ཡོངས་འབྲེལ་ཤེས་ཡོན། Virtual Class

ཡོངས་འབྲེལ་ཤེས་ཡོན་ཟེར་མི་འདི་ དུས་ཀྱི་འཕོ་འགྱུར་དང་རྒྱལ་ཁབ་ཀྱི་ཡར་རྒྱས་གོམ་པ་མདུན་དུ་སྤོཝ་དང་བསྟུན་ ཤེས་ཡོན་ཚུ་ འགྲུལ་འཕྲིན་དང་གློག་རིག་ལ་སོགས་པ་ ཡོངས་འབྲེལ་ལག་ལེན་འཐབ་ཐོག་ལས་ ལྷབ་སྦྱང་འབད་མི་ལུ་སླབ་ཨིན། Maanvizhi, Jaiswal, Narayanan, & Jain (2020) ཚུ་གིས་འབད་བ་ཅིན་ ཡོངས་འབྲེལ་ཤེས་ཡོན་ཟེར་མི་འདི་ ཡོངས་འབྲེལ་གྱི་ཐོག་ལས་ དངོས་སུ་བཟུམ་སྦེ་གདོང་སྐོར་སྦེ་ལྷབ་སྦྱང་འབད་བའི་ཐབས་ལམ་འདི་ལུ་སླབ་ཨིན་མས། ཡོངས་འབྲེལ་ཤེས་ཡོན་འདི་ འཛམ་གླིང་ནང་ལུ་ཁྱབ་སྟེ་འགྱོ་མི་ཀོ་ཝིཌ-༡༩ ལས་བརྟེན་འབྱུང་ཡོདཔ་མི་ སློབ་སྟོན་ཐབས་ཤེས་རིག་པ་གསརཔ་ཅིག་དང་ འཛམ་གླིང་མཐའ་དབུས་མེད་པར་ལག་ལེན་འཐབ་སྟེ་དར་ཁྱབ་འགྱོ་ཡོདཔ་ཨིན། དེ་ཡང་ ཀོ་ཝིད-༡༩ ལས་བརྟེན་ རྒྱལ་ཁབ་ག་ར་ འགྲོ་འགྲུལ་བཀག་སྡམ་འབད་དེ་ མི་ཚུ་རང་སོའི་ཁྱིམ་ནང་བསྡམས་ཏེ་སྡོད་པའི་ནམ་དུས་ལུ་ ལཱ་ཚུ་ཨ་རྟག་ཧ་ལུགས་འབད་མ་ཚུགསཔ་མ་ཚད་ འདི་ནང་ལས་ཡང་ ཤེས་རིག་གི་ལས་སྡེ་ནང་ཐོ་སྦོམ་ཕོག་སྟེ་ ལྷབ་སྦྱང་འབད་ནི་ལུ་ཆད་ལུས་ཡོདཔ་མ་ཚད་ འཕྲོ་མཐུད་ལྷབ་སྦྱང་འབད་ནི་ལུ་དཀའ་ངལ་བྱུང་ཡོདཔ་ཨིན། དེ་བཟུམ་མའི་སློབ་སྟོན་ཐབས་ཤེས་རིག་པ་གསརཔ་ལས་བརྟེན་ ལས་སྡེ་གཞན་ཚུ་དང་ དམིགས་བསལ་དུ་ ཤེས་རིག་གི་ཐད་ཁར་འཕྲོ་མཐུད་དཔེ་ཆ་ལྷབ་སྦྱང་འབད་ནི་ལུ་ ཁེ་ཕན་བྱུང་ཡོདཔ་ཨིན།

Dorji (n.d.) གིས་འབད་བ་ཅིན་ ཡོངས་འབྲེལ་ཤེས་ཡོན་འདི་གིས་སྦེ་ ཤེས་རིག་གི་ཐབས་ཤེས་གསརཔ་འདི་ལུ་གདོང་ལེན་འབད་ནི་དང་ གོམས་གཤིས་ཚུད་ནི། དེ་ལས་ཉམས་མྱོང་ཚུད་ནི་ལུ་ཕན་ཐོགས་བྱུང་ཡི་ཟེར་བཤདཔ་ཨིན་མས། དེ་མ་ཚད་ ང་བཅས་ར་སློབ་ཕྲུག་དང་ སློབ་ཕྲུག་ཚུ་གི་ཕམ་དང་མཉམ་ འབྲེལ་བ་འཐབ་ནི་ལུ་ཡང་ཕན་ཐོགས་བྱུང་ཡི་ཟེར་ཨིནམ་དང་ ད་ཚུན་གྱི་འཕྲོ་མཐུད་མ་ཚུགས་པའི་ལྷབ་སྦྱང་འབད་ནི་ལུ་ ཁེ་ཕན་བྱུང་ཡོད་ཟེར་ཨིན་མས། ཡོངས་འབྲེལ་ཤེས་ཡོན་གྱིས་སྦེ་ སློབ་ཕྲུག་ཚུ་གི་སྟབས་བདེ་ཧིང་དང་འཁྲིལ་ དཔེ་ཆ་སྟོན་ནི་ལུ་ཁེ་ཕན་ཡོདཔ་ལས་ གདོང་སྐོར་སློབ་སྟོན་བཟུམ་ དུས་ཚོད་དང་ཆོས་ཚན་དང་འཁྲིལ་ འབད་མ་དགོ་པའི་ཁེ་ཕན། སློབ་ཕྲུག་ཚུ་ཁོང་རའི་རིག་པ་དང་འཁྲིལ་ཏེ་ལྷབ་སྦྱང་འབད་ནི་གོ་སྐབས་ཡོདཔ་ལས་ སློབ་ཕྲུག་ལ་ལུ་ཅིག་ འགྲོས་ཀྱིས་སྦེ་ལྷབ་སྦྱང་འབད་མི་དང་ དོགས་པ་བཀོད་ནི་ལུ་ཐེ་ཚོམ་མེད་པར་སླབ་ཚུགས་ནིའི་ཁེ་ཕན་འདུག། (Nord Anglia, 2021). དེ་བཟུམ་སྦེ་ EHL insights (2020) གིས་འབད་བ་ཅིན་ ཡོངས་འབྲེལ་ཤེས་ཡོན་གྱིས་སྦེ་ མནོ་བསམ་གཏང་ཐངས་ཡར་དྲག་འགྱོ་ནི་དང་ འཕྲུལ་རིག་གི་རིག་པ་འཕེལ་ནི་ལུ་ཕན་པ་ཡོད་ཟེར་བཤདཔ་ཨིན་མས། ཡོངས་འབྲེལ་ཤེས་ཡོན་ལས་བརྟེན་ ཤེས་ཡོན་རྐྱངམ་གཅིག་གིས་མ་དོ་བར་ རྒྱལ་སྤྱིའི་ཞལ་འཛོམས་དང་ རང་ལུ་ཡོན་ཏན་གསརཔ་འཐོབ་ཚུགས་པའི་ལས་རིམ་ནང་ལས་ཕར་བཅའ་མར་གཏོགས་ནིའི་ཁེ་ཕན་སྦོམ་འདུག།

ཡོངས་འབྲེལ་ཤེས་ཡོན་གྱི་ཁེཕན་ཡོདཔ་དང་གཅིག་ཁར་ གདོང་ལེན་ཡང་འབྱུང་དོ་ཡོདཔ་ཨིན། དེ་ཡང་ Dorji (2021) གིས་འབད་བ་ཅིན་ ཡོངས་འབྲེལ་ཤེས་ཡོན་འདི་གིས་སྦེ་ གདོང་སྐོར་སློབ་སྟོན་བཟུམ་ཅིག་སྟོན་དགོ་པའི་དོན་ཚན་ཚུ་ མགྱོགས་པར་སྟོན་མི་ཚུགས་དོ་ཡོདཔ་ཨིན། ཡོངས་འབྲེལ་གྱི་ཐོག་ལས་ལྷབ་སྦྱང་འབད་ནི་འདི་འཕྲུལ་རིག་དང་འཁྲིལ་དགོ་ནི་འདི་གིས་ རང་གི་མནོ་དོ་བཟུམ་ དུས་ཚོད་དང་འཁྲིལ་སྟོན་མ་ཚུགས་པའི་དཀའ་ངལ་དང་ ཡོངས་འབྲེལ་གྱི་མཉེན་ཆས་ཚུ་ལག་ལེན་འཐབ་ནི་ལུ་དཀའ་ངལ་འབྱུང་ནི། སློབ་ཕྲུག་ཚུ་དུས་རྒྱུན་གྱི་དབྱེ་ཞིབ་ཚུ་ ག་ཅི་གི་ཐོག་ལུ་ཨིན་ན་ མ་ཤེས་པའི་དཀའ་ངལ། སློབ་ཕྲུག་ཚུ་འཕྲུལ་ཆས་བརྒྱུད་འཕྲིན་ལུ་བརྟེན་དགོ་ནི་འདི་གིས་ མང་ཤོས་ར་ཤེས་ཡོན་དང་མ་འབྲེལ་བའི་ལཱ་ ཡོངས་འབྲེལ་གྱི་རྩེདམོ་ཚུ་ལུ་ཤུགས་ཐལ་ནི། སློབ་ཕྲུག་ཚུ་ ལས་འགུལ་དང་སྦྱོང་ལཱ་ཚུ་གིས་ལྗིད་དྲགས་འགྱོ་བ་ལས་ གཅིག་ལས་གཅིག་འདྲ་བཤུས་རྐྱབ་ནི། སློབ་སྟོན་འདི་ཡོངས་འབྲེལ་དང་འཁྲིལ་དགོ་ནི་འདི་གིས་ འཆར་གཞི་བཟོ་མི་དང་འཁྲིལ་འགྱོ་མ་ཚུགས་པའི་དཀའ་ངལ་ཚུ་འབྱུང་མས་ཟེར་བཤདཔ་ཨིན་མས། སློབ་ཕྲུག་རང་གི་ཧོངས་ལས་རྩ་འགེངས་དགོཔ་ལས་ དོགས་པ་དྲིས་རུང་ ཧ་མ་གོ་བའི་སྟབས་ཀྱིས་དུས་ཚོད་ཁར་ སྦྱོང་ལཱ་དང་ལས་འགུལ་ལ་སོགས་པ་ཚུ་སྤྲོད་ནི་ལུ་དཀའ་ངལ་འབྱུང་དོ་ཡོདཔ་ཨིན། དམིགས་བསལ་དུ་ འབྲུག་རྒྱལ་ཁབ་ནང་འབད་བ་ཅིན་ ཡོངས་འབྲེལ་ཚུ་ག་ར་ལུ་འདྲན་འདྲ་སྦེ་ཁྱབ་མ་ཚུགས་པའི་དཀའ་ངལ་ཡོདཔ་ལས་ གདོང་ལེན་སྦོམ་ཤོས་འདི་གིས་འབྱུངམ་ཨིན་མས། དེ་ཡང་ འབྲུག་རྒྱལ་ཁབ་ཀྱི་སའི་ཆགས་ཐངས་ལས་བརྟེན་ ཡོངས་འབྲེལ་ཡོད་རུང་ཁྱབ་མ་ཚུགས་མི་དང་ མཐའ་ཟུར་ནང་ཡོད་པའི་སློབ་ཕྲུག་ལ་ལུ་ ཕམ་མཉམ་ཆུང་གི་བུ་ཚུ་འབད་བ་ལས་ ཁོང་རའི་ཕམ་ལུ་ཡོངས་འབྲེལ་བཏུབ་མིའི་བརྒྱུད་འཕྲིན་མེད་པའི་དཀའ་ངལ་ཡང་ཡོདཔ་ཨིན་མས། Dorji (n.d.) གིས་སླབ་མི་ནང་ འབྲུག་རྒྱལ་ཁབ་ནང་ལུ་ ཡོངས་འབྲེལ་གྱི་ཁྲལ་འདི་མང་བའི་དཀའ་ངལ་ལས་ མི་སེར་མཉམ་ཆུང་ཚུ་ལུ་དཀའ་ངལ་འབྱུང་དོ་ཡོདཔ་ཨིན་མས། དེ་མ་ཚད་ ཆོས་ཚན་ རྩིས་དང་ཚན་རིག། ས་ཆ་རིག་པ་དང་ དཔལ་འབྱོར་རིག་པ་ཚུ་སྟོན་ནི་ལུ་ལཱ་ཁག་དང་ ལྷབ་ནི་ལུ་འབད་རུང་ ལཱ་ཁག་གཏང་མས་ཟེར་ཨིན་མས། དེ་ཡང་ ཆོས་ཚན་འདི་ཚུ་ དངོས་སུ་སྦེ་ལྷབ་སྦྱང་འབད་དགོཔ་དང་ ཚོད་བརྟག་འབད་དགོཔ་ལས་ ལྷབ་བཞགཔ་ཙམ་ཅིག་གིས་ཕན་ཐོགས་ཚུགས་ནི་དང་ ཧ་གོ་བ་ལུ་ལཱ་ཁག་བཏང་པའི་ཆོས་ཚན་ཨིན་པས། ཡོངས་འབྲེལ་གྱི་ཤེས་ཡོན་ལས་བརྟེན་ སྡེ་ཚན་གྱི་ལཱ་དང་ལྟ་བཤལཔ་ཤེས་ཡོན་ཚུ་ལྷབ་སྦྱང་འབད་མི་ཚུགས་དོ་ཡོདཔ་ཨིན། དོ་རུང་ Wangdi, Dema, & Chogyel (2021) གིས་འབད་བ་ཅིན་ སློབ་དཔོན་ཁོང་ར་ཚུ་གིས་འབད་རུང་ མཉེན་ཆས་ཚུ་ལག་ལེན་འཐབ་ནི་ལུ་དཀའ་ངལ་འདུག་ཟེར་བཤདཔ་ཨིན་མས།

ཡོངས་འབྲེལ་གྱི་དཀའ་ངལ་སེལ་ཐབས་ལུ་ སློབ་དཔོན་ཚུ་ལུ་ འཕྲུལ་རིག་དང་མཉེན་ཆས་ལག་ལེན་གྱི་སྐོར་ལས་སྦྱོང་བརྡར་བྱིན་དགོཔ་དང་ Dorji (n.d.) མ་འོངས་པའི་སློབ་དཔོན་ ད་ལྟོ་སྦྱོང་བརྡར་འབད་མི་ཚུ་ལུ་ འཕྲུལ་རིག་དང་འབྲེལ་བའི་ཆོས་ཚན་ཚུ་བཙུགས་དགོཔ་འདུག་ཟེར་བཤདཔ་ཨིན་མས། དེ་དང་གཅིག་ཁར་ ཕམ་ཚུ་གིས་འབད་རུང་ དེ་བཟུམ་མའི་གནས་སྟངས་ནང་ལུ་ རང་གི་བུ་ཚུ་ལུ་རྒྱབ་སྐྱོར་ག་དེ་དྲག་དྲག་འབད་དགོཔ་འདི་གལ་ཆེ་ཤོས་ཅིག་ཨིན་མས། Dorji, (2021) གིས་འབད་བ་ཅིན་ གཞུང་གི་ཁ་ཐུག་ལས་ ཕམ་མཉམ་ཆུང་གི་བུ་ཚུ་ལུ་ བརྒྱུད་འཕྲིན་དང་གློག་རིག་ཚུ་བཀྲམ་སྤེལ་དང་ འབྲུག་བརྒྱུད་འཕྲིན་ཚད་དང་བཀྲ་ཤིས་བརྒྱུད་འཕྲིན་ཚད་དང་གཅིག་ཁར་ཁ་སླབ་སྟེ་ ཡོངས་འབྲེལ་གྱི་ཁྲལ་མར་ཕབ་པ་ཅིན་ དཀའ་ངལ་ཚུ་བསལ་ཚུགས་ནི་དང་ རྒྱལ་ཁབ་ནང་ཡོངས་འབྲེལ་གྱི་ཞབས་ཏོག་འདི་ལེགས་ཤོམ་སྦེ་བཏུབ་སྦེ་བཟོ་སྟེ་ ཡོངས་འབྲེལ་གྱི་ཤུགས་ཚད་ 5G ལ་སོགས་པ་ཚུ་ཡར་སེང་བཏང་པ་ཅིན་ཁེ་ཕན་འབྱུང་ནི་ཨིན་མས།

ཁུངས་གཏུག། Dorji, T. (2021). Problem and Challenges Faced by Students, Parents, and Teachers in Google Classes &Television Lessons. International Journal of Asian Education.

Dorji, T. (n.d.). Online Teaching and Learning. The Druk Journal.

EHL insights. (2020, July 23). 11 advantages of online learning . Retrieved from https://hospitalityinsights.ehl.edu/advantages-of-online-learning

Norbu Wangdi, Y. D. (2021). Online learning amid COVID-19 pandemic: Perspectives of Students. International Journal of Didactical Studies.

Nord Anglia. (2021, March 17). The Importance of Online Learning to students and Teachers . Retrieved from https://www.nordangliaeducation.com/news/2021/03/17the-imporatnce-of-online-learning-to-students-and-teachers

Saba Maanvizhi, J. N. (2020, September). A Review on Virtual Classroom. Indian Journal of Pharmaceutical Education and Research.