རུད་པའི་ཉ་ཀ་ཕུ་ཤེས།
རུད་པའི་ཉ་ཀ་ཕུ་ཤེས་ཟེར་མི་འདི་ དབང་འདུས་ཕོ་བྲང་རྫོང་ཁག་ གཡུས་རུད་པའི་ས་ལས་ཨིན་པས། ཁོ་ར་ ཝང་སི་སི་ལས་ཨིན་མི་བུམོ་ སི་སི་ཕྱུགམོ་ལུ་དགའ་བའི་སྲུང་འདི་ ད་རེས་ནངས་པ་གློག་བརྙན་སྦེ་བཟོ་སྟེ་སྟོན་ཡོདཔ་དང་ གློག་བརྙན་ནང་མོ་འཁྲབ་རྩེདཔ་ རྟ་མགྲིན་བུ་དར་དང་ཕོ་འཁྲབ་རྩེདཔ་རྡོ་རྗེ་དབང་འདུས་གཉིས་ཆ་ར་ སྤྱི་ལོ་ ༢༠༡༩ གི་འཁྲབ་རྩེདཔ་ཕོ་དང་མོ་གཉིས་ཆ་ར་ནང་དྲག་ཤོས་ཀྱི་རྟགས་མ་ཐོབ་ཡོདཔ་ཨིན། སྲུང་འདི་གཞི་ངོ་མ་ར་ དགའཝ་མཐུནམ་གི་བར་ན་ཐ་དམ་ཚིག་སྐོར་ལས་གསལ་སྟོན་འབདཝ་ཨིན་པས། རུད་པའི་ཉ་ཀ་ཕུ་ཤེས་ (སྤྱི་ལོ་ ༢༠༡༨ ཤོག་གྲངས་ ༡-༡༡༧) པའི་ནང་ དུས་རབས་ ༡༩ པའི་ནང་ལུ་ དབང་འདུས་རྫོང་ཁག་ གཡུས་རུད་པའི་ས་ལུ་ ཕམ་གཉིས་ཆ་ར་མེད་པའི་དྭཝ་བུཚ་ཉ་ཀ་ཕུ་ཤེས་ཟེར་ཅིག་སྡོད་སྡོདཔ་ཨིན་པས། ཁོ་ར་ ཕམ་མེད་པའི་བུཚ་མཉམ་ཆུང་ཅིག་ཨིནམ་ལས་ ཟ་ནི་གྱོན་ནི་ཚུ་ཡང་མང་ཤོས་ར་མི་གཞན་ལས་ལྷང་སྟེ་ཟ་དོ་ཡོདཔ་ཨིན་པས། ཁོ་ར་དབང་འདུས་ཚེས་བཅུ་མཇལ་བར་འགྱོ་ནི་སྦེ་ ཁ་ལས་བློ་ཚིག་ ཐིམ་ཕུག་ལྷ་མོའི་སྒྲོམ་མཆོད་ ལམ་ས་ཐག་རིང་སྟེ་འགྱོ་མ་ཚུགསཔ་དང་ སྤུ་ན་ཁའི་ཚེས་བཅུ་གོས་བཟང་གོ་མེད་པར་ མཇལ་མ་ཚུགས་ཟེར་ དབང་འདུས་ཚེས་བཅུ་འདི་ ཨིན་ཅི་མིན་ཅི་ཁོ་ར མཇལ་བར་འགྱོ་དགོ་ཟེར་སེམས་ཐག་བཅད་ནུག། དེའི་ནངས་པ་ མི་ག་ཡང་མ་ལོངསམ་ལས་ ཁོ་དྲོ་པ་ཧ་སག་ལས་ལོངས་ཏེ་མགྱོགས་པར་སོང་སྟེ་ རྫོང་གི་གཤམ་མར་འཛེགས་ཏེ་ ལྟདམོ་བལྟ་ནི་སྦེ་སྡོད་སྡོདཔ་ཨིན་པས། ཁོ་ར་ལྟདམོ་ལྟ་བའི་སྐབས་སུ་ གཟིགས་ར་ནང་ལུ་རྫོང་དཔོན་དང་མགྲོན་གཉེར་གྱི་སྲས་ཚུ ཝང་སི་སི་ཕྱུགམོ་གི་སྐོར་ལས་ ལོ་རྒྱུས་སླབ་སྟེ་བསྟུན་གྲོས་རྐྱབ་སར་གོཝ་ནུག། དེ་བསྒང་ རུད་པའི་ཉ་ཀ་ཕུ་ཤེས་འདི་གིས་ ཐབས་ཤེས་གནས་སྐབས་བཏོན་ཏེ་ སྲས་ཚུ་དང་རྒྱལ་སྤུངས་ ལྟོ་ཚང་བསྡོམས་ཏེ་ཁོང་ཚུ་ འཇའ་རོགས་ཨིནམ་བཟོ་སྟེ་ ཉ་ཀ་ཕུ་ཤེས་ཁོ་ར་དྲག་ཤོས་ཨིནམ་བཟོ་སྟེ་ ཝང་སི་སི་ཕྱུགམོ་འབད་སར་སོང་སྟེ་ ཉ་ཀ་ཕུ་ཤེས་འདི་ཝང་སི་སི་བུམོ་དང་གཉེན་བསྡོམས་ཆི་ནུག། ཨིན་རུང་ ཁོ་ར་ལྟོ་ཚང་ཚུ་དང་གཡུས་ཁར་འགྱོ་ནི་སྦེ་ ལོག་འོང་པའི་སྐབས་ ལམ་ཁར་སྲས་ཚུ་གི་ཧིང་འགྲམ་བཞག་སྟེ་ རྒྱལ་ཡང་སྤྲོད་མ་བཏུབ་པའི་ཁར་ སྦོ་ཡང་ཕྱེ་ཐག་ཐ་དྲང་དཔ་ལས་ ཉ་ཀ་ཕུ་ཤེས་འདི་ ལོག་སྟེ་སི་སི་ཕྱུགམོ་འབད་སར་འགྱོ་མ་ཚུགས་པར་ ཁོ་རའི་སྦ་སྒོར་ནང་ར་སྡོད་དེ་ ཟླཝ་ལངསམ་མ་ལངསམ་ཅིག་ལས་ སི་སི་ཕྱུགམོ་གི་བུམོ་འདི་འོངས་ཏེ་ ཉ་ཀ་ཕུ་ཤེས་འདི་མོ་རའི་གཉེན་གྲོགས་སྦེ་ ལོག་ཝང་ལུ་ཁྱིད་འགྱོ་ཡོདཔ་མས། དེ་ལས་ ཉ་ཀ་ཕུ་ཤེས་བོད་ལུ་ཚོང་རྐྱབ་པར་སོང་སྟེ་ ལོག་ནི་མེད་པར་ལོ་མང་རབས་ལྷག་པའི་ཤུལ་ལུ་ སི་སི་ཕྱུགམོ་འདི་ ཨ་ལུ་སྐྱེ་ནི་སྦེ་ཟླཝ་ ༦ ལངས་སོཔ་ལས་ ཉ་ཀ་ཕུ་ཤེས་ལོག་འོང་པའི་བསྒང་ལས་ ཨ་ལུའི་ཨ་པ་སྐོར་ལས་མ་འགྲིགས་པར་ སྟབས་མ་བདེཝ་ཐོན་པའི་ཤུལ་ལས་ ཡ་མཚན་ཆེ་ཏོག་ཏོ་སྦེ་ ཨ་ལུའི་ཨ་པ་འདི་ཉ་ཀ་ཕུ་ཤེས་ཁོ་ར་ཨིནམ་པའི་ར་ཁུངས་བཀལཝ་ལས་ ག་ར་ཧ་ལས་པའི་ཤུལ་ལུ་དགའ་སྤྲོ་བསྒྱུར་ཏེ་མཇུག་བསྡུཝ་ཨིན་པས།
སྲུང་འདི་ལས་བརྟེན་ཏེ་ ང་བཅས་ཀྱིས་ག་ཅི་ཤེས་དགོཔ་འདུག་ཟེར་བ་ཅིན་ གཙོ་བོ་ར་ཕོ་མོ་གི་བར་ན་དགའ་མ་དགའ་གི་རྣམ་གཞག་རྐྱངམ་གཅིག་མེན་པར་ ཚེ་སྔོན་མའི་ལས་གནམ་བསྐོས་ལུ་ཡང་རག་ལསཔ་ལས་ ག་ཅི་ར་འབད་རུང་ རང་གིས་མནོ་མནོ་བསམས་བསམས་བཞིན་དུ་ འགྲུབ་མི་ཚུགསཔ་ལས་ ཚེ་སྔོན་གྱི་འཕྲོ་ཅིག་ཡང་དགོ་ཟེར་བའི་གསལ་སྟོན་འབདཝ་ཨིན།
རྒྱབ་རྟེན
ཉི་མ་རྡོ་རྗེ་ (༢༠༡༨) རུད་པའི་ཉ་ཀ་ཕུ་ཤེས thimphu: pekhang books.