲོད་འབད་ནི་ཚུ་འདུག། དེ་ཚུ་མཁོ་མངག་མར་ཕབ་སྡེ་ཚན་(Demand Reduction Division)དང་བཀྲམ་སྤེལ་མར་ཕབ་སྡེ་ཚན་(Supply Reduction Division)གཉིས་ཀྱི་གོ་འདྲེན་ཐོག་ལས་གཞི་བཙུགས་འབད་དེ་འདུག། དེ་མ་ཚད་མཁོ་མངག་མར་ཕབ་སྡེ་ཚན་(Demand Reduction Division)གྱིས་སྨྱོ་རྫས་ལོངས་སྤྱོད་མི་ཚུ་ལུ་སྔ་གོང་བརྟག་ཞིབ་དང་བཀག་ཐབས་མཛད་ནི། དེ་ལས་སྐྱོང་བཞག་དང་མི་ཚེ་ལེགས་འགྱུར་གི་ལས་རིམ་ཚུ་འགོ་འདྲེན་འཐབ་ནིའི་དོན་ལུ་འགན་ཁུར་འབག་དོ་ཡོདཔ་ཨིན་མས། (Bhutan Narcotics Control Authority, n.d.)

འབྲུག་སྨྱོ་རྫས་བཀག་འཛིན་དབང་འཛིན་དེ་གིས་ ད་ལྟོ་ཚུན་ཚོད་ཀྱི་བར་ན་ སློབ་གྲྭ་གྱངས་ཁ་མ་ཆོདཔ་ཅིག་གི་སློབ་དཔོན་ཚུ་ལུ་ གཞི་རྟེན་སྨྱོ་རྫས་དང་ཏམ་ཁུ་བཀག་འཛིན་དང་འབྲེལ་བའི་ཤེས་ཡོན་སློབ་སྦྱོང་བྱིན་ནི་ཡོད། དེ་བཟུམ་སྦེ་ སྨྱོ་རྫས་ལུ་ལང་ཤོར་ཐལ་མི་དེ་ཚུ་ལུ་ཡང་ སྨན་བཅོས་བྱིན་ནི་ལ་སོགས་པའི་ རྒྱབ་སྐྱོར་དང་ཞབས་ཏོག་ཚུ་ འཕྲོ་མཐུད་དེ་ར་འབད་དེ་འདུག།

རྒྱབ་རྟེན།

༡.Facebook. (n.d.). Facebook. https://m.facebook.com/bnca2015

༢. (n.d.). Bhutan Narcotics Control Authority. https://bnca.gov.bt/

༣. Staff profile. (n.d.). Bhutan Narcotics Control Authority.

https://bnca.gov.bt/about-us/staff-profile/