རྗེ་མཁན་ཁྲི་རབས་༦༨ པ་རྗེ་བཙུན་བསྟན་འཛིན་དོན་གྲུབ་མཆོག་གི་ཞབས་བརྟན།
༄༅། །དཔལ་ལྡན་བླ་མ་དམ་པ་རྗེ་བཙུན་བསྟན་འཛིན་དོན་གྲུབ་མཆོག་གི་ཞབས་བརྟན་བཞུགས་སོ།།
ཨོཾ་སྭསྟི། རྒྱལ་བ་ཀུན་གྱི་མཁྱེན་བརྩེ་ནུས་པའི་འཕྲུལ། །དཔལ་ལྡན་འབྲུག་པ་ངག་གི་དབང་པོ་ཡི། །རྒྱལ་ཚབ་བཀའ་དྲིན་གསུམ་ལྡན་འཁོར་ལོའི་མགོན། །རྗེ་བཙུན་བསྟན་འཛིན་དོན་གྲུབ་ཞབས་བརྟན་གསོལ། །རྣམ་དག་ཚུལ་ཁྲིམས་གོ་ལའི་ལྡིང་ཁང་ན། །ཐོས་བསམ་སྒོམ་པའི་ཡོན་ཏན་ཆ་རྫོགས་ཟླ། །དམ་པའི་ངང་ཚུལ་བདུད་རྩིའི་འོད་དཀར་ཅན། །རྗེ་བཙུན་བསྟན་འཛིན་དོན་གྲུབ་ཞབས་བརྟན་གསོལ། །དེ་ལྟར་གསོལ་བཏབ་བསླུ་མེད་བདེན་པའི་མཐུས། །མགོན་ཁྱོད་བསྟན་དང་འགྲོ་བའི་སྤྱི་དཔལ་དུ། །ཞབས་ཟུང་རྡོ་རྗེའི་ཁྲི་ལས་མི་གཡོ་བར། །བསྐལ་བརྒྱར་ཆོས་འཁོར་བསྐོར་བཞིན་བཞུགས་སུ་གསོལ། །ཅེས་པ་འདིའང་བདེ་ཆེན་ཕོ་བྲང་གི་སློབ་གྲྭ་བ་མགྲིན་གཅིག་ནས་གསོལ་བ་བཏབ་པ་དགེའོ།།