འབྲུག་ཨམ་སྲུའི་དབང་ཆ་ཡར་སྐྱེད་དང་གཅིག་འབྲེལ་ལས་སྡེ།

༉ འབྲུག་ཨམ་སྲུའི་དབང་ཆ་ཡར་སྐྱེད་དང་གཅིག་འབྲེལ་ལས་སྡེ་འདི་གཙོ་བོ་ར་ རྒྱལ་ཁབ་ནང་གི་ཨམ་སྲུ་ཚུ་ གཞུང་སྐྱོང་དང་དབུ་ཁྲིད་ཀྱི་གོ་འཕང་ནང་ འགན་ཁུར་འབག་ནི་ལུ་ རྩ་བརྟན་དང་མཐུན་རྐྱན་ཚུ་བྱིན་ནི་དང་གཅིག་འབྲེལ་གྱི་གཞི་སྟེགས་ཡར་རྒྱས་བཏང་ཐོག་ལས་ རྒྱལ་ཁབ་གོང་འཕེལ་གཏང་ནི་ཚུ་ཨིན། ལྷག་པར་དུ་ མི་སྡེ་འགོ་ཁྲིདཔ་དང་ས་གནས་གཞུང་གི་གནས་ཚད་ནང་ འགན་ཁུར་འབག་ནིའི་དོན་ལུ་ གཙོ་བོར་བཏོན་དོ་ཡོདཔ་ཨིན། དེ་དང་གཅིག་ཁར་ རྒྱལ་ཡོངས་གནས་ཚད་ནང་ འགན་ཁུར་འབག་ནི་ལུ་ཡང་ གསུང་གྲོས་ཀྱི་ཕན་གྲོགས་འབད་དོ་ཡོདཔ་ཨིན། ལས་སྡེ་འདི་ སྤྱི་ལོ་ ༢༠༡༢ སྤྱི་ཟླ་ ༣ པའི་ནང་ རྒྱལ་ཡོངས་གྲོས་སྟོན་འགོ་དང་པ་ ཨམ་སྲུ་བཙག་འཐུ་གྲུབ་པའི་ངོ་ཚབ་འཐུས་མི་གི་འབྲས་བུ་བྱུང་མི་དང་གཅིག་ཁར་ གཞི་བཙུགས་མཛད་གནང་ཡོདཔ་ཨིན་མས། གྲོས་སྟོན་དེ་ཡང་ ས་གནས་གཞུང་གི་ལས་ཁུངས་དང་ རྒྱལ་ཡོངས་ཨམ་སྲུ་དང་ཨ་ལུའི་ལྷན་ཚོགས། དེ་ལས་ ཚོགས་པ་དང་དམངས་གཙོ་ཌེ་ནིཤི་སྤེལ་ཁང་ (DIPD) དང་ འཛམ་གླིང་སྤྱི་ཚོགས་ཨམ་སྲུ་ (UNWOMEN) གི་རྒྱབ་སྐྱོར་ཐོག་ལས་ རྒྱལ་ཡོངས་གྲོས་སྟོན་དེ་འགོ་འདྲེན་འཐབ་ཡོདཔ་ཨིན་མས། ལས་སྡེ་དེ་ སྤྱི་ལོ་ ༢༠༡༢ ཀྱི་ལོ་ལུ་ འཆར་གཞི་བརྩམས་ཏེ་ སྤྱི་ལོ་ ༢༠༡༦ སྤྱི་ཟླ་ ༡༢ པའི་ནང་ལུ་ མི་སྡེ་ལས་ཚོགས་ཀྱི་འོག་ལུ་ ལུགས་མཐུན་གྱི་སྒོ་ལས་ཐོ་བཀོད་མཛོད་གནང་ནུག། ལས་སྡེ་དེ་གི་འཐུས་མི་ ༤༠༠༠ ལྷགཔ་ཅིག་ རྒྱལ་ཁབ་ཀྱི་ས་གནས་ག་ཏེ་ལུ་ཡང་ཁྱབ་སོཔ་ལས་བརྟེན་ རྒྱལ་ཁབ་ཀྱི་རྫོང་ཁག་ ༢༠ དང་རྒེད་འོག་ ༢༠༥ ག་རའི་ནང་ལུ་ལེགས་ཤོམ་སྦེ་ཁྱབ་སྟེ་ཡོདཔ་ཨིན། BNEW
ང་བཅས་རའི་རྒྱལ་ཁབ་ཀྱི་གཞུང་འདི་ དམངས་གཙོའི་གཞུང་ལུ་སོར་སྒྱུར་འབད་མི་འདི་ མཐར་འཁྱོལ་ཅན་གྱི་སྲུང་ཅིག་ཨིན་རུང་ གཞུང་སྐྱོང་ནིའི་ནང་ལུ་ འགན་ཁུར་འབག་མི་ཕོ་མོའི་དབྱེ་བ་ལས་བཅད་པ་ཅིན་ མཐར་འཁྱོལ་ཅན་གྱི་སྲུང་ཟེར་སླབ་ནི་ལུ་ ལཱ་ཁག་ཅིག་ཨིན་མས། མི་སྡེའི་འགྲོ་ལུགས་དང་མིའི་བསམ་བློ། དེ་ལས་ མནོ་ལུགས་ཚུ་ཤུགས་སྦེ་ར་ཤུམས་ཚུད་མི་ལུ་བརྟེན་ཏེ་ ཨམ་སྲུ་ཚུ་གི་རྒྱུད་ལུ་ མི་སྡེ་ནང་ལུ་བློ་སྟོབས་འཐོབ་ནི་དང་ བློ་གཏད་ཚུགས་པའི་འགོ་ཁྲིདཔ་འབད་ནིའི་ནང་ལུ་ གདོང་ལེན་དང་དཀའ་ངལ་བྱིནམ་བྱིན་སར་ཡོདཔ་ཨིན་མས། དེ་འབདཝ་ལས་ རྒྱལ་ཁབ་ནང་ལུ་ འགོ་ཁྲིདཔ་འབད་མི་གི་གྱངས་ཁ་མང་ཤོས་ཅིག་ ཕོ་སྐྱེས་ཚུ་གི་དབང་ལུ་བསྒྱུར་ཏེ་ཡོདཔ་ཨིན་མས། (Bhutana Networking Empowering Women, n.d.)
འབྲུག་ཨམ་སྲུའི་དབང་ཆ་ཡར་སྐྱེད་དང་གཅིག་འབྲེལ་ལས་སྡེ་དེ་གིས་ ཨམ་སྲུ་ཚུ་ལུ་འགོ་ཁྲིདཔ་འབད་ནིའི་ནང་རྒྱབ་སྐྱོར་དང་མཐུན་རྐྱེན་ཚུ་བྱིན་ཏེ་ རྒྱལ་ཁབ་ནང་ལུ་ ཕོ་མོའི་དབྱེ་བ་མཐར་ཕྱིནམ་སྦེ་འགྲུབ་ནི་ལུ་ བརྩོན་ཤུགས་བསྐྱེད་དེ་ཕྱག་ཞུ་ནིའི་དམིགས་པ་སྐྱེད་དོ་ཡོདཔ་ཨིན། དེ་དང་གཅིག་ཁར་ ཨམ་སྲུའི་དབང་ཆ་དང་འགོ་ཁྲིདཔ་འབད་ནི་གི་གོ་སྐབས་བྱིན་ནིའི་དོན་ལུ་ གཅིག་འབྲེལ་གྱི་གཞི་སྟེགས་བྱིན་ནི་དང་། ཨམ་སྲུ་ཚུ་གིས་ དམངས་གཙོ་བོའི་ནང་ལུ་བློ་བདེ་པག་པ་སྦེ་ཕྱག་ཞུ་ཚུགས་ཐབས་ལུ་ ཁོང་གི་རྒྱུད་ལུ་འགོ་ཁྲིདཔ་གི་ལྕོགས་གྲུབ་དང་རིག་རྩལ་ཚུ་བཟོ་ནི། ཨམ་སྲུ་ཚུ་ལུ་བསླབ་སྟོན་བྱིན་ནི་དང་འཚོ་སྐྱོང་འབད་ནི་ལུ་རྒྱབ་སྐྱོར་འབད་ནི་ལ་སོགས་པ་ ཨམ་སྲུའི་དབང་ཆ་བྱིན་ནི་དང་འགོ་ཁྲིདཔ་འབད་ནིའི་དོན་ལུ་ ཐབས་རིག་ལྟེ་བ་ཅིག་སྦེ་ལཱ་འབད་དོ་ཡོདཔ་ཨིན། དེ་ལས་ མི་སྡེ་ནང་ལུ་ ཕོ་མོའི་དབྱེ་བ་གི་མནོ་ལུགས་དང་བསམ་སྤྱོད་ཚུ་བསྒྱུར་བཅོས་འབད་ཐབས་ལུ་ མི་མང་ལུ་གསལ་བསྒྲགས་དང་སྐུལ་ཁྱབ་བརྡ་སྤྲོད་འབད་ནི་ལ་སོགས་པ་ཚུ་ག་ར་ ལས་སྡེ་འདི་གི་དམིགས་ཡུལ་ཨིན་མས། Bhutan Networking For Empowering Women
འབྲུག་ཨམ་སྲུའི་དབང་ཆ་ཡར་སྐྱེད་དང་གཅིག་འབྲེལ་ལས་སྡེ་དེ་གིས་ ཨམ་སྲུ་ཚུ་དམངས་གཙོ་བོའི་འགོ་ཁྲིདཔ་འབད་ནིའི་དབང་ཆ་ཡོད་པའི་སྐོར་ལས་ མི་སྡེ་ནང་ལུ་ ག་དེ་སྦེ་བརྡ་སྐུལ་འབད་དེ་འདུག་ཟེར་བ་ཅིན། མི་ལ་ལུ་ཅིག་གི་སེམས་ཁར་ཨམ་སྲུ་ཚུ་ཁྱིམ་ནང་སྡོད་དེ་ ལཱ་འབད་དགོཔ་ཨིན་ཟེར་བའི་སྔར་སྲོལ་གྱི་མནོ་ལུགས་ཚུ་བསྒྱུར་བཅོས་འབད་ནི་དེ་ཨིནམ་ལས་ ཨམ་སྲུ་ཚུ་ཁོང་ར་ལུ་ ཡིད་ཆེས་བསྐྱེད་ཚུགསཔ་སྦེ་འགྱོ་ཡོདཔ་ཨིན་མས། ལས་སྡེ་དེ་གིས་ གཞུང་སྐྱོང་དང་འགོ་ཁྲིདཔ་གི་གོ་གནས་ལེན་ནིའི་ནང་ བརྡ་སྐུལ་འབད་མི་ལུ་བརྟེན་ མི་སྡེའི་མི་སེར་ཚུ་གིས་ཡང་ ཨམ་སྲུ་ཚུ་གཞུང་སྐྱོང་ནང་ལུ་བཅའ་མར་གཏོགས་དགོཔ་དེ་ ག་དེམ་ཅིག་ཁག་ཆེཝ་ཨིན་ན་གི་སྐོར་ལས་ ལེགས་ཤེམ་སྦེ་ཧ་གོ་ཚུགས་ཏེ་ཡོདཔ་ཨིན། སྐུལ་ཁྱབ་བརྡ་སྤྲོད་དང་གོ་རྟོགས་ཀྱི་ལས་རིམ་དེ་ ཁྱབ་ཆེ་དྲགས་སྦེ་དར་ཁྱབ་བཏང་སྟེ་ཡོད། དེ་ཡང་ ཨམ་སྲུ་ཚུ་གི་རྒྱལ་ཡོངས་རྒྱང་མཐོང་དང་རླུང་འཕྲིན་ཉན་སྒྲོམ། དེ་ལས་ གསར་ཤོག།གཏམ་བཤད་ལྟདམོ། བསླབ་སྟོན་གྲོས་ཚོགས་ཚུ་ནང་ བཅའ་མར་གཏོགས་དོ་ཡོདཔ་ཨིན་མས། ཨམ་སྲུ་ཚུ་གིས་གཞུང་སྐྱོང་དང་འགོ་ཁྲིདཔ་འབད་ནི་དེ་ ག་དེམ་ཅིག་ཁག་ཆེཝ་ཨིན་ན་གི་སྐོར་ལས་ ཤེས་ཚུགས་ནིའི་དོན་ལུ་ མི་སྡེའི་བརྡ་བརྒྱུད་ཀྱིས་ཕན་ནུས་ཅན་གྱི་ལཱ་འགན་ཅིག་འབག་སྟེ་ཡོདཔ་ཨིན། ལས་སྡེ་དེ་གིས་ ཨམ་སྲུ་གིས་ འགོ་ཁྲིདཔ་གི་གོ་གནས་འབག་མིའི་གནས་སྡུད་ཚུ་བསྡུ་ནི་གི་ལཱ་ཡང་འབད་དོ་ཡོདཔ་དང་། དེ་གིས་སྦེ་ ཨམ་སྲུ་ཚུ་གཞུང་སྐྱོང་དང་འགོ་ཁྲིད་པའི་གྲས་ཁར་གཏོགས་མིའི་གྱངས་ཁ་ཚུ་ ཐོ་བཀོད་བཞག་ནི་ལུ་ཕན་ཐོགས་འབྱུང་དོ་ཡོདཔ་ཨིན་མས།

ཁུངས་གཏུག།

1. Bhutan Networkig For Empowering Women. (n.d.). Objectives and Mission. Retrieved from Objectives, Vision and Mission: https://web.archive.org/web/20220317103421/https://bnew.bt/
2. Bhutan Networking for Empowering Women. (n.d.). Advocacy. Retrieved from Advocacy and awareness raising on women in governance: https://web.archive.org/web/20220123100156/http://bnew.bt/our-programs/
3. Bhutana Networking Empowering Women. (n.d.). Background- BNEW. Retrieved from Why BNEW: https://web.archive.org/web/20220317103421/https://bnew.bt/
4. BNEW. (n.d.). Background- BNEW. Retrieved from Bhutan Network for Empowering Women: https://web.archive.org/web/20220317103421/https://bnew.bt/