རྫོང་ཁའི་ཞབས་ཁྲ། ༼ཛ་སྡེ་ལས་ཨ་སྡེ་ཚུན།༽

བཀག་རི་ཕོགཔ་ད་མདའ་འཆམ་དང་ བདའ་ཁ་སློག་པའི་སྐབས་ལུ་ཞབས་ཁྲ་རྐྱབ་སྲོལ་ཡོད།

འཛམ་གླིང་སྤྱི་ཚོགས༌འདུས༌པའི།

༉ འཛམགླིངསྤྱིཚོགས༌འདུས༌པའི།། མཁས༌པ༌ཕུལ༌དུ༌ཕྱིན༌པའི།། སྨན༌ལྗོངས༌དབུས༌ཀྱི༌ལྟེ༌བར།། བཀྲིས་ཚེས་བཟང་ཉི་མ་།། མངའ༌བདག༌རྒྱལ༌པོའི༌ཞབས༌པད༌བརྟན༌པ༌ལ༌ཅིག༌དགའ༌སོང༌།། ཕྱི་ཁ་ལུང་ལ་གོང་འཕེལ་འགྲོ་བ་ལས༌ཀྱང༌སྐྱིད།། ཆོས༌རྔའི༌གསེར༌སྒྲ༌སྒྲོག༌པའི།། དགེ༌དང༌ཀུན༌འདུས༌ཚོགས༌བཞིན།། མི་རྣམས་ཚེ་སྲིང་བྱས་པའི།། ཤེསརིག༌ཁང༌བཟང༌འདི༌ནང་།། མངའ༌བདག༌རྒྱལ༌པོའི༌༌༌༌༌༌༌༌༌༌༌༌།།ཕྱི༌ཁ༌ལུང༌ལ༌༌༌༌༌༌༌༌༌༌།། རྒྱལ་བློན་འབངས་སྡོམ་བཞུགས་ནས།། གོས༌དང༌དཀར༌སངས༌རྣམས༌རྒྱལ།། ཟས་མཆོག་རོ་བརྒྱ་ལྡན་པའི།། ཤེས་ཁང་བཅོས་མཉམ་འདི་ནང་།། མངའ༌བདག༌རྒྱལ༌པོའི༌༌༌༌༌༌༌༌༌༌༌༌།།ཕྱི༌ཁ༌ལུང༌ལ༌༌༌༌༌༌༌༌༌༌།། ཡལ་མེད་ལྗོན་ཤིང་འབྲས་བུ།། ཀུན་གསལ་མཆོག་གི་དགྲ་རྣམས།། ཡར་སྤྲོ་ཆགས་ཤིང་འབྲུག་པའི།། རྨ་བྱ་ཕུལ་གྱི་གཙང་མ།། མངའ༌བདག༌རྒྱལ༌པོའི༌༌༌༌༌༌༌༌༌༌༌༌།། ཕྱི༌ཁ༌ལུང༌ལ༌༌༌༌༌༌༌༌༌༌།། མཆོག༌གསུམ༌ལྷ༌ལ༌ཕུལ༌ཏེ།། རྟེན་འབྲེལ་ལྔ་ཟེར་འཛིན༌ཞིང༌།། ཡུད༌གཅིག༌གནམ༌གྱི༌མཁའ༌ལེགས།། ཚད༌མེད༌ཞི༌བའི༌སྡོད༌གནས།། མངའ་བདག་རྒྱལ་པོའི་༌༌༌༌༌༌༌༌༌༌༌༌།། ཕྱི༌ཁ༌ལུང༌ལ༌༌༌༌༌༌༌༌༌༌།། གྲོགས༌སྲིང༌དཀར༌སངས༌སྣང༌བའི།། བློ༌རིག༌ཆོས༌དང༌ལྡན༌པས།། འབངས་རྣམས་བདེ་ཐབས༌སྐྱོང༌བས།། ཕྱོགས༌འདིར༌སྐལ༌བ༌བཟང༌སོང༌།། མངའ༌བདག༌རྒྱལ༌པོའི༌༌༌༌༌༌༌༌༌༌༌༌།། ཕྱི་ཁ་ལུང་ལ་༌༌༌༌༌༌༌༌༌༌།།

འཛམ་གླིང་ས་ཡི་ལྟེ་བ།

༉ འཛམ་གླིང་ས་ཡི་ལྟེ་བ།། འབྲུག་ཡུལ་སྐྱིད་པའི་ལྗོངས་སུ།། རིན་ཆེན་མི་ལུས་བླངས་པས།། སྐྱེས་པའི་སྐལ་བ་བཟང་སོང་།། མངའ་བདག་ཆོས་ཀྱི་རྒྱལ་པོ།། འཇིགས་མེད་སེང་གེ་དབང་ཕྱུག། ས་ཡི་བདག་པོར་བྱོན་པ།། དཔོན་པོའི་སྐལ་བ་བཟང་སོང་།། མཚན་ཙམ་ཐོས་པར་དཀའ་བའི།། བསླུ་མེད་དཀོན་མཆོག་གསུམ་པོ།། གཙུག་གི་ནོར་བུར་ཐོབ་པས།། སྐྱབས་གནས་སྐལ་བ་བཟང་སོང་།། ལྷ་གཅིག་ཨོ་རྒྱན་པདྨ།། དངོས་བྱོན་དྲིན་ཅན་བླ་མ།། མོས་གུས་བཙུགས་ཐབས་མེད་པས།། བློ་གཏད་སྐལ་བ་བཟང་སོང་།། སངས་རྒྱས་བསྟན་པའི་སྙིང་པོ།། འཕགས་ཡུལ་མཁས་པའི་ལེགས་བཤད།། མདོ་སྔགས་གཞུང་ལུགས་མཇལ་བ།། མི་ཚེའི་སྐལ་བ་བཟང་སོང་།། དཔལ་ལྡན་འབྲུག་པའི་གདན་ས།། གསང་ཟབ་ཆོས་ཀྱི་རྫོང་དུ།། བཤད་སྒྲུབ་དགའ་སྟོན་གསར་པ།། བཙུགས་པའི་སྐལ་བ་བཟང་སོང་།། ང་ཚོ་སློབ་གྲྭ་གཞོན་ནུ།། ལྷག་བསམ་དག་པའི་སེམས་ཀྱིས།། ཉིན་མཚན་ཐོས་བསམ་ཟློས་གར།། བསྒྱུར་བའི་སྐལ་བ་བཟང་སོང་།། །།

འཛོམས་འཛོམས།

༉ འཛོམས་འཛོམས་དགའ་སྐྱིད་ཕུན་ཚོགས་ལྷན་ཅིག་འཛོམས།། སྐད་གཅིག་མི་རྟག་འདུས་བྱས་སོ་སོར་སོང་།། སླར་ཡང་ལས་དང་སྨོན་ལམ་རང་དབང་གིས།། དགའ་སྐྱིད་ཕུན་ཚོགས་ཞལ་རས་ལྷན་ཅིག་འཛོམས།། གནམ་ལས་ཤར་བའི་ཉི་ཟླ་གཟའ་སྐར་རྣམས།། སྔ་ཕྱི་དུས་ཚོད་གླིང་བཞི་བསྐོར་བར་སོང་།། སླར་ཡང་གདུལ་བྱའི་སྨོན་ལམ་རང་དབང་གིས།། དགུང་སྔོན་མཐོན་པོར་འཛོམས་པ་ཡ་མཚན་ཆེ།། ནམ་མཁའི་རྒྱན་དུ་གྱུར་པ་སེམས་རེ་དགའ།། དབང་ཆེན་གསེར་གྱི་ས་གཞི་དྭངས་རེ་སྤྲོ།། རྒྱལ་ཁབ་དམ་ཆོས་དར་བ་བཀྲ་རེ་ཤིས།། མངའ་འབངས་ལོངས་སྤྱོད་འཛོམས་པ་གཡང་རེ་ཆགས།། །།

རྫོང་ཆེན་ཡས་ཀྱི་ལྷུན་རྩེ།

༉ རྫོང་ཆེན་ཡས་ཀྱི་ལྷུན་རྩེ།། རྩེ་མོ་ཡས་ལ་གཟིགས་དང་།། རྩེ་མོ་གདུགས་དང་རྒྱལ་མཚན།། གཞན་གྱིས་ཆགས་ས་མིན་འདུག། ཕུ་ཀྲུ་དཀར་མོས་མ་གཏོགས།། གཞན་གྱིས་ཆགས་ས་མིན་འདུག། རྫོང་ཆེན་ཡས་ཀྱི་ལྷུན་རྩེ།། སྐེད་པ་བར་ལ་གཟིགས་དང་།། སྐེད་པ་གཟིམ་ཅུང་ཁྲ་མོ།། གཞན་གྱིས་བཞུགས་ས་མིན་འདུག། དབང་ཆེན་དཔོན་པོ་མ་གཏོགས།། གཞན་གྱིས་བཞུགས་ས་མིན་འདུག། རྫོང་ཆེན་ཡས་ཀྱི་ལྷུན་རྩེ།། རྩ་བ་མས་ལ་གཟིགས་དང་།། རྩ་བ་རྟ་རྭ་གྲུ་བཞི།། གཞན་གྱིས་བཏགས་ས་མིན་འདུག། རྟ་ནག་རྟིང་དཀར་མ་གཏོགས།། གཞན་གྱིས་བཏགས་ས་མིན་འདུག། །།

རྫོང་ཆེན་ལ་སོ་བཀྲིས་ཆོས་རྫོང་།

༉ རྫོང་ཆེན་བཀྲིས་ཆོས་རྫོང་།། འབྲུག་གི་རྒྱལ་ས་ལྟེ་བ།། རང་དབང་ཐོབ་པའི་རྒྱལ་ཁབ།། བཀྲ་ལ་ཤིས་པར་ཤོག། གཡང་ལ་ཆགས་པར་ཤོག། གཡས་སུ་གཡས་ལ་བཞུགས་པའི།། བླ་མ་སྐྱབས་རྗེ་མཁན་པོ།། ཐུགས་རིག་ཞི་བའི་ངང་ནས།། ཆོས་ཀྱི་བསྟན་པ་དར་ཤོག། གཡོན་དུ་གཡོན་ལ་བཞུགས་པའི།། དྲག་པོའི་གཙོ་འཛིན་དཔོན་སློབ།། ཐུགས་རིག་ཁྲོ་བའི་ངང་ནས།། ཕྱི་ཡི་དགྲ་རྣམས་འཇོམས་ཤོག། དབུས་སུ་དབུས་ལ་བཞུགས་པའི།། ཆོས་སྲིད་གཉིས་ཀྱི་མངའ་བདག། ཐུགས་རིག་བྱམས་བརྩེའི་ངང་ནས།། འབངས་རྣམས་ཡར་རྒྱས་གནང་ཤོག། །།

རྫོང་འདི་ཨེ་མ་རོང་གི་ནང་ཤེད་ན།

༉ རྫོང་འདི་ཨེ་མ་རོང་གི་ནང་ཤེད་ན།། རྟ་ཕོ་ཨ་མ་གཅིག་གི་རྟེའུ་ཅུང་གསུམ།། རྟེའུ་ཅུང་ཆེ་བ་རྒྱ་ལ་མ་བཏང་ན།། རྒྱ་ཡུལ་རྒྱ་ནག་རྒྱལ་པོའི་ཆིབས་རྟ་རེད།། རྟེའུ་ཅུང་བར་མ་བོད་ལ་མ་བཏང་ན།། བོད་ཀྱི་སྤྲུལ་པའི་ཆོས་རྒྱལ་ཆིབས་རྟ་རེད།། རྟེའུ་ཅུང་ཆུང་བ་འབྲུག་ལ་མ་བཏང་ན།། འབྲུག་གི་དབང་ཆེན་དཔོན་པོའི་ཆིབས་རྟ་རེད།། ཕུ་འདི་ཡས་ལ་བཞུགས་པའི་སྐུ་གཉེར་ཚུ།། གནས་སྒོ་ཕྱེ་ནས་གནས་བཤད་མ་རྒྱབ་ན།། གཞོན་པ་ང་ཚོ་ས་ཐག་རྒྱང་ནས་ཡོང་།། ས་གཞི་གནག་པོ་འདོམ་གྱིས་འཇལ་ནས་ཡོང་།། སྤྲིན་ཆེན་དཀར་པོ་ཚད་དུ་བཙུགས་ནས་ཡོང་།། །།

ཞི་བ་མི་བཞུགས།

༉ ཞི་བ་མི་བཞུགས་ཞི་བ་བཞུགས།། ཞི་བ་དགུང་སང་མཐོན་པོ་བཞུགས།། མགྲོན་པོ་མི་བཞུགས་མགྲོན་པོ་བཞུགས།། མགྲོན་པོ་ཁྲི་གདུགས་ཉི་མ་བཞུགས།། ཕྱག་གཅིག་གཡས་ལ་རྨ་བྱ་བསྣམས།། རྨ་བྱ་རྒྱ་ལས་མདོངས་སྒྲོ་བསྣམས།། ཕྱག་གཅིག་གཡོན་པ་ཤང་ཤང་བསྣམས།། ཤང་ཤང་བོད་ལས་ཕོད་ཁ་བསྣམས།། གཡས་གཡོན་མེད་པ་སྨན་ཚོགས་བསྣམས།། སྨན་ཚོགས་རྒྱ་ལས་སྨན་ཁུག་བསྣམས།། །།

ཞི་བའི་དགུང་སངས་མཐོན་པོ་བཞུགས།

༉ ཞི་བའི་དགུང་སངས་མཐོན་པོ་བཞུགས།། ཕྱི་ཡི་ལྕགས་རི་ཟླ་བ་བཞུགས།། མགྲོན་པོ་ཁྲི་གདུགས་ཉི་མ་བཞུགས།། ནང་གི་ནོར་བུ་ཟླ་བ་བཞུགས།། ཞི་བའི་གངས་སྟོད་མཐོན་པོ་བཞུགས།། ཕྱི་ཡི་ལྕགས་རི་ཟླ་བ་བཞུགས།། མགྲོན་པོ་ཤཝ་རྒོད་རྭ་བཅུ་བཞུགས།། ནང་གི་ནོར་བུ་ཟླ་བ་བཞུགས།། ཞི་བའི་ནགས་སྟོད་མཐོན་པོ་བཞུགས།། ཕྱི་ཡི་ལྕགས་རི་ཟླ་བ་བཞུགས།། མགྲོན་པོ་སྟག་མོ་རིས་མཛེས་བཞུགས། ནང་གི་ནོར་བུ་ཟླ་བ་བཞུགས།། ཞི་བའི་མཚོ་སྟོད་མཐོན་པོ་བཞུགས།། ཕྱི་ཡི་ལྕགས་རི་ཟླ་བ་བཞུགས།། མགྲོན་པོ་གསེར་མིག་ཉ་མོ་བཞུགས།། ནང་གི་ནོར་བུ་ཟླ་བ་བཞུགས།། །།

ཞིང་མཆོག་རྔ་ཡབ་གླིང་ན།

༉ ཞིང་མཆོག་རྔ་ཡབ་གླིང་ན།། བཞུགས་པའི་ཨོ་རྒྱན་གུ་རུ།། གསོལ་བ་སྙིང་ནས་འདེབས་སོ།། ཐུགས་རྗེའི་སྤྱན་གྱིས་གཟིགས་ཤིག། ངེད་རང་གཞོན་ནུ་ཕོ་མོས།། གླུ་གར་མཆོད་པ་འབུལ་ལོ།། འདི་ཕྱི་བར་དོ་གསུམ་དུ།། འཇིགས་སྐྱོབ་སྐྱེལ་མ་མཛོད་ཅིག། ཟག་མེད་བདེ་ཆེན་སྐྱེད་པའི།། གསང་བ་དབྱིངས་ཀྱི་ཡུམ་ཆེན།། ལྷ་ལྕམ་མནྡ་ར་བ།། མཁའ་འགྲོ་ཡེ་ཤེས་མཚོ་རྒྱལ།། ངེད་རང་གཞོན་ནུ་ཕོ་མོས།། གླུ་གར་མཆོད་པ་འབུལ་ལོ།། མི་མངོན་དབྱིངས་ན་བཞུགས་པའི།། རྩ་གསུམ་དམ་ཅན་ཆོས་སྐྱོང་།། སྙིང་ནས་ཡང་ཡང་དྲན་ན།། མི་འབྲལ་བརྩེ་བས་སྐྱོངས་ཤིག། ངེད་རང་གཞོན་ནུ་ཕོ་མོས།། གླུ་གར་མཆོད་པ་འབུལ་ལོ།། དུང་དུང་གུས་པའི་ཡིད་ཀྱིས།། ལྷང་ལྷང་སྙན་པའི་གླུ་གར།། ཡང་ཡང་མཆོད་པ་ཕུལ་བའི།། དགའ་སྟོན་སྐལ་བ་བཟང་བྱུང་།། ངེད་རང་གཞོན་ནུ་ཕོ་མོས།། གླུ་གར་མཆོད་པ་འབུལ་ལོ།།

ཞིང་མཆོག་འཛམ་བུའི་གླིང་ལ།

༉ ཞིང་མཆོག་འཛམ་བུའི་གླིང་ལ།། སྟོན་མཆོག་ཤཱཀྱའི་རྒྱལ་པོ།། ཆོས་འཁོར་རྣམ་གསུམ་བསྐོར་བའི།། སྐལ་བཟང་འདི་དང་མཇལ་བ།། ཕན་བདེའི་ཉི་མ་ཤར་སོང་།། དགའ་སྐྱིད་ལྷ་ལས་ལྷག་སོང་།། གནས་མཆོག་ཟངས་མདོག་དཔལ་རིར།། ལྷ་གཅིག་ཨོ་རྒྱན་པདྨ།། སྐྱེ་འཆི་མེད་པར་བཞུགས་པའི།། སྐལ་བཟང་འདི་དང་མཇལ་བས།། ཕན་བདེའི་ཉི་མ་ཤར་སོང་།། དགའ་སྐྱིད་ལྷ་ལས་ལྷག་སོང་།། ལྷོ་ལྗོངས་སྐྱིད་པའི་ཚལ་དུ།། ཆོས་རྗེ་དཔལ་ལྡན་འབྲུག་པ།། ལུགས་གཉིས་ཕྱག་ཏུ་བཞེས་པའི།། སྐལ་བཟང་འདི་དང་མཇལ་བས།། ཕན་བདེའི་ཉི་མ་ཤར་སོང་།། དགའ་སྐྱིད་ལྷ་ལས་ལྷག་སོང་།། བཀྲིས་ཆོས་ཀྱི་རྫོང་དུ།། དབང་ཕྱུག་མི་དབང་རིམ་འབྱོན།། འབངས་ཀྱི་མགོན་དུ་བཞུགས་པའི།། སྐལ་བཟང་འདི་དང་མཇལ་བས།། ཕན་བདེའི་ཉི་མ་ཤར་སོང་།། དགའ་སྐྱིད་ལྷ་ལས་ལྷག་སོང་།། སྨན་ལྗོངས་ཆོས་ཀྱི་ཞིང་བདེར།། སྐྱབས་རྗེ་མཁན་པོའི་མཛད་འཕྲིན།། ཆོས་ཀྱི་འཁོར་ལོ་བསྐོར་བའི།། སྐལ་བཟང་འདི་དང་མཇལ་བ།། ཕན་བདེའི་ཉི་མ་ཤར་སོང་།། དགའ་སྐྱིད་ལྷ་ལས་ལྷག་སོང་།། འབྲུག་ལུང་སྐར་མའི་ལྗོངས་སུ།། རྒྱལ་བློན་འབངས་གསུམ་མཐུན་པ།། མངའ་ཐང་དར་ཞིང་རྒྱས་པའི།། སྐལ་བཟང་འདི་དང་མཇལ་བས།། ཕན་བདེའི་ཉི་མ་ཤར་སོང་།། དགའ་སྐྱིད་ལྷ་ལས་ལྷག་སོང་།། །།

གཞོན་པའི་སྤང་གཤོང་བདེ་མོ།

༉ གཞོན་པའི་སྤང་གཤོང་བདེ་མོ་ལ་ཟེར་ན།། དཔལ་ལེགས་བྱམས་པ་ཡོད་པ་ཡོད་ལ་ཟེར་ན།། བདེ་སྐྱིད་ཀྱི་ཉི་མ་འདི་ལ་སྭོ་ཡ།། བཀྲིས་ལུང་པའི་ཕུ་ལུ་ལ་ཟེར་ན།། ལྷས་རིགས་གྲུ་བཞི་ཡ་ལ་ཡོད་རེད།། ལྷས་རིགས་གྲུ་བཞི་ཡ་ལ་ཡོད་རེད།། ལྷས་རིགས་ས་བདེ་སྐྱིད་འཁོརག་ཡོག་ལ་ཟེར་ན།། གསེར་གཡོག་བུ་གསུམ་ཡ་ལ་ཡོད་རེད།། གསེར་གཡོག་བུ་གསུམ་ཡ་ལ་ཡོད་རེད།། གསེར་གཡོག་ས་བདེ་སྐྱིད་འཁོར་གཡོག་ལ་ཟེར་ན།། རྟ་ཕོ་སུམ་ཅུ་ཐམ་པ།། རྟ་ཕོ་སུམ་ཅུ་ཐམ་པ།། རྟ་ཕོ་ས་བདེ་སྐྱིད་འཁོར་གཡོག་ལ་ཟེར་ན།། རྟ་རྭ་གྲུ་བཞི་ཡ་ལ་ཡོད་རེད།། རྟ་རྭ་གྲུ་བཞི་ཡ་ལ་ཡོད་རེད།། །།

བཞུགས་གྲལ་བཞེས་པ་དགའཝ།

༉ བཞུགས་གྲལ་བཞེས་པ་དགའཝ།། སྟེང་ཕྱོགས་ལྷ་ལུ་ཡོད།། ལྷ་ཡི་དབང་པོ་བརྒྱ་བྱིན།། བཞུགས་གྲལ་བཞེས་པར་འབྱོན་ཤོག། བཞུགས་གྲལ་བཞེས་པ་དགའཝ།། བར་ཕྱོགས་བཙན་ལུ་ཡོད།། བཙན་རྒྱལ་ཡ་མ་སྤུན་བདུན།། བཞུགས་གྲལ་བཞེས་པར་འབྱོན་ཤོག། བཞུགས་གྲལ་བཞེས་པ་དགའཝ།། འོག་ཕྱོགས་ཀླུ་ལུ་ཡོད།། ཀླུ་རྒྱལ་གཙུག་ན་རིན་ཆེན།། བཞུགས་གྲལ་བཞེས་པར་འབྱོན་ཤོག། །།

ཟམ་པ་མི་བཙུགས་ཟམ་པ་བཙུགས།

༉ ཟམ་པ་མི་བཙུགས་ཟམ་པ་བཙུགས།། གཅིག་ལ་གཉིས་ལ་གསུམ་ལ་ཟེར་ན།། ཟམ་པ་གསེར་གྱི་ཟམ་པ་བཙུགས།། བཞི་ལ་ལྔ་ལ་དྲུག་ལ་ཟེར་ན།། ཟམ་པ་གསེར་གྱི་ཟམ་པ་བཙུགས།། གསེར་གྱི་ཟམ་པའི་སྟེང་ཤེད་ན།། གཅིག་ལ་གཉིས་ལ་གསུམ་ལ་ཟེར་ན།། མཚན་ལྡན་བླ་མ་འབྱོན་ལ་ས་རེད།། བཞི་ལ་ལྔ་ལ་དྲུག་ལ་ཟེར་ན།། མཚན་ལྡན་བླ་མ་འབྱོན་ལ་ས་རེད།། ཟམ་པ་མི་བཙུགས་ཟམ་པ་བཙུགས།། གཅིག་ལ་གཉིས་ལ་གསུམ་ལ་ཟེར་ན།། ཟམ་པ་དངུལ་གྱི་ཟམ་པ་བཙུགས།། བཞི་ལ་ལྔ་ལ་དྲུག་ལ་ཟེར་ན།། ཟམ་པ་དངུལ་གྱི་ཟམ་པ་བཙུགས།། དངུལ་གྱི་ཟམ་པའི་སྟེང་ཤེད་ན།། གཅིག་ལ་གཉིས་ལ་གསུམ་ལ་ཟེར་ན།། དབང་ཆེན་དཔོན་པོ་འབྱོན་ལ་ས་རེད།། བཞི་ལ་ལྔ་ལ་དྲུག་ལ་ཟེར་ན།། ཟམ་པ་་་་་།།གཅིག་་་་་་་།། ཟམ་པ་དུང་གྱི་ཟམ་པ་བཙུགས།། བཞི་ལ་་་་་།། ཟམ་པ་དུང་གི་ཟམ་པ་བཙུགས།། དུང་གི་ཟམ་པའི་སྟེང་ཤེད་ན།། གཅིག་ལ་་་་་།། ཡབ་ཆེན་ཨ་པ་འབྱོན་ལ་ས་རེད།། བཞི་ལ་་་་་་།། ཡབ་ཆེན་ཨ་པ་འབྱོན་ལ་ས་རེད།། ཟམ་པ་་་་།། གཅིག་ལ་་་་་།། ཟམ་པ་གཡུ་ཡི་ཟམ་པ་བཙུགས།། བཞི་ལ་་་་་་།།གཡུ་ཡི་ཟམ་པའི་སྟེང་ཤེད་ན།། གཅིག་ལ་་་་་་་་།། ཡུམ་ཆེན་ཨ་མ་འབྱོན་ས་རེད།། བཞི་ལ་་་་་་་།། ཡུམ་ཆེན་ཨ་མ་འབྱོན་ལ་ས་རེད།། །།

ཟུང་འཇུག་གཤོག་ཡངས་བརྐྱངས་ཏེ།

༉ ཟུང་འཇུག་གཤོག་ཡངས་བརྐྱངས་ཏེ།། ཆོས་ཉིད་མཁའ་ལ་ལྡིང་བའི།། བྱ་རྒྱལ་ཐང་དཀར་རྒོད་པོ།། ང་ཡིན་ན་ཡང་དགའ་སོང།། ལྟ་བའི་རྩལ་གསུམ་རྫོགས་ནས།། སྒོམ་པ་གངས་རིར་འགྱིངས་ཏེ།། སྤྱོད་པ་བག་ཚ་བྲལ་བའི།། སེང་གེ་ཡིན་ན་དགའ་སོང་།། གྲུབ་གཉིས་ཟིལ་དངར་འཐུང་པས།། ཉམས་རྟོགས་གླུ་དབྱངས་ལེན་ཞིང་།། འོག་མིན་མཁའ་ལ་རོལ་བའི།། རྐང་དྲུག་ཡིན་ན་དགའ་སོང་།། ཆོས་དབྱིངས་རྒྱ་མཚོའི་ཀློང་ནས།། འཁྲུངས་ཀྱང་དེ་ལ་མ་ཆགས།། འགྲོ་བའི་མུན་པ་སེལ་བའི།། ཉི་མ་ཡིན་ན་དགའ་སོང་།། འཁོར་བའི་འདམ་ནས་སྐྱེས་ཀྱང་།། འདམ་གྱི་དྲི་མས་མ་གོས།། མཁྱེན་གཉིས་འདབ་བརྒྱ་བཞད་པའི།། པདྨ་ཡིན་ན་དགའ་སོང་།། །།

གཟིམ་ཅུང་ཤར་གྱི་ཕྱོགས་ལ།

༉ གཟིམ་ཅུང་ཤར་གྱི་ཕྱོགས་ལ།། བླ་མའི་གཟིམ་ཅུང་འདྲ་དོ།། བླ་མའི་གཟིམ་ཅུང་ནང་ལ།། རྒྱབ་ལ་གསེར་ཁྲི་དངུལ་ཁྲི་།། གསེར་ཁྲི་དངུལ་ཁྲིའི་སྟེང་ལ།། བཞུགས་གདན་སྟག་ལྤགས་གཟིག་ལྤགས།། སྟག་ལྤགས་གཟིག་ལྤགས་སྟེང་ལ།། རྒྱལ་བ་བྱམས་པ་བཞུགས་ཡོད།། རྒྱལ་བ་བྱམས་པའི་ཕྱག་ལ།། ཚེ་དབང་བུམ་པ་བསྣམས་ཡོད།། ཚེ་དབང་བུམ་པའི་ཁ་རྒྱན།། རྒྱ་ཡི་རྨ་བྱ་མདོངས་སྒྲོ།། ཚེ་དབང་བུམ་པའི་ན་བཟའ།། རྒྱ་ཡི་དར་དང་གོས་ཆེན།། ཚེ་དབང་བུམ་པའི་བུམ་ཆུ།། ཆུ་ཆེན་གཡས་རི་གཙང་ཆུ།། ཚེ་དབང་བུམ་པའི་བུམ་རྫས།། ཁ་ཆེ་བོད་ཀྱི་དྲི་བཟང་།། རང་དང་འཆམས་རེ་འཆམས་ཚེ།། ཁྲུས་ཆུ་བཞེས་པ་འབྱོན་ཤོག། །།

འོག་མིན་ཞིང་བཀོད་འདྲ་བའི།

༉ འོག་མིན་ཞིང་བཀོད་འདྲ་བའི།། དཔལ་ལྡན་འབྲུག་པའི་རྒྱལ་ཁབ།། དགའ་སྐྱིད་ཕུན་སུམ་ཚོགས་པའི།། རྟེན་འབྲེལ་སྔར་ལས་བཟང་སོང་།། ནང་གི་ནོར་བུ་འདྲ་བ།། མངའ་བདག་སྐུ་ཚེ་བརྟན་ཤོག། ཕྱི་ཡི་ལྕགས་རི་འདྲ་བ།། བློན་འབངས་དར་ཞིང་རྒྱས་ཤོག། ཆོས་སྲིད་ལུགས་གཉིས་བསྟན་པ།། མི་ཉམས་ཡུན་དུ་གནས་ཤོག། རྒྱལ་ཁབ་མངའ་ཐང་དཔལ་འབྱོར།། ཡར་རྒྱས་གོང་འཕེལ་གནང་ཤོག། ནང་གི་ནོར་བུ་འདྲ་བ།། མངའ་བདག་སྐུ་ཚེ་བརྟན་ཤོག། ཕྱི་ཡི་ལྕགས་རི་འདྲ་བ།། བློན་འབངས་དར་ཞིང་རྒྱས་ཤོག། སངས་རྒྱས་བསྟན་པའི་སྲོག་ཤིང་།། དགེ་འདུན་འདུས་པའི་སྡེ་ཚོགས།། ཆོས་ཀྱི་འཁོར་ལོ་བསྐོར་ཞིང་། འགྲོ་རྣམས་ཐར་པར་འདྲེན་ཤོག། ནང་གི་ནོར་བུ་འདྲ་བ།། མངའ་བདག་སྐུ་ཚེ་བརྟན་ཤོག། ཕྱི་ཡི་ལྕགས་རི་འདྲ་བ།། བློན་འབངས་དར་ཞིང་རྒྱས་ཤོག། དཔལ་ལྡན་འབྲུག་པའི་བུ་བརྒྱུད། ན་གཞོན་ཕོ་མོའི་ཚོགས་རྣམས།། ལྷག་བསམ་དག་པའི་སེམས་ཀྱིས།། རྒྱལ་ཁབ་ཞབས་ཏོག་ཞུ་ཤོག། ནང་གི་ནོར་བུ་འདྲ་བ།། མངའ་བདག་སྐུ་ཚེ་བརྟན་ཤོག། ཕྱི་ཡི་ལྕགས་རི་འདྲ་བ།། བློན་འབངས་དར་ཞིང་རྒྱས་ཤོག། ད་རེས་བྱོན་པའི་སྐུ་མགྲོན། སྐུ་ཚེ་ཉི་ཟླ་མཉམ་ཤོག། ཞལ་ལ་ཡང་ཡང་མཇལ་བའི།། བཀྲིས་སྨོན་ལམ་ཞུ་གེ། ནང་གི་ནོར་བུ་འདྲ་བ།། མངའ་བདག་སྐུ་ཚེ་བརྟན་ཤོག། ཕྱི་ཡི་ལྕགས་རི་འདྲ་བ།། བློན་འབངས་དར་ཞིང་རྒྱས་ཤོག། །།

ཡ་བཀྲིས་བཀྲིས་བཀྲ་ལ་ཤིས།

༉ བཀྲིས་བཀྲིས་བཀྲ་ལ་ཤིས།། ཡ་བཀྲིས་ལུང་པའི་ཕུ་ལུ་ཤིས།། ཕུ་ཡས་ཀྱི་ཤེལ་དཀར་བྲག་ལུ་ཡ།། གནས་ཡ་མཚན་ཅན་གྱི་གནས་ཅིག་འདུག། ང་རྒྱང་ལས་འོང་བའི་སྟོང་ལྡན།། ང་མོས་གུས་རྒྱང་ལས་བསྐྱེད་དེ་གིས།། ཕྱག་ཞུ་ཕྱག་གདོང་ལས་འཚལ་ཏེ་གིས།། ང་གནས་ཀྱི་བསྐོར་ར་ཐོན་འོང་ཡི།། ང་གནས་ཀྱི་གོང་ལས་མཇལ་ཟེར་ན།། ང་སྟོང་ལྡན་ལྟཝ་མཐོ་མཐོ་འདྲ།། ང་གནས་ཀྱི་མཇུག་ལས་ལོག་ཟེར་ན།། ང་སྟོང་ལྡན་མོས་གུས་ཆུང་ཆུང་འདྲ།། ད་ཉན་ཅིག་བྲག་བཙན་རྒྱལ་མོ།། ད་གསན་ཅིག་བྲག་བཙན་རྒྱལ་མོ།། ད་གནས་སྒོ་ལན་གཅིག་ཕྱེ་ད་མས།། ཕྲལ་གནས་ལས་གནས་བཤད་མེད་རུང་།། མཇུག་བཟང་པོའི་སྨོན་ལམ་བཏབ་བཞག་དགེ།། །།

ཡ་གི་ལེགས་པའི་ལྡིང་རི་ནང་།

༉ ཡ་གི་ལེགས་པའི་ལྡིང་རི་ནང་།། ལྷ་འདྲེ་ཆགས་པའི་ལྡིང་རི་ནང་།། སྐར་སངས་གསེར་གྱི་བཟང་བུམ་ནང་།། ཡི་དམ་མཁའ་འགྲོ་ཕེབས་ཟེར་ཕེབས།། མཚན་ལྡན་བླ་མ་མའི་མཇལ་ཁ་ནང་།། བྱིན་རླབས་གསུང་སྐད་ཡོད་ཟེར་ཡོད།། །།

ཡ་ལ་སྭོ། དགུང་སྟོད་མཐོན་པོ་མེད་ན།

༉ ཡ་ལ་སྭོ། དགུང་སྟོད་མཐོན་པོ་མེད་ན།། ཁྲི་གདུགས་བཞུགས་ས་མེད།། དགུང་དང་ཁྲི་གདུགས་གཉིས་ཀྱིས།། གླིང་བཞི་མཉམ་དུ་བསྐོར་ཚེ།། དགྲ་གཅན་མེད་པ་དགའ་སོང་།། ཡ་ལ་སྭོ། གངས་སྟོད་མཐོན་པོ་མེད་ན།། སེང་ཆེན་བཞུགས་ས་མེད།། གངས་དང་སེང་ཆེན་གཉིས་ཀྱིས།། གངས་སྟོད་མཉམ་དུ་བསྐོར་ཚེ།། བུ་ཡུག་མེད་པ་དགའ་སོང་།། ཡ་ལ་སྭོ། སྤང་སྟོད་མཐོན་པོ་མེད་ན།། ཤ་བ་འཁྱམས་ས་མེད།། སྤང་དང་ཤ་བ་གཉིས་ཀྱིས།། སྤང་སྟོད་མཉམ་དུ་བསྐར་ཚེ།། ཤ་ཁྱི་མེད་པ་དགའ་སོང་།། མཚོ་སྟོད་མཐོན་པོ་མེད་ན།། གསེར་མིག་འཁྱུགས་ས་མེད།། མཚོ་དང་གསེར་མིག་གཉིས་ཀྱིས།། མཚོ་སྟོད་མཉམ་དུ་བསྐོར་ཚེ།། སྲམ་ཅུང་མེད་པ་དགའ་སོང་།། གཡུས་བཟང་བདེ་མོར་མེད་ན།། ཡབ་ཡུམ་འཁྱམས་ས་མེད།། གཡུས་དང་ཡབ་ཡུམ་གཉིས་ཀྱིས།། གཡུས་བཟང་མཉམ་དུ་བསྐོར་ཚེ།། ན་ཚ་མེད་པ་དགའ་སོང་།།

ཡབ་གཅིག་གསོན་དང་བྲམ་ཟེ་བློ་གྲོས་ལགས།

༉ ཡབ་གཅིག་གསོན་དང་བྲམ་ཟེ་བློ་གྲོས་ལགས།། ཚེ་འདི་མི་རྟག་ནམ་མཁའི་གློག་དང་འདྲ།། མྱུར་དུ་འཇིག་ནས་འཆི་བ་ཡོང་རྒྱུ་ཡིན།། སྤྱི་བོར་ཡི་དམ་ཐུགས་རྗེ་ཆེན་པོ་བསྒོམས།། ཆོས་ཀྱི་སྙིང་པོ་ཡི་གེ་དྲུག་མ་དྲོངས།། ད་ལྟ་རང་གི་སེམས་ལ་ཡང་ཡང་ལྟོས།། ཡུམ་ཆེན་གསོན་དང་བྲམ་ཟེ་མཛེས་མ་ལགས།། ཚེ་འདི་མི་རྟག་ལྡུམ་རའི་མེ་ཏོག་འདྲ།། ཡུན་རིང་མི་སྡོད་འཇིག་པའི་ཆོས་ཅན་རེད།། ནོར་ལ་སྙིང་པོ་མིན་འདུག་སྦྱིན་པ་གཏོང་།། རྒྱུན་དུ་ཡི་དམ་ཐུགས་རྗེ་ཆེན་པོ་སྒོམས།། ཆོས་ཀྱི་སྙིང་པོ་ཡི་གེ་དྲུག་མ་དྲོངས།། །།

ཡར་གྱི་དགུང་སངས་མཐོན་པོ་ས་ལོ་ལོ།།

༉ ཡར་གྱི་དགུང་སངས་མཐོན་པོ་ས་ལོ་ལོ།། དགུང་དང་ཁྲི་གདུགས་ཉི་མ།། ནམ་ཡང་འབྲལ་ས་མིན་འདུག བུ་དང་བུ་མོ་དགའ་བའི་ཞབས་བྲོ་འཁྲབ་སེ་ལོ་ལོ།། ཡར་གྱི་གངས་སྟོད་མཐོན་པོ་ས་ལོ་ལོ།། གངས་དང་སེང་ཆེན་དཀར་པོ།། ནམ་ཡང་འབྲལ་ས་མིན་འདུག བུ་དང་བུ་མོ་དགའ་བའི་ཞབས་བྲོ་འཁྲབ་སེ་ལོ་ལོ།། ཕར་གྱི་སྤང་ཤོག་བདེ་མོ་ས་ལོ་ལོ།། སྤང་དང་ཤཝ་རྒོད་རྭ་བཅུ།། ནམ་ཡང་འབྲལ་ས་མིན་འདུག བུ་དང་བུ་མོ་དགའ་བའི་ཞབས་བྲོ་འཁྲབ་སེ་ལོ་ལོ།། མར་གི་མཚོ་སྟོད་མཐོན་པོ་ས་ལོ་ལོ།། མཚོ་དང་གསེར་མིག་ཉ་མོ།། ནམ་ཡང་འབྲལ་ས་མིན་འདུག བུ་དང་བུ་མོ་དགའ་བའི་ཞབས་བྲོ་འཁྲབ་སེ་ལོ་ལོ།། ཕར་གྱི་གཡུས་བཟང་མཐོན་པོ་ས་ལོ་ལོ།། གཡུས་དང་ཡབ་ཡུམ་གཉིས་ཀུ།། ནམ་ཡང་འབྲལ་ས་མིན་འདུག བུ་དང་བུ་མོ་དགའ་བའི་ཞབས་བྲོ་འཁྲབ་སེ་ལོ་ལོ།། །།

ཡར་གྱི་དགུང་སངས་མཐོན་པོའི་ཕྱོགས་ལ། ༡ པ།

༉ ཡར་གྱི་དགུང་སངས་མཐོན་པོའི་ཕྱོགས་ལ།། ཁྲི་གདུགས་སྤུན་གསུམ་ཤར་ཡོད།། ད་རེས་ཤར་བའི་ཁྲི་གདུགས་ཉི་མ།། དྲོད་ཉམས་ཤར་བའི་རྟེན་འབྲེལ་ཅིག་བཟང་སོང་།། ཡར་གྱི་གངས་སྟོད་མཐོན་པོའི་ཕྱོགས་ལ།། སེང་གེ་གཡུ་རལ་གཉིས་ཀུ།། ད་རེས་མཇལ་བའི་རྟེན་འབྲེལ་ཅིག་བཟང་སོང་།། ནམ་ཡང་གངས་སྟོད་བསྐོར་བ་ཅིག་མི་བཏང་།། ཕར་གྱི་སྤང་གཤོང་བདེ་མོའི་ཕྱོགས་ལ།། ཤ་བ་ཕོ་མོ་གཉིས་ཀུ། སྤང་སྟོད་བསྐོར་བའི་སྤྲོ་ཉམས་ཅིག་ཡོད་པ།། སྤང་དང་ཤ་བ་འབྲལ་ས་ཅིག་མིན་འདུག། མར་གྱི་མཚོ་སྟོད་གཞུང་མའི་དཀྱིལ་ལ།། གསེར་མིག་ཉ་མོ་གཉིས་ཀུ། ཉ་མོ་ལྕགས་དཀྱུ་ནམ་ཡང་ཅིག་མ་བཏབ།། མཚོ་མོའི་དཀྱིལ་ལ་མཛེས་ཆ་ཅིག་བཞུགས་ཡོད།། ཕར་གྱི་གཡུས་བཟང་མཐོན་པོའི་ཕྱོགས་ལ།། ཚོགས་དམང་སྨན་ཆུང་གཉིས་ཀུ། འབྲལ་བསམ་ཐུགས་ལ་མ་བསྣམས་ཅིག་ཞེས་པའི།། གཡུས་བཟང་བསྐོར་བའི་རྟེན་འབྲེལ་ཅིག་བཟང་སོང་།། །།

ཡར་གྱི་དགུང་སངས་མཐོན་པོའི་ཕྱོགས་ལ། ༢ པ།

༉ ཡར་གྱི་དགུང་སངས་མཐོན་པོའི་ཕྱོགས་ལ།། མདའ་མོ་གཏོང་ཤོག་གསུངས་དོ།། གཞུ་མོ་བཀུག་ཤོག་གསུངས་དོ།། དགུང་དང་ཁྲི་གདུགས་གཉིད་ལས་མེད་པ།། མདའ་མོ་ལ་བཏང་ནས་གང་བྱེད།། གཞུ་མོ་བཀུག་ནས་གང་བྱེད།། གཞོན་པའི་ཨོ་ལོ་རྣམ་པ་ང་ཚོ།། དགའ་བའི་བྲོ་གཅིག་འཆམ་གེ།། སྐྱིད་པའི་གླུ་གཅིག་ལེན་གེ། དགའ་སྐྱིད་ཕུན་སུམ་ཚོགས་པའི་ཞབས་བྲོ།། ཞབས་བྲོ་ལེགས་མོ་གཅིག་གཉིས་གསུམ།། ཞབས་བྲོ་ལེགས་མོ་བཞི་ལྔ་དྲུག། བཀྲིས་བཀྲིས་བཀྲིས་ལུང་པའི་ཕུ་ལ།། གསེར་གྱི་བུམ་པ་བཟོ་ལ་ཡག་ག་གཅིག་བྱས།། བུམ་པའི་ཁ་རྒྱན་རྨ་བྱ་མདོངས་སྒྲོ་གཉིས་བྱས།། བུམ་པའི་ནང་གི་བུམ་རྫས་ཡག་མོ་གསུམ་བྱས།། འདི་གསུམ་འཛོམས་པ་བླ་མའི་ཕྱག་ལ་ཕུལ་ནས།། བླ་མའི་ཕྱག་ལས་ཆོས་ཀྱི་དངོས་གྲུབ་ཞུ་གེ།། །།

ཡར་གྱི་དགུང་སངས་ཕྱོགས་ལ།

༉ ཡར་གྱི་དགུང་སངས་ཕྱོགས་ལ།། ཨོ་ལོས་གླུ་གཅིག་གཏང་གེ། ཁྲི་གདུགས་བཞུགས་ས་ཉི་ཟེར་དགུང་ལས་ཡར།། ཡར་གྱི་གངས་སྟོད་ཕྱོགས་ལ།། ཨོ་ལོས་གླུ་གཅིག་གཏང་གེ། སེང་གེ་བཞུགས་ས་སེང་ཕྲུག་དགུང་ལས་ཡར།། ཕར་གྱི་སྤང་གཤོང་ཕྱོགས་ལ།། ཨོ་ལོས་གླུ་གཅིག་གཏང་གེ། ཤ་བ་བཞུགས་ས་ཤ་ཕྲུག་དགུང་ལས་ཡར།། ཕར་གྱི་ནགས་སྟོད་ཕྱོགས་ལ།། ཨོ་ལོས་གླུ་གཅིག་གཏང་གེ། སྟག་མོ་བཞུགས་ས་སྟག་ཕྲུག་དགུང་ལས་ཡར།། མར་གྱི་མཚོ་སྟོད་ཕྱོགས་ལ།། ཨོ་ལོས་གླུ་གཅིག་གཏང་གེ། གསེར་མིག་བཞུགས་ས་ཉ་ཕྲུག་དགུང་ལས་ཡར།། ཡར་གྱི་དགོན་བཟང་ཕྱོགས་ལ།། ཨོ་ལོས་གླུ་གཅིག་གཏང་གེ། མཚན་ལྡན་བཞུགས་ས་འདུས་ཚོགས་དགུང་ལས་ཡར།། ཕར་གྱི་རྫོང་སྟོད་ཕྱོགས་ལ།། ཨོ་ལོས་གླུ་གཅིག་གཏང་གེ། དབང་ཆེན་བཞུགས་ས་ཚོགས་དམང་དགུང་ལས་ཡར།། ཕར་གྱི་ཡུལ་བཟང་ཕྱོགས་ལ།། ཨོ་ལོས་གླུ་གཅིག་གཏང་གེ། ཡབ་ཡུམ་བཞུགས་ས་སྟག་ཤར་དགུང་ལས་ཡར།། །།

ཡར་ནམ་མཁའ་ཡངས་པའི་དཀྱིལ་འཁོར་ནང་།

༉ ཡར་ནམ་མཁའ་ཡངས་པའི་དཀྱིལ་འཁོར་ནང་།། ཁྱོད་དཀར་གསལ་ཟླ་བ་འོད་ཟེར་ཆེ།། ཞལ་འཛུམ་མདངས་ཆེ་བའི་དཀར་གསལ་ཁྱོད།། རྐྱེན་བར་ཆད་སྒྲ་གཅན་མེད་པར་དགའ།། ཡར་རབ་དཀར་གངས་རི་མཐོན་པོའི་ནང་།། ཁྱོད་སེང་ཆེན་དཀར་མོ་གཡུ་རལ་རྒྱས།། ཁྱོད་དཔའ་རྩལ་ཆེ་བའི་སེང་ཆེན་ཚུ།། རྐྱེན་བར་ཆད་བུ་ཡུག་མེད་པར་དགའ།། ཕར་སྔོ་ལྗང་སྤང་གཤོང་བདེ་མོའི་ནང་།། ཁྱོད་སྤུ་མདོག་མཛེས་པའི་ཤ་བ་ཁྱོད།། ལུས་དགའ་བའི་ཕང་རིལ་བསྒྱུར་བའི་ཚེ།། རྐྱེན་བར་ཆད་ཤ་ཁྱི་མེད་པར་དགའ།། ཕར་སྐྱེད་ཚལ་མཛེས་པའི་ལྡུམ་རས་ནང་།། མདངས་ཆེ་བའི་མེ་ཏོག་སྣ་ཚོགས་ཤར།། ས་འཛམ་གླིང་དྲི་ཞིམ་གང་བའི་ཚེ།། རྐྱེན་བར་ཆད་བ་མོ་མེད་པར་དགའ།། གཡུས་སྨན་ལྗོངས་འབྲུག་གི་རྒྱལ་ཁབ་ནང་།། དཔལ་མི་དབང་ཆོས་རྒྱལ་མཁྱེན་བརྩེ་ཆེ།། ཐུགས་བརྩེ་བའི་མི་དབང་མངའ་བདག་མཆོག། རྐྱེན་བར་ཆད་འཁྲུག་རྩོད་མེད་པར་དགའ།། །།

ཡར་ཡར་ད་ལེ་ཨེ།

༉ ཡར་ཡར་ད་ལེ་ཨེ།། ཤར་རི་དྭགས་སྒང་གི་རྩེ་མོ་རུ།། སེར་པོ་གསེར་གྱིས་བཞེངས་པའི་མཆོད་རྟེན་འདི།། སུ་དང་གང་གིས་བཞེངས་པའི་མཆོད་རྟེན་མེན།། མཚན་ལྡན་བླ་མས་བཞེངས་པའི་མཆོད་རྟེན་ཡིན།། རྩེ་མོ་ཡིན་ཟེར་དར་ཅོག་འཕྱར་ནས་ཡོད།། སྐེད་པ་ཡིན་ཟེར་ཡོན་ཆབ་ཕུལ་ནས་ཡོད།། རྩ་བ་ཡིན་ཟེར་བསྐོར་བ་རྒྱབ་ནས་ཡོད།། ཞབས་བྲོ་མང་པོ་མི་ཤེས་ཨ་ལེགས་གཅིག་ཤེས།། གསུང་དབྱངས་མང་པོ་མི་ཤེས་ཨ་ལེགས་གཅིག་ཤེས།། གླུ་གར་མཆོད་པ་རྩ་གསུམ་ལྷ་ལུ་ཕུལ།། །།

ཡར་ཡར་རི་མགོའི་རྩེ་ལས།

༉ ཡར་ཡར་རི་མགོའི་རྩེ་ལས།། ཁྲི་གདུགས་ཉི་མ་ཤར་བྱུང་།། འོད་ཟེར་ཀུན་ལ་ཁྱབ་ནས།། འགྲོ་བའི་མུན་པ་སེལ་སོང་།། གསེར་ཤོག་སྤང་གི་སྦུག་ལས།། སྤོས་དཀར་བསང་ཤིང་འཁྲུངས་ཡོད།། དྲི་ཞིམ་བསང་ཀྱི་མཆོད་པ།། དཀོན་མཆོག་གསུམ་ལ་ཕུལ་གེ།། ལ་དང་ལུང་གི་བར་ལ།། གཡག་དང་ནོར་གྱིས་གང་སོང་།། འོ་མ་མར་གྱི་མཆོད་པ།། གཞི་བདག་རྣམས་ལ་ཕུལ་གེ།། དཔལ་ལྡན་འབྲུག་པའི་རྒྱལ་ཁབ།། དགའ་ལྡན་ལྷ་ཡུལ་འདྲ་སོང་།། དགའ་དང་སྐྱིད་པའི་བདེ་བ།། ནམ་ཡང་འགྱུར་ས་མིན་འདུག། གོང་ལུ་མི་དབང་མངའ་བདག། སྐུ་ཚེ་ཞབས་པད་བརྟན་ཤོག། འཁོར་འབངས་མངའ་ཐང་རྒྱས་པའི།། སྨོན་ལམ་ཡང་ཡང་བཏབ་ཤོག། སྟག་ཤར་གཞོན་པའི་ཞབས་བྲོ།། གསེར་ཤོག་སྤང་ལ་འཁྱམས་གེ།། སྨན་ཆུང་ལེགས་པའི་མེ་ཏོག། གླུ་གར་གཟིགས་པར་འབྱོན་ཤོག། །།

ཡར་ཡར་རི་གསུམ་འཛོམས་ས།

༉ ཡར་ཡར་རི་གསུམ་འཛོམས་ས།། ཤིང་མོ་རུ་རུ་ཟེརཝ་མས་སྣང་ས་མ།། ཤིང་ཆེན་ཆེ་བའི་མཚན་ལ།། ཙན་དན་སྡོང་པོ་ཟེརཝ་མས་སྣང་ས་མ།། ཤིང་ཆེན་བར་མའི་མཚན་ལ།། ལྷ་ཤིང་ཤུག་པོ་ཟེརཝ་མས་སྣང་ས་མ།། ཤིང་ཆེན་ཆུང་བའི་མཚན་ལ།། སྤོས་དཀར་བསངས་ཤིང་ཟེརཝ་མས་སྣང་ས་མ།། ཕར་ཕར་གཡུས་ཀྱི་གཞུང་ལ།། མི་དམང་རུ་རུ་ཟེརཝ་མས་སྣང་ས་མ།། མི་ཆེན་ཆེ་བའི་མཚན་ལ།། དབང་ཆེན་དཔོན་པོ་ཟེརཝ་མས་སྣང་ས་མ།། མི་ཆེན་བར་མའི་མཚན་ལ།། སྟག་ཤར་གཞོནམ་ར་ཟེརཝ་མས་སྣང་ས་མ།། མི་ཆེན་ཆུང་མའི་མཚན་ལ།། སྨན་ཆུང་བུམ་ར་ཟེརཝ་མས་སྣང་ས་མ།། འདི་གསུམ་འཛོམས་པའི་སྦུག་ལས་།། གླུ་གར་བསྒྱུར་ཤོག་ཟེརཝ་མས་སྣང་ས་མ།། །།

ཡར་ཡར་ཤིང་མོའི་རྩེ་ལ།

༉ ཡར་ཡར་ཤིང་མོའི་རྩེ་ལ།། ཚེ་རིང་ལའི་ཚོ་ཚོ།། བྱ་མོ་སྐྱིད་པོ་བྱུང་སོང་།། ཚེ་རིང་ལའི་ཚོ་ཚོ།། བྱ་མོ་སྐྱིད་པོ་མ་རེད།། ཚེ་རིང་ལའི་ཚོ་ཚོ།། ཤིང་མོ་བཀྲིན་ཆེ་སོང་།། ཚེ་རིང་ལའི་ཚོ་ཚོ།། མར་མར་ཆུ་མོའིགཞུང་ལ།། ཚེ་རིང་ལའི་ཚོ་ཚོ།། ཉ་མོ་སྐྱིད་པོ་བྱུང་སོང།། ཚེ་རིང་ལའི་ཚོ་ཚོ།། ཉ་མོ་སྐྱིད་པོ་མ་རེད།། ཚེ་རིང་ལའི་ཚོ་ཚོ།། མཚོ་མོ་བཀའ་དྲིན་ཆེ་སོང་།། ཚེ་རིང་ལའི་ཚོ་ཚོ།། མར་མར་གཡུས་ཀྱི་གཞུང་ལ།། ཚེ་རིང་ལའི་ཚོ་ཚོ།། སྨན་ཆུང་སྐྱིད་པོ་བྱུང་སོང་།། ཚེ་རིང་ལའི་ཚོ་ཚོ།། སྨན་ཆུང་སྐྱིད་བུ་མ་རེད།། ཚེ་རིང་ལའི་ཚོ་ཚོ།། ཡབ་ཡུམ་བཀྲིན་ཆེ་སོང་།། ཚེ་རིང་ལའི་ཚོ་ཚོ།། །།

ཡརགྱི་དགུང་སྔོན་དབྱིངས་ལ།

༉ ཡརགྱི་དགུང་སྔོན་དབྱིངས་ལ།། མཛེས་པའི་རྒྱུ་སྐར་མང་ཡང་།། གླིང་བཞིའི་མུན་པ་སེལ་མཁན།། ཁྲི་གདུགས་ཉི་མ་མིན་ནམ།། འགྲོ་དྲུག་ཐར་ལམ་འདྲེན་པའི།། སེམས་དཔའ་རྒྱ་མཚོའི་དབུས་ན།། ཐུགས་རྗེ་མཚུངས་ཟླ་མེད་པ།། སྤྱན་རས་གཟིགས་དབང་མཁྱེན་ནོ།། རྒྱ་བོད་རིག་འཛིན་དབུས་ན།། མཐུ་སྟོབས་འགྲན་ཟླ་བྲལ་བ།། སྔགས་འཆང་ཨོ་རྒྱན་པད་མར།། གསོལ་བ་སྙིང་ནས་འདེབས་སོ།། སྔར་དུས་མོན་པའི་ཡུལ་འདི།། གཡུ་འབྲུག་སྔོན་མོའི་གསུང་གིས།། ཁྱབ་མཛད་ངག་དབང་རྣམ་རྒྱལ།། ད་དུང་ཐུགས་རྗེས་གཟིགས་ཤིག། འཛམ་གླིང་རྒྱལ་ཁབ་དབུས་ན།། འབྲུག་ཡུལ་སྐྱིད་པའི་ཞིང་ཁམས།། དགའ་སྐྱིད་དཔལ་གཡང་འཛོམས་པ།། མི་དབང་རྒྱལ་པོའི་སྐུ་དྲིན།། རང་ཅག་འབྲུག་གི་མི་སེར།། ཞིང་འདིར་སྐྱེས་པའི་སྐལ་བཟང་།། སྟོང་གསུམ་ནོར་གྱིས་གང་ཡང་།། རིན་གྱིས་ཉོ་ས་མི་འདུག། དད་དམ་གསེར་གྱི་མེ་ཏོག། ལྷག་བསམ་གཡུ་ཡི་པ་ཏྲ།། མ་བྲིས་སྙིང་གི་རི་མོར།། ནམ་ཡང་འགྱུར་བ་མ་གནང་།། །།

ཡས་ཀྱི་དགུང་སངས་མཐོན་ལ་མོ།

༉ ཡས་ཀྱི་དགུང་སངས་མཐོན་ལ་མོ།། ཨ་མ་ལེགས་ཨོ།། ཤོག་གུ་རྒྱ་གཤོག་དཀར་ཅུང་།། འབྲུག་གཞུང་གཞུང་གིཞབསབྲོ།། ཡི་གུ་ཤེས་པའི་འདུག་ལ་མོ།། ཨ་མ་ལེགས་ཨོ།། ཡི་གུ་ལྷ་ལ་ཕུལ་ཤོག། འབྲུག་གཞུང་གཞུང་གི་ཞབས་བྲོ།། ཡི་གུ་མ་ཤེས་འདུག་ལ་མོ།། ཨ་མ་ལེགས་ཨོ།། ལྟད་མོ་ལ་རྒྱང་ལས་གཟིགས་ཤོག། འབྲུག་གཞུང་གཞུང་གི་ཞབས་བྲོ།། ཡས་ཀྱི་གངས་སྟོདམཐོན་ལ་མོ།། ཨ་མ་ལས་ཨོ།། ཤོག་གུ་རྒྱ་ཤོག་དཀར་ཅུང་།། འབྲུག་གཞུང་གཞུང་གི་ཞབས་བྲོ།། ཡི་གུ་ཤེས་པའི་འདུག་ལ་མོ།། ཨ་མ་ལེགས་ཨོ།། ཡི་གུ་ལྷ་ལ་ཕུལ་ཤོག། འབྲུག་གཞུང་གཞུང་གི་ཞབས་བྲོ།། ཡི་གུ་མ་ཤེསའདུག་ལ་མོ།། ཨ་མ་ལེགས་ཨོ།། ལྟད་མོ་ལ་རྒྱང་ལས་གཟིགས་ཤོག། འབྲུག་གཞུང་གཞུང་གི་ཞབས་བྲོ།། །།

ཡུལ་ཡང་མི་འདྲ་རྒྱལ་ཡུལ་པདྨའི་ཐང་།

༉ ཡུལ་ཡང་མི་འདྲ་རྒྱལ་ཡུལ་པདྨའི་ཐང་།། མི་ཡང་མི་འདྲ་རྒྱ་བཟའ་དབང་ཕྱུག་མ།། དབང་ཕྱུག་དགའ་བ་བོད་ལ་བྱོན་པ་མིན།། གནམ་བསྐོས་བོད་ལ་བཀོད་དེ་མ་གཏོགས་པ།། ཡུལ་ཡང་མི་འདྲ་སྣང་ས་ཡུལ་བཟང་འདི།། མི་ཡང་མི་འདྲ་སྣང་སའི་བུ་མོ་བཞུགས།། སྣང་ས་དགའ་བ་ཆོས་ལ་བྱོན་པ་མིན།། ལས་འཕྲོ་ཆོས་ལ་བཀོད་དེ་མ་གཅོགས་པ།། ཆོས་ལ་མི་འདྲ་བཀའ་འགྱུར་བསྟན་འགྱུར་བཞེངས།། ཆོས་ཀྱི་ཡོན་ཏན་ཀུན་ལ་ཁྱབ་པར་ཤོག། བཟའ་མོ་ཆོས་ཀྱི་གོ་འཕང་ཐོབ་པར་ཤོག། །།

གཡུས་བསྐལ་པ་བཟང་པོའི་འཛམ་གླིང་ནང་།

༉ གཡུས་བསྐལ་པ་བཟང་པོའི་འཛམ་གླིང་ནང་།། ལྷ་མཆོག་གྱུར་ཤཱཀྱའི་རྒྱལ་པོ་བྱོན།། ཆོས་ཐེག་པ་གསུམ་གྱི་འཁོར་ལོ་བསྐོར།། མི་དད་པ་ཅན་ཚུ་ཐར་པ་ཐོབ།། ཆོས་སྙིང་པོ་བཛྲ་གུ་རུ་བགྲངས།། ཚེ་ད་རེས་སྐྱིད་པའི་བདེ་བ་ཐོབ།། ཚེ་ཕྱི་མ་དག་པའི་ཞིང་དུའགྲོ།། ཤོ་མོ་ཨ་ལེགས་ཟེར་རུང་མཆོད་པ་ཕུལ།། །།

གཡུས་ཆུང་བཀྲ་ལ་ཤིས་པའི་ཕུ་ཞིག་ན།

༉ གཡུས་ཆུང་བཀྲ་ལ་ཤིས་པའི་ཕུ་ཞིག་ན།། མདའ་མོ་གསེར་ལས་སྒྲུབ་པའི་ཆ་གཅིག་ཡོད།། མདའ་མོ་གསེར་མདའ་མ་རེད་ཕྱག་མདའ་རེད།། ཆོས་རྒྱལ་ནོར་བཟང་རྒྱལ་པོའི་ཕྱག་མདའ་རེད།། མདའ་མོ་རང་ཡུལ་མ་བཞག་མི་ཡུལ་བཏང་།། མི་ཡུལ་ལུང་པའི་ཕྱོགས་སུ་བག་ཆགས་བཞག། ཕྱག་གཅིག་གཡས་པར་ཚེ་དབང་བུམ་པ་བསྣམས།། ཚེ་དབང་བུམ་པ་སྐུ་ཚེ་རིང་བར་ཤོག། ཕྱག་གཅིག་གཡོན་པར་བཀྲ་ཤིས་ཁ་དར་བསྣམས།། བཀྲིས་ཁ་དར་བཀྲ་ལ་ཤིས་པར་ཤོག། གཡུས་ཆུང་བཀྲ་ལ་ཤིས་པའི་ཕུ་ཞིག་ན།། མདའ་མོ་དངུལ་ལས་སྒྲུབ་པའི་ཆ་གཅིག་ཡོད།། མདའ་མོ་དངུལ་མདའ་མ་རེད་ཕྱག་མདའ་རེད།། ཆོས་རྒྱལ་ནོར་བཟང་རྒྱལ་པོའི་ཕྱག་མདའ་རེད།། མདའ་མོ་རང་ཡུལ་མ་བཞག་མི་ཡུལ་བཏང་།། མི་ཡུལ་ལུང་པའི་ཕྱོགས་སུ་བག་ཆགས་བཞག། ཕྱག་གཅིག་གཡས་པར་ཚེ་དབང་བུམ་པ་བསྣམས།། ཚེ་དབང་བུམ་པ་སྐུ་ཚེ་རིང་བར་ཤོག། ཕྱག་གཅིག་གཡོན་པར་བཀྲ་ཤིས་ཁ་དར་བསྣམས།། བཀྲིས་ཁ་དར་བཀྲ་ལ་ཤིས་པར་ཤོག། །།

གཡུས་བཟང་འབྲུག་གི་རི་ལ།

༉ གཡུས་བཟང་འབྲུག་གི་རི་ལ།། གསེར་གྱི་མཚོ་མོ་འཁྱིལ་ཡོད།། གསེར་གྱི་མཚོ་མོའི་ནང་ལས།། གསེར་གྱི་བུམ་པ་འཁྲུངས་ཡོད།། གསེར་གྱི་བུམ་པའི་ནང་ལས།། གསེར་གྱི་མེ་ཏོག་ཤར་ཡོད།། མེ་ཏོག་བུམ་པ་ཆ་འདི།། བླ་མའི་ཕྱག་ལུ་ཕུལ་ཡོད།། བླའི་ཕྱག་ལས་ཞུ་ནས།། མཆོད་བཤམ་ཁྲ་མོར་ཕུལ་ཡོད།། མཆོད་བཤམ་ཁྲ་མོར་ཕུལ་ནས།། གླུ་དབྱངས་དངོས་གྲུབ་ཞུ་ཡོད།།

རང་ཡུལ་བུམ་ཐང་ལུང་པ་ལུ།

༉ རང་ཡུལ་བུམ་ཐང་ལུང་པ་ལུ།། ང་ཚོ་དཔོན་དང་མི་དམངས་ཀྱི།། ཁོག་པའི་སྙིང་དང་ཡིད་བཞིན་ནོར།། རྒྱལ་བའི་མངའ་བདག་ཆོས་ཀྱི་རྗེ།། ད་ལོར་ལན་གཅིག་བྱོན་པ་ནི།། བསྐལ་པ་བཟང་པོའི་ཉི་མ་ཤར།། འཇའ་ལུས་ནམ་མཁའི་སྤྲིན་རྩེ་ནས།། རྫུ་འཕྲུལ་ནམ་མཁའི་འོད་ཁྱིམ་དུ།། བཞུགས་གསོལ་སྤྱན་ཟུང་གཡོ་བ་ནི།། ཞལ་འཛུམ་ལྡན་པ་ཡ་ལ་ནི།། འབྲུག་སྟོང་ལྡིར་བའི་སྒྲ་དང་བཅས།། སྐད་ཅིག་ཡུན་དུ་ཕྱག་ཕེབས་པ།། ལུང་པ་ཕུན་ཚོགས་འདི་ཡི་རྟེན།། དཔལ་དང་འབྱོར་པ་གཡང་ཆགས་ཞུ།། ད་རུང་པདྨའི་གདན་ཁྲི་རུ།། ང་ཚོ་སྐྱེ་འགྲོ་ཡོངས་ཀྱི་ལྷ།། ཐུགས་རྗེ་གཟིགས་པ་བུ་ལྟར་གཟིགས།། ནུབ་ཕྱོགས་པདྨའི་ཡུལ་གླིང་དུ།། སྐུ་ཡི་རྫུ་འཕྲུལ་མི་གཡོ་བར།། ལོངས་སྤྱོད་ལྡན་པ་བུམ་པའི་གླིང་།། འགྱུར་མེད་རྡོ་རྗེ་ཞབས་པད་བརྟན།། ཕུན་སུམ་ཚོགས་པའི་སྨོན་ལམ་ཞུ།། །།

རས་ཆུང་རྡོ་རྗེ་མི་ཕྱིན།

༉ རས་ཆུང་རྡོ་རྗེ་མི་ཕྱིན་རྡོ་རྗེ་ཕྱིན།། རས་ཆུང་རྡོ་རྗེ་སྟེང་ཕྱོགས་ལྷ་ལུ་ཕྱིན།། ལྷ་ཡི་དབང་པོ་བརྒྱ་བྱིན་སྐུ་མཚམས་བཞུགས།། ཕོ་བྲང་སྒོ་ལ་ཀྲག་ཀྲག་ལན་གསུམ་བྱེད།། རས་ཆུང་ཁྱོད་ལ་གང་དགོས་ཅི་དགོས་གསུངས།། རས་ཆུང་ང་ལ་དགོས་པ་གང་ཡང་མེད།། ད་ལྟ་བར་ཆད་སེལ་བའི་ཆོས་ཅིག་གསུངས།། ཕྱི་མ་ལམ་སྣ་འདྲེན་པའི་ཆོས་ཅིག་ཞུ།། རས་ཆུང་རྡོ་རྗེ་མི་ཕྱིན་རྡོ་རྗེ་ཕྱིན།། རས་ཆུང་རྡོ་རྗེ་བར་ཕྱོགས་བཙན་ལུ་ཕྱིན།། བཙན་རྒྱལ་ཡ་མ་སྤུན་བདུན་སྐུ་མཚམས་བཞུགས།། ཕོ་བྲང་སྒོ་ལ་ཀྲག་ཀྲག་ལན་གསུམ་བྱེད།། རས་ཆུང་ཁྱོད་ལ་གང་དགོས་ཅི་དགོས་གསུངས།། རས་ཆུང་ང་ལ་དགོས་པ་གང་ཡང་མེད།། ད་ལྟ་བར་ཆད་སེལ་བའི་ཆོས་ཅིག་གསུངས།། ཕྱི་མ་ལམ་སྣ་འདྲེན་པའི་ཆོས་ཅིག་ཞུ།། རས་ཆུང་རྡོ་རྗེ་མི་ཕྱིན་རྡོ་རྗེ་ཕྱིན།། རས་ཆུང་རྡོ་རྗེ་འོག་ཕྱོགས་ཀླུ་ལུ་ཕྱིན།། ཀླུ་རྒྱལ་གཙུག་ན་རིན་ཆེན་སྐུ་མཚམས་བཞུགས།། ཕོ་བྲང་སྒོ་ལ་ཀྲག་ཀྲག་ལན་གསུམ་བྱེད།། རས་ཆུང་ཁྱོད་ལ་གང་དགོས་ཅི་དགོས་གསུངས།། རས་ཆུང་ང་ལ་དགོས་པ་གང་ཡང་མེད།། ད་ལྟ་བར་ཆད་སེལ་བའི་ཆོས་ཅིག་གསུངས།། ཕྱི་མ་ལམ་སྣ་འདྲེན་པའི་ཆོས་ཅིག་ཞུ།། །།

རི་མགོ་ལ་གཟིགས་དང་།

༉ རི་མགོ་ལ་གཟིགས་དང་།། བ་ལུའི་མེ་ཏོག་ཅིག་ཤར་ཡོད།། བ་ལུ་སུ་ལུའི་བསང་ཅིག། གཏང་དགོ་བསམ་པ་ཤར་བྱུང་།། བསང་ཅིག་ལ་གཏང་ན།། སུ་དང་གང་ལུ་གཏང་གེ།། ཨ་མའི་བུ་ཆུང་ལེགས་པའི།། ནོར་བཟང་ལ་ཡོ་ཡོ།། བསང་ཅིག་ལ་གཏང་ན།། སྟེང་ཕྱོགས་ལྷ་ལུ་ཅིག་གཏང་གེ།། ལྷ་ཡི་དབང་པོ་བརྒྱ་བྱིན།། མཇལ་དགོ་བསམ་པ་ཤར་བྱུང་།། རི་སྐེད་ལ་གཟིགས་དང་།། ཤུག་པའི་མེ་ཏོག་ཅིག་ཤར་ཡོད།། ལྷ་ཤིང་ཤུག་པའི་བསང་ཅིག། གཏང་དགོས་བསམ་པ་ཤར་བྱུང་།། བསང་ཅིག་ལ་གཏང་ན།། སུ་དང་གང་ལུ་གཏང་གེ།། ཨ་མའི་བུ་ཆུང་ལེགས་པའི།། ནོར་བཟང་ལ་ཡོ་ཡོ།། བསང་ཅིག་ལ་གཏང་ན།། བར་ཕྱོགས་བཙན་ལུ་ཅིག་གཏང་གེ།། བཙན་རྒྱལ་ཡ་བ་སྤུན་བདུན།། མཇལ་གོ་བསམ་པ་ཤར་བྱུང་།། རི་མཇུག་ལ་གཟིགས་དང་།། ཙན་དན་མེ་ཏོག་ཅིག་ཤར་ཡོད།། ལྷ་ཤིང་ཙན་དན་བསང་ཅིག། གཏང་གོ་བསམ་པ་ཤར་བྱུང་།། བསངས་ཅིག་ལ་གཏང་ན།། སུདང་གང་ལུ་གཏང་གེ།། ཨ་མའི་བུ་ཆུང་ལེགས་པའི།། ནོར་བཟང་ལ་ཡོ་ཡོ།། བསངས་ཅིག་ལ་གཏང་ན།། འོག་ཕྱོགས་ཀླུ་ལ་ཅིག་གཏང་གེ།། ཀླུ་ཡི་གཙུག་ན་རིན་ཆེན།། མཇལ་དགོས་བསམ་པ་ཤར་བྱུང་།། །།

རི་བརྒྱ་བསམ་གཏན་གླིང་ལ།

༉ རི་བརྒྱ་བསམ་གཏན་གླིང་ལ།། ཁམ་སྡོང་བྲག་ལས་མཐོ་སོང་།། སྐར་མ་རྒྱ་མཚོ་ང་གཉིས་མི་སྡོད།། ལ་མོ་བརྒལ་སོང་གསུང་ལ་སྒྲོལ་དཀར་ལ།། ཁམ་སྡོང་མཐོ་རང་དྲག་སྟེ།། ལག་པས་བསྙབ་ས་མིན་འདུག། སྐར་མ་རྒྱ་མཚོ་ང་གཉིས་མི་སྡོད།། ལ་མོ་བརྒལ་སོང་གསུང་ལ་སྒྲོལ་དཀར་ལ།། འབྲས་བུའི་བསམ་བློ་བཏང་སྟེ།། པང་པའི་ནང་ལུ་འཛག་ཤོག། སྐར་མ་རྒྱ་མཚོ་ང་གཉིས་མི་སྡོད།། ལ་མོ་བརྒལ་སོང་གསུང་ལ་སྒྲོལ་དཀར་ལ།། ཆུ་གཅིག་སྐྱེ་མཆོག་ཞབས་རྗེས།། ཆུ་སྣ་ཡར་ལ་ལོག་ཤོག། སྐར་མ་རྒྱ་མཚོ་ང་གཉིས་མི་སྡོད།། ལ་མོ་བརྒལ་སོང་གསུང་ལ་སྒྲོལ་དཀར་ལ།། ལྷ་མོ་རེ་མ་སྤྲུལ་སྐུ།། ཡོན་ཆབ་ཕུལ་འཕྲོར་ལུས་སོང་།། སྐར་མ་རྒྱ་མཚོ་ང་གཉིས་མི་སྡོད།། ལ་མོ་བརྒལ་སོང་གསུང་ལ་སྒྲོལ་དཀར་ལ།། །།

རི་འདི་རྒྱང་རྩེ་གཞུང་ལ།

༉ རི་འདི་རྒྱང་རྩེ་གཞུང་ལ།། སྭོ་ཡ་ལ།། ངེད་ཡིད་ཀྱི་གསུངས་ལས་གསན་ལ་སོ།། གཟིམ་ཅུང་བདེ་ཆེན་ཆོས་གླིང་ལ།། སྭོ་ཡ་ལ།། ངེད་སྔར་ལས་དར་ཞིང་རྒྱས་ལ་སོ།། ཐུགས་སེམས་སྐྱོ་རོགས་མ་གནང་ལ།། སྭོ་ཡ་ལ།། ངེད་རྒྱུ་ལས་ཚིག་གསུམ་ལེན་ལ་སོ།། རང་ཡུལ་བུམ་ཐང་གཞུང་ལ།། སྭོ་ཡ་ལ།། ངེད་བློ་གཏད་སྡོད་པ་མ་བྱུང་།། མེ་ཏོག་དབྱར་ཀ་ཤར་ན་ལ།། སྭོ་ཡ་ལ།། ངེད་དགུན་ཀ་ཤར་ན་དགའ་ལ་སོ།། རང་གི་དྲིན་ཅན་ཕ་མ་ལ།། སྭོ་ཡ་ལ།། དུས་གཏན་དུ་བཞུགས་ན་དགའ་ལ་སོ།། དུས་གཏན་དུ་བཞུགས་ན་སྐྱིད་ལ་སོ།། །།

རི་འདི་གཡང་གི་རི་ལ།

༉ རི་འདི་གཡང་གི་རི་ལ།། ཕུ་ལ་ཡས་ཀྱི་གངས་རི་ཆུང་ཆུང་རེད།། རི་འདི་གཡང་གི་རི་ལ།། གངས་རི་ཆེ་བ་གཅིག་ལ་འགྱུར་བར་ཤོག། རི་འདི་གཡང་གི་རི་ལ།། གངས་རི་འདི་ལ་སེང་གེ་འཁོར་བར་ཤོག། རི་འདི་གཡང་གི་རི་ལ།། སེང་གི་འདི་ལ་གཡུ་རལ་རྒྱས་པར་ཤོག། རི་འདི་གཡང་གི་རི་ལ།། འདི་ནས་ཕར་གྱི་ནགས་རི་ཆུང་ཆུང་རེད།། རི་འདི་གཡང་གི་རི་ལ།། ནགས་རི་ཆེ་བ་གཅིག་ལ་འགྱུར་བར་ཤོག། རི་འདི་གཡང་གི་རི་ལ།། ནགས་རི་འདི་ལ་སྟག་གཟིག་འཁོར་བར་ཤོག། རི་འདི་གཡང་གི་རི་ལ།། སྟག་གཟིག་འདི་ལ་འཛུམ་དྲུག་རྒྱས་པར་ཤོག། རི་འདི་གཡང་གི་རི་ལ།། མདའ་ལ་མས་ཀྱི་ཆུ་མོ་ཆུང་ཆུང་རེད།། རི་འདི་གཡང་གི་རི་ལ།། ཆུ་མོ་ཆེ་བ་གཅིག་ལ་འགྱུར་བར་ཤོག། རི་འདི་གཡང་གི་རི་ལ།། ཆུ་མོ་འདི་ལ་ཉ་མོ་འཁོར་བར་ཤོག། རི་འདི་གཡང་གི་རི་ལ།། ཉ་མོ་འདི་ལ་གསེར་གཤོག་རྒྱས་པར་ཤོག། རི་འདི་གཡང་གི་རི་ལ།། །།

རི་ལ་ཆེན་པོ་རིའི་རྩ་བ་ན།

༉ རི་ལ་ཆེན་པོ་རིའི་རྩ་བ་ན།། ཨ་རོགས་ཚོ།། ཆུ་མར་འགྲོ་འགྲོ་བའི་དུས་ལ་སྲས་གཅིག་འཁྲུངས།། ཆུ་མར་འགྲོ་འགྲོ་བའི་དུས་ལ་སྲས་ཅིག་འཁྲུངས།། ཨ་རོགསས་ཚོ།། བུ་བསོད་ནམས་ཅན་གྱིས་ལྷ་ལུ་ཡོན་ཆབ་ཕུལ།། རི་ལ་ཆེན་པོ་རིའི་སྐེད་པ་ན།། ཨ་རོགས་ཚོ།། ས་ཕ་གི་ཐམས་ཅད་གུར་གུམ་མེ་ཏོག་ཤར།། ས་ཕ་གི་ཐམས་ཅད་གུར་གུམ་མེ་ཏོག་ཤར།། ཨ་རོགས་ཚོ།། བུ་བསོད་ནམས་ཅན་གྱི་ལྷ་ལུ་མེ་ཏོག་ཕུལ།། རི་ལ་ཆེན་པོ་རིའི་རྩེ་མོ་རུ།།ཨ་རོགས་ཚོ།། ས་ཡ་གི་ཐམས་ཅད་བ་ལུ་སུ་ལུ་འཁྲུངས།། ས་ཡ་གི་ཐམས་ཅད་བ་ལུ་སུ་ལུ་འཁྲུངས།། ཨ་རོགས་ཚོ།། བུ་བསོད་ནམས་ཅན་གྱི་ལྷ་ལུ་བསངས་ཅིག་བཏང་།། །།

ལ་འདི་བཀྲིས་ལ་མོའི་ལ་གཞོལ་ན།

༉ ལ་འདི་བཀྲིས་ལ་མོའི་ལ་གཞོལ་ན།། ཤིང་ལ་འཁྲུངས་པ་ཨ་རུ་བ་རུ་འཁྲུངས།། འདི་ལ་འཁོར་བ་གསེར་བྱ་ཟུང་གཅིག་འཁོར།། གསེར་བྱ་རང་ཡང་མི་སྡོད་འཕུར་འགྲོ་གེ། ཡར་ཡར་ཆོས་འཁོར་ལྷ་སར་འཕུར་འགྲོ་གེ།། བླ་མ་ཤཱ་ཀྱ་མུ་ཎེ་ཞབས་སར་འཕུར།། ཡབ་ཆེན་ཨ་པའི་ལས་སྒྲིབ་འདི་གིས་དག། གསེར་བྱ་རང་གི་བསམ་པ་འདི་གིས་རྫོགས།། ལ་འདི་ཚེ་རིང་ལ་མོའི་ལ་གཞོལ་ན།། ཤིང་ལ་འཁྲུངས་པ་བ་ལུ་སུ་ལུ་འཁྲུངས།། འདི་ལ་འཁོར་བ་དངུལ་བྱ་ཟུང་གཅིག་འཁོར།། དངུལ་བྱ་རང་ཡང་མི་སྡོད་འཕུར་འགྲོ་གེ།། ཡར་ཡར་ལྷོ་བྲག་མཁར་ཆུར་འཕུར་འགྲོ་གེ།། བླ་མ་ནམ་མཁའི་སྙིང་པོའི་ཞབས་སར་འཕུར།། ཡུམ་ཆེན་ཨ་མའི་ལས་སྒྲིབ་འདི་གིས་དག། དངུལ་བྱ་རང་གི་བསམ་པ་འདི་གིས་རྫོགས།། ལ་འདི་རྡོ་སྐྱོང་ལ་མོའི་ལ་གཞོལ་ན།། ཤིང་ལ་འཁྲུངས་པ་ལྷ་ཤིང་ཤུགས་པོ་འཁྲུངས།། འདི་ལ་འཁོར་བ་ཁུ་བྱུག་ཟུང་གཅིག་འཁོར།། ཁུ་བྱུག་རང་ཡང་མི་སྡོད་འཕུར་འགྲོ་གེ།། ཕར་ཕར་སྤུངས་ཐང་བདེ་ཆེན་འཕུར་འགྲོ་གེ།། བླ་མ་ངག་དབང་རྣམ་རྒྱལ་ཞབས་སར་འཕུར།། མཉམ་རོགས་གཞོན་པའི་ལས་སྒྲིབ་འདི་གིས་དག། ཁུ་བྱུག་རང་གི་བསམ་པ་འདི་གིས་རྫོགས།། །།

ལ་ཞུས་པའི་བྱམས་པ་ཆོས་བཟང་ལ།

༉ ལ་ཞུས་པའི་བྱམས་པ་ཆོས་བཟང་ལ།། ཤར་ཕྱོགས་རི་བོའི་རྩེ་ལས།། གསེར་གྱི་མཆོད་རྟེན་བཞེངས་ཡོད།། ཨ་དག་ལེ་ཨེ།། ལ་ཞུས་པའི་བྱམས་པ་ཆོས་བཟང་ལ།། གསེར་གྱི་མཆོད་རྟེན་མ་རེད།། ང་ཚོ་བླ་མའི་སྐུ་གཟུགས་རེད།། ཨ་དག་ལེ་ཨེ།། ལ་ཞུས་པའི་བྱམས་པ་ཆོས་བཟང་ལ།། ཤར་ཕྱོགས་རི་བོའི་རྩེ་ལས།། དཀར་གསལ་ཟླ་བ་ཤར་ཡོད།། ཨ་དག་ལེ་ཨེ།། ལ་ཞུས་པའི་བྱམས་པ་ཆོས་བཟང་ལ།། དཀར་གསལ་ཟླ་བ་མ་རེད།། ང་ཚོ་བླ་མའི་ཞལ་རས།། ཨ་དག་ལེ་ཨེ།། ལ་ཞུས་པའི་བྱམས་པ་ཆོས་བཟང་ལ།། ཤར་ཕྱོགས་རི་བོའི་རྩེ་ལས།། གསེར་གྱི་རྒྱ་གླིང་འཕུ་ཡོད།། ཨ་དག་ལེ་ཨེ།། ལ་ཞུས་པའི་བྱམས་པ་ཆོས་བཟང་ལ།། གསེར་གྱི་རྒྱ་གླིང་མ་རེད།། ང་ཚོ་བླ་མའི་གསུང་སྐད་རེད།། ཨ་དག་ལེ་ཨེ།། །།

ལ་འོ་ན་ཨེ་མ་ཚུར་ལ་གསན་དང་།

༉ ལ་འོ་ན་ཨེ་མ་ཚུར་ལ་གསན་དང་།། སྙིང་གི་ཆུང་འདྲིས་བྱམས་པ།། སྟག་ཤར་གཞོན་པའི་ཞབས་བྲོ་རྡོག་འཁྲབ་སྒྲིག་ནས་ལོག་འགྲོ།། སྨན་ཆུང་བུ་མོའི་གསུང་སྐད་སྙན་རྒྱ་སྒྱུར་ནས་ལོག་འགྲོ།། ལ་འོ་ན་དགའ་བའི་བྱམས་པའི་ཞལ་རས།། མ་མཇལ་ཡུན་ལས་རིང་སོང་།། སྟག་ཤར་གཞོན་པའི་ཞབས་བྲོ་རྡོག་འཁྲབ་སྒྲིག་ནས་ལོག་འགྲོ།། སྨན་ཆུང་བུ་མོའི་གསུང་སྐད་སྙན་རྒྱ་སྒྱུར་ནས་ལོག་འགྲོ།། ལ་འོ་ན་ལས་སྨོན་ཅན་གྱི་ཆུང་འདྲིས།། མཇལ་བའི་དུས་ཅིག་ཡོང་འགྲོ།། སྟག་ཤར་གཞོན་པའི་ཞབས་བྲོ་རྡོག་འཁྲབ་སྒྲིག་ནས་ལོག་འགྲོ།། སྨན་ཆུང་བུ་མོའི་གསུང་སྐད་སྙན་རྒྱ་སྒྱུར་ནས་ལོག་འགྲོ།། ལ་འོ་ན་ཁྲི་གདུགས་ཤར་དགོས་བསམ་ཡང་།། ནག་པོ་སྤྲིན་གྱིས་བཀག་སོང་།། སྟག་ཤར་གཞོན་པའི་ཞབས་བྲོ་རྡོག་འཁྲབ་སྒྲིག་ནས་ལོག་འགྲོ།། སྨན་ཆུང་བུ་མོའི་གསུང་སྐད་སྙན་རྒྱ་སྒྱུར་ནས་ལོག་འགྲོ།། ལ་འོ་ན་དགུང་དང་སྤྲིན་གྱི་བར་ལ།། སྐྱི་བསེར་རླུང་གིས་གཡོ་འཕྲུལ།། སྟག་ཤར་གཞོན་པའི་ཞབས་བྲོ་རྡོག་འཁྲབ་སྒྲིག་ནས་ལོག་འགྲོ།། སྨན་ཆུང་བུ་མོའི་གསུང་སྐད་སྙན་རྒྱ་སྒྱུར་ནས་ལོག་འགྲོ།། ལ་འོ་ན་ཉི་མ་སྤྲིན་གྱི་བར་ལ།། ཤར་བའི་དུས་ཅིག་ཡོང་འགྲོ།། སྟག་ཤར་གཞོན་པའི་ཞབས་བྲོ་རྡོག་འཁྲབ་སྒྲིག་ནས་ལོག་འགྲོ།། སྨན་ཆུང་བུ་མོའི་གསུངསྐད་སྙན་རྒྱ་སྒྱུར་ནས་ལོག་འགྲོ།། །།

ལ་སོ་ལ་ཟས་བཟང་པོ་ཕུལ་ན་ཨའོ།

༉ ལ་སོ་ལ་ཟས་བཟང་པོ་ཕུལ་ན་ཨའོ།། བླ་མའི་གཏོར་མ་ར་ཕུལ།། མར་བཟང་པོ་ཕུལ་ན་ཨའོ།། བླ་མའི་དཀར་རྒྱན་ར་ཕུལ།། ལ་སོ་ལ་ཆུ་བཟང་པོ་ཕུལ་ན་ཨའོ།། བླ་མའི་ཁྲུས་ཆུ་ར་ཕུལ།། ཆང་བཟང་པོ་ཕུལ་ན་ཨའོ།། བླ་མའི་བདུད་རྩི་ར་ཕུལ།། ལ་སོ་ལ་ཤིང་བཟང་པོ་ཕུལ་ན་ཨའོ།། བླ་མའི་བསངས་ཤིང་ར་ཕུལ།། མེ་ཏོག་འབར་པ་ལས་མ་ཕངས་ཨའོ།། ཡུམ་པ་ལས་ར་ཕངས།། ལ་སོ་ལ་བླ་མ་བཞུགས་པ་ལས་མ་ཕངས་ཨའོ།། བྱོན་མ་ལས་ར་ཕངས།། འདི་རིང་ཡང་ལ་ཡང་དུ་ཨའོ།། མཇལ་བའི་བཀྲིས་སྨོན་ལམ།། ཤོ་མོ་ཡང་ལ་ཡང་དུ་ཨའོ།། མཇལ་བའི་བཀྲིས་དང་སྨོན་ལམ།། །།

ལགས་ཞུས་པའི་བདེ་སྐྱིད།

༉ ལགས་ཞུས་པའི་བདེ་སྐྱིད།། ཡས་ཀྱི་དགུང་སངས་མཐོན་པོའི་ཕྱོགས་ལ།། གཅིག་གཉིས་སེམས་པ་ཤོར་སོང་ལ།། དགུང་དང་ཁྲི་གདུགས་ཉི་མ།། འགྱུར་བ་མ་གནང་གཞོན་པ་རང་སེམས་མནོ་བའི།། གསུང་ལེགས་གསུང་ལེགས་རུ།། ལགས་ཞུས་པའིབདེ་སྐྱིད།། ཡས་ཀྱི་གངས་སྟོད་མཐོན་པོའི་ཕྱོགས་ལ།། གཅིག་གཉིས་སེམས་པ་ཤོར་སོང་ལ།། གངས་དང་དར་སེང་དཀར་མོ།། འགྱུར་བ་མ་གནང་གཞོན་པ་རང་སེམས་མནོ་བའི།། གསུང་ལེགས་གསུང་ལེགས་རུ།། ལགས་ཞུས་པའི་བདེ་སྐྱིད།། ཕར་གྱི་སྤང་གཤོང་བདེ་མོའི་ཕྱོགས་ལ།། གཅིག་གཉིས་སེམས་པ་ཤོར་སོང་ལ།། སྤང་དང་ཤཝ་རྒོད་རྭ་བཅུ།། འགྱུར་བ་མ་གནང་གཞོན་པ་རང་སེམས་མནོ་བའི།། གསུང་ལེགས་གསུང་ལེགས་རུ།། ལགས་ཞུས་པའི་བདེ་སྐྱིད།། ཚུར་གྱི་ནགས་སྟོད་མཐོན་པོའི་ཕྱོགས་ལ།། གཅིག་གཉིས་སེམས་པ་ཤོར་སོང་ལ།། ནགས་དང་སྟག་མོའི་རིས་མཛེས།། འགྱུར་བ་མ་གནང་གཞོན་པ་རང་སེམས་མནོ་བའི།། གསུང་ལེགས་གསུང་ལེགས་རུ།། ལགས་ཞུས་བདེ་སྐྱིད།། ཡས་ཀྱི་དགོན་བཟང་ཁྲ་མོའི་ཕྱོགས་ལ།། གཅིག་གཉིས་སེམས་པ་ཤོར་སོང་ལ།། དགོན་དང་མཚན་ལྡན་བླ་མ།། འགྱུར་བ་མ་གནང་གཞོན་པ་རང་སེམས་མནོ་བའི།། གསུང་ལེགས་གསུང་ལེགས་རུ།། ལགས་ཞུས་པའི་བདེ་སྐྱིད།། ཕར་གྱི་རྫོང་ཆེན་ཁྲ་མོའི་ཕྱོགས་ལ།། གཅིག་གཉིས་སེམས་པ་ཤོར་སོང་ལ།། རྫོང་དང་དབང་ཆེན་དཔོན་པོ།། འགྱུར་བ་མ་གནང་གཞོན་པ་རང་སེམས་མནོ་བའི།། གསུང་ལེགས་གསུང་ལེགས་རུ།། ལགས་ཞུས་པའི་བདེ་སྐྱིད།། མར་གྱི་མཚོ་སྟོད་མཐོན་པོའི་ཕྱོགས་ལ།། གཅིག་གཉིས་སེམས་པ་ཤོར་སོང་ལ།། མཚོ་དང་གསེར་མིག་ཉ་མོ།། འགྱུར་བ་མ་གནང་གཞོན་པ་རང་སེམས་མནོ་བའི།། གསུང་ལེགས་གསུང་ལེགས་རུ།། །།

ལུང་པ་བཀྲིས་གཡང་ཆགས།

༉ ལུང་པ་བཀྲིས་གཡང་ཆགསརྩེ་མོ་རུ།། གསེར་དང་བྱེ་མ་ཆ་སྟེ་འབོ་གང་ཡོད།། བྱེ་མ་རྣམས་སུ་ཕར་སེལ་ཚུར་སེལ་ནས།། འདི་གི་ནང་དུ་གསེར་སྐུ་རང་འབྱུང་བྱོན།། འདི་ཡང་མཆོད་བཤམ་ཁྲ་མོའི་སྟེང་དུ་ཕུལ།། འཇིག་རྟེན་རང་སར་སྒོམ་པའི་གཙུག་ལྷ་ཡིན།། ལུང་པ་བཀྲིས་གཡང་ཆགས་་སྐེད་པ་རུ། གཡུ་དང་བྱེ་མ་ཆ་སྟེ་འབོ་གང་ཡོད།། བྱེ་མ་རྣམས་སུ་ཕར་སེལ་ཚུར་སེལ་ནས།། འདི་གི་ནང་དུ་གཡུ་ཡི་སྒྲོལ་མ་བྱོན།། འདི་ཡང་མཆོད་བཤམ་ཁྲ་མོའི་སྟེང་དུ་ཕུལ།། འཇིག་རྟེན་རང་སར་སྒོམ་པའི་གཙུག་ལྷ་ཡིན།། ལུང་པ་བཀྲིས་གཡང་ཆགས་རྩ་བ་རུ།། དུང་དང་བྱེ་མ་ཆ་སྟེ་འབོ་གང་ཡོད།། བྱེ་མ་རྣམས་སུ་ཕར་སེལ་ཚུར་སེལ་ནས།། འདི་གི་ནང་དུ་དུང་དཀར་གཡས་འཁྱིལ་བྱོན།། འདི་ཡང་མཆོད་བཤམ་ཁྲ་མོའི་སྟེང་དུ་ཕུལ།། འཇིག་རྟེན་རང་སར་སྒོམ་པའི་གཙུག་ལྷ་ཡིན།། །།

ལུང་པ་ཆུང་ཆུང་།

༉ ལུང་པ་ཆུང་ཆུང་།། གསེར་གྱིས་གང་ན་དགའ་བ་ལ།། གསེར་གྱིས་གང་ན་སྐྱིད་པ་ལ།། གསེར་གྱི་རི་ལ།། གསེར་མཚོ་ཆགས་ན་དགའ་བ་ལ།། གསེར་མཚོ་ཆགས་ན་སྐྱིད་པ་ལ།། གསེར་མཚོ་སྦུག་ལ།། གསེར་ཤིང་འཁྲུངས་ན་དགའ་བ་ལ།། གསེར་ཤིང་འཁྲུངས་ན་སྐྱིད་པ་ལ།། གསེར་བྱ་སྤུན་གསུམ།། གནམ་ལ་ལྡིང་ན་དགའ་བ་ལ།། གནམ་ལ་ལྡིང་ན་སྐྱིད་པ་ལ།། ནམ་མཁའ་གཞའ་དང་འོད་ཀྱིས་གང་ན་དགའ་བ་ལ།། འོད་ཀྱིས་གང་ན་སྐྱིད་པ་ལ།། ས་གཞི་མས་ལ།། ཕུན་སུམ་ཚོགས་ན་དགའ་བ་ལ།། ཕུན་སུམ་ཚོགས་ན་སྐྱིད་པ་ལ།། ལུང་པ་ཆུང་ཆུང་།། དངུལ་གྱིས་གང་ན་དགའ་བ་ལ།། དངུལ་གྱིས་གང་ན་སྐྱིད་པ་ལ།། དངུལ་གྱི་རི་ལ།། དངུལ་ཚོགས་ཆགས་ན་དགའ་བ་ལ།། དངུལ་མཚོ་ཆགས་ན་སྐྱིད་པ་ལ།། དངུལ་མཚོ་སྦུག་ལ།། དངུལ་ཤིང་འཁྲུངས་ན་དགའ་བ་ལ།། དངུལ་ཤིང་འཁྲུངས་ན་སྐྱིད་པ་ལ།། དངུལ་བྱ་སྤུན་གསུམ།། གནམ་ལ་ལྡིང་ན་དགའ་བ་ལ།། གནམ་ལ་ལྡིང་ན་སྐྱིད་པ་ལ།། ནམ་མཁའ་གཞའ་དང་འོད་ཀྱིས་གང་ན་དགའ་བ་ལ།། འོད་ཀྱིས་གང་ན་སྐྱིད་པ་ལ།། ས་གཞི་མས་ལ།། ཕུན་སུམ་ཚོགས་ན་དགའ་བ་ལ།། ཕུན་སུམ་ཚོགས་ན་སྐྱིད་པ་ལ།། ལུང་པ་ཆུང་ཆུང་།། དུང་གིས་གང་ན་དགའ་བ་ལ།། དུང་གིས་གང་ན་སྐྱིད་པ་ལ།། དུང་གི་རི་ལ་དུང་མཚོ་ཆགས་ན་དགའ་བ་ལ།། དུང་མཚོ་ཆགས་ན་སྐྱིད་པ་ལ།། དུང་མཚོའི་སྦུག་ལ།། དུང་ཤིང་འཁྲུངས་ན་དགའ་བ་ལ།། དུང་ཤིང་འཁྲུངས་ན་སྐྱིད་པ་ལ།། དུང་ཤིང་མགོ་ལ།། དུང་བྱ་ཆགས་ན་དགའ་བ་ལ།། དུང་བྱ་ཆགས་ན་སྐྱིད་པ་ལ།། དུང་བྱ་སྤུན་གསུམ།། གནམ་ལ་ལྡིང་ན་དགའ་བ་ལ།། གནམ་ལ་ལྡིང་ན་སྐྱིད་པ་ལ།། ནམ་མཁའ་གཞའ་དང་འོད་ཀྱིས་གང་ན་དགའ་བ་ལ།། འོད་ཀྱིས་གང་ན་སྐྱིད་པ་ལ།། ས་གཞི་མས་ལ་ཕུན་གསུམ་ཚོགས་ན་དགའ་བ་ལ།། ཕུན་སུམ་ཚོགས་ན་སྐྱིད་པ་ལ།། །།

ལུང་པ་ཆུང་ཆུང་ཅིག་གི་ཕུ་ཞིག་ན།

༉ ལུང་པ་ཆུང་ཆུང་ཅིག་གི་ཕུ་ཞིག་ན།། ལ་ཅིག་ཆེན་པོ་ཁ་བས་བཅད་ནས་འདུག། ལ་ཅིག་ཁ་བས་བཅད་རུང་འཚེར་འདོགས་མེད།། སེང་ཆེན་དཀར་མོ་ཅིག་གི་སྤྲུལ་པ་ཨིན།། ལུང་པ་ཆུང་ཆུང་ཅིག་སྐེད་པ་རུ།། བྲག་རི་ཆེན་པོ་ཡ་མཚན་ཆེ་ཙམ་འདུག། བྲག་རི་ཡ་མཚན་ཆེ་རུང་འཚེར་འདོགས་མེད།། ཐང་དཀར་རྒོད་པོ་ཅིག་གི་སྤྲུལ་པ་ཨིན།། ལུང་པ་ཆུང་ཆུང་ཅིག་གི་རྩ་བ་རུ།། ཆུ་ཅིག་ཆེན་པོ་རྦ་ཀློང་འཁྲུགས་ནས་འདུག། ཆུ་ཅིག་རྦ་ཀློང་འཁྲུགས་རུང་འཚེར་འདོགས་མེད།། ཉ་ཆུང་གསེར་མིག་ཅིག་གི་སྤྲུལ་པ་ཨིན།། ལུང་པ་ཆུང་ཆུང་ཅིག་གི་གྲལ་གཞུང་ན།། སྨན་ཆུང་བུ་མོ་ཁ་མཁས་ཆེ་ཙམ་འདུག། སྨན་ཆུང་ཁ་མཁས་ཆེ་རུང་འཚེར་འདོགས་མེད།། གླུ་གར་མཁས་པ་ཅིག་གི་སྤྲུལ་པ་ཨིན།། །།

ལེགས་སོ་ལེགས་སོ།

༉ ལེགས་སོ་ལེགས་སོ་ལེགས་སོ།། འབྲུག་ཡུལ་སྐྱིད་པའི་ལྗོངས་སུ།། སྟོད་ན་གངས་རི་དཀར་པོར།། སེངྒེ་གཡུ་རལ་ལེགས་སོ།། ལེགས་སོ་ལེགས་སོ་ལེགས་སོ།། འབྲུག་ཡུལ་སྐྱིད་པའི་ལྗོངས་སུ།། བར་ན་སྤང་རི་ལྗོངས་སུ།། རི་དྭགས་ཕོ་མོ་ལེགས་སོང་།། ལེགས་སོ་ལེགས་སོ་ལེགས་སོ།། འབྲུག་ཡུལ་སྐྱིད་པའི་ལྗོངས་སུ།། སྨད་ན་བཀྲིས་མཚོ་མོ།། གསེར་གྱི་ཉ་མོ་ལེགས་སོ།། ལེགས་སོ་ལེགས་སོ་ལེགས་སོ།། འབྲུག་ཡུལ་སྐྱིད་པའི་ལྗོངས་སུ།། སྟོད་ན་མངའ་བདག་ཆོས་རྒྱལ།། སྟོབས་འབྱོར་མངའ་ཐང་ལེགས་སོ།། ལེགས་སོ་ལེགས་སོ་ལེགས་སོ།། འབྲུག་ཡུལ་སྐྱིད་པའི་ལྗོངས་སུ།། བར་ན་ཆོས་བློན་བཟང་པོ།། ཐབས་ཤེས་བློ་གྲོས་ལེགས་སོ།། ལེགས་སོ་ལེགས་སོ་ལེགས་སོ།། འབྲུག་ཡུལ་སྐྱིད་པའི་ལྗོངས་སུ།། སྨད་ན་མི་སེར་མངའ་འབངས།། བདེ་སྐྱིད་ཕུན་ཚོགས་ལེགས་སོ།། ལེགས་སོ་ལེགས་སོ་ལེགས་སོ།། འབྲུག་ཡུལ་སྐྱིད་པའི་ལྗོངས་སུ།། སྟོད་ན་དཀོན་མཆོག་ཐུགས་རྗེ།། འཕོ་འགྱུར་མེད་པ་ལེགས་སོ།། ལེགས་སོ་ལེགས་སོ་ལེགས་སོ།། འབྲུག་ཡུལ་སྐྱིད་པའི་ལྗོངས་སུ།། བར་ན་བསྟན་འཛིན་སྐྱེས་བུ།། ལམ་སྟོན་མཁས་པ་ལེགས་སོ།། ལེགས་སོ་ལེགས་སོ་ལེགས་སོ།། འབྲུག་ཡུལ་སྐྱིད་པའི་ལྗོངས་སུ།། སྨད་ན་ཆོས་ཀྱི་སྦྱིན་བདག། གཏོང་ཕོད་ཆེ་བ་ལེགས་སོ།། །།

ལེགས་སོ་ལེགས་སོ་ད་རེས་དཔལ་གྱི་ཉི་མའི༌དུས།

༉ ལེགས་སོ་ལེགས་སོ་ད་རེས་དཔལ་གྱི་ཉི་མའི༌དུས།། ལྷ་དང་ལྷ་མོ་དགྱེས་བརྩེའི་ངང་ལས་ནི།། དབུས་འགྱུར་ཚལ་གྱི་བཀྲིས་དགའ་སྟོན་ཤར།། གསེར་གྱི་འཁོར་ལོ༌གཙུག༌གི༌དགུང༌ལས༌སྤུབས།། ལྷ་ཡི་གྲོང་ཁྱེར་གཡང་ཆགས་དཔལ་འབྱོར་འཛོམས།། དབང་ཆེན་ས་གཞི་པདྨ་འདབ་སྟོང་རྒྱས།། འདོད་དགུ་ཕུན་སུམ་ཚོགས་པ་ནོར་བུའི་གླིང་།། བར་ན་རིན་ཆེན་ཕུན་སུམ་ཚོགས་པ་ལེགས།། ཕོ་བྲང་དགའ་བའི་ཡངརྩེ་གཟི་བརྗིད་ཆེ།། མི་དབང་སེང་གེ་མཚན་ཅན་སྐུ་དབང་མཐོ།། བཙུན་མོ་ལྷན་རྒྱས་དད་དམ་མི་འགྱུར་བརྟན།། བཙུན་མོ་ལྷན་འཛོམས་མངའ་གསོལ་གླུ་གར་མཆོད།། ལེགས་སོ་ལེགས་སོ་བཙུན་མོ་མངའ་གསོལ་ལེགས།། བཙུན་མོ་མངའ་གསོལ་གདན་ས་སྤུངས་ཐང་ལེགས།། ལེགས་སོ་ལེགས་སོ་མི་དབང་རྒྱལ་པོ་ལེགས།། མི་དབང་རྒྱལ་པོ་གསེར་ཁྲིར་བཞུགས་པ་ལེགས།། །།

ལོ་ངོ་བརྒྱ་ཕྲག་གཅིག་གི་སྔ་གོང་ལུ།

༉ ལོ་ངོ་བརྒྱ་ཕྲག་གཅིག་གི་སྔ་གོང་ལུ།། སྤུངས་ཐང་བདེ་བ་ཆེན་པོའི་ཕོ་བྲང་ནང་།། ཁ་བཞི་འབྲུག་གི་མི་སེར་ག་ར་གིས།། ལྷ་དབང་མི་རྗེ་ཨོ་རྒྱན་དབང་ཕྱུག་མཆོག། འབྲུག་མི་ཡོངས་ཀྱིས་སྤྱི་གཙུག་ནོར་བུ་འབད།། མི་འགྱུར་གསེར་གྱི་ཁྲི་ལུ་མངའ་གསོལ་ནུག། འབྲུག་མི་བསོད་ནམས་འབར་ནུག འབྲུག་མི་ཁ་རྗེ་བཟང་ནུག། ལོ་བརྒྱ་འཁོར་བའི་བརྩི་སྲུང་ཞུ་གེ། བསླུ་མེད་དཀོན་མཆོག་གསུམ་གྱི་བྱིན་རླབས་དང།། དཔལ་ལྡན་འབྲུག་པའི་བཀྲིན་ཉག་གཅིག་ལས།། འབྲུག་མི་ཡོངས་ཀྱི་བསོད་ནམས་བགོ་སྐལ་ལུ།། མི་དབང་སྤྲུལ་པའི་ཆོས་རྒྱལ་རིམ་པར་བྱོན།། ཕྱི་ཡི་རྒྱལ་ཁབ་ཚུ་དང་མཐུན་ལམ་མཛད།། ནང་གི་མི་སེར་བྱམས་དང་བརྩེ་བས་སྐྱོང་།། འབྲུག་ཡུལ་ཡུག་གཅིག་བཟོ་སྟེ།། བདེ་སྐྱིད་རྩ་བ་བཙུགས་ཡོད།། ལོ་བརྒྱ་འཁོར་བའི་བརྩི་སྲུང་ཞུ་གེ། ཆོས་རྒྱལ་རིམ་བྱོན་ཚུ་གི་བཀའ་དྲིན་ལས།། བྱང་གི་ཁ་ཆར་བུ་ཡུག་ཤུགས་ཆེ་རུང་།། འབྲུག་གི་ཙན་དན་སྡོང་པོ་ཆག་མ་བཅུག། ལྷོ་ཡི་ཚ་བའི་རླུང་ཤུགས་དྲོད་ཆེ་རུང་།། འབྲུག་གི་བསྐལ་པའི་གངས་རི་བཞུ་མ་བཅུ།། རྒྱལ་ཁབ་རང་བཙན་སྲུང་སྐྱོབ་མཛད་གནང་ནུག། འབྲུག་གི་དཔའ་བོའི་མཛད་ཤུལ།། འབྲུག་གི་ཆོས་རྒྱལ་རིམ་བྱོན།། ལོ་བརྒྱ་འཁོར་བའི་བརྩི་སྲུང་ཞུ་གེ།། མི་དབང་ཆོས་རྒྱལ་ཐུགས་ཀྱི་དགོངས་གཏེར་ལས།། རྒྱལ་ཡོངས་དགའ་སྐྱིད་དཔལ་དང་ལྡན་ཐབས་ལུ།། རྒྱལ་ཁབ་གཅིག་དང་མི་སེར་གཅིག་ལུ་བཟོ།། རྒྱལ་བརྒྱུད་ཅན་གྱི་དམངས་གཙོའི་སྲིད་གཞུང་བཙུགས།། ཡ་མཚན་ཅན་གྱི་མཛད་བྱ་བཟང་པོ་འདི།། འབྲུག་མི་ཚུ་གི་སེམས་ལས་ཡལ་བ་ཕངས་།། འབྲུག་པའི་གཙུག་གི་ནོར་བུ།། སྤྲུལ་པའི་ཆོས་རྒྱལ་རིམ་བྱོན།། ལོ་བརྒྱ་འཁོར་བའི་བརྩི་སྲུང་ཞུ་གེ། །།

ཤ་བ་སྒང་ལས་འབབ་ཚེ།

༉ ཤ་བ་སྒང་ལས་འབབ་ཚེ།། སྐྱོ་ཞིང་སྐྱོ་ཞིང་འབབ་དོ།། ཤ་བ་སྤང་སྟོད་ལ་མོའིརྩེ་ལ།། ཤ་བ་ཡིད་སྐྱོ་དང་མི་སྐྱོ།། སྤང་དཀར་ཞིང་དུ་ཚེ་གཅིག་ལ་འཛོམས་པ།། ཤ་བ་ཁོ་ཐག་རང་ཆོད་སོང་།། ཤ་བ་མ་སྨད་གཉིས་ཀུ།། སྤང་རྩྭ་ཟ་བར་ལྷོད་སོང་།། ཤ་བ་སྤང་སྟོད་ལ་མོའི་རྩེ་ལ།། ཤ་བ་ཡིད་སྐྱོ་དང་མི་སྐྱོ།། སྤང་དཀར་ཞིང་དུ་ཚེ་གཅིག་ལ་འཛོམས་པ།། ཤ་བ་ཁོ་ཐག་རང་ཆོད་སོང་།། རི་འདི་ཡངས་པའི་རི་ལ།། ལོ་དང་ཟླ་བ་འགོར་སོང་།། ཤ་བ་སྤང་སྟོད་ལ་མོའི་རྩེ་ལ།། ཤ་བ་ཡིད་སྐྱོ་དང་མི་སྐྱོ།། སྤང་དཀར་ཞིང་དུ་ཚེ་གཅིག་ལ་འཛོམས་པ།། ཤ་བ་ཁོ་ཐག་རང་ཆོད་སོང་།། ལུང་པ་རྩྭ་མེད་ཆུ་མེད།། ཤ་བ་སྡོད་ཉམས་མ་སྤྲོ།། ཤ་བ་སྤང་སྟོད་ལ་མའི་ཀྱི་རྩེ་ལ།། ཤ་བ་ཡིད་སྐྱོད་དང་མི་སྐྱོ།། སྤང་དཀར་ཞིང་དུ་ཚེ་གཅིག་ལ་འཛོམས་པ།། ཤ་བ་ཁོ་ཐག་རང་ཆོད་སོང་།། ཤ་བ་ཚང་ལས་འཐོན་ཚེ།། དམ་པའི་ལྷ་ཆོས་དྲན་སོང་།། ཤ་བ་སྤང་སྟོད་ལ་མོའི་རྩེ་ལས།། ཤ་བ་ཡིད་སྐྱོ་དང་མི་སྐྱོ།། སྤང་དཀར་ལ་ཞིང་དུ་ཚེ་གཅིག་ལ་འཛོམས་པ།། ཤ་བ་ཁོ་ཐག་རང་ཆོད་སོང་།། །།

ཤར་དགུང་སངས་ལ་མོའི།

༉ ཤར་དགུང་སངས་ལ་མོའི་རི་མགོ་ལས་མཐོན་པའི།། ངེའི་བུ་མོའི་ལུས་ལ་དབུ་ཞྭ་མིན་འདུག་མ་གསུངས།། ཚེ་རིང་དཀྱིལ་འཁོར་བྱུང་ན་དབུ་ཞྭ་གཅིག་ཞུ་གེ།། ཤར་དགུང་སངས་ལ་མོའི་རི་མགོ་ལས་མཐོན་པའི།། ངེའི་བུ་མོའི་ལུས་ལ་རྣ་གཡུ་མིན་འདུག་མ་གསུངས།། གཡུ་ཆུང་འབྲུ་དཀར་འབྱུང་ན་རྣ་གཡུ་ཞུ་གེ།། ཤར་དགུང་སངས་ལ་མོའི་རི་མགོ་ལས་མཐོན་པའི།། ངེའི་བུ་མོའི་ལུས་ལ་རྒྱན་ཆ་མིན་འདུག་མ་གསུངས།། གཡུ་དང་བྱུ་རུ་འབྱུང་ན་རྒྱན་ཆ་ཅིག་ཞུ་གེ།། ཤར་དགུང་སངས་ལ་མོའི་རི་མགོ་ལས་འཐོན་པའི།། ངེའི་བུ་མོའི་ལུས་ལ་ན་བཟའ་མིན་འདུག་མ་གསུངས།། སྐུད་ཤུ་འཐག་རས་བྱུང་ན་ན་བཟའ་ཅིག་ཞུ་གེ།། ཤར་དགུང་སངས་ལ་མོའི་རི་མགོ་ལས་མཐོན་པའི།། ངེ་བུ་མོའི་ལུས་ལ་སྐུ་སྟོད་མིན་འདུག་མ་གསུངས།། ཁ་ཤ་སྤུ་ཕྲུག་འབྱུང་ན་སྐུ་སྟོད་གཅིག་ཞུ་གེ།། ཤར་དགུང་སངས་ལ་མོའི་རི་མགོ་ལས་མཐོན་པའི།། ངེ་བུ་མོའི་ལུས་ལ་སྐུ་བཅིངས་མིན་འདུག་མ་གསུངས།། སྐུད་པ་སྣ་ལྔ་འབྱུང་ན་སྐུ་བཅིངས་ཅིག་ཞུ་གེ།། །།

ཤར་ཕྱོགས་གོས་དཀར་ལ་མོ།

༉ ཤར་ཕྱོགས་གོས་དཀར་ལ་མོའི་ལ་སྟོད་ན་ལ་གཞོལ་ན།། ལ་སྟོད་ཡས་ལ་ཁ་བ་ཆེ་ཙམ་འདུག་ཆུང་ཙམ་འདུག། ཁ་བ་ཆེ་བ་རྣམས་སུ་ཁྲི་གདུགས་ཤར་ཉི་མ་ཤར།། ང་དང་ཁྲི་གདུགས་ཉི་མ་ཤར་ནས་ཡོང་ལ་ཕྲད་ནས་ཡོང་།། ཁ་བ་ཆུང་བ་རྣམས་སུ་ལྷམ་ཆེན་བཙུགས་ལྷམ་ཆུང་བཙུགས།། ང་དང་ལྷམ་ཆེན་ལྷམ་ཆུང་བཙུགས་ནས་ཡོང་ལ་ཕྲད་ནས་ཡོང་།། ཤར་ཕྱོགས་གོས་དཀར་ལ་མོའི་ལ་སྟོད་ན་ལ་གཞོལ་ན།། ལ་སྟོད་ཡས་ལ་ཤིང་མོ་ཆེ་ཙམ་འདུག་ཆུང་ཙམ་འདུག། ཤིང་མོ་ཆེ་བ་རྣམས་སུ་སྟ་ཆེན་རྒྱབ་སྟ་ཆུང་རྒྱབ།། ང་དང་སྟ་ཆེན་སྟ་ཆུང་རྒྱབ་ནས་ཡོང་ལ་སྒྲིག་ནས་ཡོང་།། ཤིང་མོ་ཆུང་བ་རྣམས་སུ་སོག་ལེ་རྒྱབ་སོག་ཆུང་རྒྱབ།། ང་དང་སོག་ཆེན་སོག་ཆུང་རྒྱབ་ནས་ཡོང་སྒྲིག་ནས་ཡོང་།། ཤར་ཕྱོགས་གོས་དཀར་ལ་མོའི་ལ་སྟོད་ན་ལ་གཞོལ་ན།། ལ་སྟོད་ཡས་ལ་ཆུ་མོ་ཆེ་ཙམ་འདུག་ཆུང་ཙམ་འདུག། ཆུ་མོ་ཆེ་བ་རྣམས་སུ་གྲུ་ཆེན་བཏང་ལ་གྲུ་ཆུང་བཏང་།། ང་དང་གྲུ་ཆེན་གྲུ་ཆུང་བཏང་ནས་ཡོང་སྒྲིག་ནསཡོང་།། ཆུ་མོ་ཆུང་བ་རྣམས་སུ་ཟམ་ཆེན་བཙུགས་ལ་ཟམ་ཆུང་བཙུགས།། ང་དང་ཟམ་ཆེན་ཟམ་ཆུང་བཙུགས་ནས་ཡོང་སྒྲིག་ནས་ཡོང་།། །།

ཤར་ཕྱོགས་དགུང་ཐང་ལ་མོ།

༉ ཤར་ཕྱོགས་དགུང་ཐང་ལ་མོའི་ལ་མགོ་འདི།། ལ་མོ་ལ་ངོ་ཤེས་ལ་གཅིག་འདུག། ལ་ལུ་གིས་སླབ་ཚེ་ལྷ་ལ་ལོ།། ལ་ལུ་གིས་སླབ་ཚེ་འདྲེ་ལ་ལོ།། ལ་མོ་ང་ངོ་ཁྱོད་ཀྱིས་མ་ཤེས་ན།། ལ་མོ་ང་ནི་དགུང་ཐང་ལ་མོ་ཨིན།། རྩ་བ་བྱང་རྩེ་གཞུང་ལ་ང་མི་འགྲོ། བོད་ཀྱི་ཆོས་འཁོར་ལྷ་ས་མཇལ་ནས་ཡོང་།། །།

ཤར་རི་ཐང་གངས་རྩེ་མོ།

༉ ཤར་རི་ཐང་གངས་ཀྱི་རྩེ་མོ་རུ།། སེར་པོ་གསེར་གྱིས་བཞེངས་པའི་མཆོད་རྟེན་འདི།། སུ་དང་གང་གིས་བཞེངས་པའི་མཆོད་རྟེན་མེན།། མཚན་ལྡན་བླ་མས་བཞེངས་པའི་མཆོད་རྟེན་ཨིན།། རྩེ་མོ་ཡིན་ཟེར་དར་ཅོག་འཕྱར་ནས་ཡོད།། སྐེད་པ་ཡིན་ཟེར་ཡོན་ཆབ་ཕུལ་ནས་ཡོད།། རྩ་བ་ཡིན་ཟེར་བསྐོར་བ་རྐྱབ་ནས་ཡོད།། །།

ཤར་རི་རྩེ་ནས་བྱོན་པ།

༉ ཤར་རི་རྩེ་ནས་བྱོན་པ།། ནོར་བུ་ཆུ་ཤེལ་མེ་ཤེལ།། འཛམ་གླིང་འོད་ཀྱིས་ཁྱབ་པ།། གླིང་བཞི་བསྐོར་བ་ལེགས་སོ།། སྨན་ལྗོངས་དབུས་ནས་བྱོན་པ།། དཔལ་ལྡན་ས་ཡི་དབང་ཕྱུག། ཆབ་སྲིད་འཁོར་ལོ་བསྒྱུར་བ།། ཞབས་པད་བརྟན་པ་ལེགས་སོ།། དག་པའི་ཞིང་ནས་བྱོན་པ།། བྱང་སེམས་མཁས་པའི་དབང་པོ།། ཆོས་ཀྱི་བསྟན་པ་དར་བ།། ཆོས་འཁོར་བསྐོར་བ་ལེགས་སོ།། ལྷ་དབང་ཡུལ་ནས་བྱོན་པ།། བརྒྱ་བྱིན་ལྷ་ཡི་སྲས་པོ།། བསྐལ་བཟང་ཉི་མ་ཤར་བ།། གཟའ་དང་སྐར་མ་ལེགས་སོ།། དྲི་ཟའི་ཡུལ་ནས་བྱོན་པ།། རྨད་བྱུང་ཡེ་ཤེས་མཁའ་འགྲོ།། ཚངས་དབྱངས་ལྷ་མོར་མཉམ་པ།། གསུང་སྙན་བསྒྱུར་བ་ལེགས་སོ།། རིན་ཆེན་གླིང་ནས་བྱོན་པ།། དེད་དཔོན་ནོར་བུ་བཟང་པོ།། བང་མཛོད་ནོར་གྱིས་གང་བ།། རྟགས་དང་རྟེན་འབྲེལ་ལེགས་སོ།། ལྕང་ལོ་ཅན་ནས་བྱོན་པ།། རྣམ་སྲས་ནོར་ལྷའི་རྒྱལ་པོ།། གཡང་གི་དངོས་གྲུབ་ཐོབ་པ།། འདི་ན་བཞུགས་པ་ལེགས་སོ།། །།

ཤར་རིའི་རྩེ་ནས་ཁྲི་གདུགས་ཉི་མ།

༉ ཤར་རིའི་རྩེ་ནས་ཁྲི་གདུགས་ཉི་མ།། འོད་ཟེར་སྐྱེ་འགྲོའི་དཔལ་དུ་ཤར་བས།། བདེ་སྐྱིད་ཕུན་སུམ་ཚོགས་པའི་རྟེན་འབྲེལ།། མཐོང་ནས་པདྨའི་འདབ་བརྒྱ་བཞད་སོང་།། དམིགས་མེད་ཆོས་དབྱིངས་ཀློང་ནས་འཕོས་པའི།། མཆོག་གསུམ་སྣང་བ་ཞིང་འདིར་འབར་བས།། ཕན་བདེའི་དཔལ་ལ་སྤྱོད་པའི་རྟེན་འབྲེལ།། མཐོང་ནས་ཡིད་དབང་དད་པས་འཕྲོག་སོང་།། མཚན་ལྡན་བླ་མའི་ཞལ་གྱི་ངོས་ནས།། ཟབ་ཆོས་བདུད་རྩི་སྙིང་ལ་སིམ་པས།། གཟུང་འཛིན་དབྱིངས་སུ་དག་པའི་རྟེན་འབྲེལ།། མཐོང་ནས་རིག་པའི་ཡེ་ཤེས་རྒྱས་སོང་།། སྐྱེ་མེད་ཆོས་དབྱིངས་དག་པའི་ཀློང་ནས།། འགགས་མེད་གཟུགས་སྐུའི་རོལ་པར་ཤར་ཚེ།། འཁོར་བ་དོང་ནས་སྤྲུགས་པའི་རྟེན་འབྲེལ།། མཐོང་ནས་འཁོར་འདས་གཅིག་ཏུ་འདྲེས་སོང་།། །།

ཤར་ལས་ཧ་ལས་མི་ཤར་ཧ་ལས་ཤར།

༉ ཤར་ལས་ཧ་ལས་མི་ཤར་ཧ་ལས་ཤར།། ཤར་ལས་ཧ་ལས་ཁྲི་གདུགས་ཉི་མ་ཤར།། ཤར་ལས་ཧ་ལས་ཁྲི་གདུགས་མ་ཤར་ན།། ནུབ་ཀྱི་གངས་རི་དཀར་པོ་བཞུ་རྒྱུ་མེད།། ནུབ་ཀྱི་གངས་རི་དཀར་པོ་མ་བཞུ་ན།། ཆུ་ལ་སྐྱིད་ཆུ་སྔོན་མོ་འབབ་རྒྱུ་མེད།། ཆུ་ལ་སྐྱིད་ཆུ་སྔོན་མོ་མ་འབབ་ན།། མཚོ་ལ་མ་ཕམ་གཡུ་མཚོ་འཁྱིལ་རྒྱུ་མེད།། མཚོ་ལ་མ་ཕམ་གཡུ་མཚོ་མ་འཁྱིལ་ན།། ཤིང་ལ་ཙན་དན་སྡོང་པོ་འཁྲུངས་རྒྱུ་མེད།། ཤིང་ལ་ཙན་དན་སྡོང་པོ་མ་འཁྲུངས་ན།། བྱ་ལ་ཁུ་བྱུག་སྔོན་མོ་ཆགས་ས་མེད།། བྱ་ལ་ཁུ་བྱུག་སྔོན་མོ་མ་ཆགས་ན།། ཁྱོད་དང་འདྲ་བའི་གསུང་སྐད་ང་ལ་མེད།། །།

ཤོག་ཤོག་ཚེ་རིང་འཇའ་སྨུག་ཤོག

༉ ཤོག་ཤོག་ཚེ་རིང་འཇའ་སྨུག་ཤོག། ལ་མོ་སྣར་ཐང་ལ་མོ།། ཁ་བ་ཆེན་པོ་རྒྱབ་སོང་།། ཚེ་རིང་འཇའ་སྨུག་ཤོག། ཤོག་ཤོག་ཚེ་རིང་འཇའ་སྨུག་ཤོག། ཤོག་དྲེལ་མེ་ཏོག་མཚོ་མོ།། མཐོ་བའི་ལ་མོ་བརྒལ་སོང་།། ཚེ་རིང་འཇའ་སྨུག་ཤོག། ཤོག་ཤོག་ཚེ་རིང་འཇའ་སྨུག་ཤོག། ཤོག་དྲེལ་མེ་ཏོག་རག་མོ།། ཁ་བའི་ནང་དུ་ལུས་སོང་།། ཚེ་རིང་འཇའ་སྨུག་ཤོག། ཤོག་ཤོག་ཚེ་རིང་འཇའ་སྨུག་ཤོག། དྲེལ་དཔོན་བཀྲིས་དོན་གྲུབ།། ལ་མོའི་གཞོལ་ལ་ལུས་སོང་།། ཚེ་རིང་འཇའ་སྨུག་ཤོག། ཤོག་ཤོག་ཚེ་རིང་འཇའ་སྨུག་ཤོག། ཐང་གསུམ་གླིང་མའི་ཐང་ལ།། དྲེལ་ལ་རྩྭ་ཞིག་བྱིན་ནས།། ཚེ་རིང་འཇའ་སྨུག་ཤོག། ཤོག་ཤོག་ཚེ་རིང་འཇའ་སྨུག་ཤོག། དྲེལ་དཔོན་བཀྲིས་དོན་གྲུབ།། ཞིམ་པའི་ཇ་ཞིག་འཐུང་སོང་།། ཚེ་རིང་འཇའ་སྨུག་ཤོག། །།

ས་ཡང་རིག་འཛིན་གླིང་གི་གླིང་སྟོད་ན།

༉ ས་ཡང་རིག་འཛིན་གླིང་གི་གླིང་སྟོད་ན། གནས་ཡང་བྱང་ཆུབ་གླིང་གི་ཕོ་བྲང་ན།། མཚན་ལྡན་བླ་མ་གཅིག་གིས་གཙོ་བྱས་པའི།། འཁོར་དུ་རབ་བྱུང་བརྒྱ་དང་རྩ་བརྒྱད་ཡོད། ཡར་ལ་ཨོ་རྒྱན་པད་ཞྭ་གནམ་ལ་ལྡིང་།། མར་ལ་ཆོས་འཁོར་བཟང་པོས་ས་གཞི་གང་།། ཕྱག་ལ་རྡོ་རྗེ་དྲིལ་བུ་བཀྲ་ལ་ཤིས།། ཕྱག་ལ་རྡོ་རྗེ་དྲིལ་བུ་གཡང་ལ་ཆགས།། ས་ཡང་རིག་འཛིན་གླིང་གི་གླིང་སྟོད་ན། གནས་ཡང་བྱང་ཆུབ་གླིང་གི་ཕོ་བྲང་ན།། དབང་ཆེན་དཔོན་པོ་གཅིག་གིས་གཙོ་བྱས་པའི།། འཁོར་དུ་ཚོགས་དམང་བརྒྱ་དང་རྩ་བརྒྱད་ཡོད། ཡར་ལ་ཨོ་རྒྱན་པད་ཞྭ་གནམ་ལ་ལྡིང་།། མར་ལ་ཁབ་ཤུབ་དར་ཕུད་ས་གཞི་གང་།། ཕྱག་ལ་གཡང་དྲིལ་གཡུ་ཁྲོ་བཀྲ་ལ་ཤིས།། ཕྱག་ལ་གཡང་དྲིལ་གཡུ་ཁྲོ་གཡང་ལ་ཆགས།། ས་ཡང་རིག་འཛིན་གླིང་གི་གླིང་སྟོད་ན། གནས་ཡང་བྱང་ཆུབ་གླིང་གི་ཕོ་བྲང་ན།། ཡུམ་ཆེན་ཨ་མ་གཅིག་གིས་གཙོ་བྱས་པའི།། ཆང་འཐུང་མགྲོན་པོ་བརྒྱ་དང་རྩ་བརྒྱད་ཡོད། ཡར་ལ་སུམ་ཆང་སེར་མོ་གནམ་མཁའ་གང་།། མར་ལ་གླུ་གར་ཞབས་བྲོས་ས་གཞི་གང་།། ཕྱག་ལ་ཆང་གི་དགའ་སྤྲོ་བཀྲ་ལ་ཤིས།། ཕྱག་ལ་ཆང་གི་དགའ་སྤྲོ་གཡང་ལ་ཆགས།། །།

ས་ཡུལ་སྐྱིད་པའི་དབུས་ཕྱོགས་སྭོ་ཡ་ལ།

༉ ས་ཡུལ་སྐྱེས་པའི་གཡུས་ཕྱོགས་སྭཽ་ཡ་ལ།། ལྷ་ས་རྟ་རྭས་ནང་ལས་རྟ་ཅིག་ཉོ།། རྟ་ཕོ་རྒྱལ་ཁ་ཐོབ་ནས་ལོག་ནས་ཡོང་།། རང་དབང་རང་བཙན་གཙང་མ་སྭཽ་ཡ་ལ།། ལྷ་ས་རྟ་རྭས་ནང་ལས་རྟ་ཅིག་ཉོ།། རྟ་ཕོ་རྒྱལ་ཁ་ཐོབ་ནས་ལོག་ནས་ཡོང་།། ས་གཞི་བསོད་ནམས་བསགས་པ་སྭཽ་ཡ་ལ།། ལྷ་ས་རྟ་རྭས་ནང་ལས་རྟ་ཅིག་ཉོ།། རྟ་ཕོ་རྒྱལ་ཁ་ཐོབ་ནས་ལོག་ནས་ཡོང་།། དགའ་བའི་བདེ་གླིང་ཕོ་བྲང་སྭཽ་ཡ་ལ།། ལྷ་ས་རྟ་རྭས་ནང་ལས་རྟ་ཅིག་ཉོ།། རྟ་ཕོ་རྒྱལ་ཁ་ཐོབ་ནས་ལོག་ནས་ཡོང་།། གསེརགྱི་ཉི་ཟླའི་ཁྲི་སྟེང་སྭཽ་ཡ་ལ།། ལྷ་ས་རྟ་རྭས་ནང་ལས་རྟ་ཅིག་ཉོ།། རྟ་ཕོ་རྒྱལ་ཁ་ཐོབ་ནས་ལོག་ནས་ཡོང་།། མངའ་བདག་གོང་མ་བཞུགས་ཡོད་སྭཽ་ཡ་ལ།། ལྷ་ས་རྟ་རྭས་ནང་ལས་རྟ་ཅིག་ཉོ།། རྟ་ཕོ་རྒྱལ་ཁ་ཐོབ་ནས་ལོག་ནས་ཡོང་།། གཡས་ལ་དམག་ཁང་ཆགས་ཡོད་སྭཽ་ཡ་ལ།། ལྷ་ས་རྟ་རྭས་ནང་ལས་རྟ་ཅིག་ཉོ།། རྟ་ཕོ་རྒྱལ་ཁ་ཐོབ་ནས་ལོག་ནས་ཡོང་།། རྟིང་རྟིང་སྐད་ཀྱིས་འབག་ཆགས་སྭཽ་ཡ་ལ།། ལྷ་ས་རྟ་རྭས་ནང་ལས་རྟ་ཅིག་ཉོ།། རྟ་ཕོ་རྒྱལ་ཁ་ཐོབ་ནས་ལོག་ནས་ཡོང་།།

སེམས་དང་སེམས་ཀྱི་བར་ལ།

༉ སེམས་དང་སེམས་ཀྱི་བར་ལ།། སེམས་རྟེན་བཞག་རེས་འབྱུང་ན།། བཀྲ་ལ་ཤིས་པར་གཡང་ཆགས་པར་ཤོག། ལུས་པོ་ལ་ལུང་བཅད་ཀྱང་།། ཡིག་ཆུང་བཀུར་ནས་ཞུ་ཆོག། བཀྲ་ལ་ཤིས་པར་གཡང་ཆགས་པར་ཤོག། ས་འདི་རིམ་གྱིས་ནུབ་ལ་སོང་།། བྱིའུ་ཅུང་ཚང་ལ་ཉལ་སོང་།། བཀྲ་ལ་ཤིས་པར་གཡང་ཆགས་པར་ཤོག། སྡོད་ས་མེད་པའི་སྤྲང་པོ།། གཡབ་ཀྱི་འོག་ལ་ཉལ་སོང་།། བཀྲ་ལ་ཤིས་པར་གཡང་ཆགས་པར་ཤོག། སེམས་པ་སྐྱོ་བའི་ངང་ནས།། ནུབ་རི་ཕྱོགས་ལ་བལྟས་སོང་།། ཚེས་གསུམ་ཟླ་བའི་ཞལ་རས།། ནུབ་རིས་ཕྱོགས་ལ་མཇལ་བྱུང་།། བཀྲ་ལ་ཤིས་པར་གཡང་ཆགས་པར་ཤོག། །།

སོ་གཡུས་གཞུང་པདྨ་ལ།

༉ སྭཽ། གཡུས་གཞུང་པདྨ་ལ་བཅོ་ལྔའིལ།། ཆོས་ལ་རང་འགྲོ།། སྭཽ། བཅོ་ལྔའི་ཟླ་བ་བཟང་པོ་ལ།། ཆོས་ལ་རང་འགྲོ།། སྭཽ། གདན་ས་ཆོས་ཀྱི་ཕོ་བྲང་།། ཆོས་ལ་རང་འགྲོ།། སྭཽ། ཤར་ལས་སྐར་མ་གཅིག་ཤར།། ཆོས་ལ་རང་འགྲོ།། སྭཽ། ནུབ་ལས་སྐར་མ་གཉིས་ཤར།། ཆོས་ལ་རང་འགྲོ།། སྭཽ། སྐར་མ་བརྒྱ་ཤར་སྟོང་ཤར།། ཆོས་ལ་རང་འགྲོ།། སྭཽ། ནམ་མཁའི་དབྱིངས་ལ་འཛོམས་བྱུང་།། ཆོས་ལ་རང་འགྲོ།། སྭཽ། མ་གཅིག་དཔལ་ལྷ་མཇལ་ཤོག། ཆོས་ལ་རང་འགྲོ།། སྭཽ། ཁོག་པའི་སྙིང་ནས་མཇལ་ཤོག། ཆོས་ལ་རང་འགྲོ།། སྭཽ། ལྷ་ས་པོ་ཏ་རྩེ་ལ།། ཆོས་ལ་རང་འགྲོ།། ལྷ་ས་མཐོང་རྒྱུ་འབྱུང་ན།། ཆོས་ལ་རང་འགྲོ།། །།

སྭོ་སྐྱིད་པའི་འབྲུག་གཡུས་ཙན་དན་བཀོད་པའི་ལྗོངས།

༉ སྐྱིད་པའི་འབྲུག་གཡུས་ཙན་དན་བཀོད་པའི་ལྗོངས།། རང་དབང་རང་བཙན་གཙང་མའི་ལྡུམ་ར་འདྲ།། ཆོས་སྲིད་ཉི་ཟླ་གཉིས་པོ་དགུང་ལས་ཤར།། དམ་ཚིག་གཙང་མའི་མེ་ཏོག་ས་ལས་འཁྲུངས།། དགའ་བའི་རྒྱལ་ས་བཀྲིས་ཆོས་ཀྱི་རྫོང་།། ལྷ་ཡི་ཕོ་བྲང་གཙང་མའི་ཁང་བཟང་འདྲ།། དགེ་ལེགས་འགྱུར་བ་མེད་པའི་ཁྲི་ལ་བཞུགས།། མངའ་འབངས་བདེ་སྐྱིད་གཉིས་ཀྱི་ངང་ལས་བསྐྱངས།། བཀྲིས་རྟེན་འབྲེལ་བཟང་པོའི་ཞབས་བྲོ་འདི།། ཚེ་འདི་མི་རྟག་དྲན་པའི་འཕྲིན་གླུ་འདྲ།། འདིར་ཚོགས་ལྷ་མི་ཡོངས་ཀྱི་སྙན་སྒྲོན་དུ།། སྒྲ་སྙན་བཟང་པོ་དར་དང་བཅས་ཏེ་ཕུལ།། །།

སློབ་དཔོན་འཕགས་པ།

༉ སློབ་དཔོན་འཕགས་པ་རྗེ་བཙུན་འཇམ་དབྱངས་ཀྱིས།། ལྷ་དང་ལྷ་མིན་འཐབ་རྩོད་ཞི་ཐབས་ལུ།། ཚིག་གདངས་སྙན་པའི་རྟེན་འབྲེལ་གླུ་གཞས་ཚུ།། ཐུགས་བརྩེ་ཆེན་པོའི་སྒོ་ལས་གསུངས་གནང་ཡོད།། འདོད་དགུ་ལོངས་སྤྱོད་འཛོམས་པའི་ལྷ་ཡུལ་ནང་།། མཐུན་འབྲེལ་མཆོད་བསྟོད་རྟེན་འབྲེལ་གླུ་གཞས་ཚུ།། འགོ་ཐོག་ལྷ་ཡི་གླུ་ལས་དཔེ་བླངས་ཏེ།། འཇིག་རྟེན་མི་ཡི་ལུང་པར་དར་ཏེ་ཡོད།། སྨན་ལྗོངས་ཙན་དན་བཀོད་པའི་དགའ་ཚལ་ནང་།། ལྷ་གཅིག་ཨྱོན་པདྨ་འབྱུང་གནས་ལུ།། སྦས་གནས་བྱིན་གྱིས་བརླབས་པའི་རྟེན་འབྲེལ་ཚུ།། གླུ་བྲོ་གར་གྱི་མཆོད་དབྱངས་ཕུལ་ཏེ་ཡོད།། ཆོས་སྲིད་གཉིས་ལྡན་འབྲུག་གི་རྒྱལ་ཁབ་འདི།། ཕ་མཆོག་དྲིན་ཅན་ངག་དབང་རྣམ་རྒྱལ་ལུ།། གཞུང་སྐྱོང་གཞི་བཙུགས་གནང་བའི་རྟེན་འབྲེལ་ཚུ།། ཕུན་སུམ་ཚོགས་པའི་བྲོ་གར་འཁྲབ་སྟེ་ཡོད།། དགའ་སྐྱིད་སྤྲོ་གསུམ་ལྡན་པའི་གླུ་གཞས་ཚུ།། རྫོང་གཞི་སྒྲུབ་གནས་ལོ་ཆོག་དགའ་སྟོན་དང་།། ཕན་ཚུན་མཛའ་བརྩེ་དགའ་སྤྲོའི་མཐུན་འབྲེལ་གླུ།། མངའ་འབངས་ཡོངས་ཀྱིས་དགའ་སྐྱིད་གླུ་གར་བསྒྱུར།། །།

གསུང་གི་ཁུ་བྱུག་སྔོན་མོ།

༉ གསུང་གི་ཁུ་བྱུག་སྔོན་མོ།། གཙང་གི་སྒམ་པ་ལ་མོ།། དགུང་ལས་མཐོ་རུང་བརྒལ་སོང་།། ས་སྐྱ་ཆོས་ཀྱི་བང་མཛོད།། དཀར་པོ་དུང་གི་རྒྱང་བསྒྲགས།། འཕུ་ན་ངན་སོང་གྲོལ་སོང་།། ཆུ་ཆེན་གཡས་རི་གཙང་མོ།། གྲུ་ཆེན་རྟ་མགོ་མེད་ཀྱང་།། གྲུ་ལ་དར་ཅོག་འཕྱར་ཤོག། དབུས་ཀྱི་སྐྱིད་ཆུ་སྔོན་མོ།། གསེར་གྱི་ཟམ་པ་མེད་ཀྱང་།། ལྕགས་ཟམ་བཙུགས་ནས་བྱོན་ཤོག།། ཡར་འབྲོག་གཡུ་ཡི་མཚོ་མོ།། རྟ་ཕོའི་ཉིན་ལམ་བཅོ་བརྒྱད།། མཇལ་ནས་བསམ་པ་རྫོགས་སོང་།། གཙང་སྟོད་བཀྲིས་ལྷུན་པོ།། དགའ་བའི་བྲོ་ཤིག་འཁྲབ་ན།། སྐྱིད་པའི་ཉི་མ་ཤར་སོང་།། དགའ་ལྡན་རི་ཡི་རྩེ་ནས།། མཚན་ལྡན་བླ་མའི་གདན་ས།། ཆོས་ཀྱི་བསྟན་པ་དར་སོང་།། སྟོད་ལ་མངའ་རིས་སྐོར་གསུམ།། ལ་མོ་ས་ཐག་རིང་ཀྱང་།། མི་སྡོད་མཇལ་བར་འགྲོ་དགོས།། ལྷ་ས་ནོར་བུའི་གླིང་ལ།། ལྕང་གླིང་ཤིང་ཅིག་མཐོང་ཚེ།། རང་ཡུལ་ཁོང་ལས་དྲན་སོང་།། བསམ་ཡས་བྱེ་མའི་ནང་ལས།། རང་འབྱུང་སྤྲུལ་པའི་ཕོ་བྲང་།། མཇལ་ན་བསམ་པ་རྫོགས་སོང་།། གཡུ་ཐོག་ཟམ་པའི་སྟེང་ལ།། རྒྱལ་བ་ཆིབས་གྲལ་གནང་སར།། བྱིན་རླབས་ཀུན་ལུ་ཁྱབ་སོང་།། ཟམ་པའི་འོག་གི་གསེར་མིག། ངན་སོང་གསུམ་ལུ་མ་བཏང་།། མཐོ་རིས་ཐར་པར་དྲངས་སོང་།། ལྷ་ས་ཇོ་བོའི་སྐུ་མདུན།། ཁ་དར་དཀར་པོ་ཕུལ་ན།། བཏབ་པའི་སྨོན་ལམ་ཐེབས་སོང་།། །།

གསུང་དང་སྔོན་མོ།

༉ གསུང་དང་སྔོན་མོ་ལ་མོ་གཅིག་བརྒལ་སོང་།། ཡང་ཅིག་སྔོན་མོ་ལ་མོ་གཉིས་བརྒལ་སོང་།། རྒྱལ་པོའི་རྟ་རྭ་གྲུ་བཞི།། སྒམ་པ་ལ་མོ་མི་ཆགས་ལ་རྩེ་ཆགས།། གསུང་དང་སྔོན་མོ་ལ་མོ་གཅིག་བརྒལ་སོང་།། ཡང་ཅིག་སྔོན་མོ་ལ་མོ་གཉིས་བརྒལ་སོང་།། རྟ་ཕོ་རྟ་ནག་རྟིང་དཀར།། སྒམ་པ་ལ་མོ་མི་ཆགས་ལ་རྩེ་ཆགས།། གསུང་དང་སྔོན་མོ་ལ་མོ་གཅིག་བརྒལ་སོང་།། ཡང་ཅིག་སྔོན་མོ་ལ་མོ་གཉིས་བརྒལ་སོང་།། སྒ་མགོ་གསེར་སྒ་དངུལ་སྒ།། སྒམ་པ་ལ་མོ་མི་ཆགས་ལ་རྩེ་ཆགས།། གསུང་དང་སྔོན་མོ་ལ་མོ་གཅིག་བརྒལ་སོང་།། ཡང་ཅིག་སྔོན་མོ་ལ་མོ་གཉིས་བརྒལ་སོ།། སྒ་མཇུག་དར་དང་གོས་ཆེན།། སྒམ་པ་ལ་མོ་མི་ཆགས་ལ་རྩེ་ཆགས།། གསུང་དང་སྔོན་མོ་ལ་མོ་གཅིག་བརྒལ་སོང་།། ཡང་གཅིག་སྔོན་མོ་ལ་མོ་གཉིས་བརྒལ་སོང་།། དྲག་ཤོས་བཅོ་ལྔའི་ཟླ་བ།། སྒམ་པ་ལ་མོ་མི་ཆགས་ལ་རྩེ་ཆགས།། །།

གསེར་གྱི་ལགས་སོ་རྒྱལ་མཚན་མི་བཙུགས།

༉ གསེར་གྱི་ལགས་སོ་རྒྱལ་མཚན་མི་བཙུགས།། གསེར་གྱི་ལགས་སོ་རྒྱལ་མཚན་བཙུགས།། གསེར་གྱི་ལགས་སོ་རྒྱལ་མཚན་བཙུགས་ན།། ཆོས་འཁོར་ལྷ་ས་བཙུགས།། ཤཱཀྱ་མུ་ཎེ་མ་བཞུགས་ན།། རྒྱལ་མཚན་བཙུགས་རྒྱུ་མེད།། ཤཱཀྱ་མུ་ཎེ་་བཞུགས་ན།། རྒྱལ་མཚན་བཙུགས་རྒྱུ་ཡོད།། དབུ་ལ་ཨོ་རྒྱན་པད་ཞྭ།། བཀྲ་ལ་ཤིས་པར་ཤོག། ཕྱག་ལ་རྡོ་རྗེ་དྲིལ་བུ།། གཡང་ལ་ཆགས་པར་ཤོག། ཐུགས་ལ་དངུལ་དཀར་མེ་ལོང་།། བཀྲ་ཤིས་སྨོན་ལམ་ཞུ་གེ།། །།

བསམ་ཡས་ཀྱི་ས་ལ་མོ།

༉ བསམ་ཡས་ཀྱི་ས་ལ་མོ།། གང་གི་ལོ་ལས་སེལ་ཡོད་པའི།། ས་གཞི་བྱིའུ་འདེ་སེལ་སེལ་བ།། བྱི་བའི་ལོ་ལས་སེལ།། ཨོཾ་ས་མ་ལ་ཎི།། མ་ཎི་ལ་པདྨེ་ཧཱུྃ་ཞེས་པའི།། བདག་ལ་ཨོཾ་ས་མ་ལ་ཎི།། མ་ཎི་ལ་པདྨེ་ཧཱུྃ།། བསམ་ཡས་ཀྱི་འགྱམ་ལ་མོ།། གང་གི་ལོ་ལས་བཙུགས་ཡོད་པའི།། འགྱམ་རྡོ་གླང་འདེ་ཉལ་ཉལ་བ།། གླང་གི་ལོ་ལས་བཙུགས།། ཨོཾ་ས་མ་ལ་ཎི།། མ་ཎི་ལ་པདྨེ་ཧཱུྃ་ཞེས་པའི།། བདག་ལ་ཨོཾ་ས་མ་ལ་ཎི།། མ་ཎི་ལ་པདྨེ་ཧཱུྃ།། བསམ་ཡས་ཀྱི་སྒོ་ལ་མོ།། གང་གི་ལོ་ལས་ལྷོང་ཡོད་པའི།། སྒོ་མོ་སྟག་འདེ་ལྷོང་ལྷོང་པ།། སྟག་གི་ལོ་ལས་ལྷོང་།། ཨོཾ་ས་མ་ལ་ཎི།། མ་ཎི་ལ་པདྨེ་ཧཱུྃ་ཞེས་པའི།། བདག་ལ་ཨོཾ་ས་མ་ལ་ཎི།། མ་ཎི་ལ་པདྨེ་ཧཱུྃ།། བསམ་ཡས་ཀྱི་རབ་གསལ།། གང་གི་ལོ་ལས་ལྷོང་ཡོད་པའི།། རབ་གསལ་ཡོས་འདེ་ལྷོང་ལྷོང་བ།། ཡོས་ཀྱི་ལོ་ལས་ལྷོང་།། ཨོཾ་ས་མ་ལ་ཎི།། མ་ཎི་ལ་པདྨེ་ཧཱུྃ་ཞེས་པའི།། བདག་ལ་ཨོཾ་ས་མ་ལ་ཎི།། མ་ཎི་ལ་པདྨེ་ཧཱུྃ།། བསམ་ཡས་ཀྱི་རྦད་ལ་སྐས།། གང་གི་ལོ་ལས་བཙུགས་ཡོད་པའི།། རྦད་སྐས་འབྲུག་འདེ་ལྡིར་ལྡིར་བ།། འབྲུག་གི་ལོ་ལས་བཙུགས།། ཨོཾ་ས་མ་ལ་ཎི།། མ་ཎི་ལ་པདྨེ་ཧཱུྃ་ཞེས་པའི།། བདག་ལ་ཨོཾ་ས་མ་ལ་ཎི།། མ་ཎི་ལ་པདྨེ་ཧཱུྃ།། བསམ་ཡས་ཀྱི་ཟུར་ལ་ཆེན།། གང་གི་ལོ་ལས་འཕྲང་ཡོད་པའི།། ཟུར་ཆེན་སྦྲུལ་འདེ་འཕྲང་འཕྲང་བ།། སྦྲུལ་གྱི་ལོ་ལས་འཕྲང་།། ཨོཾ་ས་མ་ལ་ཎི།། མ་ཎི་ལ་པདྨེ་ཧཱུྃ་ཞེས་པའི།། བདག་ལ་ཨོཾ་ས་མ་ལ་ཎི།། མ་ཎི་ལ་པདྨེ་ཧཱུྃ།། །།

བསིལ་ལྡན་གངས་རིས་བསྐོར་ཞིང་།

༉ བསིལ་ལྡན་གངས་རིས་བསྐོར་ཞིང་།། ཙན་དན་ནགས་མོའི་ཁྲ་རྒྱན།། སྔོ་ལྗང་ནིའུ་གསིང་སྔོན་མོ།། མཛེས་འོས་བཀྲིས་བདེ་ལེགས།། གཙང་ཆབ་བདུད་རྩིའི་མགུར་དབྱངས།། གར་བསྒྱུར་གསེར་བྱ་ངང་མོ།། དབུས་སུ་འཁྱུག་ཕྲན་ཉ་མོ།། ཕུན་ཚོགས་བཀྲིས་བདེ་ལེགས།། སྔོ་བསངས་ལྷ་ཡི་ལམ་ལས།། སྤྲིན་བྲལ་འཇའ་རིས་ཤིག་ཤིག། ཉི་ཟླ་དཔལ་གྱི་ཀློང་དུ།། འཛོམས་པའི་བཀྲིས་བདེ་ལེགས།། དབྱངས་དང་མགུར་གྱི་མཆོད་པ།། གླིང་བཞི་སྤྱི་དང་ལྷ་ཡུལ།། ཡོངས་ཀྱི་ཕན་བདེ་སྐྱེས་བུ།། འགྱུར་བའི་བཀྲ་ཤིས་བདེ་ལེགས།། ཆོས་སྲིད་གཉིས་ཀྱི་གཙོ་བོ།། མངའ་བདག་ཆོས་རྒྱལ་མཆོག་དང་།། བློན་ཚོགས་མི་མང་ལྷན་རྒྱས།། འགྱུར་མེད་བཀྲིས་བདེ་ལེགས།། །།

ལྷ་ཡུལ་ས་འཕོས་པ།

༉ ལྷ་ཡུལ་ས་འཕོས་པ།། དཔལ་ལྡན་འབྲུག་པའི་རྒྱལ་ཁབ།། དགའ་སྐྱིད་ཕུན་སུམ་ཚོགས་པ།། རྒྱལ་ཁབ་བསྐལ་བ་བཟང་སོང་།། རྒྱལ་སྲིད་ལུགས་བརྒྱའི་མཛད་པ།། མངའ་འབངས་བདེ་སྐྱིད་སྐྱོང་བ།། བརྒྱུད་འཛིན་མི་དབང་ཚངས་པ།། གོང་མའི་སྐལ་བ་བཟང་སོང་།། མཉམ་མེད་རྒྱལ་བའི་བསྟན་པ།། སྐྱབས་གནས་དཀོན་མཆོག་གསུམ་གྱིས།། འཇིག་རྟེན་དགེ་བར་མཛད་པས།། སྐྱབས་གནས་སྐལ་བ་བཟང་སོང་།། འཕྲལ་ཡུན་ཕན་བདེའི་གཞི་མ།། ས་སྐྱོང་རྒྱལ་པོའི་དགོངས་བཞེད།། ཉམས་མེད་སྒྲུབ་པར་མཛད་པས།། བློན་ཚོགས་སྐལ་བ་བཟང་སོང་།། འབངས་སུ་གཏོགས་པའི་སྐྱེ་བོ།། མངའ་བདག་གོང་མ་མཆོག་ལ།། ཅི་མཛད་ལེགས་པར་མཐོང་བས།། འབངས་ཀྱི་སྐལ་བ་བཟང་སོང་།། །།

ལྷ་ཤིང་ལྗོན་པའི་རྩེ་ནས།

༉ ལྷ་ཤིང་ལྗོན་པའི་རྩེ་ནས།། གསུང་གི་ཁུ་བྱུག་སྔོན་མོ།། སྐྱེད་ཚལ་མཛེས་པའི་རྒྱན་ཆ།། གསུང་སྙན་མཆོད་པ་ཕུལ་ཤོག། ཆུ་རྫིང་གྲུ་བཞི་ནང་ལས།། ཡིད་འོང་གསེར་མིག་ཉ་མོ།། ཉམས་ཀྱི་རྩེ་འཇོ་ངོམས་པ།། དགའ་སྐྱིད་རྟེན་འབྲེལ་ཞུ་འོ།། ཁང་བཟང་ཁྲ་མོའི་ནང་དུ།། སྐྱེས་པའི་དྲིན་ཅན་ཡབ་ཡུམ།། བྱམས་སྐྱོང་བརྩེ་གདུང་ཆེ་བ།། བཀའ་དྲིན་ཤིན་ཏུ་ཆེ་སོང་།། ལས་དང་སྨོན་ལམ་མཐུན་པའི།། བརྩེ་གདུང་སྙིང་གི་གྲོགས་པོ།། དམ་ཚིག་དར་མདུད་དཀར་པོ།། མ་ལྷོད་ཕྱག་ལ་བཞེས་གནང་།། གསེར་གཤོག་སྤང་གི་དབུས་ན།། སྟག་ཤར་གཞོན་པའི་མདའ་མོ།། སྣ་ཚོགས་དར་གྱིས་བརྒྱན་ནས།། འབའ་མོ་བསྐོར་བ་ལེགས་སོ།། ཡིད་འོང་སྨན་ཆུང་བུ་མོ།། ལྷང་ལྷང་གླུ་གར་བསྒྱུར་ནས།། ཇ་ཆང་མཚོ་ལྟར་འཁྱིལ་བའི།། རྟེན་འབྲེལ་ལེགས་པར་ཞུའོ།། །།

ལྷ་ས་པོ་ཏ་རྩེ་ལས།

༉ ལྷ་ས་པོ་ཏ་རྩེ་ལས།། ཙཱ་རི་སྨྱུག་མ་འཁྲུངས་ཡོད་ཞེས་པའི་སོ་ཡ།། ཙཱ་རི་སྨྱུག་མ་མ་རེད།། ང་ཚོ་བླ་མའི་སྐུ་གཟུགས་ལ་ཞེས་པའི་སོ་ཡ།། ལྷ་ས་པོ་ཏ་རྩེ་ལས།། སྐར་གསལ་ཟླ་བ་ཤར་ཡོད་ལ་ཞེས་པའི་སོ་ཡ།། སྐར་གསལ་ཟླ་བ་མ་རེད།། ང་ཚོ་བླ་མའི་ཞལ་རས་ལ་ཞེས་པའི་སོ་ཡ།། ལྷ་ས་པོ་ཏོརྩེ་ལས།། གསེར་གྱི་རྒྱ་གླིང་འཕུ་ཡོད་ལ་ཞེས་པའི་སོ་ཡ།། གསེར་གྱི་རྒྱ་གླིང་མ་རེད།། ང་ཚོ་བླ་མའི་གསུང་སྐད་ལ་ཞེས་པའི་སོ་ཡ།། །།

ལྷོ་ལྗོངས་དག་པའི་ཞིང་འདིར།

༉ ལྷོ་ལྗོངས་དག་པའི་ཞིང་འདིར།། གངས་རི་རྭ་བས་བསྐོར་སོང་།། ཆོས་སྲིད་མི་འགྱུར་བརྟན་པ།། མངའ་བདག་རྒྱལ་པོས་བསྐྱངས་སོང་།། དཔལ་ལྡན་འབྲུག་པའི་རྒྱལ་ཁབ།། འཛམ་གླིང་སྤྱི་ཚོགས་ཚུད་སོང་།། ཡར་རྒྱས་གོང་འཕེལ་ལྡན་པ།། གཞན་ལ་རེ་དགོས་མིན་འདུག། ལྷ་སྡེ་མི་སྡེའི་དབང་ཐང་།། གོང་ནས་གོང་དུ་འཕེལ་ཤོག། །།

ལྷོ་ལྗོངས་སྨན་ལྗོངས་རང་དབང་རྒྱལ་ཁབ་འདི།

༉ ལྷོ་ལྗོངས་སྨན་ལྗོངས་རང་དབང་རྒྱལ་ཁབ་འདི།། དགའ་སྐྱིད་ཕུན་སུམ་ཚོགས་པའི་རྟེན་འབྲེལ་བཟང་།། དཔལ་ལྡན་འབྲུག་པའི་ཆབ་སྲིད་དགུང་ལས་མཐོ།། འགྱུར་བ་མེད་པ་བཀྲ་ལ་ཤིས་པར་ཤོག། བཀྲིས་ཆོས་རྫོང་གཡང་ལ་ཆགས་པ་འདི།། ཕྱོགས་ལས་རྣམ་པར་རྒྱལ་བའི་རྟེན་འབྲེལ་བཟང་།། དཔལ་ལྡན་འབྲུག་པའི་ཆབ་སྲིད་དགུང་ལས་མཐོ།། འགྱུར་བ་མེད་པ་བཀྲ་ལ་ཤིས་པར་ཤོག། འཕྲིན་ལས་རྣམ་བཞིའི་རྒྱལ་དར་འཕྱར་བ་འདི།། རྒྱལ་སྲས་རང་དབང་ཐོབ་པའི་རྟེན་འབྲེལ་བཟང་།། དཔལ་ལྡན་འབྲུག་པའི་ཆབ་སྲིད་དགུང་ལས་མཐོ།། འགྱུར་བ་མེད་པ་བཀྲ་ལ་ཤིས་པར་ཤོག། རྒྱལ་སྲིད་ཆོས་བཞིན་སྐྱོང་བའི་མངའ་བདག་མཆོག། མི་འགྱུར་ཞབས་པད་བརྟན་པའི་རྟེན་འབྲེལ་བཟང་།། དཔལ་ལྡན་འབྲུག་པའི་ཆབ་སྲིད་དགུང་ལས་མཐོ།། འགྱུར་བ་མེད་པ་བཀྲ་ལ་ཤིས་པར་ཤོག། ལྷ་མིའི་སྐྱབས་གནས་འཕགས་ཚོགས་དགེ་འདུན་རྣམས།། ཆོས་ཀྱི་འཁོར་ལོ་བསྐོར་བའི་རྟེན་འབྲེལ་བཟང་།། དཔལ་ལྡན་འབྲུག་པའི་ཆབ་སྲིད་དགུང་ལས་མཐོ་།། འགྱུར་བ་མེད་པ་བཀྲ་ལ་ཤིས་པར་ཤོག། མི་སེར་བདེ་བར་སྐྱོང་བའི་ཞི་བའི་དཔོན།། ཐབས་མཁས་ཤེས་རིག་བཀྲ་བའི་རྟེན་འབྲེལ་བཟང་།། དཔལ་ལྡན་འབྲུག་པའི་ཆབ་སྲིད་དགུང་ལས་མཐོ་།། འགྱུར་བ་མེད་པ་བཀྲ་ལ་ཤིས་པར་ཤོག། ཕྱི་དགྲ་ཐབས་ཀྱིས་བཏུལ་བའི་དྲག་པོའི་དཔུང་།། གཡུལ་ལས་རྣམ་པར་རྒྱལ་བའི་རྟེན་འབྲེལ་བཟང་།། དཔལ་ལྡན་འབྲུག་པའི་ཆབ་སྲིད་དགུང་ལས་མཐོ།། འགྱུར་བ་མེད་པ་བཀྲ་ལ་ཤིས་པར་ཤོག། ཞབས་ཏོག་བཀའ་བཞིན་སྒྲུབ་པའི་མངའ་འབངས་རྣམས།། དམ་ཚིག་འགྱུར་བ་མེད་པའི་རྟེན་འབྲེལ་བཟང་།། དཔལ་ལྡན་འབྲུག་པའི་ཆབ་སྲིད་དགུང་ལས་མཐོ།། འགྱུར་བ་མེད་པ་བཀྲ་ལ་ཤིས་པར་ཤོག། །། == ལྷོ་ལྗོངས་ཡངས་པའི་གླིང་ལ། == ༉ ལྷོ་ལྗོངས་ཡངས་པའི་གླིང་ལ།། དམ་ཆོས་བསྟན་པ་དར་སོང་།། བླ་མའི་གདན་ས་ལ།། གཡུ་ཆུང་འབྲུ་དཀར་ལ།། བཀྲ་ཤིས་སྐྱིད་པའི་རྩེ་ནས།། བདེ་སྐྱིད་ཉི་མ་ཤར་སོང་།། བླ་མའི་གདན་ས་ལ།། གཡུ་ཆུང་འབྲུ་དཀར་ལ།། མི་དབང་འཇིགས་མེད་ཆོས་རྒྱལ།། སྐུ་ཚེ་ཡུན་དུ་གནས་སོང་།། བླ་མའི་གདན་ས་ལ།། གཡུ་ཆུང་འབྲུ་དཀར་ལ།། བུ་དང་བུ་མོའི་ཚོགས་རྣམས།། དགའ་བའི་བྲོ་གླུ་འཁྲབ་ཡོད།། བླ་མའི་གདན་ས་ལ།། གཡུ་ཆུང་འབྲུ་དཀར་ལ།། །།

ལྷོ་མོན་གསེར་གྱི་རི་ལ།

༉ ལྷོ་མོན་གསེར་གྱི་རི་ལ།། བསོད་ན་ལ་ལྟ་འབངས་མཛོད།། འབངས་མཛོད་ལ་མེ་ཏོག་རེ་རེ་འཁྲུངས།། ལྕང་ཐང་གླིང་ལྟ་གླིང་ལ།། གླིང་སེ་མ་ལ་རུ་རུ།། གླིང་སེ་ལ་མེ་ཏོག་རེ་རེ་འཁྲུངས།། སྤོས་ཤིང་ལུང་པའི་ཕུ་ལ།། བསོད་ན་ལ་ལྟ་འབངས་མཛོད།། འབངས་མཛོད་ལ་མེ་ཏོག་རེ་རེ་འཁྲུངས།། ལྕང་ཐང་གླིང་ལྟ་གླིང་ལ།། གླིང་སེ་མ་ལ་རུ་རུ།། གླིང་སེ་ལ་མེ་ཏོག་རེ་རེ་འཁྲུངས།། བཞུགས་པའི་པདྨ་འདབ་རྒྱས།། བསོད་ན་ལ་ལྟ་འབངསམཛོད།། འབངས་མཛོད་ལ་མེ་ཏོག་རེ་རེ་འཁྲུངས།། ལྕང་ཐང་གླིང་ལྟ་གླིང་ལ།། གླིང་སེ་མ་ལ་རུ་རུ།། གླིང་སེ་ལ་མེ་ཏོག་རེ་རེ་འཁྲུངས།། བུམ་ཐང་ཆོས་ཀྱི་གླིང་ལ།། བསོད་ན་ལ་ལྟ་འབངས་མཛོད།། འབངས་མཛོད་ལ་མེ་ཏོག་རེ་རེ་འཁྲུངས།། ལྕང་ཐང་གླིང་ལྟ་གླིང་ལ།། གླིང་སེ་མ་ལ་རུ་རུ།། གླིང་སེ་ལ་མེ་ཏོག་རེ་རེ་འཁྲུངས།། །།

ཨ་སྔོན་ལྷ་རི་ཡག་ག།

༉ ཨ་སྔོན་ལྷ་རི་ཡག་ག། ཉི་ཟླ་ལྷ་རི་འདྲ་ཟེར་ཞིང་།། སོ་ཡ་ལ།། ལྷ་དར་དཀར་པོའི་རྒྱང་གྲགས།། འཛོམས་པ་ལྷ་ས་ཁྲ་མོ་གླིང་གི་ས་ཆགས།། གཤོག་སྒྲོ་པདྨ་འདབ་བརྒྱད།། འགྲོ་བའི་མཆོད་པ་ཕུལ་ཟེར་ཞིང་།། སོ་ཡ་ལ།། ལྷ་དར་དཀར་པོའི་རྒྱང་གྲགས།། འཛོམས་པ་ལྷ་ས་ཁྲ་མོ་གླིང་གི་ས་ཆགས།། གངས་སྟོད་ལྷ་རི་ཡག་ག། སེང་ཆེན་ལྷ་རི་འདྲ་ཟེར་ཞིང་།། སོ་ཡ་ལ།། ལྷ་དར་དཀར་པོའི་རྒྱང་གྲགས།། འཛོམས་པ་ལྷ་ས་ཁྲ་མོ་གླིང་གི་ས་ཆགས།། སེང་ཕྲུག་པདྨ་འདབ་བརྒྱད།། འགྲོ་བའི་མཆོད་པ་ཕུལ་ཟེར་ཞིང་།། སོ་ཡ་ལ།། ལྷ་དར་དཀར་པོའི་རྒྱང་གྲགས།། འཛོམས་པ་ལྷ་ས་ཁྲ་མོ་གླིང་གི་ས་ཆགས།། སྤང་སྟོད་ལྷ་རི་ཡག་ག། ཤ་རྒྱལ་ལྷ་རི་འདྲ་ཟེར་ཞིང་།། སོ་ཡ་ལ།། ལྷ་དར་དཀར་པོའི་རྒྱང་གྲགས།། འཛོམས་པ་ལྷ་ས་ཁྲ་མོ་གླིང་གི་ས་ཆགས།། ཤ་ཕྲུག་པདྨ་འདབ་བརྒྱད།། འགྲོ་བའི་མཆོད་པ་ཕུལ་ཟེར་ཞིང་།། སོ་ཡ་ལ།། ལྷ་དར་དཀར་པོའི་རྒྱང་གྲགས།། འཛོམས་པ་ལྷ་ས་ཁྲ་མོ་གླིང་གི་ས་ཆགས།། མཚོ་སྟོད་ལྷ་རི་ཡག་ག། ཉ་མོ་ལྷ་རི་འདྲ་ཟེར་ཞིང་།། སོ་ཡ་ལ།། ལྷ་དར་དཀར་པོའི་རྒྱང་གྲགས།། འཛོམས་པ་ལྷ་ས་ཁྲ་མོ་གླིང་གི་ས་ཆགས།། ཉ་ཆུང་པདྨ་འདབ་བརྒྱད།། འགྲོ་བའི་མཆོད་པ་ཕུལ་ཟེར་ཞིང་།། སོ་ཡ་ལ།། འཛོམས་པ་ལྷ་ས་ཁྲ་མོ་གླིང་གི་ས་ཆགས།། རྫོང་སྟོད་ལྷ་རི་ཡག་ག། དབང་ཆེན་ལྷ་རི་འདྲ་ཟེར་ཞིང་།། སོ་ཡ་ལ།། ལྷ་དར་དཀར་པོའི་རྒྱང་གྲགས།། འཛོམས་པ་ལྷ་ས་ཁྲ་མོ་གླིང་གི་ས་ཆགས།། དབང་ཆེན་པདྨ་འདབ་བརྒྱད།། འགྲོ་བའི་མཆོད་པ་ཕུལ་ཟེར་ཞིང་།། སོ་ཡ་ལ།། ལྷ་དར་དཀར་པོའི་རྒྱང་གྲགས།། འཛོམས་པ་ལྷ་ས་ཁྲ་མོ་གླིང་གི་ས་ཆགས།། ནགས་སྟོད་ལྷ་རི་ཡག་ག། སྟག་མོ་ལྷ་རི་འདྲ་ཟེར་ཞིང་།། སོ་ཡ་ལ།། ལྷ་དར་དཀར་པོའི་རྒྱང་གྲགས།། འཛོམས་པ་ལྷ་ས་ཁྲ་མོ་གླིང་གི་ས་ཆགས།། སྟག་མོ་པདྨ་འདབ་བརྒྱད།། འགྲོ་བའི་མཆོད་པ་ཕུལ་ཟེར་ཞིང་།། སོ་ཡ་ལ།། ལྷ་དར་དཀར་པོའི་རྒྱང་གྲགས།། འཛོམས་པ་ལྷ་ས་ཁྲ་མོགླིང་གི་ས་ཆགས།། །།

ཨ་དག་ལེགས་ཨེ།

༉ ཨ་དག་ལེགས་ཨེ།། དགུངས་སངས་ཡས་ཀྱི་ཡངས་ལུགས་ཤིག་ལ་བལྟས་ན།། གསུངསྒྲོལ་མ་ལ།། རྫོང་ཆེན་ཞིག་རྒྱབ་ན་མི་ཡོང་བསམ་པ་མིན་འདུག། ཨ་དག་ལེགས་ཨེ།། འདི་འདྲའི་དགུང་ལ་རྫོང་ཆེན་ཡ་ལ་མི་རྒྱབ།། གསུང་སྒྲོལ་མ་ལ།། ཁྲི་གདུགས་ཉི་མའི་ཐུགས་དང་ཡ་ལ་འགལ་འགྲོ།། ཨ་དག་ལེགས་ཨེ།། གངས་སྟོད་ཡས་ཀྱི་མཐོ་ལུགས་ཤིག་ལ་བལྟས་ན།། གསུང་སྒྲོལ་མ་ལ།། དགོན་པ་ཅིག་རྒྱབ་ན་མི་ཡོང་བསམ་པ་མིན་འདུག། ཨ་དག་ལེགས་ཨེ།། འདི་འདྲའི་གངས་ལ་དགོན་པ་ཡ་ལ་མི་རྒྱབ།། གསུང་སྒྲོལ་མ་ལ།། སེང་ཆེན་དཀར་མོའི་ཐུགས་དང་ཡ་ལ་འགལ་འགྲོ།། ཨ་དག་ལེགས་ཨེ།། སྤང་གཤོང་ཕས་ཀྱི་བདེ་ལུགས་ཤིག་ལ་བལྟས་ན།། གསུང་སྒྲོལ་མ་ལ།། ལྷས་རྭ་ཅིག་རྒྱབ་ན་མི་ཡོང་བསམ་པ་མིན་འདུག། ཨ་དག་ལེགས་ཨེ།། འདི་འདྲའི་སྤང་ལ་ལྷས་ར་ཡ་ལ་མི་རྒྱབ།། གསུང་སྒྲོལ་མ་ལ།། ཤཝ་རྒོད་རྭ་བཅུའི་ཐུགས་དང་ལ་འགལ་འགྲོ།། ཨ་དག་ལེགས་ཨེ།། ནགས་སྟོད་ཡས་ཀྱི་མཐུག་ལུགས་ཤིག་ལ་བལྟས་ན།། གསུང་སྒྲོལ་མ་ལ།། སྒོམ་པ་གཅིག་རྒྱབ་ན་མི་ཡོང་བསམ་པ་མིན་འདུག།། ཨ་དག་ལེགས་ཨེ།། འདི་འདྲའི་ནགས་ལ་སྒོམ་པ་ཡ་ལ་མི་རྒྱབ།། གསུང་སྒྲོལ་མ་ལ།། སྟག་མོའི་རིས་མཛེས་ཐུགས་དང་ཡ་ལ་འགལ་འགྲོ།། ཨ་དག་ལེགས་ཨེ།། མཚོ་སྟོད་མས་ཀྱི་ཆེ་ལུགས་ཤིག་ལ་བལྟས་ན།། གསུང་སྒྲོལ་མ་ལ།། ཟམ་པ་ཅིག་བཙུགས་ན་མི་ཡོང་བསམ་པ་མིན་འདུག། ཨ་དག་ལེགས་ཨེ།། འདི་འདྲའི་མཚོ་ལ་ཟམ་པ་ཡ་ལ་མི་བཙུགས།། གསུང་སྒྲོལ་མ་ལ།། སེར་མིག་ཉ་མོའི་ཐུགས་དང་ཡ་ལ་འགལ་འགྲོ།། །།

ཨ་ཞེ་སྐུ་གཟུགས་ཙཱ་རི་སྨྱུག་མ།

༉ ཨ་ཞེ་སྐུ་གཟུགས་ཙཱ་རི་སྨྱུག་མ་འདྲ།། ཙཱ་རི་སྨྱུག་མ་ལྷ་ཆོས་ག་ནས་ཡོང་།། ཙཱ་རི་སྨྱུག་མ་ཚེ་སྔོན་ལས་ཀྱིས་བསྐོས།། བླ་མ་འདི་འདྲ་མ་གསུངས་ཆོས་ཤིག་གནང་།། ཨ་ཞེ་དབུ་སྐྲ་སེར་ལིང་ལྗང་པ་འདྲ།།སེར་ལིང་ལྗང་པ་ལྷ་ཆོས་ག་ནས་ཡོང་།། སེར་ལིང་ལྗང་པ་ཚེ་སྔོན་ལས་ཀྱི་བསྐོས།། བླ་མ་འདི་འདྲ་མ་གསུངས་ཆོས་ཤིག་གནང་།། ཨ་ཞེ་ཞལ་ནི་དཀར་གསལ་ཟླ་བ་འདྲ།། དཀར་གསལ་ཟླ་བ་ལྷ་ཆོས་ག་ནས་ཡོང་།། དཀར་གསལ་ཟླ་བ་ཚེ་སྔོན་ལས་ཀྱིས་བསྐོས།། བླ་མ་འདི་འདྲ་མ་གསུངས་ཆོས་ཤིག་གནང་།། ཨ་ཞེ་ཕྱག་ནི་དུང་དཀར་གཡས་འཁྱིལ་འདྲ།། དུང་དཀར་གཡས་འཁྱིལ་ལྷ་ཆོས་ག་ནས་ཡོང་།། དུང་དཀར་གཡས་འཁྱིལ་ཚེ་སྔོན་ལས་ཀྱིས་བསྐོས།། བླ་མ་འདི་འདྲ་མ་གསུངས་ཆོས་ཤིག་གནང་།། ཨ་ཞེ་སྐེད་ཚིགས་རྡོ་རྗེ་དྲིལ་བུ་འདྲ།། རྡོ་རྗེ་དྲིལ་བུ་ལྷ་ཆོས་ག་ནས་ཡོང་།། རྡོ་རྗེ་དྲིལ་བུ་ཚེ་སྔོན་ལས་ཀྱིས་བསྐོས།། བླ་མ་འདི་འདྲ་མ་གསུངས་ཆོས་ཤིག་གནང་།། ཨ་ཞེ་ཞབས་ནི་རླུང་གི་འཁོར་ལོ་འདྲ།། རླུང་གི་འཁོར་ལོ་ལྷ་ཆོས་ག་ནས་ཡོང་།། རླུང་གི་འཁོར་ལོ་ཚེ་སྔོན་ལས་ཀྱིས་བསྐོས།། བླ་མ་འདི་འདྲ་མ་གསུངས་ཆོས་ཤིག་གནང་།། །།

ཨ་ཞེ་སྣང་ས་དལ་འབྱོར་མི་ལུས་འདི།

༉ ཨ་ཞེ་སྣང་ས་དལ་འབྱོར་མི་ལུས་འདི།། ཤར་སྤང་རི་ལོགས་ཀྱི་འཇའ་ཚོན་འདྲ།། འཇའ་ཁ་དོག་མཚར་ཀྱང་སྙིང་པོ་མེད།། སྙིང་པོ་ཡོད་པ་དམ་པའི་ལྷ་ཆོས་ཞུ།། དགའ་བའི་དུས་སུ་དགའ་ངོ་མ་ཤེས་ན།། དལ་འབྱོར་མི་ལུས་ཐོབ་ཀྱང་སྟོང་ལོག་རེད།། བུ་མོར་ཨ་མས་གནང་བའི་་ཞལ་བཞེས་ཡོད།། དབུ་དཔྲོག་དམར་པོ་གནང་བའི་ཞལ་བཞེས་ཡོད།། བུ་མོ་ལ་མི་གཡུས་འགྲིམ་ལ་དུས་ལ་མ་གནང་ན།། སྣང་ས་ལྷ་ཆོས་ཞུ་དུས་དགོས་པ་མེད།། །།

ཨ་ཧོ་བཀྲིས་གཡང་ཆགས།

༉ ཨ་ཧོ་བཀྲིས་གཡང་ཆགས།། ཨ་ཧོ་སྐྱིད་པའི་གླུ་ལེན།། ཤར་ཕྱོགས་རི་བོའི་རྩེ་ལས།། ཁྲི་གདུགས་ཉི་མ་ཤར་ཡོད།། ཉི་ཟེར་འོད་ཀྱི་འབུམ་ཕྲག། རྒྱལ་ཁམས་ཀུན་ལ་ཁྱབ་སོང།། གླིང་བཞི་གྲང་བའི་སྡུག་བསྔལ།། ཉི་ཟེར་འོད་ཀྱིས་སེལ་སོ།། ཨ་ཧོ་བཀྲིས་གཡང་ཆགས།། ཨ་ཧོ་སྐྱིད་པའི་གླུ་ལེན།། ལྷོ་ཕྱོགས་རི་བོའི་རྩེ་ལས།། ཙན་དན་སྡོང་པོ་འཁྲུངས་ཡོད།། མི་རྣམས་སྤོས་མེད་སྡུག་བསྔལ།། ཙན་དན་དྲི་ཡིས་སེལ་ལོ།། ཨ་ཧོ་བཀྲིས་གཡང་ཆགས།། ཨ་ཧོ་སྐྱེད་པའི་གླུ་ལེན།། ནུབ་ཕྱོགས་རི་བོའི་རྩེལས།། ཞོ་ཤེལ་ཟླ་བ་ཤར་ཡོད།། མི་རྣམས་མུན་པའི་སྡུག་བསྔལ།། ཞོ་ཤེལ་འོད་ཀྱིས་སེལ་ལོ།། །།

ཨེ་མ་སྨོན་ལམ་དབང་གིས།

༉ ཨེ་མ་སྨོན་ལམ་དབང་གིས།། ལྷན་གཅིག་འཛོམས་པའི་གཞོན་ནུ།། ལྷ་ལས་ལྷག་པའི་མི་ལུས།། ཆོས་མེད་སྟོང་ལོག་མ་མཛད།། ལས་དང་སྐལ་བ་ལྡན་ཚེ།། ལྷ་གཅིག་ཨྱོན་པདྨར།། དགའ་དང་གུས་པའི་སྒོ་ནས་།། གསོལ་འདེ་བས་གླུ་གཞས་ཕུལ་ཤོག། པདྨ་འོད་ཀྱི་ཕོ་བྲང་།། ངོ་མཚརའབུམ་གྱིས་བཀོད་པ།། དག་པའི་མིག་གིས་མཇལ་ཚེ།། ཐག་རིང་རྒྱང་ན་མ་རེད།། ལས་དང་སྐལ་བ་ལྡན་ཚེ།། ལྷ་གཅིག་ཨྱོན་པདྨར།། དགའ་དང་གུས་པའི་སྒོ་ནས་།། གསོལ་འདེ་བས་གླུ་གཞས་ཕུལ་ཤོག། དུས་གསུམ་རྒྱལ་བའི་ཞལ་སྐྱིན།། ཡབ་གཅིག་ཨོ་རྒྱན་པདྨ།། སྙིང་ནས་དྲན་པའི་གདུང་དབྱངས།། ནམ་ཡང་སངས་རྒྱུ་མིན་འདུག། །།

ཨེ་མོ་ཅིག་ལས།

༉ ཨེ་མོ་ཅིག་ལས།། ལ་མོ་ནི་གཅིག་བརྒལ་གཉིས་བརྒལ་ལ།། ཨེ་མོ་ཅིག་ལས།། སྒོར་སྒོར་ལ་མོ་བརྒལ་ཡོད་ལ།། ཨེ་མོ་གཅིག་ལས།། ལ་མོ་ནི་སྒོར་སྒོར་ལ་མོ་ལ།། ཨེ་མོ་ཅིག་ལས།། རྟ་པོས་མི་འགྲོ་གསུང་གི་ལ།། ཨེ་མོ་ཅིག་ལས། རྟ་འདི་ནི་དཀར་པོའི་ལོགས་ལ།། ཨེ་མོ་ཅིག་ལས།། གཡེར་ག་སིར་སིར་བཏགས་ཡོད་ལ།། ཨེ་མོ་ཅིག་ལས།། དུས་གསུམ་དུས་ལ་བཞུགས་པའི་ལ།། ཨེ་མོ་ཅིག་ལས།། ཁམས་བཟང་ཨ་མ་ཇོ་མོ་ལ།། ཨེ་མོ་ཅིག་ལས།། གཡས་ལ་དཔའ་བོ་བཞུགས་ཡོད་ལ།། ཨེ་མོ་ཅིག་ལས།། གཡོན་ལ་དཔའ་མོ་ཞུགས་ཡོད་ལ།། ཨེ་མོ་ཅིག་ལས།། བསྐོར་ར་གཡས་གཡོན་བསྐོར་ན་ལ།། ཨེ་མོ་ཅིག་ལས། ལུས་ཀྱི་སྒྲིབ་པ་དག་ཡོད་ལ།། ཨེ་མོ་ཅིག་ལས།། །།

ཨོ་ལོ་གཞོན་པ་མི་ཕྱིན་གཞོན་པ་ཕྱིན།

༉ ཨོ་ལོ་གཞོན་པ་མི་ཕྱིན་གཞོན་པ་ཕྱིན།། གཞོན་པ་སྟེང་ཕྱོགས་ལྷ་ལུ་ཕྱིན།། ལྷ་ཡི་དབང་པོ་བརྒྱ་བྱིན་ལན་ཅིག་མཇལ།། ལྷ་ཡི་དབང་པོ་བརྒྱ་བྱིན་ལན་གཉིས་མཇལ།། ལྷ་ཡི་དབང་པོ་བརྒྱ་བྱིན་ལན་གསུམ་མཇལ།། ཕར་ལ་གསེར་གྱི་ཟམ་པ་བཙུགས།། གསེར་གྱི་ཟམ་པ་འགྱུར་ལྡོག་མེད།། ཚུར་ལ་གཡུ་ཡི་ལྡུམ་ར་བཙུགས།། གཡུ་ཡི་ལྡུམ་ར་རྒྱུན་ཆད་མེད།། ཨོ་ལོ་གཞོན་པ་མི་གཞོན་པ་ཕྱིན།། གཞོན་པ་བར་ཕྱོགས་བཙན་ལུ་ཕྱིན།། བཙན་ཡ་བ་སྤུན་བདུན་ལན་གཅིག་མཇལ།། བཙན་ཡ་བ་སྤུན་བདུན་ལན་གཉིས་མཇལ།། བཙན་ཡ་བ་སྤུན་བདུན་ལན་གསུམ་མཇལ།། ཕར་ལ་གསེར་གྱི་ཟམ་པ་བཙུགས།། གསེར་གྱི་ཟམ་པ་འགྱུར་ལྡོག་མེད།། ཚུར་ལ་གཡུ་ཡི་ལྡུམ་ར་ར་བཙུགས།། གཡུ་ཡི་ལྡུམ་ར་རྒྱུན་ཆད་མེད།། ཨོ་ལོ་གཞོན་པ་མི་གཞོན་པ་ཕྱིན།། གཞོན་པ་འོག་ཕྱོགས་ཀླུ་ལུ་ཕྱིན།། ཀླུ་གཙུག་ན་རིན་ཆེན་ལན་གཅིག་མཇལ།། ཀླུ་གཙུག་ན་རིན་ཆེན་ལན་གཉིས་མཇལ།། ཀླུ་གཙུག་ན་རིན་ཆེན་ལན་གསུམ་མཇལ།། ཕར་ལ་གསེར་གྱི་ཟམ་པ་བཙུགས།། གསེར་གྱི་ཟམ་པ་འགྱུར་ལྡོག་མེད།། ཚུར་ལ་གཡུ་ཡི་ལྡུམ་ར་ར་བཙུགས།། གཡུ་ཡི་ལྡུམ་ར་རྒྱུན་ཆད་མེད།། །།

ཨོཾ་ཅིག་ཟེར་ལ།

༉ ཨོཾ་ཅིག་ཟེར་ལ། དྷ་ན་ཀོ་ཤའི་མཚོ་ལས་ཤིང་ཅིག་འཁྲུངས།། ཤིང་མོ་འདི་ཡང་པདྨའི་སྡོང་པོ་འཁྲུངས།། ཨོཾ་ཅིག་ཟེར་ལ། མེ་ཏོག་པདྨ་མཐོ་ཤིང་ཡངས་པའི་རྩེ།། འདི་ལ་ཡ་མཚན་ཆེ་བའི་སྐུ་ཅིག་འཁྲུངས།། ཨོཾ་ཅིག་ཟེར་ལ། ཞབས་ནི་ལ་རྡོ་རྗེ་ལའི་སྐྱིལ་ཀྲུང་བཞུགས།། མཚན་ཡང་ཨྱོན་པདྨ་འབྱུང་གནས་ཞུ།། ཨོཾ་ཅིག་ཟེར་ལ། ཕྱག་གཡས་གསེར་གྱི་རྡོ་རྗེ་རྩེ་ལྔ་བསྣམས།། ཕྱག་གཡོན་ཕྱེ་མར་བདུད་རྩི་གང་བ་བསྣམས།། ཨོཾ་ཅིག་ཟེར་ལ། སྤྱན་གཟིགས་པ་འཛམ་གླིང་ཡོངས་ལ་གཟིགས།། ཐུགས་ཡང་ལས་འཕྲོ་བྱིན་གྱིས་བརླབས་པར་སྒོམས།། ཨོཾ་ཅིག་ཟེར་ལ། རྒྱུ་ནོར་ཟས་གསུམ་སྙིང་གིས་ཕུལ།།སྙན་པའི་གླུ་དང་དབྱངས་ཀྱི་ལའི་མཆོད་པ་ཕུལ།། ཨོཾ་ཅིག་ཟེར་ལ། བདག་དང་ལ་འགྲོ་བ་སེམས་ཅན་རྣམས།། ཕྱི་མ་ཟངས་མདོག་དཔལ་རིར་འདྲངས་བར་ཤོག། །།

Reference

ཀུན་བཟང་རྡོ་རྗེ། གླུ་དེབ། རྒྱལ་གཞུང་ཟློས་གར་སློབ་སྦྱོང་ལྟེ་བ། ཐིམ་ཕུག།

ཀུན་བཟང་སྟོབས་རྒྱས་དང་མ་ནི་རྡོ་རྗེ། ༢༠༡༧ འབྲུག་གི་གླུ་དེབ། དཔལ་འབྲུག་ཞིབ་འཇུག་ལྟེ་བ། ཐིམ་ཕུག།