ལྕང་སྒང་ཁ་ལྷ་ཁང་།

Wikipedia ལས།

ལྕང་སྒང་ཁ་ལྷ་ཁང་།[ཞུན་དག།]

༉ ཆུང་སྟོབས་ཅན་གྱི་ལྕང་སྒང་ཁ་ལྷ་ཁང་འདི་ ཐིམ་ཕུག་ལྟེ་བའི་རྒྱབ་ཁར་སྤོ་ཏོ་གུར་ཆགས་ཏེ་ཡོདཔ་ཨིན། དུས་རབས་ ༡༣་པ་ཡངན་༡༤་པའི་ནང་བཞེངས་ཡོད་པའི་ ལྷ་ཁང་རྙིང་ཤོས་ཅིག་ཨིན། ལྷ་ཁང་འདི་གི་གཞི་འགྱམ་དང་ཆ་ཤས་ཚུ་གནམ་མེད་ས་མེད་རྙིང་ཤོས་ཨིནམ་དང་ དེ་ཡང་ དུས་ཧེ་མ་དུས་རབས་༡༧པའི་ནང་ཞབས་དྲུང་ངག་དབང་རྣམ་རྒྱལ་གྱི་འབྲུག་རྒྱལ་ཁབ་གཅིག་གྱུར་གནང་པའི་སྐབས་ལས་རང་ཡོད་ཨིན་མས། ལྷ་ཁང་འདི་ནང་ དུས་ཚོད་མང་ཤོས་ཅིག་རང་ཕམ་ཚུ་གིས་རང་སོའི་་ཨ་ལུ་འཁྱིད་དེ་ ཐིམ་ཕུག་འཇིག་མེད་རྡོ་རྗེ་དབང་ཕྱུག་གཙོ་སྟོན་སྨན་ཁང་ནང་སྐྱེ་མིའི་ཨ་ལུ་ཚུ་གི་ཆོས་སྲུང་དང་སྐྱོབས་དགོན་ དགེ་བསྙེན་དོམ་ཙང་པ་ལས་དབང་ཞུ་ནིའི་དོན་ལུ་འོང་དོ་ཡོདཔ་ཨིན་མས།

རྒྱལ་རབས།[ཞུན་དག།]

ལྕང་སྒང་ཁ་ལྷ་ཁང་འདི་ འབྲུག་པ་བཀའ་བརྒྱུད་ཀྱི་བསྟན་པ་འབྲུག་གསལ་སྟོད་མཛད་གནང་མི་དང་སྤྱན་རས་གཟིགས་ཀྱི་རྣམ་སྤྲུལ་ ཕ་ཇོ་འབྲུག་སྒོམ་བཞི་པོའི་སྲས་ཉི་མ་གིས་དུས་རབས་༡༣ པའི་ནང་གཞི་བཙུགས་མཛད་གནང་ནུག། ལྷ་ཁང་གི་ནང་རྟེན་ཡང་ མགུ་ཏོ་༡༡་དང་ལགཔ་ལེ་ཤ་ཡོད་སྤྱན་རས་གཟིགས་ཀྱི་ངོ་བོ་ རང་བྱུང་ཐུགས་རྗེ་ཆེན་པོའི་ལི་མདོག་ཅན་གྱི་སྐུ་འདྲ་སྦོམ་ས་ཁར་བཞུགས་ཏེ་ཡོདཔ་ཨིན། ནང་རྟེན་འདི་ འབྲུག་སྒོམ་བཞི་པོ་གི་ཡིད་དམ་ཨིནམ་མ་ཚད་ མི་ལ་ལུ་གིས་འབད་བ་ཅིན་རང་བྱུང་སྦེ་བྱོན་བྱོནམ་ཨིན་ཟེར་བཤདཔ་ཨིན་པས། ཨིན་རུང་ ལ་ལུ་གིས་འབད་བ་ཅིན་ བཟོ་བོ་གཞན་དང་འདྲཝ་ཎེ་ཝ་ཟེར་མི་གིས་ ལྷ་ཁང་འདི་བཞེངས་པའི་སྐབས་བཟོ་བཟོཝ་ཨིན་ཟེར་བཤདཔ་ཨིན་པས བཟོ་བཀོད།
ལྕང་སྒང་ཁ་ལྷ་ཁང་འདི་ ཐིམ་ཕུག་ཁ་མར་ཁ་ཐུག་འོངམ་ད་ སྤོ་ཏོ་གུར་ཆགས་ཏེ་ཡོད། སྤོ་ཏོའི་མཇུག་ལུ་ ཁྱིམ་གཉིས་ཡོད་ས་ལས་ ལྷ་ཁང་ངོ་མ་འདི་ཤར་ཕྱོགས་ ཐིམ་ཕུག་གི་ཕྱོགས་ལུ་ཡོདཔ་དང་ནུབ་ཕྱོགས་ལུ་མགོན་ཁང་ཡོད། གཞན་མི་ཁྱིམ་ནང་དགེ་སློང་ཚུ་དང་དཀོན་གཉེར་སྡོད་སའི་ཁྱིམ་སྦེ་ཡོད་མི་འདི་ཕར་ཁ་ཐུག་ལུ་ཡོདཔ་ཨིན། ཁྱིམ་སྐོར་ར་རྐྱབ་ཏེ་ཡོད་པའི་ཕྱོགས་གསུམ་ལས་ ལྷ་ཁང་སྐོར་ར་རྐྱབ་སའི་ལམ་བཟོ་སྟེ་ཡོད། ལྷ་ཁང་ངོ་མ་གི་ཟུར་གེ་ར་ནང་རྡོ་ནག་གུར་ ནང་པ་སངས་རྒྱས་དང་འབྲུག་པ་བཀའ་བརྒྱུད་པའི་བླ་མ་ཚུ་གི་བརྡ་མཚོན་ལུ་མ་ནི་ལག་འཁོར་དང་སྐྱོབས་མགོན་ཚུ་གི་སྐུ་པར་ཚུ་སྦྱར་ཏེ་ཡོད།
ལྷ་ཁང་ནང་ཕྱོགས་འདི་ ལས་ཚན་གཉིས་སྦེ་དབྱེ་སྟེ་ཡོད། ཤར་ཕྱོགས་ཁ་ཐུག་སྐུ་འདྲ་གཙོ་བོ་ གསུངས་རབ་དང་གཞན་རྗེས་ཤུལ་དངོས་པོ་ཚུ་ མི་དམངས་ལུ་མཇལ་ཁ་མེད་རུང་ སྐུ་འདྲ་གཙོ་བོ་འདི་ བླ་མ་ཚུ་གིས་གསོལ་མཆོད་དང་ཁ་མཐུན་གནང་ས་ལས་མཇལ་ཚུགས། ལྷ་ཁང་མཇལ་བ་འོངམ་ད་ སྒྲིག་མཐུན་གྱི་གྱོན་ཆས་ནང་འོངམ་དགོཔ་ཨིན། རྡོ་ཆལ་གྱི་གདོང་སྐོར་ཏེ་ལྷ་ཁང་གཙོ་བོ་ཕྱོགས་ལུ་ཡོད་མི་གིས་ མཚོ་སྨན་གྱི་གནས་ཁང་ཨིན། འ་ནི་ལྷ་ཁང་འདི་ ཁྲོ་བོ་སྦེ་ཡོད་མི་ཐིམ་ཕུག་ལུ་སྐྱེས་མི་ཨ་ལུ་ཚུ་གི་སྐྱབས་མགོན་དགེ་བསྙེན་དོམ་ཙང་པ་ཟེར་མི་གི་གནས་ཁང་ཨིན། དེ་བཟུམ་སྦེ་ ལྷ་ཁང་འདི་ནང་ཡིད་དམ་ལྷ་ཚོགས་ཀྱི་སྐུ་འདྲ་དང་ གྱང་གུར་གྱལ་ཁབ་ནང་གི་ལྡེབས་རིས་རྙིང་ཤོས་ཚུ་ཡང་ཡོདཔ་ཨིན། ཨིན་རུང་ ལྷ་ཁང་ནང་འཛུལ་ནི་འདི་འབྲུག་པའི་ཕོ་སྐྱེས་ཚུ་རྐྱངམ་ཅིག་མས། ལྷ་ཁང་གི་རྒྱབ་ལས་མར་ ཐིམ་ཕུག་ཁ་ཐུག་ལུ་འབབ་ནིའི་ལམ་ཡོད་ས་ལས་མཆོད་རྟེན་ཆུང་ཀུ་མང་རབས་ཅིག་ཡོདཔ་ཨིན། དེ་ཁ་ལས་ ཐིམ་ཕུག་ཁྲོམ་འདི་ མཐོང་གསལ་ཆེ་ཏོག་ཏོ་སྦེ་མཐོང་ཚུགསཔ་ཨིན།

དུས་སྟོན།[ཞུན་དག།]

རང་ཟླ་༩པའི་ ཚེས་༡༢ ལས་༡༤ ཚུན་ཉིནམ་གསུམ་གྱི༌རིང༌ལུ༌ རྡོ་གཅལ་ཆུང་ཀུ་ནང་སྐུ་འཆམ་གནངམ་ཨིན། ལོ་བསྟར་བཞིན་ སྒོམ་ཆེན་ཚུ་ཕོབ་སྦྱིས་ཁ་སྒོར་སྒོ་ན་སྒྲུབ་སྡེ་ལྟེ་བ་འོངས་ཏེ་ ལྷ་ཁང་འདི་ནང་ཡོད་པའི་བཀའ་འགྱུར་གསེར་བྲིས་མ་ པོ་ཏི་བརྒྱ་ལྷགཔ་ཅིག་ཡརོད་མི་འདི་ལྷགཔ་ཨིན་མས།

ཁུངས་གཏུག།[ཞུན་དག།]

Wikipedia contributors. (2021). Changangkha_Lhakhang. In Wikipedia, The Free Encyclopedia. Retrieved from https://en.wikipedia.org/wiki/Changangkha_Lhakhang